甜記餃子 (已搬遷) 新店位置

夜晚簡單一餐。餃子肥美足料隻隻都脹卜卜。西洋菜豬肉餃子併香芹芫荽豬肉餃咬開入面好多汁。蕃茄薯仔湯底好清不多味精。粟米芝士雞肉皮煎得脆口又唔會燶。芝士唔會太多太膩。這間可以encore

冬風起 就會想食湯水野 呢日心血來潮 食餃子 🥟一路都聽過甜記 但未食過 等位10分鐘左右.叫左 香葉肉碎豬肉餃 同埋 醉雞 首先 一飲個🍅🥔湯 我真係忍唔住心裡面講：人嚟 頒個獎比個湯 唔該 快啲 😂😂入口清爽 而且唔膩 蕃茄既酸味亦有層次 個煮到溶溶爛爛既薯仔亦記一功 （加多個獎比個薯仔pls) 🥲🥺 100分.我亦明點解咁多人鍾意食佢嘅餃子俗語有云皮要薄 餡要靚我覺得仲有一個重點就係個餡要夠結實，唔會一咬就散開晒同埋太多水分 就好似包裝水餃咁 煮落好鬆散 令到餃子皮同肉好易分離 湯、皮同肉都分開哂而甜記餃子就好緊實 而且調味剛好 我食既香葉肉碎口味 雖然比較新式 但入口完全合理 另外醉雞就不過不失 肉質嫩滑 但骨相對碎散 容易與肉混和 如有去骨選項則更好 總括黎講 蕃茄薯仔湯世一 thanks

長沙灣搵野食就會諗起甜記餃子🥟，足料大粒夠曬飽滿，皮薄餡令唔話得👍🏻🤭。雙拼湯餃 韭黃雞肉餃🐓&韭菜豬肉餃 🐖5/5 $44兩隻餃都好香，餡料多到爆出嚟，鐘情韭菜韭黃既會好鐘意，特別喜歡既係唔會有多餘既配料，例如係薑蔥粒影響口感。雞湯香甜，食餃子可以配自家製辣菜莆 ，帶來既辛辣新鮮感刺激鮮味。整體來說，小編好滿足好享受咁食曬成碗。🥴😆雙拼湯餃 菜芯豬肉餃🐖& 西洋菜豬肉餃🐖 5/5 $44B🐷食既蕃茄湯底，酸甜既湯底，菜心鮮甜爽口，西洋菜份量多又鮮嫩，加上豬肉餡豐富層次，食得樂而忘返，但10粒份量對女士比較多，可以叫8粒既份量。☺️地點:位於青山道既地舖位，地鐵黎講都要行10分鐘先到，附近有工業大廈，商店，學校，所以佢地生意對象大眾化，午市晚市都多客人。環境:好細既舖位有比較多枱，所以坐位之間比較窄，無私隱度🥲，坐得唔舒服又無位放行李，要手抱行李食嘢，好唔方便。價錢:44蚊10粒，每粒4.4，餃子店來說都係中等價錢，但性價比幾好，質素很好，小編很喜歡🤭🤭。服務:自助式手機落單，適當提醒其他客人煎餃需花費較多時間👍🏻。

係附近做完運動大概9點，附近啲食肆都差唔多收哂甜記開到十點，可以去食😬😬旺角嗰間就食得多，第一次食長沙灣店依家轉咗做QR code自己落單，叫咗椰菜豬肉餃同豆角豬肉餃，嗰frd叫南瓜忌廉雞肉餃。但佢個碗嚟錯咗🥲🥲最後都係椰菜餃椰菜豬肉餃正常發揮好味，配埋蕃茄薯仔湯😋😋豆角豬肉餃就好重香葉味，唔係咁多人接受到。豆角好足料，如果鍾意陣香葉味啲人應該會like👍🏻👍🏻最後必食既菜脯，辣得嚟好好味。就咁食都唔會過鹹。但對唔食得辣既人嚟講會辣咗啲✌🏻

