甜悅

營業中

休息中

生活的確需要一點甜，所以約左暖爸去食甜悅🥰有好多款甜品選擇，佢地主打係椰皇甜品！🥥芝麻糊椰皇燉蛋白配芋圓及芝麻湯圓 $69芝麻糊口感好滑順綿密，仲好香！椰皇燉蛋白質感輕盈，清爽不膩！芋圓好彈牙同有咬口，而芝麻湯圓外皮Q軟內餡芝麻香，入口即溶，但唔會好漏🗻蝶豆花富士山奶凍 $42外觀好靚，好似富士山，好岩打卡！奶凍口感滑嫩細膩，仲有少少蝶豆花花香，好正🫶🏻🍉芝士奶蓋西瓜飲 $38奶蓋同西瓜味都好夾，連隔離枱小姐姐都問係咩黎🤣但奶蓋又唔會搶左西瓜味，味道好平衡😜去開旺角不彷試下！甜悅 (旺角)📍旺角花園街11A號地舖

喺旺角同朋友食完飯，食到呢間甜品店真係驚喜🥳甜品款式好多，無論中西式新派舊派都有，店舖裝潢簡約清新，啱晒成班朋友嚟個飯後甜品！☞✨合桃糊椰皇燉蛋白配湯圓芋圓（熱）$85🌟超推介呢個椰皇🥥一上枱已經勁香本身有芋圓同湯圓，湯圓有得揀花生同芝麻，我哋揀咗花生，另外額外再加多份芋圓同海底椰🤣合桃糊勁濃香，熱辣辣🔥甜度適中椰皇蛋白口落超滑，同湯圓同芋圓勁夾❗️個人覺得係必嗌！☞✨焦糖巴斯克芝士蛋糕 🧀 $58竟然有焦糖巴斯克芝士蛋糕！即刻嗌嚟試試，蛋糕表面用火槍燒過🔥，賣相好吸引，口感creamy，芝士味濃郁🧀，好食但有少少膩，啱晒同朋友share!☞✨雪開心果巴斯克 $68睇menu呢個雪開心果巴斯克應該係佢地嘅新品，有得揀原味或者開心果味，我哋身為開心果控，梗係揀開心果💚外層有麻糬皮包係面，食到少煙韌，內面係開心果巴斯克，估唔到開唔果味咁濃，好滿意❗️

這家甜品店的味道非常特別，而且我覺得很好吃，當中的內容我覺得係非常之念念不忘的，你們可以即管去試一試我見到周圍都好似有分店，而且每一間餐廳我覺得店員都係非常之友善同埋禮貌的，我即使覺得就算不是香港人也非常合適去這間餐廳

天氣咁熱，行街行得耐就要搵啲嘢消吓暑，呢日就嚟咗呢間甜品店，食咗幾款冰品，食完即刻超涼爽啊🥶鮮雜果牛奶味綿綿冰勁推介呢個綿綿冰！佢係用牛奶雪成冰再刨出黎🥰 唔係普通刨冰係面加煉奶嗰種😳 真係真材實料製作🫶🏻 綿綿冰質地勁細緻，加埋芒果汁又意外地夾😙 鮮雜果有芒果、西瓜、哈密瓜同蜜瓜，幾色彩繽紛。香蕉雪糕窩夫呢個製作需時，窩夫夾得外脆內軟，都有蛋香🧇 配埋朱古力雪糕同埋香蕉，係一個經典組合🍦士多啤梨芭菲杯賣相幾靚，入面有士多啤梨、藍莓、士多啤梨醬、士多啤梨啫喱同埋脆脆，一杯有齊多種層次🍓 雪糕方面，我地揀咗曲奇雪糕🫢芒果奶凍個人都幾鍾意呢個甜品，奶凍質地順滑，又幾有動感，奶香十足，面頭有大量芒果粒同埋芒果汁🥭呢間甜品店嘅門口仲有好多外賣嘅甜品，想買返屋企歎都非常方便啊😚

