番茄師兄 (已結業)

聽人介紹過好多次，今日落雨坐車入元朗攞野，終於能夠親口試下。試了一碗 #滑一滑+椰菜，成為52蚊成個攞盤同圖片能接近一樣，先係要加分位。1）拉麵我笨左，應該比佢浸多3分鐘先食，先夠軟身。而2）騸牛唔洗講啦，夠牛牛味啦。3）滑蛋好開心，因為我最鐘意見到煎到方形，即係師父都有心機去整的。4）湯底真係有蕃茄味喎，偏甜的，飲品冇叫，因為只想專心試佢地個湯底還有唯獨係因為冷氣好足，但佢既蕃茄粒好凍，如果能夠食到熱少少就正啦。

番茄師兄咁出名 我諗好多人都有食過 佢個番茄湯底真係世一 再加埋佢超大份嘅炒蛋 真係好正！ 《餐旦茄麵》 番茄湯底真係好濃 我一路食啲米線就一路唔覺意咁飲埋佢啲湯 佢個炒旦都好滑好香 仲要好鬼大份 正啊 . 《滑牛旦茄麵》 除咗番茄湯底同炒旦之外 佢嘅滑牛都好出色 好滑 完全唔un 又唔會話好咸 搶咗番茄湯底個味 大推啊！ . 《信陽毛尖蜂蜜冷泡茶》 杯冷泡茶甘甜得嚟又好清爽 又唔話好甜 啱曬啲唔中意飲甜嘢嘅我 依加熱死辣辣嘅天氣 叫返杯真係幾唔錯啊！ 《有機豆漿》 好濃嘅豆味 甜度都合適 唔錯啊！

我個人本身鍾意食番茄湯底，而元朗有濃濃番茄湯粉麵，就一定去試試🥴滑一滑 $49我同朋友都係點滑一滑，因為想食佢既滑蛋同埋聽其他朋友講，番茄師兄既牛好嫩口，所以就點一碗🤤首先飲啖湯底先，湯底比較濃厚，唔似出面餐廳會溝好多水而無實在感～然後我鍾意夾一啖麵再加湯再加蛋去食，好有滿足感🤤滑蛋食落滑脫脫，而牛肉就嫩嫩既，唔會似出面餐廳食落好似香口膠咁🤣最後我地淨係叫左2碗滑一滑，本身想叫小食同叫野飲但太飽啦，好大碗食唔晒🥲碗湯飲都飲飽晒🤣🤣整體價錢又唔算貴，份量我覺得都好大碗，啲料都好足夠，湯底飲完都唔會話好口乾，因為出面餐廳會落好多味精，食完好口乾要飲好多水～番茄師兄番茄迷必食🍅

滑一滑番茄濃湯麵嗌咗烏冬底 第一啖飲個湯已經覺得正 番茄味好濃郁又唔會太酸👍🏻 新鮮騸牯滑牛配上炒滑蛋 小編覺得真係最完美嘅組合💯 牛肉份量十足 夠淋夠味 滑蛋都好大份 炒得好滑又有蛋香 唔會乾爭爭🤤 唯一缺點係烏冬偏硬 如果再淋返d會好好多 所以呢個位扣一扣分🤭 一貝子番茄濃湯麵有2粒北海道刺身級帶子 味道正常冇雪味 不過不失👌🏻 而新鮮大花蜆有5隻咗右 都大粒嘅 兩樣海鮮都唔差 但都係同一個問題 烏冬唔夠淋🤧 麻香瑞士汁雞中翼呢隻雞翼真係俾佢驚喜到 雖然價錢略貴 但好入味 入口帶微微嘅麻辣香🌶無論食唔食得辣嘅人都一家要試 唔會太辣 雞肉夠淋 真係包你食上癮🤫 信陽毛尖蜂蜜冷泡茶唔算大樽但都夠飲 一開頭expect會重蜂蜜味🤔但點知係重茶味多d 蜂蜜味就真係唔太飲到 檸檬雪梨露雪梨露我覺得好飲d 唔會太甜或太淡 飲落去有粒粒果肉 增加口感👄 喺咁熱嘅天氣 飲返樽凍飲真係爽呀🤩

💛Yellow Collection💛蕃茄控必試！！濃濃嘅蕃茄湯底配有些少西芹味，其實配芫荽都應該唔錯🤪btw湯底鮮甜為主，如果增添返少少酸味就完美～一貝子🍅🍅🍅有5隻大花蜆+2粒帶子，鮮甜啖啖肉，個人覺得配拉麵底尤其夾滑一滑🍅🍅🍅🍅果然名符其實「滑一滑」🤪牛肉同炒蛋都咁滑捋捋，牛肉份量十足，牛味香濃而且好淋，口感perfect🤪炒蛋大份兼且好濃蛋味，必食！如果唔係叫呢碗嘅話一定要額外加炒蛋