聽聞呢間餃子店午市經常要等位，所以揀咗非繁忙時間黎食，去到有位直入。鋪面地方不大，枱數不多，但乾淨企理。\\\ 點餐 \\\煎餃 雙拼 $40/8隻  $44/10隻▶栗米芝士雞肉餃▶洋蔥薯仔牛肉餃餃子大隻，餡多足料，皮煎得脆口又唔會好燶！栗米芝士雞肉餃嘅餡料配搭好夾，淡淡芝士味融入雞肉當中，呢款推薦揀煎餃。洋蔥薯仔牛肉餃有洋蔥絲薯粒，肉汁充滿牛味。湯餃 雙拼 $44/8隻  $48/10隻▶南瓜忌廉雞肉餃  ★推介▶白菜豬肉餃湯底：蕃茄薯仔湯湯入面有料，偏清淡，唔知係咪怕搶咗餃子嘅味。食湯餃先感受到餃子皮薄。推介南瓜忌廉雞肉餃，味道似雞肉浸咗南瓜忌廉湯，甜甜地，4款餃入面最鍾意呢款。白菜豬肉餃嘅菜夠多，常見餡料所以唔算太驚喜。▶牛展麵 $42湯底：雞湯  麵底：臺灣麵牛展幾腍，臺灣麵外觀似上海幼麵，食落軟身沒咬口，一般般。\\\ 整體評價 \\\★想encore指數 -  7 / 10 ★餃子製作用心，價錢親民！

竟然比我係長沙灣發現左好好味嘅餃子店，叫左湯餃同煎餃試一試雲耳湯餃同西洋茶豬肉餃落單後10分鐘已經有喇😜都幾快手兩樣都好味皮薄又好足料，餃子大大舊咬開入面好多汁而餡料都非常入味，推薦我見人人都會拎佢個菜甫，我都唔執輸拎黎試試，菜甫麻辣味好香好惹味🤭好有驚喜！

本身去長沙灣食開好味餃子店今次試一試都係喺附近嘅呢間餃子店呢間有好多口味… A-K 既味今次叫咗兩個10粒嘅煎餃佢10粒嘅煎餃，就算雙拼都唔需要額外加錢1. 菜心豬肉 x 京蔥羊肉餃 $482. 韭菜豬肉 x 洋蔥薯仔牛肉餃 $483. 滷水牛展 $48佢嘅餃子比我想像中細咗啲唔知係咪外賣嘅關係我覺得佢嘅煎餃唔係煎得好乾身嗰種佢嘅外型係有個少波波咁，唔係扁嗰種四款唔同嘅味道都好突出菜心好爽口，亦都食到有菜心嘅味道羊肉有羊臊味韭菜豬肉一般正常發揮洋蔥薯仔牛肉個味道都幾特別唔係周圍都有得食一定要連埋佢嘅菜浦食下次試吓佢嘅湯🥟先滷水牛展冇乜味，下次都係專心食佢嗰啲餃子就OK啦

星期日晚8點去到得番兩款餃子，分別係1️⃣粟米芝士雞肉餃2️⃣香葉豆角豬肉餃叫咗依兩款嘅煎餃共10隻（$48）餃子皮薄，煎得脆身香口，內餡飽滿，咬開仲爆汁💦1️⃣粟米芝士雞肉餃粟米好甜，芝士嘅存在感唔太強，調味適中2️⃣香葉豆角豬肉餃本身諗住個餡料會好泰式，會怪怪地，但豆角同豬肉做餡食落幾爽口爽幾夾，做煎餃的確唔錯另外叫咗個醉雞麵🐔（$44）整體調味偏甜，酒味唔太濃…雞肉比較實淨，個麵底幾好食！加埋蝦米辣菜圃好惹味

