甜悅

營業中

休息中

餐廳：甜悅地址：旺角旺角花園街四海大廈超級推介焦糖巴斯克原味芝士蛋糕配雪糕！超好食大家可以去試吓！！！！！今次試咗呢款焦糖巴斯克芝士蛋糕配雪糕，一上枱就覺得好吸引！面頭嗰層焦糖燒得金黃脆口，輕輕一敲就有「咔嚓」聲，下面係厚實嘅巴斯克芝士蛋糕，旁邊仲有一球雲呢拿雪糕，冰火交融，睇見都流口水！ 味道同口感芝士蛋糕質地好滑，唔會太實又唔會太散，入口濃郁但唔膩。焦糖層脆脆哋，帶少少焦香苦味，同芝士嘅甜味好夾，食落層次好豐富。雪糕係經典雲呢拿味，奶香十足，一啖熱蛋糕加一啖凍雪糕，冷熱交替，口感超正！ 整體評價呢個配搭真係冇得輸，焦糖嘅脆、芝士嘅濃、雪糕嘅冰涼，三樣嘢夾埋一齊食，味道平衡得剛剛好，唔會太甜漏。如果鍾意食芝士蛋糕，一定要試吓呢個版本，比普通嘅巴斯克蛋糕多咗份驚喜！

今日行經波鞋街見到有間玻璃櫥窗放滿左多款蛋糕、班戟同糯米糍，真係好吸引🤩再睇埋餐牌甜品種類有好多，真係你諗到既都有～有人氣補身椰皇系列、豆腐花、台式仙草、夏日必食刨冰系列、中式糖水、西米露等等，如果你係榴槤控呢度更加岩晒你，佢有多款榴槤主打甜品，特別推薦D24 榴槤水晶珠珠冰👍🏻另外佢有招牌雪糕窩夫賣相又靚好味🤭最有特色甜品一定要提蝶豆花富士山奶凍，賣相夠晒夢幻可以用黎打卡呃like😍而家新出左雪糕糯米糍係即叫即包，雪糕味道仲可以揀豆腐、芝麻、開心果同D24榴槤味😋座位方面唔好見佢出面得咁少位，實則內有乾坤行入少少有更多位，就算你推住一件二件行李或者嬰兒手推車都唔緊要，可以安排坐入面闊落啲😊而且地點鄰近波鞋街、家樂坊、兆萬中心，好適合同朋友係附近食完晚餐再過黎糖水直落～—————————————————————————————♦️冰糖雪耳燉木瓜（熱）：特別叫左碗中式糖水試下，木瓜同雪耳份量幾多，木瓜每舊都大大粒，另外加左南北杏味道都幾出，重點係一啲都唔甜岩岩好，絕對夠晒足料♦️鮮芒果益力多芒果味綿綿冰：夏天咁熱又點少得食綿綿冰消暑☀️本身想叫茘枝龍眼雪山，但後尾見佢係益力多綿綿冰所以試下，而

咁岩買野黎到旺角，見到附近一間叫甜悅的甜品店下午就已經有人排隊，所以就決定順便試下，食左幾款甜品都幾值得介紹!<香蕉雪糕窩夫>香蕉雪糕窩夫即叫即整，窩夫總共有兩塊，熱辣辣兼外脆內軟，配埋芒果雪糕一齊食又有另一滋味。香蕉亦都有誠意，上面加左蕉糖，另外仲加埋香蕉蓉，而價錢只係$59，但從材料、擺盤都見得到誠意，值得一試!<荔枝龍眼冰山>一上枱已經見到有十幾粒龍眼，而旁邊估唔到咁多料。不過重點係個冰，之前有食過龍眼冰，但加埋荔枝原來會更加清甜，另外仲加上椰絲，增加口感同埋椰子味，味道層次幾豐富。份量都幾多，建議同朋友一齊開心Share! <碟豆花富士山奶凍>富士山奶凍可以話係呢度的Signature Dish，用碟豆花做到富士山，而上面就舖上紫薯奶蓋做成雪山的樣貌。食落去質感好Q彈，有時最驚就係奶蓋做得太杰同太甜，呢度處理得好好，食落去唔太甜。<開心果味雪糕檽米滋>如果大家等唔切位，其實甜悅仲有外賣部，見到佢呢排推緊雪糕檽米滋，仲有人氣的開心果味揀，咁就試一下。開心果味雪糕夠晒濃味，證明真材實料。而檽米滋的質感好軟檽，都幾特別!

