生昌潮州海鮮酒家

營業中

休息中

呢餐都算係我們一家走到最遠的一餐.... 大圍田心警署對面...環境就唔算好.... 但勝在d 伙記都算落力招呼 , 雖然昨晚母親節正日亂到飛起... 又有d 無訂台既怪客企晒入黎笈著人地食野等位,....食物都有些漏單 , 但總算都開開心心吃了一餐...12大1bb.... 叫了1個6-8人餐 980.00 + 其他小菜麵食... (之前家人吃過如叫 12人餐...超飽 , 而且 1990.00 )總括各樣... 覺得最好味是個"次" ... 份量足 , 湯味濃 ...但昨晚感覺唔夠平時好 , 因為隻雞都未煲得夠溶 ...糖醋麵 ... 都ok , 略厚 , 但就上台已落晒糖 , 無得加多 or 唔落... 醋就只係大紅浙醋 ....蠔餅和蠔仔粥真的不錯... 料足而且味道好...炸蟹棗 , 同鹽燒烏頭就最好味.... 鹹香賣相都很吸引... ^^隔離仲有 car park ...非常正...

前日星期日，日間要連聽兩個briefing，飲晏晝茶，臨天黑又要去辦些事，飲茶時，我阿姨話夜晚出街食，突然間阿姨又諗起好耐冇去顯徑的生昌，所以前晚就去了生昌吃了。平時搵位的工作應該係我做的，沒理由要阿媽去霸位掛，不過因為今晚有事要做，要搞掂先至趕過去，去到已經係八點半了，因時間關係，我阿媽已經一口氣叫了五個餸，包括蠔仔粥、蠔餅、花枝蟹棗、腰果花枝片及鹵水鵝片。不過因為我沒帶相機，所以沒有為各菜式拍照了。蠔仔粥 - 係我在生昌的至愛，每次嚟食都要例叫的，粥底的湯聽講是翅湯，加上地魚，其他潮州食店係整唔到咁好味的。蠔餅 - 印象中嚟左咁多次只係叫了一兩次，因為每次嚟都有叫蠔粥，所以也沒有叫蠔餅，不過今次阿媽竟然叫了蠔餅，食落口夠香口，又不太實，又不太"水"，少少脆口，好味！花枝蟹棗 - 亦是例叫的菜式, 墨魚加蟹肉打成膠再炸，送酒一流，不過阿媽覺得這次的偏咸。腲果花枝片 - 花枝片炒得爽脆，連西芹也炒得香口，我平時唔食西芹也吃了幾條。鹵水鵝片 - 師父刀功出色，鵝片切得很薄，不過嫌鵝片數量太少。最後，我忍唔住又叫了一條鹽焗烏頭，來生昌這裡，十枱有九枱都會叫烏頭，因為這裡的烏頭實在太好吃，烏

2008年7月23日晚飯談不上是一次正式的約會, 因偶然的機會下, 與當時還未是男友的友人, 第一次外出食飯的地點, 就是生昌, 所以滿有懷念的價值兩人一共點了3個餸,1. 蠔仔粥 - okay, 但味道可以再濃一點2. 鹵水鵝片 - 不俗, 夠熱, 鹵水汁味道很好, 很入味3. 辣酒煮花螺 - 味道很好, 但可能太夜的關係, 斤兩不足, 故最終收平左1/3價錢會再幫襯, 與男友決定了拍拖一個月紀念日再去光顧

