甜姨姨 (耀華街)

營業中

休息中

先講下佢菜單寫嘅菜式除左奇亞籽唔係咁感覺到 其他嘅配料都食到 都係夾嘅 不過唔知點解冇講到裏面n多嘅餅乾碎😂雖然唔係招牌 但都幾fresh 特別係薄荷有種爽快感比較少見嘅椰奶味雪糕 食得出係椰奶 同埋餅乾感覺可以少啲 因為多到有啲塞喉嚨唔係話特別甜呢下幾好 啲港女就係又要食甜品又嫌太甜不過其實我真係好鍾意椰奶反而想佢用濃啲嘅椰奶可能係椰汁雪糕（加椰子碎）/椰子乾 多過薄荷冰嘅口感係同氷屋差唔多 （可能差小小？配料多啲 但冰淡過氷屋 不過重點係唔洗排隊٩(˃̶͈̀௰˂̶͈́)و

今次終於去咗甜姨姨度食佢地嘅刨冰~喺炎熱嘅夏天食刨冰喺一件好幸福嘅事，人氣港式甜品店甜姨姨銅鑼灣分店以簡約為主題 仲有靚靚花牆可以打卡。甜姨姨除了超正刨冰，還有多款經典甜品，例如黃到金嘅楊枝甘露、奶醬多等等今期推出咗幾款全新嘅限定刨冰，賣相夠靚又好味,都幾有驚喜㗎，bagel控嘅你哋都不要錯過牙，佢哋推出咗多款特色口味bagel，有鹹有甜而且好邪惡牙,下午茶有著落laMy Order⑨400次髒髒冰 $138一擺到上臺真係好壯觀，舊冰喺大塊過我塊面，綿密嘅冰加上打咗400次嘅咖啡泡沫～意外地好夾,再加埋中間夾雜一d朱古力脆脆同 Kitkat 層次感UP！！炎炎夏日食真喺非常之消暑又享受②辣辣辣餐肉 bagele $88辣bagel 都喺第一次食，開頭仲以為佢俾錯我，完全見唔到有餐肉，原來佢餐肉係烘到脆卜卜，好似脆既豬肉乾咁，超級香口，再配上邪惡芝士呢個包真係岩哂我口味甜姨姨私房甜品銅鑼灣耀華街11號地舖（銅鑼灣站A出口步行2分鐘）

有日喺銅鑼灣行行吓，想同個仔一齊去食刨冰透心涼下，就去咗甜姨姨度食啦。店內環境有一個大大嘅女團成員poster，粉藍色咁，整得都幾靚。小店環境都坐得幾舒服，後來見到人哋個刨冰好大個，我同個仔就諗住嗌一個刨冰share嚟食。一早已經睇中咗佢個奶醬脆多刨冰，因為我哋好鍾意食花生醬。等咗一陣個刨冰到啦，嘩！有頭咁大個，面頭有粒花生醬蛋捲，白色嘅醬感覺似係豆腐味，而周圍有好多花生奶醬味道嘅刨冰，另外仲有個醬可以倒落去，旁邊仲配左3塊迷你嘅奶醬多，而食到差不多一半，已經覺得好滯好飽，同埋我哋用匙羹撩起咗底部嘅刨冰，發現係糖不甩面頭嗰啲脆脆嚟嘅，食多2啖真係好滯飽到食唔落，總括而言，我同阿仔都覺得試過一次就夠啦。

甜姨姨有兩間分店一間喺天后另一間喺銅鑼灣，我哋去咗銅鑼灣既分店，一到晚飯過後特別多人，都係要排隊，大概等咗15分鐘就入得，面積比較細，枱與枱之間都有啲迫，但佢嘅甜品真係唔錯又值得推介😋😋佢呢度重點推介就係刨冰系列同埋芋圓系列，刨冰一共有三種味，有黑芝麻豆腐，楊枝甘露，同埋榴槤豆腐花，我哋就揀咗黃到金(楊枝甘露)，個名幾特別，一層層非常高嘅刨冰搭住，我覺得有啲難食，難食既意思係每一鶴不落去都比較散，好容易跌出嚟，但味道搭救，佢有好濃嘅芒果味，裏面有平時食開楊枝甘露嘅果肉，而最頂頂嘅係一塊完整芒果肉，另外會再配芒果醬俾你，食落去有三重口感👍🏻👍🏻，另外佢每張枱都有一個刨冰少貼士，你可以跟住佢嘅指示嚟食，可能就唔會漏出嚟，建議快啲影相食埋佢，因為食到底已經溶得七七八八😂另外嗌咗一份自家製手工芋圓，係店裏人氣No.1，梗係要嗌嚟食下啦，有黑糖同椰汁俾你揀，我哋就揀咗黑糖底，裏面嘅材料非常豐富，有重點嘅仙草同芋圓，其次係紅豆，珍珠，薏米同爆珠等，味道絕對係啱啱好，唔會過甜，所有嘅材料拼埋一齊令到無論口感上定味道上都絕配，仙草又夠香，芋圓香濃又煙韌，紅豆又唔會過甜，所以整個糖水真係唔錯，自己比較鍾

