生生。泰港知味 (已結業)

就係以前番工地方附近有間泰式小店，因為灣仔有太多野食，所以依加先第一次食呢間店。同朋友叫左個二人套餐，$380都幾多野食，唔洗用腦諗食咩😼.🔺泰式小食拼盤 (炸春卷 炸蝦餅 各2件)過下口癮咖姐，春卷岩岩炸起，好鬆脆。蝦餅好大件，蝦肉唔算多，但岩岩炸起加埋泰式辣醬，好有泰國feel🇹🇭.🔺海南雞 油飯好開心係油飯，之前食過間跟白飯嬲到我。海雞有半隻，一啲都唔肥，岩曬我呢啲唔中意成口雞油既人。皮薄肉質鮮嫩😽配合油飯好幸福啊！不過無海雞醬，如果有會更完美。.🔺冬蔭公配大頭蝦超多配料！有勁多菇本人十分滿意！入面有半邊大頭蝦，都真係幾大隻，不過煮得耐左少少。至於個湯，唔算辣，適合香港人口味。唔會太鹹同口渴，個人覺得好足料，唔係連鎖果啲有色無味hea比你。.🔺馬拉盞炒雜菜都幾大碟，好有家既感覺我係咁食菜😂.🔺珍多冰 龍眼冰🔺甜品西米糕 大菜糕.小店式經營唔容易，加油啊！個人覺得對得起呢個價，埋單$410 total

今日又熱又曬，想食啲開胃啲嘅嘢，咁所以搵間泰國餐聽食下啦。間餐廳環境都幾舒服，空間感亦夠。雖然今日係星期六，同埋我哋去到都已經兩點幾喇，但係仍然都有午餐提供。午餐嘅款式都多選擇，主菜仲有素食揀添。叫咗主菜之後，可以加錢叫埋飲品、小食同甜品。我叫咗鮮蝦雞肉炒金邊粉。金邊粉嘅賣相好靚。蝦好爽，金邊粉有少少濕，不過都好好食，夠曬開胃。我老公就叫咗個黃咖喱牛腩飯。牛腩好淋，仲有薯仔。個咖喱汁甜甜地，撈飯簡直係一流。

呢排突然就好想食泰國菜，好想食海南雞同燒魚，於是今晚收工行開灣仔就同媽媽去咗泰港知味食晚餐！呢間餐廳環境設計唔錯，幾有格調，座置都坐得舒服😌嚟到即刻嗌咗我想食嘅海南雞同燒魚，有雞又有魚，所以淨係點咗半隻雞。泰式招牌無骨海南雞 (半隻) $128睇落隻雞應該幾大隻！半隻嘅份量都幾多下，而且肉都非常嫩滑！海南雞應有嘅味道都有，去咗骨嘅雞食嘢嗰陣時非常方便。雞脾肉滑就不在話下，連雞胸肉都係嫩滑鮮味！同我覺得最好食嘅海南雞間餐廳有得揮！呢隻只係更加大隻~泰滋味鹽燒海魚 $168上枱嘅時候店員已經幫我地去咗皮，好少泰國餐廳係鹽燒馬友！但真係好驚喜，肉質好嫩，食落仲保持住多汁嫩滑嘅口感！海魚果然係海魚，好！鮮！甜！呢條應該我食過最好食嘅鹽燒魚~飛天通菜 $78通菜嘅份量多，味道正宗，但對我來講就有啲辣！魚露蝦干炒椰菜苗 $88我個人就鍾意食呢款多啲，食落無咁辣，而且有蝦干嘅鮮味，可惜係搵到蝦干😂食到最後幾飽都要食甜品~每次食泰國菜我都好期待泰國餐廳獨有嘅泰式甜品！店員好好，本身係應該每款三件各$38，佢俾我哋混款點，每樣一件變拼盤。班蘭椰汁千層糕、西米糕、大菜糕千層糕係熱辣辣，食落唔係煙韌嘅口感，

很久不見的朋友給我生日祝賀，一談之下，發現我們的工作地點非常接近！ 於是立即約食飯！ 朋友選這間的好處是午市可以訂座。由於lunch break 時間有限，都是保險訂定先。我一入到去見到環境很優雅、不侷促。店員都很温文有禮地帶位。見周圍兩三枱點的、朋友推薦的都是金邊粉，於是我都跟風點了。另外我都點了龍眼茶。茶有點像糖水。甜甜的龍眼味。我最滿意的是佢一個杯都附有幾粒龍眼。每粒都甜，不是乾巴巴食不到肉的。金邊粉都色香味俱全。蝦都幾大隻。粉是酸酸甜甜的，挺開胃！唯二缺點是麵身煮得偏濕，而且沒有砂糖點！！！我很喜歡金邊粉點砂糖，佢竟然沒有。挺遺憾呢。這兒食物好食，上菜速度正常。而且坐得舒適，我和朋友都能自在地暢所欲言。這兒很適合lunch break舒服地充一充電。（對，我很幸福）朋友請客，我唔清楚有沒有加一。可是本身加埋飲品都八十蚊，日日lunch break來食可能就有點難。哈哈