中西新舊甜品咩都有，甜品店黎講都算係多元化~Btw我就係比呢個椰皇吸引咗!!!▪️椰皇燉蛋白椰汁雪燕芋圓（凍）$69似係將啲椰皇肉同椰皇水blend埋再同蛋白燉所以蛋白唔算好水既滑，係比較有口感既滑，雪燕都比得好慷慨♡芋圓有咬口，btw蛋白先係主角(yumm)，甜度岩岩好，清甜唔死甜😚▪️香蕉雪糕窩夫$56賣相的確吸引(˶‾᷄ ⁻̫ ‾᷅˵)脆皮焦糖香蕉+朱古力雪糕{ *雪糕有九款口味 }+外脆(唔係硬脆)內軟窩夫~好邪惡吖!!!!!▪️火炙芝士蛋糕配雪糕$58火炙芝士蛋糕比較小見，火炙令到面頭有小小焦香，芝士味唔算好濃(無咁膩)，配豆腐雪糕比較清新，不過相對前面兩款甜品就普通DD~雪糕糯米糍$25即叫即做👨🏻‍🍳外層煙靭糯米皮包住自選軟滑雪糕，行到熱去買一杯唔過份🤭或者等緊位嘅時候食住先🤭

排隊時間都要30分鐘如果想食完飯食糖水傾計就唔推薦用餐時間得30分鐘講返甜品嗌左薑汁燉蛋白，薑汁好夠薑味，蛋白都好味大家重點擺係甜品會推薦但如果真係想傾計傾耐d，建議揀其他

六月已經咁熱，喺旺角搵到一間環境舒適嘅甜品舖降降溫。合桃糊椰皇燉蛋白配花生湯圓芋圓：用原隻椰皇作為盛器，賣相超級靚，椰皇比想像中大隻，份量十足。椰皇燉蛋白非常香滑，椰味香濃。花生湯圓，圓子皮煙煙韌韌。合桃糊味香濃，口感細緻無顆粒感。將合桃糊倒入椰皇燉蛋白拌勻，多一陣蛋白奶香，非常滋味。 哈蜜瓜芋圓仙草：色彩搭配非常搶眼，哈蜜瓜果肉爽脆多汁，味道微甜。仙草自然清新，草本香氣，加上花奶。三色芋圓，有南瓜、芋頭、紫薯口味，軟糯香甜，Q彈煙韌。 士多啤梨芭菲杯：視覺效果非常吸引，士多啤梨啫喱、奶油、果醬、再加左粟米脆米點綴。士多啤梨同藍莓相當新鮮，味道酸酸甜甜。仲有一個大大嘅曲奇雪糕球，加一點甜。朱古力薄脆脆卜卜，又靚又好食。 芒果雪糕窩夫：窩夫作為甜品基底，外層帶有微焦金黃色澤，口感酥脆，中間柔軟綿密，啖啖牛油香。放上冰涼嘅朱古力雪糕，熱與冷交織。 開心果雪糕糯米糍：臨走外賣多一粒雪糕有濃郁嘅堅果香氣，有醇厚開心果油香，甜度適中，品質不錯。糯米皮有少許厚度，口感柔韌，完整包住雪糕，邊行邊食正!

自從搬咗出嚟住後，就比較少同爸爸媽媽兩個撐枱腳，襯今日難得同兩老早咗食完飯，就決定食埋甜品先再上去小妹屋企坐吓❤️旺角甜品店數量真係令人有選擇困難症🤯，右邊聰嫂甜品、左邊佳佳甜品、行去煙廠街仲有三四間選擇、再行前啲窩打老道又有間Shari Shari氷屋，你哋話係咪太過份呀😂不過小妹一家最喜歡食啲未食過😎於是決定行去波鞋街方向，原本諗住去HeSheEat食雪糕，但小妹爸話想食中式糖水，點知一轉個頭就見到呢間叫做《甜悅》的糖水店😍係可以一次過滿足多個願望的甜品店🫰🏻《甜悅》店內打造文青無印風，令小妹一家感到十分舒適，餐牌內甜品選擇款式多，有傳統的中式糖水、有年輕人喜愛的雪糕窩夫或芭菲杯、亦有芝士蛋糕、台式仙草等多種類別，更加有最近熱門的開心果及榴槤口味甜品😍😍真係揀到好開心🤭最終小妹揀咗以下四款不同的甜品糖水🫶🏻1️⃣焦糖開心果巴斯克蛋糕配開心果雪糕蛋糕面配有焦糖脆脆，食落一啲都唔馬虎，蛋糕好香開心果味，小妹選擇的開心果雪糕味道鹹鹹甜甜非常好食，（因為配搭嘅雪糕共有九款可以揀🤤）有一刻覺得甜悅係被甜品店埋沒嘅蛋糕店2️⃣D24榴槤水晶珠珠冰榴槤果肉好食又香噴噴，喺呢個炎炎夏日可以食到一杯水晶冰真係

