甜牙牙

營業中

休息中

今日又到旺角做野，又難得收早，就同同事去食個下午茶，其實兩點先食午飯，四點又食下午茶所以選擇食甜品，因為女士係有兩個胃架～剛剛傾好食甜品就行到門口，唔洗諗入去啦～甜品種類比較多有窩夫系列，雪山系列，鮮果系列，鬆餅系列，心太軟系列，木糠布丁系列 ，梳乎厘系列等等～飲品亦有花茶系列，咖啡系列， 特色飲品例如沙冰～我地每人點左一款甜品一款飲品～玫瑰水果茶$48玫瑰味好香濃，加左好多新鮮水果粒～味道帶點酸～士多啤梨沙冰$28微微既士多啤梨香，入口係滑身好似食乳酪咁樣～唔似沙冰芭里住在鮮果land$98外表非常吸引，多款鮮果配搭，藍莓醬，仲有蜜糖，窩夫脆中又帶點軟心，加上蜜糖和藍莓醬再搭一點雪糕四季鮮果伴雪糕$58鮮果有香蕉，蜜瓜，火龍果，西瓜～兩款甜品我地都係選擇鮮果配搭既甜品，有鮮果配搭感覺上不會太過甜～

由於晚飯後耳猶未盡嘅關係，就食甜品滿足下第二個胃。未到晚上嘅9點，現場客人唔多店舖裝潢風格以簡約白色為主！法式焦糖燉蛋$35 焦糖面層比較厚，內裏蛋餡唔算好creamy。蘋果金寶伴雪糕$50份量成個蒸肉餅甘大，用左青蘋果做金寶，酸甜不膩，不錯！日本紫薯BB心太軟 $58紫色ga成個都係，好浪漫流心程度不錯，全部都係紫薯餡除左流心餡，蛋糕體本身都幾好味！仲無原味甘甜tim!芭娜娜伴雪糕 $54重頭戲就係呢個芭娜娜班戟伴雪糕$54雖然唔係潮中熱話嘅梳乎厘班戟！ 但一樣鬆軟，熱辣有香蕉蓉嘅內餡，而且份量十足！食厭了梳乎厘空氣感，就愛上番蛋糕鬆軟香滑口感！

放幾天假，沒有去旅行，留在香港消費，沒有刻意去那裡吃，見到就入去食，來到旺角的晚餐時段走了去吃甜品，一間裝修不起眼甜品居，叫了一个朱古力脆脆巴菲，同原味班cake 同士多啤梨奶昔，班cake 要等20鐘，首先嚟咗個朱古力脆脆先，特別的是用了白色珍珠，會冇咁流，整體不錯，之後個完味班cake，好鬆軟，但味道不是那麼好，好像有D很難入口味道，士多啤梨奶昔味道非常好，整體很不錯，下次我會試其他班cake嘅味道。

數多年前同朋友去食過“甜牙牙”這間甜品鋪，可以說令我畢生難忘，這間甜品鋪是我食過咁多間甜品舖令我留下最深刻嘅印象，在我心中可說是最好食的一間甜品鋪。數多年前的環境令人有很舒服的感覺，服務員的態度超好超貼心，食物嘅外觀非常吸引，食品的味道可説是頂瓜瓜。但今天晚上去了再食，瞬間令所有野幻滅，只可用一個形容詞來形容“垃圾”，因為不單止坐的環境狹窄，最接受不到的是服務態度超級差，至於食物的外觀是還可以，但食品味道真的十分差劣，所以今晚以後從此也不想再踏進去…

今日同同事放三去大食一餐，就揀左哩間旺角既甜品店兩個人叫左3個甜品share,各自叫左杯飲品芒果輕盈窩夫餐，其實一d都唔輕盈！份量好大，層次豐富，有芒果雪葩、cream 、芒果粒、餅碎，窩夫係新鮮整，鬆軟無比，芒果粒甜，雪葩酸美美，配合得唔錯Oreo瘋狂朱古力窩夫，賣相好靚，窩夫雖然都你新鮮，但比較硬，oreo唔突出，只係中間夾住幾塊餅，雪糕如多一球會更好，4塊窩夫唔夠分，整體味道唔伏，好正常既朱古力味，係略有d乾冒險叫左哩個紫薯bb心太軟，超漏心，好味，紫薯味唔突出，但甜甜地係好味，熱辣辣既漏心加埋冰凍既雪糕，好正兩杯飲品都幾好，我飲既綠茶水果茶係完全唔甜，我好中意，因為食甜品已經夠甜，水果既香味已經好夠食物其實唔錯，唯一要改善係服務員既態度，樓面得一個女店員，地入到去，佢望左我地一眼，就無班我地，要我地行入去主動問佢會唔會安排座位佢先叫我地等陣，全程0笑容，語氣冷淡，哩個要注意。後來有其他廚房既員工出黎幫手，佢地反而好好態度，女店員既態度宜改善

