番茄18 (SAVANNAH Place)

營業中

休息中

今早特意去一間新開無耐的茶記「蕃茄18」試一試主打蕃茄湯底的早餐。坐底即睇下餐牌，價錢吾貴喎，比較一般的茶餐廳算平，早餐只不過均價$30-50內一個餐，感覺抵食。先找個服務員幫忙下單，可能因價錢廉價，坐滿全堂，人手不足下，個個服務員面上完全冇笑容，好急忙問食咩⋯⋯⋯ 我哋就即刻bla bla 咁講，但因為太早我個人未醒，個腦諗唔到野，好實，服務員又急問要煎旦還是炒旦時，我個腦𨍭唔切⋯ 未能秒答，佢系咁問我連續三次，搞到我食早餐都咁大壓力⋯⋯⋯哎叫完咗餐，慢慢欣賞周遭嘅環境等食，呢度好有懷舊感覺，以前的香港境象就在眼前一一重現⋯⋯⋯蕃茄餐肉濃湯通粉 - 有好多粒粒鮮蕃茄及好濃厚茄醬味道，適合蕃茄愛好者食。餐肉系有煎香先放上面，食落去脆口，通粉軟硬適中。配以煎旦多士，凍檸茶。

將南真係愈來愈多野食，今日去試間好搶眼既茶記先，店面配上懷舊香港既裝修，完全唔似普通茶記個d甘普通🤣會令人想影下打卡相！-價錢又合理，見d餐都係平均$50 大大份。叫左佢兩個lunch set1. 招牌胡椒豬肚米線雞湯米線 （$58)首先勁大碗，食完真係飽到夜晚個餐！而且超多料，豬肚多得超過份勁正XD胡椒味超濃超香，食得好開胃🤤·2.花膠雞湯米線（$69）舊花膠勁大舊😍係真係佔左半個碗既size！雞又多wo，又係大大碗，一定夠飽-setlunch亦包熱既餐飲，凍飲加$3，特色飲品都係加$10， 見到杯好少見到既新鮮菠蘿冰（原價$24）- 杯野飲真係好多菠蘿好fresh好甜🥰😋仲加左個小食- 瑞士雞翼（$38）3隻雞全翼黎，雞翼完全索哂d瑞士汁，好香好入味👍🏽👍🏽-總括佢係一間抵食茶記，樣樣野都大大份又足料，CP值高既港式茶餐廳！-📍 番茄18（#將軍澳）

今日落雨就係屋企附近搵野食~呢間蕃茄18開左一段時間，之前食過下午茶幾正，今晚就黎試下DINNER~同埋呢度既裝修好得意，好有懷舊香港既感覺，念舊既朋友可以黎試一試~招牌厚切豬扒煎雙蛋飯見到招牌兩個字通常都會叫黎試，因為叫得招牌冇理由係難食既~果然黎到都冇令我地失望，豬扒夠厚又唔乾，食落油份適中，加埋兩隻太陽蛋，成個組合都好吸引~豉油底調較得好好味，就咁將豉油撈飯都好正!麻辣墨魚頭叫左呢個小食，果種辣度係麻辣湯底隻辣，香辣得黎麻，好鍾意呢隻辣!加埋D蒜，而墨魚頭又彈牙，真係好惹味香口既小食!蔥花炒蛋治叫左蔥花炒蛋治烘底，烘底後外脆內軟既包，同蔥花炒蛋治好夾，蛋香充足，加埋蔥花特有既香味，有特色又夠飽肚!特色蕃茄濃湯上海麵配炒蛋、招牌瑞士雞脾呢個餐超抵，$55有麵有炒蛋仲可以自選小食，我地就揀左招牌瑞士雞脾，本身個餐係配通粉，但呢度既粉可以自選改做上海麵、米粉、米線或公仔麵，咁我地就揀左特別D既上海麵~一黎到既湯麵係好靚既紅色，飲下個湯底係好鮮甜既蕃茄味，仲有粒粒蕃茄蓉，上海麵唔係好多餐廳食得到，呢度既上海麵上準仲要唔錯，彈牙得黎又唔會浸到林哂~值得一試~而面頭既炒蛋都好大隻，好香滑，撈

放假去行完街跟住再來嘆番個下午茶☕️就完美啦👍👍香辣脆雞包🐔勁大份，有小小辣，個包底面都烘得好脆👍大大塊雞扒又香口又軟滑，食落啖啖肉好juice，再加上沙律菜和沙律醬更是錦上添花😋😋茄蛋米缐+台灣腸、豬大腸和墨魚頭🦑，個番茄湯底好濃郁，可以食到啖啖茄肉，炒蛋好綿滑，台灣腸煙韌多汁，豬大腸洗得好乾淨，又滷得夠入味夠林上湯粟米豬肉餃🌽係自家包的，雖然皮有啲厚，但勝在肉餡好鮮味😋😋下次有機會試埋佢哋個花膠雞和藥膳雞湯底✌️✌️