約到一眾舊校友作飯局叙舊，加上幾位嫂子、和其小孩和菲傭，足足有十個人之多。菜館主要以潮州菜或打冷為主，另有海鮮和街坊小菜供應，試了七至八樣食物，雖不是每一道都叫好，但看得出店家是交到功課的，而埋單價錢遠比想像中相宜，沒收任何雜費之下，連一百元也不需要，在這年頭，已甚為難尋了。有人批評服務水準不佳，但以其做街坊生意為主的風格，當晚表現，合格有餘。反而不滿的是預先訂位，但店家要求吃指定套餐作條件。鹽焗烏頭.和一般潮州魚飯相比，它多了一重鹹香，而此店的烏頭，據聞來自優質的魚場，質素甚高，肉質嫩而不鞋，魚油甚多，用來沾普寧豆醬，味道甚佳潮州凍蟹.裡賣一百元三隻，和其他同類食店相比，可算非常抵食。肉厚之餘，蟹羔也多。稍嫌風乾時間不夠，肉質水份多了一點，不夠爽實。滷水鵝片 .其滷水以味濃為主，少了一點幽香，但還算不錯 ，鵝片肉質是可以接受的。蠔餅.其炸蠔餅用料十足，不過同一時間，覺得粉漿開厚了一點，臨到最尾才吃了一件，印象中不太脆。 西蘭花炒帶子 .怎都要有碟菜，這西蘭花炒帶子，炒得有鑊氣，極為爽口。 椒鹽鮮魷.這碟小菜基本在各大小菜館都會有售，只是這一碟出奇之外的好味，外面固然炒得香脆，而內裡的

風味潮式打泠菜, 良朋歡聚暢飲之選((喜出望外))星期日晚上七點, 朋友帶我到屋企樓下打冷, 我起初我估梗係屋邨貨式, 家常小菜罷了; 去到店鋪已有一堆人群在門口等位(聽聞如要訂座,必須惠顧套餐), 由於鋪頭橫跨四個鋪面, 等了廿分鐘終於可以入座!打開琳瑯滿目的菜牌, 列載了很多類別, 如特色潮州菜(如蠔餅, 卥水併盤, 炸蟹棗), 海鮮類(如凍蟹, 鹽焗烏頭, 椒鹽蝦, 蠔仔粥), 肉類(如西檸鴨, 沙茶牛肉, 潮式卥水鵝), 由於我們只有3 人, 所以只叫了幾道菜:蠔餅(例牌$48 )：不像外面只得粉漿, 蠔仔尚算多, 可口香脆, 回味無窮。份量夠多, 大塊兼厚身。鹽焗烏頭($60)：都算大條, 足夠3人份量食, 不會太咸, 肉質保持鮮美, 聽伙計話是鎮店之寶。潮州卥水併盤(例牌- $98)：有卥水豆腐/酸菜/花生/菜甫託底, 可幫助消化, 有卥水鵝, 大腸, 墨魚, 紅腸, 卥肉等, 加埋醋點, 味道恰好。西檸鴨($58): 炸得香口但不油膩, 鴨肉烹調至沒有雪味, 西檸不太酸, 開胃醒神!最好這處是街坊生意, 不設茶介及加一, 還有店鋪隔離有個大露天車場, 食客可享用首2小時免

星期日4個人開車去生昌記食飯，大約6:30去到隔離既爛地停車場，不過已經滿位，要在門口等位，有個可能係老闆既男人同我地講，滿晒位喇，比12蚊你去對面泊車喇(係生昌食滿200蚊可免費2小時停車)，我們當然唔去第度喇。呢D係食店既泊車服務。車在等位同時，我地先行找台座，一座下，還在等齊人時，已有人過來問我們幾次下單未，不是我們不下單，只是未齊人，人在你們的爛地停車場等位。我們便飲下茶睇下菜牌，那裡每台也有一壺茶，但有朋友不能飲茶，只能飲水，便向他們要求多一壺水，怎料那人收走我們的茶，換來一壺水。稍後我們向同一人要求要回一壺茶，那人不滿地同我地說:無咁多壺。便頭也不回地走了。他的行為令我們很錯愕，只是一壺水/茶，值什麼錢呢？後來再問另一個人想要一壺茶，才有茶飲，劉華表示，咁既服務態度唔得架喇！唔知呢度既人有無聽過呢？我們2男2女點了:翅湯蠔仔粥一窩鹽焗烏頭蒜蓉西蘭花鹵水併盤(中)頭3樣好味好快清碟，併盤中4個人實在太多，只食到一半，因很多內臟，點解我地要叫中呢？因為細可以選3款但不能選鵝件，所以便叫了中，價款細6X, 中138，我們想4人實在食唔晒，當中鵝腸有沙，食左幾條幾條都有，實在食唔落