晚飯後搵甜品食才是滿足的一晚🤭上網搵比較多人like的甜品舖，於是專登來甜悅。食咗2個甜品：🍨芒果綠茶芭菲：唔算大杯，比較其他店舖的芭菲，無乜特別（我係芭菲迷，所以有點失望）🥥合桃露伴湯圓椰青燉蛋白：帶點椰青清香，味道較淡，可以甜多少少。 合桃糊香濃可口，不過跟椰青蛋白唔係好似夾，所以分開食覺得比較好（可以跟其他糖水，例如芝麻糊，湯圓可選芝麻/花生）甜品舖愈夜愈多人，不過都無趕人走，但店舖不大又多枱，所以坐得比較逼，坐唔耐都走了。見到隔離枱的cheesecake都好似幾靚，不過味道就唔知啦。總括來說，味道尚可，價錢還可以。

甜悅 今日同朋友系旺角睇完戲，見到呢間糖水舖既甜品種類算多元化，無論中式糖水，仙草，刨冰或雪糕芭菲/窩夫等系列都一應俱全；迎合各甜品控既需要 💫楊支甘露椰皇燉蛋白配芋圓$62椰肉份量唔少，蛋白入口滑溜，唔會過甜。另外個人中意佢楊支甘露既西米比較細粒＆果粒清甜，再加埋煙韌嘅芋圓，層次豐富同好滋潤。 💫蜜瓜芋圓仙草$38蜜瓜鮮甜，珍珠同芋圓煙韌仙草好滑溜且帶有草本味倒埋花奶，味道層次好豐富💫芒果雪糕窩夫$56整支雲呢拿甜筒倒放碟上，非常吸睛雪糕質感幼滑且甜度合適窩夫口感鬆軟帶有空氣感，表面灑滿糖霜。而周邊同時有好多果粒，朱古力餅乾，忌廉同芒果醬作襯托 💫火灸芝士蛋糕$46焦糖佈滿蛋糕表面，旁邊有糖霜作點綴裝飾；食落去啖啖濃郁芝士味，餅底鬆脆，整體上口感質地都幾軟滑和甜度適中。 📍旺角花園街11A號地舖

放假同媽媽去咗旺角行街，行咗一陣頂唔順天氣太熱，要揾嗰位坐低休息下，見到呢間甜品鋪有我最愛嘅香蕉甜品，冇理由唔食嘅🤣🔸香蕉班戟班戟皮好薄但係好有彈性，微甜得嚟有蛋香，軟滑Cream中間係香蕉🔸香蕉雪糕窩夫好豐富嘅一個甜品，有焦糖香蕉、脆筒雪糕球（可自選口味）、薄脆窩夫上朱古力醬同粟米脆片🔸鮮奶桃膠椰皇燉蛋白配蓮子桃膠同蓮子鋪滿燉蛋白上面，滑溜燉蛋白有陣清香椰子水味，可以加埋甜鮮奶，感覺更加滋潤

招牌士多啤梨雪糕窩夫（曲奇雪糕）$59外殼脆度啱啱好，食落有種空氣感嘅鬆軟口感😝蛋味口感相對偏重啲啲。士多啤梨口感幾堅實，果肉味道偏酸。荔枝龍眼冰 $52刨冰嘅荔枝味好濃，食到荔枝粒口感好明顯！呢款刨冰食落好有冰粒感，爆珠好濃酸奶味！！覺得有小小偏甜😆芝士奶蓋西瓜飲 $38呢杯冇加冰落去，飲落嘅西瓜汁純度比例偏多，摻水部分相對少🤣🤣所以可以成杯飲到純d嘅西瓜汁😆奶蓋口感比較輕柔，表層仲有層淡淡嘅杏仁味～ 呢度幾乾淨企理，夏日炎炎，好啱有個地方食住甜品消暑同chill chat🥹

