發記甜品 (已結業)

大鄉里都係第一次食發記, 原來它的榴槤係好出名的. 何以見得?! 一入舖, 初時無咩特別, 店員引領我們一路行入去...oh...點解越來越臭架....不吃榴槤的我, 今次可糟了, 進入了一個榴槤飄飄之地. 救命呀! 好啦! 實行, 你有你臭, 我有我食! 快速點了個芒果酥皮, oh, 不好了, 要等15 分鐘, 邊等邊不耐煩....唯有跟友人投入點傾談, 忘卻這惡臭!好不容易, 終等到我的芒果酥皮, 賣相十分精美, 酥皮卷切成幾條, 砌成一小山丘. 再在上面舖上糖霜, 好有白雪蓋地的感覺, 再伴以小士多啤梨在旁.... 唔講啦, 即刻試下先, 個芒果幾甜喎, 但熱咗, 始終會有點點變酸, 其實選香蕉才係上策, 但見只差兩蚊, 芒果當然吸引點啦! 個酥皮焗得剛好, 香脆, 可惜薄了點...若裡面加點蛋糕, 我想會更充實點....加多個雪糕, 冰火之下, 就很完美啦!

都係見到食評話楊支甘露好食就去左試..!!楊支甘露($26)還可以啦..配料多多..但好鬼酸(我都幾鬼食得酸下架啦)男友叫左個豆腐花+黃金露($23)..最大問題係呢度啦..佢d豆腐花好似水咁..果d黃金露就真係一d黃色甜甜地既水姐..食落口一d口感都冇..用$23食一碗咁既野..一d都唔抵..唔會再去!

前幾日同朋友黎食好鐘意佢既芒果pancake不過朋友食既綠豆沙西米露就太淡環境好嘈同幾逼所以食完好快就走

我的評語--->飯後佳品必是甜品啦!!!點了:1. 芒果糯米糍,芒果不酸,已是好味的了,發記還做到有糯米糍的口感,不錯不錯2. 哈密瓜西米露,這個麻麻地,哈密瓜不夠甜,加上不知是否放了一舊乾冰的關係,令到太凍影響了味道3. 酥皮香蕉卷,是一道熱的甜品,真是外脆內暖,很少會試過食熱的香蕉,但發記做得很不錯不得不提的,是本人很頂不順榴槤味道的,當一入店內時,確實很頂不順,但當坐下不久,哈,很奇怪,不知是習慣了還是什麼,竟然不覺難聞,所以喜歡甜品但又怕榴槤味的,也不妨入店內一試啊

同朋友吃飽飯黎到鼓油街對面既發記照舊要等一陣位今次小弟照舊叫了榴槤飄香朋友們叫了 芒果pancake, 芝麻糊, 芒果布甸芒果pancake都幾好味 我偷吃了一件榴槤飄香唔係我hard sell 喜歡榴槤既你 一定唔可以錯過

發記同滿記既糖水其實都唔差 , 不過前者就比較多特別既甜品款式 , 今次就去左排下發記條龍 , 試下d新口味。 酥皮香蕉卷 ~ 真係好味道 , 酥皮唔油而且好簿 , 香蕉雖然係暖暖地 , 但係唔會因為咁而變酸 , 加埋朱古醬一齊食好match。 酥皮榴槤卷 ~ 呢個係友人點既 , 酥皮質感同我個甜品一樣 , 只不過係入面換成榴槤 , 成陣濃郁既榴槤味道傳入鼻 , 好彩我未嚴重到唔聞得榴槤味ja , 唔係一定會暈低 , 不過友人就食得津津樂道 , 一直讚好食。

今天終於來到旺角的發記點了一碗"薑汁蓮子清心丸"沒吃過喔~哇薑汁夠薑蓮子有甜清心丸口感很像台灣的一種脆圓台灣人會把脆圓放入熱的花生湯 或是湯圓裡非常好吃嗯暖了胃也暖了心*價格跟滿記有得拚不過有特別的東西可以吃 *

