生生。泰港知味 (已結業)

今日又熱又曬，想食啲開胃啲嘅嘢，咁所以搵間泰國餐聽食下啦。間餐廳環境都幾舒服，空間感亦夠。雖然今日係星期六，同埋我哋去到都已經兩點幾喇，但係仍然都有午餐提供。午餐嘅款式都多選擇，主菜仲有素食揀添。叫咗主菜之後，可以加錢叫埋飲品、小食同甜品。我叫咗鮮蝦雞肉炒金邊粉。金邊粉嘅賣相好靚。蝦好爽，金邊粉有少少濕，不過都好好食，夠曬開胃。我老公就叫咗個黃咖喱牛腩飯。牛腩好淋，仲有薯仔。個咖喱汁甜甜地，撈飯簡直係一流。