最近旺角花園街有間甜品店「甜悅」Joyful Dessert Lab，環境超舒服，裝修簡約又靚，非常適合朋友來甜品聚會 🥰。我食咗幾款甜品，依家同大家分享吓，真係值得推介：1. 糖不甩：呢個糖不甩真係超正，外層有香甜的糖漿，內裡粉糯，口感柔軟。搭配花生碎，增添咗香脆感，每一啖都令人心情愉快，食完真係想再食多一啖，好滿足 ☺️。2. 合桃糊椰皇燉蛋白配湯圓芋圓（熱）：呢個甜品用新鮮椰皇盛載，椰香味道好濃郁，合桃糊滑得嚟仲有堅果香。燉蛋白好嫩滑，湯圓同芋圓嘅口感都好好，熱熱地飲，特別舒服 ☕️。3. 香蕉芭菲杯（朱古力雪糕）：呢個杯超可愛，入面有濃郁嘅朱古力雪糕，滑溜得來仲帶有香氣。配埋新鮮香蕉片同脆脆嘅穀物，味道真係好豐富，食完心情都靚晒👍🍌🍫。4. 士多啤梨雪糕窩夫（曲奇雪糕）：呢個係我最鍾意嘅😍窩夫外脆內軟，士多啤梨同藍莓酸酸甜甜，搭配香濃嘅曲奇雪糕，真係絕配。每一啖都係幸福，份量又足，適合大家分享 🥳🍓🍦。總結：「甜悅」啲甜品真係唔錯，用料實在，價錢合理，環境又靚，值得一試。下次我仲要再嚟試埋其他甜品 🥳。

最近見到人地介紹呢間甜品店 有個勁吸引既椰皇燉蛋白😳已經好耐冇食啦🥹仲有齊湯圓同芋圓再加個糖水🫶🏻即刻同老公去試下😋✨合桃糊椰皇燉蛋白配湯圓芋圓叫左呢個熱既椰皇 上枱超香 本身都有2粒芝麻湯圓 我再加多左2粒花生湯圓😝合桃糊都好香 夠哂熱👍🏻明明倒個陣都唔覺得倒錯位🤣仲有得揀芝麻糊 桃膠 楊枝甘露等✨雪山奶凍奶味都出 上面係少少鹹既奶蓋 奶凍都夠滑~✨火炙芝士蛋糕蛋糕表面用火槍燒過 望落好邪惡😈口感creamy但又唔會太膩 有個餅底 不過我覺得可以少甜啲啲~✨糖不甩Follow like share social media就可會送粒3糖不甩 夠哂煙韌~

終於食到旺角呢間超人氣甜品店啦👻中式西式甜品都有！超級多選擇！甜品控嘅我一共叫左四款🤰🏻————————————————————🌟 焦糖巴斯克原味芝士蛋糕配雪糕---竟然有最近大熱嘅巴斯克芝士蛋糕🤩仲要面層用左火槍燒出焦糖面！脆脆嘅焦糖面，配上幼滑嘅巴斯克蛋糕芝士味好香濃，再配埋雪糕超級滿足😝————————————————————🌟 香蕉雪糕窩夫---賣相打卡值max！好大枝雪糕筒cone🍦窩夫配窩夫cone，窩夫控必點啊～香蕉又係有焦糖脆面，值得加分🍌雪糕口味一樣都係可以自選～————————————————————🌟 蝶豆花富士山奶凍---係好啱女仔打卡嘅夢幻甜品😍睇得又食得！奶凍口感好滑好Q富士山嘅藍色用上天然蝶豆花🦋————————————————————🌟 糖不甩---最後就叫左款中式甜點😙好多花生粒，好多椰絲，沾滿喺面！糖不甩口感好煙韌，整體口感好豐富😋————————————————————

經過旺角波鞋街有一間新開既甜品店叫甜悦， 中式和西式都有有好多款式，價錢合理一於試試先。 💠鮮奶桃膠椰皇燉蛋白配蓮子🥥蛋白好似茶碗蒸咁滑身，桃膠同蓮子軟軟糯糯，火喉啱啱好，加埋鮮奶食勁正，不算太甜。😍 💠焦糖巴斯克原味芝士🧀蛋糕 配 曲奇雪糕🍧芝士味做得唔錯，蛋糕質地細滑，中間半熟芝士做得好滑身，而我最鍾意佢既焦糖脆脆薄層，甜甜地之餘仲增加口感，呢個必叫。😋 💠香蕉雪糕🍌窩夫🧇即叫即制製作需時，賣相無得輸超吸引，窩夫做得好香脆，抹茶雪糕用脆筒承載襯托，窩夫上配搭新鮮忌廉，最正係有焦糖香蕉。🫠 📍甜悅 Joyful Dessert Lab旺角花園街11A號地舖

