癡膠雞 (荔枝角道)

營業中

休息中

花膠雞湯米線試左純雞湯同藥膳雞湯都係咁正! 但因為藥膳雞湯係有酒同藥材, 所以會有小小既甘味同酒味,但個人覺得可以接受推介小食炸豆腐 - 外脆內軟! 但真係要趁熱食呀！椒鹽粟米 - 炸得好香脆! 好正牛肚, 口水雞 - 2款食落似係同一個醬, 而個醬勁好味, 牛肚夠林唔會un, 口水雞滑! 而其他仲試左擔擔麵, 佢做得一d都唔辣, 但好香既花生味, 如果佢可以加辣咁就更好!蝦籽撈麵, 係比較清淡既一味。呢間小店絕對有誠意, 價錢唔算貴同份量大, 所以絕對推介! 但因為係小店樓面得一個姐姐, 所以等落單同上菜時間會耐小小, 如果可以改善一下會更好!

痴膠雞太子新開左一間小店係主打花膠雞濃湯米線見圖係一隻煲上面放着一隻雞好似己有gimming一於去試吓舖頭都幾光猛一入到去佢有好大塊白板寫咗佢有咩節日推介好快就俾佢嘅羅漢果桑葉菊花茶吸引到原來呢個係送俾大家免費飲，等大家飲完可以強身健體佢Menu主打痴花膠雞濃湯米線，另外仲會有小食，主食同埋魚湯米線可以選擇一場黎到就梗係要食佢嘅癡膠花雞濃湯米線，另外再叫左明太子釀雞翼魚湯米線，同埋叫咗舖頭入邊另一個招牌，金磚豆腐癡膠雞花濃湯米線會將米線分開另上，會有個火爐仔煲住個湯，雞嘅數量還可以，肉質嫩滑有雞味，而佢哋所用嘅花膠係用咗鱈魚膠，口感唔錯而個明太子釀雞翼魚湯米線，明太子釀雞翼都OK，口感偏重，但個湯就太淡冇乜味個金磚豆腐都炸得幾好食，炸粉唔會太厚，上一食再食舖頭感覺到乾淨企理，可以再值得一試

本身好鍾意食藥膳～一心諗住試試個藥膳黃酒雞湯米線～外賣包裝很好，係米線同分開的！外賣返到屋企，都仲好夠熱。米線口感正常～～不過個雞湯就油左啲，有成層雞油係面，如果隔一隔油會好好多～湯底酒味都可以，同埋都夠濃。隻雞都滑，不過雞件斬得好細舊，同埋咁岩我份外賣啲雞件全部係頭頭尾尾，冇咩肉。最大問題...就係啲雞斬到超多碎骨，成個湯斬有碎骨，真係食食下米線差啲就吞左啲碎骨落喉嚨。如果啲雞件冇斬得咁細舊，同埋冇碎骨會好好多。原價$60，外賣自取有9折...呢個價錢，但呢個質素，如果叫我encore的話，我要再諗諗...

是日午餐 岩岩好唔洗等位防疫措施，政府規定唔可以坐多過一半，所以小店真係好難生存，支持下公司附近新開小店！坐位坐得鬆動，舒服左。好好享受呢14日 繁忙時間變得可以比較悠閒咁食午餐～唔洗下下食完趕住比下一台！係難為左小店生存⋯賺小左⋯試左花膠雞湯米線，有火爐仔keep住熱，飲到最後都熱！好有心思！花膠有兩片都唔錯，雞就砂礓雞咁味道。仲送羅漢果菊花茶，唔係水咁淡架！真係有味～門口仲有消毒液同包口罩紙！防疫指數高！環境乾淨！醫護有折～外賣都有9折！

It started to rain really hard. It was then we stood in front of  a place called Crazy Chicken. A staff member came out to invite us in and as it was raining, we just decided to have dinner here.Menu is in English and Chinese. There is no 10% service charge. Basically, they serve noodles with fish maw soup.We ordered the chicken and fish maw soup noodles ($68) .  As I wasn't very hungry, they were nice enough to let us share an item even though they said it was not very big. Well...were they wro

首先我本身係支持小店，亦係第一次幫襯但無諗過有不愉快經歷晚上放工去買外賣 番到屋企一打開個袋竟然有一個用過ge口罩係入面(仲要灘開有啲積)，打電話番鋪頭 了解，竟然話可能吾小心放左入膠袋入面，一時又話應冇用過，一陣又話個 膠袋可能之前用黎裝過其他野 ，聽完完全O咗咀，用一個裝過嘢膠袋再裝外賣！！！係呢個環境之下 每個人衛生意識都應提高，特別係做食肆更加要小心！**一定要black list**最後所有野都無食就掉哂 ，亦浪費所有食物！

朋友介紹太子新開了一間米綫小店，經過太子，馬上去試，一入門口裝修乾淨衛生，門口放了消毒液，現在疫情，值得一贊點菜，員工服務態度有禮，還免費奉上羅漢果抗炎茶，馬上潤滑下個喉嚨仔，爽主食，因本人不是太大食之人，只点了其中一個他們的招牌米粉(藥膳黃酒鷄米粉)，員工上餐途中，已聞到陣陣藥材香氣，點火後，鷄味出來，配上適當黃酒藥材份量剛好，湯底簡直一絕，我馬上把米粉整碗倒進小鍋中，熱住食，更有風味！本人愛食辣，員工有禮地奉上店舖自制辣椒油給我點鷄食，辣椒油很香又是一贊總結，店舖乾淨衛生，員工服務態度很好，食物水準很高，下次必定叫上3,5知已，試埋佢地其他的招牌菜式花膠鷄，金磚豆腐。。。等等這間小小的窩心食店，真的令人一試難忘