係尖沙咀冇見甜牙牙一排去到旺角終於撞番佢 平日我多數簡心太軟呢度心太軟口味好多 味道又不錯但今日見到佢有些特價款所以叫左黎試試！ -宇治金時號-對於有選擇困難症+綠茶狂熱既我呢款好適合一黎有綠茶雪糕 二黎佢入面有齊雪糕、可可球、西米、丸子、栗子容、格仔威化仲有朱古力旦卷！好似自助餐甘多元化 食極都唔會悶 多重口感 口味唔會單一～ -兩極香蕉船-男友叫左個我最欣賞佢既焦糖香蕉 唔會有苦味 面又夠脆身個底係啫利 不過我都係中意自己果個多d! 嘿嘿 相比附近其他甜品店 呢度全晚滿座 真係男女老弱都有齊 一家黎食都岩晒

抹茶🍵木糠布丁系我好鐘意既一款甜品，無論開心定唔開心，如果得閒只要經過甜牙牙，一定入去點呢款甜品坐一陣，好多時候可以講系為左呢款甜品而去甜牙牙。木糠布丁：來自葡萄牙的一種甜品，葡文系Serradura，所謂木糠即系手指餅既餅碎。抹茶🍵木糠布丁，系一層發起左既抹茶奶油隔一層餅碎逐層擺放，經冷凍而製成。抹茶奶油又不是太甜，有濃濃的抹茶香味，最底層鋪滿紅豆蓉，咁樣既配搭將木糠布丁的精髓又再升華左，最上層有一球抹茶雪糕，用一粒杏仁點綴，味覺同視覺都恰到好處😍抹茶雪山：即抹茶綿花冰，入口即溶，口感好滑

食完飯，朋友話想食甜品，所以就黎咗呢間食，因為唔知想食咩就交俾朋友決定，最後揀咗一個綠茶綿綿冰同窩夫，綿綿冰好濃，但對我黎講有啲苦，不過中意食綠茶野既朋友應該會好中意～～窩夫好香，不過如果啲生果粒切得大粒啲就好啦

叫了綠茶宇治金時，沒有牛奶味，而且是暖的牛奶水，我不知道怎麼形容，而且又勁少紅豆，只有六至七粒，朱古力卷不脆，整體很很一般，只有綠茶雪糕是正常的，雪糕是好味的，很滑！還有坐的位不舒服，很擠迫，價錢也不便宜！士多啤梨pancake更難食，Pancake過分乾，真的很乾很乾很乾很乾很像食蛋糕一樣，而且超級甜，甜到口有些苦，Pancake只有甜味沒有蛋香味，整體感覺很失望！真的不會再有想吃多一次的感覺！

今日去食個甜品同小食，時間1900左右。叫多士冇多士，叫牛角包無牛角包，叫伯爵蛋糕又冇，我都想知佢公司仲可以賣咩。服務態度就唔使講，一個魂遊，一個番工不停㩒電話。得2枱客都會送錯食物，大家小心為上喇。

甜牙牙受商場設計所限，其門面有點隱藏於店鋪之間，幸得門前大型餐牌才看見其所在。小小的甜品舖提供各式各樣的甜品，當中窩夫很受歡迎，現場看見數張桌的食客都有點各種窩夫。我最喜歡鬆餅系列，厚鬆餅近年大行其道，這裡有七款可選擇。甜品店不少得木糠布丁，我們也點了一個來嚐。雪糕在前幾頁餐牌都是伴碟，這次是主角。有很多芒果製的甜品，但這次厚鬆餅太吸引了，沒有點芒果甜品。最後少不了暖入心的花茶。店舖推介的冬天甜品，都很適合保暖滋陰。原來這間甜品店不只有甜品，還有西式套餐，在同一個地方吃完正餐，再來一個下午茶。先點一個冬天甜品推介熱十五年陳皮紅豆沙($24)，紅豆沙甜度適中起沙，在寒冷的天氣最適合做甜品的「頭盤」，先吃一碗紅豆沙暖身。第二個是伯爵茶木糠布丁($38)，餅層不會太鬆散，吃下帶忌廉香而不太甜。熱蜜糖玫瑰花茶($48)份量有點小，但再加熱水後可再沖一至兩壺。小杯子的大小如平時飲中國茶時所用的杯子，小酌一口，暖中帶蜜糖甜香。紫薯夾心baby鬆餅($59)的賣相很好看，中間的心型籤是來支撐鬆餅用。鬆餅香而厚身軟滑，如吃忌廉布丁。頂層的紫色粉為整個甜品帶來柔和。很多人點紫薯鬆餅。抹茶窩夫山($88)