今次兩個人黎到，唔想諗咁多，喺餐廳嘅大力推介下叫左二人餐。我地叫左兩杯泰式飲品。椰青就唔多介紹啦！至於珍多冰，好多時無論係泰國定香港啲泰式飲品都會有死甜嘅問題，珍多冰嘅甜度就岩岩好。首先黎嘅係泰式小食拼盤，有炸蝦餅同炸春捲，兩個都炸得好香口好脆，同埋春卷嘅配料係素菜黎嘅。跟住黎嘅係冬蔭公，唔係太辣，配料都係大路嘅菇啊，蕃茄啊，蝦等等，不過稍微鹹左少少。主菜係招牌無骨海南雞飯，雞都頗嫩滑，不過都係稍微鹹左少少。個馬拉盞炒雜菜上菜嗰下已經聞到佢炒得勁香！！！推介的最後甜品有西米糕同大菜糕，佢地口感一熱一凍，一個煙韌一個爽口，配埋一齊食感覺好得意！

香港真係幸福，各國美食都有。無論東南亞定歐美都實有款岩。講到夏天最岩食梗係泰國野，酸酸辣辣好開胃，連帶心情都會開心。簡潔裝備，放置左泰國獨有飾品，最顯眼係間餐廳參加左就業培訓計劃，所以員工好友善又殷勤，加分唔少。同老公二人均係海鮮愛好者，所以今餐全海鮮醫肚。其他餐廳少見既青檸辣汁鮮魷魚沙律，魷魚仲有些少餘溫，絕對係即灼即撈，所以鮮味十足仲好彈牙，清新檸味加酸辣汁，味蕾刺激好大，感覺有如上萬隻螞蟻係脷上跳舞一樣，令人又愛又恨。唔好俾佢停，繼續係冬蔭海鮮湯，由於沙律既勁辣，顯得湯就岩好，大大粒青口加上大頭蝦，鮮甜開胃，仲有椰汁香味。然後係泰式海鮮炒飯，一上台時，香味已經好吸引，顏色亦好搶眼。有黃色蛋，紅色番茄，白色魷魚，肉色青口同粉紅色蝦肉，仲有粟米粒，青豆同紅蘿蔔粒，令人食慾大增！加上鹽燒海魚送飯更係一流。魚皮輕輕一反就露出鮮嫩魚肉，入口滑流，夾雜南薑、香茅既精華，完全冇腥味感或者泥土味，令人回味無窮。生生。泰港知味雖然開左冇耐，但價格合理，員工服務態度良好，已經心郁郁想下次再食過。

驚喜泰國菜🇹🇭-生生誤大誤撞進了這家泰國菜館, 環境裝修簡單, 但食物質素不錯且選擇多👍🏻除一般的粉麵飯類,串燒炸物外, 各式各樣咖喱跟海鮮亦能吃到! 且價錢合理,晚市時段大大碟菠蘿炒飯亦不過$98, 性價比真的頗高💰1. 🍢迷你小食拼盤$118 炸蝦餅, 炸魚餅跟春卷各2客2. 🍍菠蘿炒飯$98要是原個菠蘿上枱會更好😛 炒飯粒粒分明, 做至乾身! 3. 🐔半隻無骨海南雞$128+$20油飯非雞腿位置亦相當滑嫩, 不錯的!!4. 🍮芒果糯米飯$58白糯米質感軟熟,而黑糯米口感煙韌, 即煮椰漿質感暖暖的, 味道香濃, 芒果亦夠香甜!

去同朋友屋企睇波之前, 係佢屋企樓下食左個抵食又美味泰國菜叫左2人套餐$380, 有泰式小食拼盆, 炸蝦餅&炸春卷, 特色冬陰功湯配大頭蝦, 無骨海南雞（半隻）配雞油飯2碗, 馬拉盞炒雜菜,另外再叫野飲添荔枝梳打, 好大杯, 甜味剛好，很開胃，夏日炎炎正好的消暑不肥飲品。招牌無骨海南雞（半隻）配雞油飯2碗, 海南雞肉質滑，但滑得黎有咬口，好味, 雞油飯香香炸🍤蝦餅, 蝦餅彈牙，非常香口，外層脆口，一咬脆到在口內爆炸，口感豐富。馬拉盞炒雜菜, 有西蘭花🥦、椰菜花、芥蘭、紅蘿蔔🥕、秀真菇。配上馬拉盞有少少蝦米，洋蔥蒜頭，唔太辣，又高纖又惹味。