疫情最近好似緩和左唔少 緊係要周圍去唔同地方試下唔同既餐廳啦 今日黎到將軍澳係A2出口 行大約10分鍾就搵到一間好有香港本土特色既茶餐廳點隨我會話佢好有香港本土特色呢 睇下佢餐廳既裝潢就知我講緊咩 唔同香港舊式既招牌佈滿曬整個餐廳 令人好似番番去90年代既香港一樣口水雞飯雖然餐牌上面話轉雞脾既話要加錢 但係可能我好彩 冇特別話要轉雞脾都有雞脾食 正!!依個口水雞辣就唔算太辣 岩曬唔太食得辣既朋友 而且雞肉好實正 撈埋小小辣汁同雞汁落D飯度 好開胃番茄豬潤墨魚頭冬菇上海面黎得番茄18緊係要試下佢既番茄有幾咁特別 食上海面之前首先飲淡番茄湯 試下個湯底先 飲落番茄唔算太酸 而且仲有少少既番茄甜 真係算幾特別豬潤 食落爽口 冇腥味墨魚頭 幾彈牙冬菇 大大塊 不過不失瑞士雞脾平時食雞脾我就鍾意成隻咬 感覺上食得爽快D 不過今日同朋友一齊SHARE 所以就用刀切開黎食 估唔到切開左既雞脾原來有咁多肉咁大份 雖然頭先先食完口水雞 但係依個瑞士雞脾甜甜地 另有一番風味鮮油多士好貼心咁切開左4份 鮮油份量岩岩好 而且多士脆卜卜 配埋鮮油絕配!

最近將軍澳開左新餐廳叫蕃茄18,今日就同妹妹試新野新餐廳開係近海旁新商場附近, 由將軍澳站行過去都要十幾分鐘, 不過路唔複雜, 都幾易搵餐廳地點係市中心隔兩個街口, 果頭人較少, 但偏偏去到見好多人圍住餐廳, 以為要等好耐, 點知即刻入得, d人原來係等外賣入面裝修環境超靚, 好有香港特色, 比舊時不同店鋪鋪面裝修包圍, 充滿懷舊感,打卡一流。雖然係地鋪, 但環境舒適, 地方好乾淨點餐後超快就送餐, 唔洗等咁濟好多選擇..叫左2個set加1個小食特色蕃茄濃湯通粉配牛乳炒蛋 (配吉列魚柳扒)既然餐廳名叫得蕃茄, 點可以唔試主打蕃茄湯底一上台已經聞到好香蕃茄味, 茄湯同蛋顏色對比鮮明, 視覺上好靚好吸引茄湯底係茄蓉感, 又多蕃茄肉, 味濃郁, 酸酸甜甜好開胃通粉彈牙, 茄湯加通粉真係冇得輸炒蛋放置中通粉面, 蛋好滑, 好香牛奶味魚柳好大條, 炸得好穌脆, 魚肉唔腥, 肉質嫩滑, 沙律醬唔會比得孤寒台式肉燥雞扒飯雞扒好厚身, 皮煎得香脆, 不會煎得太乾身, 好juicy塊扒明顯有醃過, 唔係d無味雞肉, 加分肉燥滿佈飯上面, 唔會過多, 撈飯一流, 份量剛剛好 肉燥雞扒都係濃味野, 個飯有d

今日難得放假決定要離開海邊走走 諗住食個豐富早餐先至開始行下 叫咗以下食物：經典沙嗲牛肉麵配牛乳炒蛋同牛油多士牛肉夠嫩 沙爹香濃 麵唔會煮到太淋 炒蛋配埋牛奶去煮非常之嫩滑 吉列魚柳配餐肉及牛油多士個吉列魚柳炸到外脆內嫩 熱辣辣非常之邪惡個皮唔會炸太燶 讚芝士煎蛋菠蘿包呢個配搭外面非常少有所以決定要試下 都幾好味既及新穎 唔錯喺非常滿足之際 有咩能夠提升呢個滿意程度就係兩杯特色飲品 啲紅豆同椰汁非常之香 紅豆非常之多 煮得軟硬啱啱好題外話佢個辣椒油非常之好味大家記得試下