宇治金時號透明大膠杯 入面有兩大球宇治抹茶雪糕, 質感較冰，唔係creamy既雪糕，不錯。栗子蓉配蜜紅豆粒好夾。威化餅好香牛油味。小丸子細細粒，下面仲有好多大粒西米。整體每樣野夾埋一齊食好配合。瑞士雞翼一份有6隻，新鮮熱辣好大隻又入味，唔會太咸。食完甜品叫一份鹹食真係太好了。有幾片爽脆既沙律菜。士多啤梨沙冰好清新，用真士多啤梨加入奶打成，飲落有小小似乳酪。味道不假亦不加色素。瘋狂的芭娜娜與古力伴雪糕唔好睇呢個甜點價錢咁貴，其實好抵食！幾層嘅窩夫配上香蕉、雪糕同焦糖碎，用嚟影相掂。單食朱古力味窩夫帶有好濃黑可可味，好似Mrs Field嘅朱古力。而牛油窩夫又香又脆，濃郁既牛油香味極度邪惡。Nutella醬加上雪糕，兩種唔同嘅朱古力真係幾襯。其次係有焦糖脆脆，有種食天使蛋糕嘅感覺，係一個真正嘅「甜」品。呢個我十分滿意。

有段時間甜牙牙分店越開越多後來屋企附近都有；不過番黎香港之後發現已經剩番旺角分店冰火CHOCOLATE木糠布丁表層嘅蛋白霜用火槍燒到微焦夠哂立體加上用朱古力醬畫碟賣相唔錯；木糠布丁質感唔會太鬆散食落有忌廉香但係唔會太甜；餅乾碎層係奧利奧好香朱古力味；餅乾同忌廉嘅比例啱啱好食落口感夠滑唔會太硬菠蘿脆脆層層疊窩夫新鮮即製食落外脆內軟而且有蛋香；菠蘿乾帶微酸唔太甜；水果粒幾鮮甜可惜太；雪糕食落似雀巢冇乜誠意

寒風呼呼，幾個朋友食飽飯仍未滿足口慾(說穿了, 其實大家都唔想咁快解散返屋企)，飯後甜品是必須的解藥，藥到保證病除，但大前題是要配方準確，所以一間有質素的甜品店也是必須的！四個人有四個不同願望，有人好凍要食冰，有人寒底要食熱點，有人剛日本回來要食日式潮物，有人但求穩穩陣陣有個地方傾下計。一般甜品店未必能完全滿足所有願望，大家走到廣華街仍未有頭緒之際，見到呢間個名"甜牙牙"個名幾特別，北風猛吹再加點雨，好凍啊！見有位不用等位，不如大家入去坐低試下呢間啦桂花雙雪燉桃膠(雪梨及雪蓮子) $36這個是朋友A 點的熱辣辣滋補甜品，我偷了一匙試味，很清香桂花味，桃膠份量亦多再配上雪梨，雪蓮子，這個甜品絕對甜在心，暖在心。芒果雪花冰(芒果雪糕, 芒果爆珠, 荔枝椰果, 新鮮芒果粒 - 芒果醬) $49這個是我點我，我了解而且我要繼續，我知道今天只得九度天氣下，食完一定爽到震的，但我依然堅持繼續，是因為我見到餐牌上咁大堆頭，都只係賣$49，我完全被佢的大堆頭感動到。食落係凍架，牙都震呀，不過愈食愈"追住食"，因為用料新鮮，呢個綿綿冰本身已經很濃芒果味，再加上如此多的芒果副產品，絕對適合芒果狂熱者！完熟

旺角甜品舖林立，要突圍而出當然唔容易啦。除咗要裝潢有特色，坐得舒服，當然亦都要甜品精緻得黎之餘又好食。 店舖擺放了唔少嘅動物藝術照片，為室內增添咗唔少嘅藝術氣氛，梳化座位舒適。芒果腸粉喺度必點嘅甜品款式之一因為佢嘅芒果除咗鮮甜而略帶少少微酸之外，腸粉嘅外層做得出色，非常之嫩滑，入口即刻滑在喉嚨入面， 甜度適中。 宇治抹茶心太軟配綠茶雪糕，心太軟嘅流心綠茶有濃烈嘅綠茶味，有少少甘甘地但甜度充足。綠茶蛋糕有口感，而抹茶雪糕好香滑，配埋一齊食就啱啱好喇。 另外叫咗個 提拉米蘇窩夫配雲呢拿雪糕。呢種食法非常之獨特，窩夫香脆，tiramisu 有好香的冧酒味。 厚焗班戟配蜜糖雪糕， pancake 軟綿綿，口感彈牙鬆軟，蜜糖雪糕唔錯甜甜地好好味。