睇得出用心嘅小店，坐低就俾杯羅漢果桑葉菊花茶送嘅，送嘅茶都唔係求其，好飲。必試招牌花膠雞濃湯米線68蚊，花膠同雞用一個小鑊加爐煲住上，米線另外用隻碗裝。湯底濃郁，花膠算厚又唔會淋之之(食過第間餐廳係用合成膠，即假膠)呢間應該係真嘅雪魚膠，雪魚膠同花膠筒差唔多，幾十蚊一碗好底，雞就切左件上，唔洗食果時手忙腳亂，雞肉好滑又入味。值得試，推薦。另外個金𥖁豆腐又係好值得一試，豆腐外脆內軟，面頭有層好薄嘅脆皮，呢個好食😋。

金磚豆腐豆腐好滑，外脆內嫩 ，口感一流，一口一粒，係脆中帶點鬆化既皮內包著好嫩滑既豆腐。黃酒雞陣陣酒香，第一口已經深深感受到黃酒跟雞肉的完美配合。黃酒香甜，可直接喝，用來煮雞更是一絕酒味香, 順口而帶微甜, 雞肉渗入了甜醇既黃酒。花膠雞湯底雞味濃雞湯呈金黃色，建議先喝雞湯，入口醇而不膩，肉質嫩滑。鮮湯入口，香濃鮮美。芝士年糕外皮煙煙韌韌，內裡滿滿芝士，放入口有種斷絲連既感覺 ，難捨難離 , 煎完後外面非常香脆, 內裹芝士非常豐盛, 外脆內軟。

見新野，網上又有好多介紹念住都係宣傳野咁岩行過有位，就入去試坐唔夠五分鐘，出面就有人排隊😱見隔離枱話好食，我地都叫咗佢個豆腐粒隔離無介紹錯我地4個人叫咗3次先講小食，麻辣豬肚，豬耳同牛展夠淋，加埋d蔥同芫茜，夾埋一齊食跟住係麵係口水雞，擔擔麵同招牌花膠雞口水雞個醬好好，唔係好辣，唔食得 辣既朋友都食到，麻辣味好香，聽師傅話係自己調製擔擔麵，有驚喜！同出面既擔擔麵唔係同一樣，我地4個食，覺得呢個個花生味香濃d，好味道但其中一個朋友話唔鍾意花生味咁濃。(所以唔鍾意花生既人可以試其他)最後招牌花膠雞米線！！！同口水雞既雞一樣好滑，就算雞胸都唔「鞋」，我地全部食晒！湯都飲埋！好飲！我唔識飲有無味精，但之後無要喪飲水既感覺，咁我信佢無味精啦😝佢個花膠唔係黏口個隻花膠，所以湯底雞味較濃，花膠爽口。而且重點，佢足料架，同埋會一路小小火㷫全d湯，唔會d雞油「瓊」曬喺面！見阿廚師因為唔夠人，間唔時都出下黎，隔離枱好多野講同意見，我見阿廚師都好有禮貌話會改善。下次都會再試「隔離枱」大讚既黃酒雞

又到試新店的時候，我本人是一位非常喜愛藥膳雞湯的愛好者，對藥膳雞情有獨中，見到太子有新店仲要有黃酒藥膳雞湯米線一定要試一試，但是...非常非常非常失望，重要的事要講3次。佢店的主打有招牌癡花膠雞濃湯米線及藥膳黃酒雞米線，我就叫晒兩款，先講招牌癡花膠雞濃湯米線，因為係我男朋友食所以我都冇影到相，佢的comment 就係湯唔夠濃冇味，花膠是有的都唔係碎，e 樣野值得一讚，雞的份量都可以接受，但最緊要的湯就唔合格。而我點左藥膳黃酒雞米線，先講讚賞位是😊佢怕湯會凍左唔好食，有個火去滾住食是好的😊雞件斬到細舊d 對女士來講入口會方便d☹️湯冇酒味，唔好講黃酒味，就連花雕酒的味都冇☹️米線唔夠靚，夾都夾唔起，又硬又碎，放入個湯都食好困難☹️雞是斬到細舊係好，但要注意火喉，再用火滾住食已經老左總括，有非常大的進步空間

近日媒體盛讚的小店，派口罩漂白水， 關愛街坊。 引來本人小店走走。剛巧午餐時間， 當然全場爆滿， 唯有耐心等待 。柯打咗黄酒雞米線 金磚豆腐黃酒雞湯用小熱鍋滾住上(米線另上)飄來醒神黄酒味，加埋滑滑3黄雞酒香雞滑味道平衡適中豆腐用七味粉(我估啫)炸到外脆內軟 口感鬆化大家不妨又走走

讚1. 招牌既花膠雞湯的確唔錯，湯底夠味又唔會油，花膠算厚肉，以$68/碗黎計，好過之前食過既同類花膠雞湯米線2. 幾鍾意米線同湯分開上既做法3. 炸豆腐好味，唔油，香脆，非常好味彈1. 雞件的確係老左2. 湯底用蠟燭熱住係好主意，但一陣間就被風吹熄左🤷🏻‍♂️，凍晒