屋企樓下一向都唔多餐廳選擇見到有間新開嘅港式餐廳 - 番茄18 就去試吓餐廳裝潢十分有特色，主題係香港舊時光有好多舊日香港嘅店舖，例如士多、髮型屋、地產係個好好嘅打卡位！花膠雞湯米線 - $69招牌菜冇令人失望！湯面有一層薄薄的雞油，湯亦很重雞味可能係原隻雞件煲成上湯，十分美味！雞件亦不會太老 保留到雞肉口感花膠有驚喜，整塊花膠跟手掌差唔多大！膠質十足，感覺十分滋補！咁嘅價錢有嘅份量真係超值！滑蛋叉燒飯 - $58蛋炒得滑溜，叉燒亦有點肥膏配上秘製醬油，整體配合得不錯不過飯嘅份量很多，女生點的話記得要叫少飯瑞士雞翼 - $38每隻雞翼都好大隻，啖啖肉，啱晒食肉獸味道偏鹹，甜味不太重紅豆奶茶 - $14有半杯都係紅豆，好足料！奶茶本身偏重茶味，配上紅豆嘅甜味道就啱啱好啦菠蘿冰 - $12菠蘿冰就仲誇張，有2/3杯都係菠蘿鍾意食菠蘿嘅朋友必點！埋單計埋每人100蚊都唔駛總括嚟講 每樣嘢都好足料係性價比好高港式餐廳

繼上次食完樓下冰室荃灣分店後， 呢間蕃茄18有條件可以同佢做比較， 首先 餐廳比較闊落空間感比較多， 每個座椅下面都有一個儲物空間，用盡曬成間餐廳嘅每一個位置。奇怪嘞下午茶時段， 食到差唔多尾聲嘅時候，我發現到差唔多每一個人都點個豬仔包加飲品， 諗住 點，點知賣哂，下次要抽時間再試試。精選餐餐廳主打番茄同米線，所以今日一定要試下。鮮茄濃湯通粉配牛肉好香濃嘅蕃茄湯底，配新鮮蕃茄，牛肉軟熟， 唔使牙力都可以到。牛乳炒蛋牛油厚多士用麵包機看烘左之後 加上少少加上牛油，夠香口，配 紅湯食一流。 炒蛋香滑， 冇得頂。綠椰冰係紅豆冰嘅 好朋友， 綠豆全部去衣，好食過 紅豆冰， 鍾意紅豆冰嘅人應該都會鍾意綠椰冰菠蘿冰

今日係海邊跑完步天氣又熱熱哋🥵好想食啲濕濕哋的食物，便來Savannah Place地下的番茄18🍅，裡面的裝修好特別，好有舊香港情懐。原本想叫主打番茄米線的，但又俾我見到花膠雞湯米線😍，即刻來一碗補一補👍果塊花膠大到誇張而且又滑又淋，湯底非常濃郁😋藥膳雞湯米線✨用料充足，驟眼望到有紅棗、黨參、龍眼、淮山、北旗配上雞件🐔，感覺好補🤣麻辣墨魚頭✨墨魚爽口彈牙，麻辣度適中木碎花生多士😋勁邪惡，花生碎好脆，花生醬和煉奶多到機乎見唔到塊多士😋

同老公Staycaution ，去到將軍澳！在將軍澳站附近找到這間番茄18 ，店面裝修特別，甚有港式風味，想不到性價比👍🏼👍🏼潮州蠔仔肉碎泡飯老公點了這泡飯，蠔仔肉滿滿的，而且脹卜卜，配上足料肉碎，啖啖肉， 滿足。瑞士雞翼特色番茄濃湯通粉配牛乳炒蛋最喜歡吃的瑞士雞翼，汁夠濃，甜甜的，配上雞翼非常配合。雞翼好大隻！超正！最回味無窮的是蕃茄濃湯通粉，蕃茄濃湯確是有大量的蕃茄肉和充滿蕃茄味，一邊吃通粉一邊飲湯！另外通粉煙煙銀銀，還是第一次吃這麼彈牙的通粉🙈好想問餐廳係用邊隻通粉😂奶茶紅豆冰非常多紅豆，而且紅豆軟綿綿又有沙，我成杯都吃光光😂呢間番茄18 唔錯，雖然是一般的菜式，但樣樣夠味一點、選料好一點、足料一點和環境好一點，級數同層次又不同了。