噚晚約班同事，放工後開完會去沙田生昌食晚飯。我第一次去，同事們都去過幾次，而同事妹話生昌烏頭魚同冰鎮菠蘿好正。咁就一於去品嘗。是晚點：1.鹵水拼盤---都O.K.2.煎蠔餅---樣靚、但炸粉太多3.鹽焗烏頭魚---好味4.蠔仔粥---多料、但太多浮游物體同醜樣5.筍(潮式小食)---超好味6.春菜(潮式小食)---似湯渣7.酒娘乳釀蘇---酒重、怪味、不倫不類8.方魚炒芥蘭---不是水準、方魚料差9.冰鎮菠蘿---原來將新鮮菠蘿連皮切片放冰粒 上面、無特別10.金銀條(甜品糖煮芋頭同蕃薯條)---九唔搭八、放 上花、似定甜品呢？

點解我係3月22日的食評唔登?批評的就唔俾出??小心獅奄..... 食評日期: 2008 年03 月22 日如果散叫無得訂位係呢到一大失敗之處......同朋友早幾日來食，叫左獅奄、蟹棗、生腸粥、蠔仔粥、椒鹽九肚魚、什菜煲、烏頭同埋生腸拼墨魚等...無可否認，好多都好好味，但坐得好辛苦，坐出面已經無乜位，仲要鬼咁多人走來走去，讓位俾人行都佔食飯時間1/4！另外，每次必叫的獅奄今次好失敗，雖然半生食，但都無埋由無乜熱水....初頭都唔覺有乜特別，但食落無乜溫度=_=，味度唔甜...但都拼死去食....但我疴水疴足2日.....雖然係半生吃海鮮，但好明顯今次衛生唔夠.....下次都係唔叫了.....要讚：烏頭、椒鹽九肚魚同蟹棗好味要彈：什菜煲好難食..............如果能夠改善環境及態度，會更好生意....是次每人消費約$100元味道：5 環境：1 服務：2 衛生：1 抵食：3

以前都有聽過河畔打冷，不過近年差晒... 打冷就不如撘架小巴，過黎下徑口村食。冇去一段時間，原來生昌已經擴充左，「要」埋隔離個舖位。三個人，叫返d 例牌野：1. 烏頭：好新鮮好大條好肥美，但如果唔食d 皮，都唔會覺得過鹹。2. 蠔餅(例牌)：香脆可口、蠔就唔算好大隻，但夠多。仲要一題既就係，叫個例牌已經好大塊同埋幾厚，有三至四人份量。3. 潮式翅湯浸時蔬：真係唔好比佢個名呃到，其實佢係上湯浸時菜。份量比一般食肆既炒菜多約一半，但價錢都係$48，水準ok 啦，志在食返少少菜姐。4. 潮州三寶(例牌)：有咸酸菜、花生同菜甫。咸酸菜略嫌甜左少少，花生都幾好，最好食係個菜甫，夠「野味」，送粥最岩。埋單，$202，正﹗不過呢，佢入口果度嫌佢太多燈飾了，尤其是d 樓梯果度，有少少令人眼花，所以環境會扣少少分。題外話，佢個menu 好得意，因為佢個封面唔係公司名公司logo、唔係推介菜餚，而係腳底按摩的宣傳，難怪既，d 野好食，賺得多，便有本錢「多線投資」了。

"狗狗震"講得無錯, 係街坊都會知到生昌呢間野. 每個weekend就會有好多人等位同有"車龍"等拍車.