建議：菜甫同醋可用兜仔按個人所需添加，記得要適量唔係浪費呀😌甜記聽得多，終於都食到啦🥟 次次去開長沙灣都會去睇下會唔會好多人😂 但每次去堂食都已經爆哂，門口塊排隊板仲要係寫滿哂🥲 今次好好彩🥟 岩岩去到就有人食完起身走✌🏻今次試左：▫️湯餃雙拼配番茄薯仔湯 (HK$44)▪️豆漿 (HK$10)不論係叫湯餃、煎餃同生餃，全部都可以雙拼🥳，今次既雙拼就揀左菜心豬肉🐽 同南瓜忌廉雞肉🎃 菜心餃比較少見，作為好鍾意食菜心既#試伏專員 直頭諗都無諗就揀好左💚 落單後唔算等好耐，大概🔟分鐘內就上齊😋 每隻餃都好飽滿，南瓜忌廉雞肉餃偏重🎃味，一夾開就好易皮肉分黎，味道中規中矩，唔知會唔會考慮做一款素餃呢😌 菜心餃比較出色，因為夾開見到菜同肉都比例都適中，而且菜心莖好多😍 每啖都好爽口。湯底有2️⃣款可以揀，除左番茄薯仔湯🍅 仲有雞湯🐔一啖餃配一啖湯，清清地既番茄湯真係好醒胃。如果係#餃控 🔟隻餃真係唔算多，食完好滿足😋 本身好想買埋生餃 (12隻 HK$50)，不過天氣太熱又唔可以即刻放雪櫃🥲 下次會再黎補下倉❤️豆漿就係現成來貨，#正遠 依個牌子都幾多粥麵店會用。味道正常，甜度亦算適中。另外，枱面上備有菜

堂食成日都要排隊，所以今次叫左外賣~但質素都KEEP到白菜豬肉餃子配蕃茄薯仔湯（10隻）餃子皮做得很薄身，白菜份量吾少，而且菜粒十分很爽口，令餃子十分有口感。蕃茄薯仔湯味道清甜濃郁，有一大舊蕃茄同薯仔，應該吾會好味精，因為飲完都唔會話好口乾，要成日飲水。跟湯食同配香醋食有2種風味。南瓜雞肉忌廉餃 （煎餃10隻）南瓜同忌廉味唔算重，但卻十分好食，好CREAMY，可能因為用雞肉，所以食落去味道都同之前食過嘅餃子吾同。煎餃外賣返到去會冇甘脆，但就可以冇甘熱氣，佢甘多邊都煎到金黃色，睇得出落足心機煎，可以ENCORE。

是日假日來到甜記餃子午餐，大概等了10分鐘左右便可安排入座。餐廳門外設有排隊紙登記寫下電話號碼頭4個字及名字便可以了。餐廳環境不算大，大約有7枱，每枱可坐4人，餐廳畫了一幅人們正在吃餃子，十分可愛，裝橫有種茶餐廳的感覺。餐廳是自助落單的，是日點了以下餐點：❣️蕃茄薯仔湯餃x10粟米芝士香菇雞肉餃x5南瓜忌廉雞肉餃蕃茄薯仔湯有家的味道，很清甜，沒有味精，薯仔份量不多。整體餃子餡料啖啖肉，滿足感🆙粟米芝士香菇雞肉，鮮甜的味道，充滿香菇香氣，芝士不是會拉絲的那種。南瓜忌廉雞肉餃是可以一試的，有驚喜，南瓜忌廉很軟綿，與雞肉很相配👍🏻❣️煎餃x10京蔥羊肉餃x5椰菜冬菇雲耳豬肉餃x5整體煎餃都是煎得香脆的，不會過於油膩。京蔥羊肉餃不會太羶，選擇煎餃是明智之選～不敗之組合是椰菜冬菇雲耳豬肉，雲耳很爽口，亦帶點冬菇香氣，本人覺得如選擇湯餃，會更相配～總括來說，餃子是不錯吃的，屬於皮薄，餡料足料。另外，餐廳亦有菜脯任取任吃，真的很棒👍🏻

一直都好中意食餃子，見呢間個個都話良心小店好好食就過黎試下啦。叫咗個粟米芝士雞肉餃子台灣麵番茄薯仔湯底同豆漿。當日唔太多人，不過因為無自助落單系統，所以啲員工都忙住招呼客人。叫咗後等咗大約十五分鐘終於都有得食，唔知係咪因為本身太期待，所以有啲失望，湯底黎到上面有幾pat凍嘅番茄薯仔，湯底味都唔錯。個粟米芝士雞肉餃子入面唔太多雞肉同芝士，我覺得比較似淨粟米，芝士無乜味而且唔知係咪煮太耐佢唔係流心，個皮都有啲厚同硬，唔係我中意食個種餃子。個台灣麵最大鑊，好淋但又痴埋一齊，仲有幾條係硬硬地嘅，所以我食咗幾啖就無食。唯一可以讚下嘅係佢個辣菜脯，好惹味，係死咸咗少少。希望佢地可以改善下，下次再試其他餃子。