近家中海傍的地方，與家人出來走走時吃個午餐，完了還可以順帶在寧靜間享受怡人海濱風景~~呢間茶餐廳位置好多，即使假日黎都唔需要等好耐，係到最出名的就係蕃茄濃湯通粉，茄牛通唔洗去中環，樓下就有一個好好味既version! 價錢合宜仲有好多配料選擇，今次揀左隻大大隻瑞士雞脾，兩個人食的話就岩岩好！！另外叫左一碟店舖推薦既咖哩牛腩飯，味道香而不辣，如果唔食得辣既朋友可以試下！紅豆冰既紅豆非常多同大粒，差d連飲管都塞住左飲唔到！！最鐘意呢到既都係香港本土風味的擺設及裝修，伙記都好有人情味同nicenice, 有講有笑，值得再來！！

將軍澳越起越多私樓，陪隨都有唔少新餐廳進駐。今次同朋友嚟到近海傍嘅Savannah食個晚餐，唔講都唔知，原來蕃茄18係2020年8月先開，新餐應梗係要試試佢！係餐廳外邊，見到佢內外嘅裝潢好有心思，係行老香港路線，係呢區行懷舊路線，幾有玩味，睇睇相就明啦！食物方面，都係茶記食物，要試試先知同一般茶記有冇分別。我地分別嗌咗「自家製蔥花叉燒滑蛋飯」同埋「特色蕃茄濃湯通粉配瑞士雞翼」。同茶記一樣，上菜非常快，食物都係新解滾熱辣。先講叉燒飯，蛋同叉燒鋪滿成個飯，滑蛋炒得剛好，叉燒則以瘦叉為主，飯量好多，一個人真係真唔哂。至於通粉，湯底濃郁，好夠蕃茄味，通粉食落唔會太淋。個牛乳炒蛋份量唔係話好多，但都夠食。瑞士雞翼係兩隻全翼，一嚟好入味，二嚟雞翼都好好用，所以非常之欣賞。最後嗌咗紅豆冰同綠椰冰，紅豆綠豆都好足料，係枝飲管唔係好夠闊，但都唔係太大問題啦！

今日約了朋友見面，原來不經不覺，已經有數個月沒有見面了，現在疫情放緩，於是出來聚一聚。這家餐廳位於住宅樓下，門面有不少蕃茄造型的招牌，原來裏面大有乾坤，餐廳裏面是懷舊的裝潢，以有不少香港特色招牌作裝飾。⭐️番茄濃湯$43我點了番茄濃湯配牛乳吵蛋。配料有叉燒、牛筋丸和鮮牛肉，多於一款配料需要額外加錢。許久沒吃薯粉了，入口煙煙韌韌，湯底是橙紅色，有不少番茄蓉，入口淡淡蕃茄味。牛筋丸頗彈牙爽口，牛肉也很嫩，叉燒泡過湯的關係入口軟軟的。加上牛乳炒蛋純粹令人有飽腹感。⭐️特色蕃茄濃湯通粉配牛乳炒蛋$55麵底是米線，另外加上豬潤，米線吸附了蕃茄湯底，吃起來不錯，很入味。⭐️ 招牌瑞士雞髀豉油雞翼外面一層油光閃閃，咬破嫩滑的表皮，雞肉鮮嫩，大大隻雞腿，很滿足呀。⭐️檸檬菜蜜$9⭐️熱檸水$9▫️雖然湯底的番茄味道不是極濃極酸香的那種，勝在有不少番茄粒搭夠，餐廳整體乾淨企理，食物也不差。

禮拜日起身同男朋友去附近食個下午茶，又係泥到蕃茄18，已經幫襯左4，5次，附近泥講佢算係比較好食又特別少少個間。胡椒豬肚雞湯米線已經唔係第一次食佢，再食當然係有原因啦，佢湯底濃得泥有雞湯鮮味，唔係剩係得個辣字。雞件同豬肚都唔少，你可以見到真係幾多料麻辣蕃茄米線佢個茄底我第一次泥食茄牛通已經好鍾意，唔係一般餐廳個種咸茄底，係甜茄底加埋個滑蛋真係好似蕃茄炒蛋咁，小朋友一定會鍾意。見到佢深紅既程度就知佢唔係羅宋湯個種稀身質地，所以啲米線都好入味。不過佢個麻辣我就一般般，似係就咁加啲辣油落去就算，我會覺得唔辣好食啲麻辣雞扒呢個係跟米線加既小食，但一啲都唔馬虎，整埋少少沙律菜伴碟，雞扒上仲有啲似係辣椒蒜蓉等等既醃料係埋度，唔係隨便落啲辣粉就算，好有誠意！雞扒入面好juicy, 外面皮都脆脆地, 超入味偏濃味茶走食茶仔又點少得飲茶走呢，奶茶好香滑，一啲都唔苦澀，我個人就好鍾意佢個奶茶喇