炎炎夏日衝入旺角 甜悅，即刻暑氣全消！❄️ #士多啤梨芭菲杯靚到好似藝術品🍓，自選濃郁朱古力雪糕配新鮮士多啤梨同脆脆，打卡同味道都滿分～ #D24榴槤水晶珠珠冰💛榴槤控必試，一上枱就聞到濃郁榴槤香，綿綿冰入口即溶，水晶珠珠增添驚喜口感，每一啖都係享受！ #鮮芒果芒果味綿綿冰🥭芒果大大粒，甜度高又多汁，配埋煙韌小丸子，清新又解暑～ #開心果雪糕糯米糍外皮煙韌有咬口，包住冰凍濃郁嘅開心果雪糕，口感令人上癮！ 呢度嘅甜品款款都係消暑神器🧊，份量十足之餘，賣相仲精緻到唔捨得食～

最近聽朋友講，旺角有間好出名嘅甜品小店——甜悅，於是就過嚟試下佢哋嘅甜品🤤呢間鋪頭雖然唔算好大，但環境簡單舒服，坐得幾Relax，啱晒同朋友一齊歎番個甜品🍨 D24榴槤水晶珠珠冰 ($52)⚠️榴槤迷必試⚠️呢款水晶珠珠冰用上D24榴槤製作，榴槤味超香濃，一上枱已經聞到陣陣榴槤香，入口即溶。水晶珠珠仲有QQ彈彈嘅口感，幾特別，加埋啲刨冰🧊夏天食真係一流☀️🥤 芝士奶蓋椰皇飲 ($38)呢杯奶蓋超有層次感！椰皇嘅味道清新香甜，而上面嘅芝士奶蓋鹹中帶香，飲落去咸甜咸甜，建議飲之前攪勻佢，飲完之後感覺好清爽，呢啲天氣飲番杯爽啊😎🍰 焦糖巴斯克原味芝士蛋糕配曲奇雪糕 ($52)呢個蛋糕不得了🥰巴斯克芝士蛋糕又香又滑，蛋糕表面嘅焦糖層帶出少少微苦嘅香氣，平衡咗芝士嘅濃郁感。隔離再配埋曲奇雪糕，兩樣嘢夾埋一齊食，滿足感爆棚💖甜悅嘅甜品味道同質素都好高，價錢合理，CP值唔錯！如果你鍾意榴槤或者芝士甜品，一定要嚟試下。下次仲想再嚟，試埋其他款，我已經mark低咗幾款心水甜品架啦🤤

ೀ旺角人氣甜品鋪🩷甜悅Joyful Dessert Lab🍮無論係中式定西式甜品都好多選擇呀(*´꒳`*)▫️椰皇海底椰雪耳津梨桃膠（凍）$69勁滋潤嘅糖水✨ 海底椰潤肺止咳！津梨好清甜 再加上雪耳桃膠夠哂滋補！飲完個喉嚨好舒服呀🫶🏻▫️鮮奶燉蛋雪燕桃膠（凍）$54滿滿嘅雪燕桃膠 女仔美顏就岩哂✨鮮奶燉蛋 奶味濃 燉蛋都夠滑嫁🤍 ▫️雪巴斯克（原味）$58新品🌟賣相都幾靚 吸引左我嗌(・∀・)外層係煙韌嘅麻糬皮 入面就係巴斯克蛋糕芝士味好濃 蛋糕少少濕潤都夠creamy🧀仲會跟一個雪糕球 可以自己揀味✨📍旺角花園街11A號地舖

「榴蓮雪花冰」，一上菜已經被香氣勾到流口水！成座小山般嘅雪花冰鋪滿新鮮榴蓮肉，冰底打得極幼細，入口即化之餘充滿濃郁榴蓮香，完全唔似普通冰沙咁單調，簡直係榴蓮控嘅天堂啊😍！  頂層嘅榴蓮蓉軟綿綿，咬落爆發陣陣果肉香，口感層次豐富，香氣醇厚，拖著冰沙一齊食，簡直雙重享受😋✨！成碗冰分量十足，兩三個人分食都夠，炎炎夏日食呢個真係透心涼！強烈建議榴蓮愛好者必試，記得趁冰未融盡快食，感受最濃郁嘅榴蓮香氣轟炸～下次要試埋其他口味，呢間店真係治癒所有夏日煩惱啊～😌💦

