番茄18 (SAVANNAH Place)

營業中

休息中

今早特意去一間新開無耐的茶記「蕃茄18」試一試主打蕃茄湯底的早餐。坐底即睇下餐牌，價錢吾貴喎，比較一般的茶餐廳算平，早餐只不過均價$30-50內一個餐，感覺抵食。先找個服務員幫忙下單，可能因價錢廉價，坐滿全堂，人手不足下，個個服務員面上完全冇笑容，好急忙問食咩⋯⋯⋯ 我哋就即刻bla bla 咁講，但因為太早我個人未醒，個腦諗唔到野，好實，服務員又急問要煎旦還是炒旦時，我個腦𨍭唔切⋯ 未能秒答，佢系咁問我連續三次，搞到我食早餐都咁大壓力⋯⋯⋯哎叫完咗餐，慢慢欣賞周遭嘅環境等食，呢度好有懷舊感覺，以前的香港境象就在眼前一一重現⋯⋯⋯蕃茄餐肉濃湯通粉 - 有好多粒粒鮮蕃茄及好濃厚茄醬味道，適合蕃茄愛好者食。餐肉系有煎香先放上面，食落去脆口，通粉軟硬適中。配以煎旦多士，凍檸茶。