甜牙牙

營業中

休息中

食完飯行下有咩糖水食就見到呢間，平時人龍好長咁岩今日唔使排，就入去試下!我地叫咗一個朱古力窩夫party同埋心太軟，因為太鍾意朱古力既關係所以離唔開都係食呢類甜品。不過始終都怕肥所以窩夫走cream，心理上好似冇咁肥!! 窩夫焗得好脆同埋內裡鬆軟，朱古力雪糕好軟滑而且唔會好快溶，gelato既口感配埋熱辣辣既窩夫好出色! 另外仲有會幾球雲呢拿味雪糕，基本上每食一件窩夫都一定會有雪糕配埋一齊食!心太軟都幾大個而且係極度流心，朱古力味超濃郁加埋士多啤梨一齊食真係絕配! 心太軟流心既範圍好大，基本上除咗少少外層外全部都係流心，手勢一流!