番茄師兄開到去元朗，聽聞真係好好食🤗咁岩小編個日去個邊，就買左個外賣番屋企食😳🍅🥬 芝SEE菇牛番茄濃湯麵 $49（轉生菜底，加炒滑蛋$5）為左想食菜所以轉左生菜底🤪超驚喜因為生菜既量超級多！食完放心一定飽肚🤩佢個湯底係濃濃既番茄味🤪 超清甜呀！呢個配搭又幾match! 係啲免治牛肉太碎，要專登係底度搵先食到🤣 沉晒底～另外加左滑蛋真係絕無後悔！如圖係超大份🤣 我覺得起碼有2-2隻蛋～雖然外賣食唔到佢最新鮮熱辣辣既一面，但個味已經好滿足🥰如果係我屋企隔離應該一個星期起碼我會食一次🤣

────────────牛筋肉碎蕃茄濃湯麵────────────番茄師兄聽咗好耐但食就係第一次茄湯真係好濃好香甜啖啖米線都索晒啲茄湯味🍅係會為左個茄湯想再返食既鋪頭😆

腐皮墨魚蝦條蕃茄濃湯麵米線🦐🦑($46)份量十足, 上菜既時候聞到濃濃既蕃茄香已經流曬口水🤤 湯係超濃郁, 不過偏甜左少少, 但係都會令到你忍唔住飲曬啲湯🤭 個腐皮墨魚蝦條係十分之足料, 墨魚滑超彈牙, 再加埋啲蝦肉成個口感簡直係冇得輸🤩豚豚圓圓烏冬🐷($59)原本想試下佢地既雞翼, 可惜賣曬🥲 之後就揀左呢個五花腩配豬頸肉, 一心諗住肥就肥啦💁🏾‍♀️ 兩款肉都食得出係煎香左同埋煎完之後感覺冇咁肥膩, 同埋啲五花腩片都唔算太多肥膏, 所以都滿意🙆🏾‍♀️ 呢度既麵可以自由選擇, 我就揀左烏冬, 扁扁地同幼幼地, 所以可以完美地掛曬啲蕃茄湯🍅 真係好幸福🥰檸檬雪梨露🍐($24) 我地分別叫左熱同凍, 熱既飲落好舒服好滋潤既感覺, 而且係勁多果肉, 超級真材實料😇 凍果個如果夏天飲應該會幾爽, 出奇地比熱既甜少少, 同熱既一樣都係勁多果肉😌 健康得黎又好飲, 熱同凍各有風味呢度真係會令你一試難忘, 而家諗返起都流曬口水, 已經好想再食喇🥲 希望佢可以開多幾間分店同埋唔洗排咁耐隊就好喇🤣 極力推薦俾鐘意蕃茄濃湯既你地🤩

身為一個番茄愛好者🤤🍅💕由番茄師兄出名開始 一直都好想幫襯下💛💛所以早起一個鐘都要特登去食完先番工果然無令我失望🥰❣️-滑一滑番茄濃湯烏冬🍜($49) 真係大大碗好足料夠哂飽一個晏就😂😂最鐘意就係嗰湯底同滑蛋❤️❤️湯底真係無得頂🤤👍🏼濃濃嘅蕃茄味🍅啱哂愛茄之人滑蛋都真係無得頂✨😻😻又滑又大份😋如果你叫其他麵都強烈推薦一定要加滑蛋❣️❣️❣️而騸牯牛肉就普普通通🙈但勝在夠多-(凍)桂圓紅棗桑寄生茶🥤($6)依杯嘢飲唔會話甜得滯😚甜度啱啱好唔同時段嘢飲有唔同價錢而$6就係午市跟餐優惠🤓🤓嘢飲會用自家製出嘅樽仔載着🙆🏽‍♀️-店內裝修好有意思仲貼咗好多黄店嘅相💛🤓如果你同樣係愛茄之人🥰超推薦✨✨

又食蕃茄師兄，食咗幾次，都唔變記得影相寫食評，今次終於記得啦！一定要贊嘅係外賣盒分開湯同麵，唔洗驚浸淋！團團圓圓: 入面有新鮮豬肉同新鮮豬頸肉，多到爆炸，食極都仲有，配埋啲番茄濃湯，一啲都冇漏嘅感覺，上海麵都出色，雖然唔夠煙韌，但都ok！魚肉春卷：好高汁，足料又勁大條，一碗有成三條，啱晒想食春卷又唔想幫襯南x嘅人！總括嚟講，極高汁，又抵食，一定要試！btw, 終於order 咗茄邊，下個禮拜食完再包膠！