成日聽人講甜記餃子好好食，但每次喺旺角經過嘅時候，條隊都好長好長，所以懶懶嘅我每次都轉咗去對面食天園 🙈（其實天園都好好食，下篇食評再講）今次柴娃娃一齊叫外賣，唔駛排隊～ 終於都可以試吓傳說中嘅甜記餃子啦 🤤香芹芫荽豬肉餃滿滿嘅芹菜同埋芫荽，菜同豬肉嘅比例控制得好好，爽口得來又有咬口，一啖食落去香氣四溢，不過就略嫌芹菜澀咗少少 🙈南瓜雞肉忌廉餃南瓜同忌廉嘅味唔算好重，我一開始以為佢會好漏，但點知食落去都 creamy 得黎好清新同場加映自家製辣菜脯，好香但辣度十足，如果唔食得辣嘅朋友淺嘗就好啦 🙈其實佢可以選擇湯餃或者煎餃，我就係湯餃牌，最鍾意一路食餃子，一路飲熱辣辣嘅湯 🤤 重點係，呢度嘅湯有得揀雞湯同埋蕃茄薯仔魚湯！小編今次試咗蕃茄薯仔魚湯，味道濃郁，有少少蕃茄同薯仔，而且飲完一啲都唔口乾 👍🏻 下次再經過，我絕對願意為咗佢去排隊 😆

👩🏻‍❤️‍👨🏻：⭐️⭐️⭐️⭐️⭐️之前一段時間🤵🏻‍♂️都Work from Home，食得最多嘅就係甜記餃子。今日咁岩又喺屋企，當然二話不說叫外賣，同埋終於的起心肝擺靚啲食物嚟影相。🤵🏻‍♂️白菜豬肉餃子配蕃茄薯仔湯（10隻）$60皮薄餡靚，肉香多汁，次次送到黎都仲係熱辣辣，仲好細心配上熱湯，可以揀清湯或者蕃茄薯仔，保證食嘅時候熱辣辣。送惹味辣菜譜，同埋獨家香醋。不過個人覺得乜都唔掂已經好好味！🤵🏻‍♂️白菜豬肉生水餃（12隻）$60已經係第二次買，留嚟夜晚可以煮。包裝精美，見到個紙盒已經覺得高級，餃子仲係分開包裝，保證煮嘅時候唔會黐埋一舊舊🎗 幫襯香港人嘅舖頭真係最開心，仲要好食，真係為WFH添上一絲精彩IG@eateat.couple

\ 沙田 - SENSU\💕今日介紹既依間餃子店，每次咁啱去附近都會買返碗，係一試就愛上既餃子店🤩┈✨湯餃 $44/10隻-依度既湯餃有成12隻口味，今次就試咗南瓜忌廉雞肉餃、椰菜冬菇雲耳豬肉餃、韭菜豬肉餃同埋西洋菜豬肉餃🥟好欣賞呢度嘅餃子嘅皮夠薄，正宗既皮薄餡靚！而且佢既蕃茄薯仔湯底好鮮甜，好好飲😋呢度除咗有傳統味道嘅餃子之餘，都有啲創新嘅餃子口味，而且都整得好好食😋今次食既南瓜忌廉雞肉餃有濃厚嘅南瓜味同creamy既口感，混合雞肉肉餡，比起豬肉餡更加清爽唔油膩，係我每次都會encore嘅餃！(๑´ڡ`๑)另外如果你鍾意食西洋菜嘅，一定唔可以錯過西洋菜豬肉餃，依款都好好味！配埋佢自家製既辣菜脯，一流！(˃̵͈̑ᴗ˂̵͈̑)至於基本既傳統餃，味道就正常發揮～下次我會想試埋其他創新嘅餃，例如京蔥牛肉餃，洋蔥薯仔牛肉餃，或者粟米芝士豬肉餃！唯一既小缺點係湯餃set最多只係叫到十隻，如果可以再叫到多啲就好啦，大胃口嘅我表示可以食多十隻🤣