好耐無食泰國菜，約埋fd 黎呢度聚下.店員推薦鹽燒海魚，廢事諗太多就直接order 左個海鮮2人餐先上泰菜春卷2條，幾香脆，一邊sauce 原以為普通豉油，但應該加左d 類似honey 東西，比較稠身帶點甜味特色冬蔭公配大頭蝦 ，中間有隻對切一半蝦. 冬蔭公好濃郁惹味，中間有點辣椒，如果食中辣椒都真係幾辣，味道唔錯馬沙文咖喱煮蟹肉馬沙文咖喱，據我理解應該係帶濃郁椰子香既咖喱. 但呢碟比較似係落左花生醬，有沙嗲醬味道，反而椰香唔多覺. 薯仔煮得唔夠腍. 蟹肉鮮味頗弱，亦有可能被強烈醬味蓋過. 呢度個人同fd 都覺得麻麻，建議選其他另外一提係呢度staff 超多，但主動性頗低. 唔會refill water, 上咖喱但唔上埋跟單2碗白飯. 等左一輪，都無人打算上，最後要自己問waiter 先比飯. 佢地大多數時間企埋or 坐埋另一邊傾計，玩手機. 呢點有改善空間店員推薦鹽燒海魚，上黎已經無左層皮. 印象中其他餐廳好像有層堆得高高粗鹽. 不過有可能係廚房直接推走左d 鹽. 隔離個泰式sauce味道對辦，魚肚有塞入大量香茅，所以食腹部肉時候會帶有香茅香味. 魚肉質尚算嫩. 最後dessert

好耐無食泰國菜，今晚一行四人係灣仔想聚決定吃好泰菜！發現有間新開，地方寬敞，入去開餐先！ 沙爹串燒 6串 ($88): 沙爹串燒可揀雞肉或豬肉，我地揀左3串雞肉同3串豬肉。串燒一來，陣陣咖哩濃郁ge香氣撲鼻，令人胃口大增！雞肉同豬肉都肉質鮮嫩，用料新鮮，而且唔會乾身，配上咖哩汁就更加惹味！迷你小食拼盤 ($118): 迷你小食拼盤包括炸春卷、炸魚餅、炸蝦餅各兩件，樣樣可口，脆而不膩，配上泰式辣醬泰美味！泰式椰子雞湯 (細) ($78): 椰子雞湯加了一些香茅、檸檬葉等和新鮮雞肉煮成，清甜美味，暖胃又開胃！砂煲胡椒粉絲蝦 ($208): 粉絲非常入味，啖啖胡椒和醬汁香氣撲鼻，好味！泰式馬沙文咖哩煮蟹肉 ($208): 有特色ge一道菜式！馬沙文咖哩唔會好辣，但亦不失咖哩ge香氣，蟹肉配咖哩，味道一流👍🏻好快樂的一晚。

今日同朋友係灣仔附近遊盪後一齊食晚餐，朋友話想食泰國菜，係附近搵到呢間泰國菜，好像不錯，於是一試，果然無後悔👍🏻迷你小食拼盤 ($118): 食泰國野點少得小食拼盤！我地點左迷你小食拼盤開心share! 有炸春卷、炸魚餅、炸蝦餅各兩件。炸春卷非常出色，皮脆香口，以木耳絲同粉絲等素菜做餡，香脆而不膩！魚餅同蝦餅口感彈牙，配泰式辣醬真係正！泰式椰子雞湯 (細) ($78): 朋友是椰子迷，就一於試下充滿泰國特色ge椰子雞溫！椰子雞溫帶出淡淡ge椰香，而且口感滑順味道濃郁，一試難忘！椰子雞湯配上香茅、檸檬葉等各種香料同新鮮雞肉煮成，味道層次豐富，非常滋味！砂煲胡椒粉絲蝦 ($208): 份量都唔少，而且幾足料。粉絲吸收晒胡椒同醬汁ge精華，質感滑順，非常惹味！

今天有朋友自內地來港工幹，因工作關係沒有時間去探我，所以我在放工後約她食晚飯聚一聚，她住在灣仔那邊酒店，因為她都忙，沒時間去其他地方食，我們就在附近一家叫生生。泰港知味食，餐廳地方雅潔，環境不會嘈吵，方便我們閒談，而且朋友也喜歡食用泰菜。那麼我們便入座了！入座後見餐牌有幾款套餐，我們選了人氣熱賣2人套餐。泰式小食拼盤（每款2件）：炸蝦餅和炸春卷，蝦餅炸得外層十分酥脆，肉質彈牙。春卷餡料包滿，皮也很脆，好味。泰知味特色冬蔭功配大頭蝦：湯真的太滋味，酸中帶微辣，因為有香料和大大隻太頭蝦，味道香又有鮮味。招牌無骨海南雞（半隻）配雞油飯兩碗：半隻份量都不少，海南雞已去骨，皮爽肉滑，配特製醬汁，帶點辣味，味道提升不少，或點些薑蓉又是另一番風味，總之就是好味！還有2碗油飯，飯粒粒分明又夠味。馬拉盞炒雜菜：夠穫氣，用馬拉盞炒，好夠味，多種蔬菜有不同口感， 不錯！椰青大菜糕：椰青味濃，爽口不會太甜！泰式沙嗲：雞肉和豬肉各三串，兩種肉都燒得表面金黃色，肉質嫩滑，配特別香濃的沙嗲汁，十分惹味！青島啤酒：美食當前，一定少不了啤一啤。