一直都想安排時間嚟呢間黃店食嘢，今日終於有時間啦，今日星期日比較人多，其實我哋都等咗半小時，但一場嚟到都真係好想試吓。 等緊嘅期間睇到老闆嘅報道，原來原本係金融才俊，然後再經營呢個食店 亦都幫咗好多有需要嘅人，好欣賞呢間店嘅老闆啊員工都好細心，係我哋等緊嘅時候比餐牌我哋試先點菜，我哋都心大心細諗咗好耐 除咗員工，原來連餐牌都細心，如果唔想食蕃茄牛湯底，可以揀數湯或者魚湯，我哋梗係揀招牌湯底啦我揀咗滑一滑，其實係蕃茄滑蛋牛肉麵，但係啲牛係閹割左，肉味比較濃 😌 老公就揀咗鮮制四寶丸蕃茄濃湯拉麵配椰菜 等緊嘅期間，我哋一齊欣賞你間店貼住其他黃店嘅介紹，覺得佢哋好有心，非常團結終於嚟到喇，滑蛋牛肉麵，好香牛味好濃郁，滑蛋嘅滑度恰到好處 老公都好鍾意個拉麵 特別係個湯，平時老公唔食牛 啲湯都飲咗好多，四寶丸都新鮮同埋彈牙呢間下次一定要再支持下😊😇🙃

咁出名既黃店真係唔洗多介紹，黎到元朗諗唔到食咩，第一時間就諗起番茄師兄今次揀左帶子牛朗番茄濃湯麵。不得不說番茄湯黎講番茄師兄真心做得好出色，一啲都唔會太酸。d 麵亦都入哂味，啖啖香番茄味。而牛朗其實就姐係牛舌，呢度啲牛舌又厚身又爽口，一啲都唔會太 eun , 不得不賺番茄師兄真係落足料，份量真係超多！牛舌食極都食唔完咁。另外仲可以加自選配料，作為芝士控加埋芝士真係 prefect 池再加左個豬頸肉同朋友 share 食，真係又飽又抵

我同朋友都中意蕃茄湯，聽聞唔錯，經開呢頭，就過去食下啦！落咗單後，勁快就上2碗麵啦，應該2/3分鐘就送到我地面前，送到來，都覺得奇，一啲熱辣辣嗰啲煙都冇，我地叫咗滑一滑番茄濃湯麵和芝SEE菇牛番茄濃湯麵，湯是ok 的，夠味，但敗在湯只係啱啱夠暖，啲餸就係涼既，撈勻之後，啲湯仲涼得仲快，因為啲餸涼架嘛，塊芝士都唔識溶，成塊係到，估唔到食碗面，冇諗過唔使吹涼，仲要嗱嗱聲快啲食完，如果唔係成碗野就凍曬啦！我地同職員講，佢咩反應都冇比，就行走咗好采叫4粒墨魚丸係夠熱嘅

今日去咗元朗，行一大輪之後竟然見到呢間鼎鼎大名嘅番茄師兄🍅！之前喺深水埗見過呢一間，多人到飛起，完全都入唔到去。不過可能今日已經係下晝2:30啊，人流就冇咁多。🤩入到去裝修都非常之有意思，老闆貼滿咗好多黃店嘅相，仲要影得好靚添，真係好想試晒其他黃店呀！💛💛💛鮮製四寶丸蕃茄濃湯麵 (HK$44) + 炒滑蛋 (HK$5)呢個番茄濃湯麵都非常之好食，四寶丸非常彈牙，蕃茄味濃，加埋滑蛋簡直係一流添呀！果然好食就係良知！😇👍🏿

平時好少黎依邊，所以師兄甘出名都無黎過幫襯依家學生唔駛番學，平日lunch 都有位剩門口已經有大大牌中英餐牌，可以睇定岩唔岩食我叫左厚切豬扒蕃茄湯通粉，加粟米，同埋要樽仔豆漿等左一陣就上啦一上台我都嚇親，勁大塊豬扒而且真係勁厚雖然好厚都唔會好韌，都算易咬，醃料應該都係得鹹鹽個類，食落整係鹹左d, 夾埋個湯都ok粟米加$3 , 但又係加得勁足料，半碗都係粟米再試埋個蕃茄底，好濃，質地係杰身，食落好濃厚甘蕃茄底都食過幾間，依間個湯底真係最好食樽仔豆漿都幾有豆味，如果有無糖揀就更好