係街坊都冇理由會唔識生昌，我一向不好潮州打冷，但都被這裏的凍蟹和小炒所吸引，很多人是慕名而來，特登揸 架車過黎食。如果大家有刨開飲食男女，就會知道佢係年年有食神大賽中的奬項(新作品有“酒娘釀蘇蝦”。有時好大班人黎探我，唔想煮得咁辛苦我就會帶佢地去生昌食雞煲翅餐。由初時既$698七人餐加到而家七百幾蚊，一樣係咁抵食。因為個餐足十人份量。有次佢將個“大四喜”糖水改左做“冰鎮菠蘿”，一上碟我地已知不得了。個菠蘿超大，切成半月型一大塊，好像吃西瓜那樣，很過癮。(但不是常有)個餐有雞煲翅、鹹水鵝(有骨的，不是鵝片)+雜拼、蠔仔粥、蟹棗(我的至愛)、凍蟹等。不叫餐可試試這裏的炒蟶子，頗肥美(但有朋友話吃到有沙)。夏天加杯咸檸七，超爽﹗我唔介意環境街坊，因都算乾淨，但我老爺就嫌這裏坐得迫唊。不過這裏只做晚市，不設午飯。

因為呢間野住正係我樓下, 所以與家人外出晚飯時呢間野都一定係首選. 因為屬於街檔既關係, 環境衛生唔會要求太多.招牌菜鹽焗烏頭一定要試, 肉質口感佳而且無腥味, 可點豆醬伴吃, 不過淨係食肉就得, 唔好食到魚皮同內臟. 有一道菜菜單無寫上去但有得叫既椒鹽白飯魚, 白飯魚大大隻而且爽脆, 一定要叫.另外蠔餅亦值得一試, 餅中有好多蠔仔, 而且不算太油膩.如果叫套餐的話, 前菜的酸菜亦好好味, 爽脆且酸中帶甜. 不過鹵水拼盤睇落去大碟但芽菜墊得太厚, 味道亦不突出, 甜品可選擇冰鎮大菠蘿或潮州大四喜, 個人較喜歡吃冰鎮大菠蘿, 原隻菠蘿上碟時十分有「氣派」. 食貴少少可以選擇$128 的魚翅燉雞煲, 雞湯十分入味, 值得一試.一年內試過約10 次都保持到水準, 所以推薦俾黎大圍食野既朋友.

係沙田想搵d 好野食真係頭痛，須然我住左廾幾年。生昌都算首選。滷水有水準，我就仲意鵝件、生腸、大腸。但豬腩肉就差d ，因為唔夠入味。冷盤仲多選擇、凍蟹、凍龍蝦、凍烏頭、有時仲有鯖魚飡 。魚翅抵食。小菜我愛潮洲赠 瓜䰄 魚標。缺點係環境差同成日都好多人，d 野仲好大碟小人就唔知點叫餸 。

其實真係好抵....最抵就係個魚翅....因為$200 唔使...就有一煲....我地四個人....每人食兩三碗...你話幾抵丫....真係當碗仔翅都抵....哈!!大家真係要去下呀!!!!!

星期六晚上七時半，第一次來，其實是一間大排檔吧，不過其門若市，很想試試。兩個人點了：1. 鹵水墨魚(豆腐底)($45) - 兩樣都好好味!2. "馳名"沙茶牛肉炒芥蘭($48)- 好大碟，味道普通，食唔哂3. 翅湯蠔仔粥(一碗)($25) - 幾好味，蠔仔夠多夠新鮮4. 雞湯翅(一盅)($68) - 翅湯好味，湯料有一大塊翅，兩隻雞腳，一舊豬骨，個盅的size比銖記小兩個人試不到太多東西，朋友其實最想吃凍蟹。座位很迫，朋友坐出面，常常給其他食客撞來撞到，唉...