旺角終於有一間糖水舖係值得推薦啦😃甜悅環境舒適，座位多之餘又闊落～讚👍🏻！甜品款式都好多又有特色，真係樣樣都想食啊😍！𝑫𝑬𝑺𝑺𝑬𝑹𝑻1〉雪山奶凍  $42動L動L！好有動感啊！賣相已經好吸引，打卡一流！食落去奶香味好濃好重！仲要滑捋捋，有入口即融感覺～2〉焦糖巴斯克蛋糕 $44 （大推薦🌟）口感層次分明，外面嘅焦糖脆皮同裡面嘅綿密奶酪形成咗好大對比！唔會太膩～表面個層微脆嘅焦糖真係超級加分位！3〉楊枝甘露＋桃膠 $58口感好豐富！西米Q彈Q彈～芒果果肉柔軟多汁！而且甜度啱啱好！桃膠份量都絕對冇手軟，晶瑩剔透！Mix埋一齊食好滿足啊！4〉士多啤梨雪糕窩夫 $56 （推薦🌟）窩夫外脆內軟！雪糕都好好味，好滑又重奶味！兩者夾埋好正！仲有士多啤梨水果配襯，飽肚感滿滿之餘又滿足對甜品嘅渴望！-#甜品#旺角美食#香港甜品店#旺角#香港甜品#糖水舖#香港探店#旺角甜品店#甜悅#Joyfuldessertlabhk#sweetsoup

喺旺角行街行到攰, 搵到呢間甜品店真係驚喜!甜品選擇勁多, 無論凍嘢熱嘢, 傳統定新派甜品都有, 啱晒我呢個甜品控!合桃糊椰皇燉蛋白配湯圓芋圓 - 凍 (HK$69)賣相精緻.椰皇蛋白滑到好似豆腐花咁.湯圓同芋圓點綴得宜.合桃糊入口滑溜, 散發濃郁嘅合桃香, 甜度適中.湯圓可以揀花生餡或者芝麻餡.我哋就揀咗芝麻餡.不過凍食冇咗流心.中台fusion嘅配搭好有創意, 整體好滿足!芒果雪糕窩夫(HK$59)窩夫係我最鍾意嘅甜品.但唔係間間店都整得好食.呢間嘅窩夫外皮香脆, 裏面軟腍, 正呀!芒果粒超甜.雪糕都有好多選擇.我揀咗曲奇味.全部嘢夾埋一齊食好好食.桂花薑湯湯圓 - 花生 (HK$32)食完凍嘢想食啲熱嘢平衡吓.今次就試埋佢個花生湯圓.桂花同花生味好夾.薑味唔算重, 啱晒怕薑味嘅朋友.湯圓軟糯有咬感.但同椰皇燉蛋白同窩夫比, 略為單調咗啲.

甜悅 𝙅𝙤𝙮𝙛𝙪𝙡 𝘿𝙚𝙨𝙨𝙚𝙧𝙩 𝙇𝙖𝙗旺角不嬲多糖水舖, 間間都食到厭曬嘅話不妨試吓開咗冇耐嘅甜悅~ menu上不乏傳統同一啲比較創新嘅甜品, 價錢親民✨ 我自己就好快比佢哋嘅椰皇燉蛋白吸引到🥥>< 當日同朋友一共嗌咗三樣野仲加$8要埋軟雪糕🍦除咗食評,記得要睇埋video呀!!▫️荔枝龍眼冰🍧$45 (3.5/5) + 軟雪糕🍦$8 (3.6/5)夏天食一流☀️荔枝味幾出, 隻甜味有啲似道地荔枝玉露🧃🤣至於軟雪糕奶味比想像中濃, 整體不過不失以$8嚟講係抵食嘅！▫️鮮奶桃膠椰皇燉蛋白配芋圓🥥 (熱) $60 (4.2/5)燉蛋白好滑身, 加左奶更加香甜🥛而且芋圓煙靭有咬口桃膠都比幾多,好足料💕▫️燉雪梨海底椰雪耳🍐 $35 (3.2/5)清新滋潤嘅選擇♨️細細碗食落唔會太大負擔