呢間餐廳裝潢簡約清新，甜品種類非常多，中西式新派舊派都有，啱晒想食飯後甜品嘅你😍💗椰皇燉蛋白椰汁雪燕芋圓($69)椰皇燉蛋白口感滑嫩，淋上椰汁一齊食令椰香味更加突出🥥面頭舖滿雪燕，夠哂美顏滋潤👸🏻再加埋煙煙韌嘅芋圓同蕃薯圓🍠💗D24榴槤水晶珠珠冰（$52)榴槤冰用上D24榴槤製作，綿綿冰口感好似棉花咁入口即化，榴槤味夠哂香濃甘甜，再淋上香滑奶蓋❄️上面仲放咗一整球榴槤蓉，絕對令榴槤控欲罷不能，配上爽脆水晶珠珠，口感又升多一個層次💛💗雜果芋圓仙草($46)Q彈嘅仙草加上時令生果包括西瓜🍉、芒果🥭、蜜瓜同哈密瓜🍈，夏天食夠哂消暑，再配埋煙煙韌韌嘅芋圓同珍珠，口感好豐富🍡💗冰糖雪耳燉木瓜($38)冰糖雪耳燉木瓜飲落清潤養顏，木瓜同雪耳份量多，仲有南北杏，夠哂足料，最重要係唔會太甜🧡

窩夫與蝦子餅月前經過旺角花園街，發現一間新開的甜品店「甜悅」，有窩夫喜歡的椰皇燉蛋白，日前終於有機會光顧了。原來內有乾坤，座位比預期多。甜品選擇亦比預期多，除了椰皇燉蛋白和中式糖水外，還有雪糕窩夫等。蝦子餅點了楊枝甘露($47)，十分足料，芒果非常香甜。窩夫近日特別想吃芒果，點了一客芒果班戟($38)，班戟比預期大件，班戟皮呈金黃色，賣相吸引，班戟皮夠薄夠軟，芒果又香甜。窩夫點了杏仁露椰皇燉蛋白配湯圓芋圓(熱)($69)，一碗可以滿足四個願望。椰皇燉蛋白的椰皇味夠香，蛋白嫩滑，不會太甜。湯圓可選芝麻或花生饀，窩夫選了芝麻餡，芝麻味香濃，湯圓皮煙韌軟糯，水準之作。三色芋圓的水準也不錯。香滑的杏仁露令整個甜品的味道更豐富。

生活的確需要一點甜，所以約左暖爸去食甜悅🥰有好多款甜品選擇，佢地主打係椰皇甜品！🥥芝麻糊椰皇燉蛋白配芋圓及芝麻湯圓 $69芝麻糊口感好滑順綿密，仲好香！椰皇燉蛋白質感輕盈，清爽不膩！芋圓好彈牙同有咬口，而芝麻湯圓外皮Q軟內餡芝麻香，入口即溶，但唔會好漏🗻蝶豆花富士山奶凍 $42外觀好靚，好似富士山，好岩打卡！奶凍口感滑嫩細膩，仲有少少蝶豆花花香，好正🫶🏻🍉芝士奶蓋西瓜飲 $38奶蓋同西瓜味都好夾，連隔離枱小姐姐都問係咩黎🤣但奶蓋又唔會搶左西瓜味，味道好平衡😜去開旺角不彷試下！甜悅 (旺角)📍旺角花園街11A號地舖

喺旺角同朋友食完飯，食到呢間甜品店真係驚喜🥳甜品款式好多，無論中西式新派舊派都有，店舖裝潢簡約清新，啱晒成班朋友嚟個飯後甜品！☞✨合桃糊椰皇燉蛋白配湯圓芋圓（熱）$85🌟超推介呢個椰皇🥥一上枱已經勁香本身有芋圓同湯圓，湯圓有得揀花生同芝麻，我哋揀咗花生，另外額外再加多份芋圓同海底椰🤣合桃糊勁濃香，熱辣辣🔥甜度適中椰皇蛋白口落超滑，同湯圓同芋圓勁夾❗️個人覺得係必嗌！☞✨焦糖巴斯克芝士蛋糕 🧀 $58竟然有焦糖巴斯克芝士蛋糕！即刻嗌嚟試試，蛋糕表面用火槍燒過🔥，賣相好吸引，口感creamy，芝士味濃郁🧀，好食但有少少膩，啱晒同朋友share!☞✨雪開心果巴斯克 $68睇menu呢個雪開心果巴斯克應該係佢地嘅新品，有得揀原味或者開心果味，我哋身為開心果控，梗係揀開心果💚外層有麻糬皮包係面，食到少煙韌，內面係開心果巴斯克，估唔到開唔果味咁濃，好滿意❗️