原來發記有一個月無新食評等我幫你手寫個新既先~ ;>今日約了朋友食野揀了好耐 我最後要求到發記!因為係lunch hour, 所以裡面只得我地兩丁友!order了榴槤糯米卷, 栗子糊加湯圓, 楊枝金露。好快便上台栗子糊明明出煙, 但吃進口不熱栗子糊雖滿滑的, 但味道淡了點, 像是溝水之作, 又細碗兩粒湯圓皮厚了點, 麻茸不夠香, 整體上我只能給50分, 但卻賣$22大元, 我覺得不值一試。朋友的楊枝金露平平, 好多芒果, 但價錢也是偏貴($26)最後的榴槤糯米卷, 是我們最滿意的!榴槤幾新鮮, 糯米皮又不會太厚, 剛剛好。這$38付得最樂意(其實不用我付錢xd)只是我不知吃了多少Calories下肚...><

既然是2007年OR 最優秀甜品店之一，主人與奴隸獸路經，不妨入內幫襯試試，點了：1. 招牌楊枝甘露（HK$26）：味道只是普普通通，但最令人印象深刻的，是芒果肉的份量勁多，食後有少少飽肚的感覺。2. 焗榴槤酥皮卷（HK$37）：遠遠就嗅到牛油酥皮及榴槤的香味，酥皮鬆脆，與滑綿綿的榴槤肉一起進食，味道及口感甚佳，但份量不大，售價三十七個大洋，略嫌貴了一些。

可憐既我,最近因為同女友炒鑊勁,以致成日一條冷食野,終日流蓮街頭!雖然心情普通,但係都食到一碗不錯既楊枝甘露,芒果夠大塊,加埋份量幾多吓既西柚肉同埋又係份量幾多吓既西米,整體感覺成碗野好似好多野,幾抵食最重要係多得嚟唔難食,所有材料配合得唔錯,而且成碗楊枝甘露唔會太甜,都唔會太酸做人,都只係想簡簡單單,知足常樂

雜果大菜糕-一個大透明膠杯上,最頂有粒巨型士多啤梨,大菜糕入面有蜜爪,哈蜜爪,西瓜,最底有好大塊芒果.可惜個汁只係花奶.榴槤飄香-榴槤都係唔夠靚,唔夠林,一pat pat的感覺欠俸.但係當兩者cross over的話...你一定要試下...值回票價!!

本身唔係特別鍾意去甜品屋覺得糖水呢D野supposed係好平唔值錢但又賣到幾廿蚊碗比佢淨袋既$難以估計不過一大班人逼逼地食下甜品傾下計又係一件好開心既事叫左雜果黑珍珠意大利涼粉水果好新鮮份量易大食完飯黎真係唔容易食得晒意大利涼粉幾得意不過粗到似烏冬多d haha總括來說就是會再來啦質素比差不多價錢的x記xx坊好食得都開心d

年初4想同友人去食糖水,點知石磨坊冇開,又懶得行返去滿記,所以揀左發記,點知就...入到去得2檯客,靜得交關~叫左個黑珍珠黑"米需"米,友人就叫個芝麻糊西米露。兩碗糖水黎到既時候都唔熱既,只係微暖。食落口,似係普通椰汁黑"米需"米~點知友人叫既仲難食,d西米1 pat pat,淋晒既!好嘔心的配搭。唔知這家店係咪家庭式工業呢,有幾個後生仔女waiter,其中1個長頭髮既女waiter落單時都冇乜禮貌,0個店面大大聲講野,好似真係佢屋企咁,又見佢0係近門口個水吧位洗洗下碗,戴住個手套fing水同個男waiter玩!咩事?真係寓工作於娛樂?$2x一碗糖水貴唔貴見人見智,好食既話,$5x一碗我都會覺得物有所值!但係咁既價錢食咁既食物,不會再來!

跟友人吃完燒肉意猶未盡，天寒地冷最好吃碗熱糖水暖肚，正想著應該去石磨坊還是去發記，朋友問：發記？食糖水架？…哦，原來朋友未光顧過發記，一於去試試。由於早幾日去飲宴時吃的紅豆沙落得太多粉，口感差勁，所以我要了一碗紅豆沙補數，發記的淨紅豆沙一碗盛惠$17，都幾貴，紅豆沙甜味適中，可是比較稀，朋友叫的芝麻糊也不見得好，我想去發記還是吃生菓類的糖水比較好！

芒果糯米卷及酥皮香蕉卷都值得一讚.P.S.: 好想每次去親旺角都食, 希望佢地可以調整下價錢.