影片
更多
2020-10-03
591 瀏覽
呢日要出黎深水埗買野，平時黎都係食開某車仔麵、某豬潤麵店；行經番茄師兄見到唔算太多人排隊，就試下啦入去之前店員已經會出黎派餐牌比你揀定野食，一有位就可以即刻落單店內都貼左好多唔同黃店嘅相喺度，大家有興趣都可以留意下先黎嘅係飲品，信陽毛尖蜂蜜冷泡茶：失望，無茶味，好淡口，同飲水無分別，明顯浸唔夠時間；桂圓紅棗桑寄生茶，欣賞佢唔係太甜，可惜味道都係啖，餐飲價都要加$16，覺得呢個質素只值加$6👎🏻犇犇有禮，加滑蛋同雞髀菇滑蛋應該係即整嘅，所以夠熱牛好食，可惜就凍嘅，敗筆👎🏻湯底無想像中咁濃，食過某d都係以茄湯做賣點嘅餐廳湯更濃，只可以話佢個湯底正常；飲到牛骨味嘅，但唔係話真係咁出厚切豬扒配番茄通粉豬扒炸過龍，勁硬，頂唔順，食左幾啖放棄😓麻香滷水雞翼滷水配麻香係幾好食嘅，雞翼都好入味可惜係凍凍地嘅最正常係呢碟炸野炸野一定夠熱😂唔熱都幾大鑊同埋都炸得外皮幾香脆嘅總結：名大於實，試過就夠，無回頭餐牌寫明用餐時間45分鐘要交枱，明白嘅我地自問都算食得快，睇返張單同我地走嘅時間，我地只係食左20分鐘左右；我其實飲品未飲完，同埋留左張紙巾抹咀，我手腳慢但知道💛店，出面仲有人等緊，都唔想阻住人地快d翻枱
入去之前店員已經會出黎派餐牌比你揀定野食，一有位就可以即刻落單
店內都貼左好多唔同黃店嘅相喺度，大家有興趣都可以留意下
先黎嘅係飲品，
信陽毛尖蜂蜜冷泡茶：
失望，無茶味，好淡口，同飲水無分別，明顯浸唔夠時間；
桂圓紅棗桑寄生茶，欣賞佢唔係太甜，可惜味道都係啖，餐飲價都要加$16，覺得呢個質素只值加$6👎🏻
犇犇有禮，加滑蛋同雞髀菇
滑蛋應該係即整嘅，所以夠熱
牛好食，可惜就凍嘅，敗筆👎🏻
湯底無想像中咁濃，食過某d都係以茄湯做賣點嘅餐廳湯更濃，
只可以話佢個湯底正常；
飲到牛骨味嘅，但唔係話真係咁出
厚切豬扒配番茄通粉
豬扒炸過龍，勁硬，頂唔順，食左幾啖放棄😓
麻香滷水雞翼
滷水配麻香係幾好食嘅，雞翼都好入味
可惜係凍凍地嘅
最正常係呢碟炸野
炸野一定夠熱😂唔熱都幾大鑊
同埋都炸得外皮幾香脆嘅
總結：
名大於實，試過就夠，無回頭
餐牌寫明用餐時間45分鐘要交枱，明白嘅
我地自問都算食得快，睇返張單同我地走嘅時間，我地只係食左20分鐘左右；
我其實飲品未飲完，同埋留左張紙巾抹咀，我手腳慢但知道💛店，出面仲有人等緊，都唔想阻住人地快d翻枱；諗住好心叫老公埋單先，我整埋時間就應該岩岩好
點知我老公呢頭行去比錢，果頭就秒速收野
仲要收走埋我張未用過嘅新紙巾，真係快到叫到叫唔切停；
我地又唔係坐到過哂時45分鐘都唔交枱，宜家晒多1-2分鐘時間抹埋個咀戴返個口罩係咪都唔得先😷
張貼