去左灣仔接朋友收工, 順便食飯, 帶我去食泰國野雖然二人套餐幾豐富, 但有D 款唔太啱食, 我地最後都係散叫冬陰公海鮮湯, 可以分到4碗湯頭好香, 放滿配料, 酸辣適中, 有大頭蝦, 香茅, 秀珍菇, 香料等咬秀珍菇時唧汁, 吸收左酸辣味, 好入味, 辛辣醒胃肉碎生菜包, 肉碎係豬肉, 多汁又惹味, 用新鮮生菜包住食, 用手食特別有風味不過辣度比較輕手, 同冬陰公的辣度不同, 我地要問侍應拎辣汁自行加辣炸蝦餅既蝦肉好彈牙, 外脆內軟令人食到唔停口, 啱哂鍾意食香口野既我, 加上雞醬好滋味泰知味鹽燒海魚平時食開泰式燒魚都係烏頭/鰂魚多, 我地首先問左侍應係咩魚, 知道係馬友先叫在魚頭下面擠滿香葉, 火燒時逼出香味, 令魚肉不腥又帶有香味魚肉質鮮美, 油脂度豐富, 蘸上泰式辣汁好慈味燒魚中間只有一條大骨, 食起黎幾方便

昨天在灣仔那邊放工， 天氣太熱冇咩胃口，突然好想飲冬陰功湯。 灣仔其實很多泰式餐廳， 朋友介紹近胡忠大廈有間新開的泰國餐廳。 嗱嗱林從太源街直走上去轉右邊。 餐廳很有度假feel， 兩邊都有落地玻璃，感覺很relax。原來都有二人餐和三至四人餐可供選擇。 見有個二人海鮮餐都差不多有齐我們喜愛的食物， 非常啱食。泰式素菜春卷 熱辣辣新鮮炸起， 炸得唔錯，唔會油淋淋又鬆脆， 餡料有冬菇和蘿蔔絲木耳絲， 好美味餐前小食! 泰之味特色冬陰功配大頭蝦二人份量都不少，一大碗橙紅色， 頓時胃口大開。 冬陰功湯底充滿海鮮鮮味，各式泰式香料味， 有層次酸，辣，鹹非常平衡。 有少許嗆喉且辣度適量。 材料好豐富，許多茹類， 海鮮有青口，魷魚，大頭蝦。 蝦頭蝦膏甘香美味， 冬陰功湯絕對堅料值得推介。 馬沙文咖哩煮蟹肉 馬沙文咖哩椰香帶甜， 是一種很溫和的咖哩， 蟹肉碎鮮味， 唔使拆蟹乾手淨腳又有咖哩蟹食， 配上馬沙文咖哩 一啖接一啖完全停不了。食咖哩唔少得兩碗絲苗白飯，超正!香茅鹽燒海魚接著還有驚喜。 不要看這條鹽燒海魚平平無奇， 但竟然魚味濃厚，魚油豐富， 魚肉細緻嫩滑， 一點也不乾。 忍唔住好奇問店員是

炎炎夏日、馬上點個泰國椰青、好大個又清甜、連椰青肉都好嫩滑。泰國柚子鮮蝦沙律 $88有好多柚子、酸甜清新、鮮蝦新鮮彈牙、味道調得剛好沒有過鹹。往往想點冬蔭功湯、奈何我又不怎吃得辣、退而求其次、點了1-2人份的泰式椰子雞湯$78。份量比想像中大啊、我們三人都喝了兩碗、椰子與雞湯味好濃、有少少酸辣、味道很有驚喜！秀珍菇和雞肉都新鮮爽口馬拉盞炒通菜$78夠鑊氣、通菜較嫩、味道少少辣好惹味。泰式菠蘿雞肉炒飯$98 看上去跟平時吃得差不多、但很夠鑊氣、飯粒炒得乾身香口。炒飯裡還加入類似煙肉、臘肉粒、味道更香更惹味！想不到最令我回味的是那菠蘿炒飯😇 這又是另一間下次會再來的泰國菜餐廳。