️同朋友見呢間幾多人推薦 所以就去咗試吓😋-🍞醬爆奶醬脆多刨冰 $98見到呢個咁特別嘅奶醬冰就即刻叫咗，個冰嘅份量幾大，兩個人先食得晒。個冰嘅質地好幼細，同埋花生味幾濃郁，味道有啲似花生糊，由頭食到尾都好夠味，唔會食到尾嘅時候淡咗👍🏻 上面淋咗啲花生醬同煉奶，所以都夠晒甜味佢上面仲有一舊豆腐味嘅cream，味道偏淡，唔認真食都唔太覺個豆腐味，但同個冰味道都幾夾個冰仲有配三粒細嘅奶醬多，都幾酥脆😆🥯Oreo麻糬Bagel $68Bagel上嚟嘅時候熱辣辣嘅 ♨️煙煙韌韌嘅，幾有咬口，個麻糬都好夠煙靭，係可以拉到絲個種，但味道就偏甜服務質素都唔錯，店員會主動介紹佢哋嘅食法。食物嚟講，個冰真係唔錯，下次應該會想再嚟試其他唔同口味嘅刨冰🤣 但個Bagel普普通通，喺其他餐廳有更加出色嘅。如果鍾意食刨冰嘅話，好推薦大家嚟食呢間😋-味道: 9/10服務: 8/10環境: 8/10回頭率: 10/10總評: 9/10💰人均消費: $83

最近愛上左食bagel，一見到有bagel既cafe就會去試，今日比較特別黎到糖水鋪唔係食糖水，而係食bagel。.拉芝bagel $68Bagel 入面擺滿芝士加上岩岩焗好既bagel 脆卜卜，夾埋一齊真係好邪惡但又好好食。.蒜香芝士bagel $68Bagel焗到脆卜卜加上芝士，啖啖都拉絲本身我都鐘意食蒜，我以為呢個似係蒜蓉包甘得小小蒜味，但佢呢個真係好勁蒜味，bagel面頭鋪滿蒜蓉，咸咸香香，配埋芝士好match (但係我覺得蒜味太勁😂鐘意食蒜既朋友一定要試)

星期日，15:00左右，專登行去望下，有位就去，無位就下次，點知竟然有位可直入，我地入坐之後，就勁多人排隊啦，果一下好有優越感lucky。打開餐牌真係好繽紛，款款都想試，既然第一次，當然就試下佢地既number one，刨冰好有層次，每食一啖，都會好期待，下一啖會掘倒d乜料，呢到D冰冰，款款都唔同，好有內涵架。仲可對住Ivy食冰冰😍，回味無窮呀。

近來天氣咁熱 普通甜品已經滿足唔到🥵所以就同咗一班朋友食完飯之後一齊去咗食冰🍧個日都幾多人 都排咗一陣先成功入座由於同朋友係食完好飽嘅晚餐直落食甜品🤰所以打算幾個人一齊嗌2個沙冰算因為一個沙冰都差不多一百蚊💸但到入座嗌嘢食個下先知道有人均最低消費😖雖然明白人氣店而且地方唔大所以先會set最低消費不過由於大家都好飽食唔落更多沙冰所以最後就有朋友唔食走先~有啲可惜但係！沙冰真係好好味😋兩個沙冰我比較鍾意士多啤梨🍓個個！因為汪阿姐酸酸甜甜，但甜度係幾高！總括而言，值得一試！

講起刨冰除咗會諗起shari shari, 另一間超人氣刨冰店一定非甜姨姨莫屬最近佢仲出咗海邊走走嘅crossover版, 最受歡迎之一嘅奶醬多口味再配埋花生醬蛋捲, 諗起都覺得好吸引🤤特登搵日閒日中午時段唔使排隊嚟試下先~刨冰一上臺超級巨型, 快快手影兩幅相就要即刻食, 驚佢溶嘅話就會成個冧落嚟🙈冰底用咗日本冰, 口感好綿密一致. 表面淋上咗滿滿嘅花生醬同豆腐奶蓋, 食到中間位置會有d 花生芝麻碎嘅配料, 完全唔驚食到一半得返冰, 一啖接一啖兩個人唔使10分鐘就KO晒成個冰😂

其實呢度除咗特色刨冰🍧仲有糖水同bagel都唔錯✨仲有好多款口味添！上次就食咗個雙重肉鬆芝士貝果🥯bagel口感我好滿意❤️焗到熱辣辣 外脆內煙韌😆內餡夾住滿滿嘅半融芝士🧀配埋香甜肉鬆 真係超正！！

最近見到好多人介紹甜姨姨嘅刨冰，夜晚九點幾去到都係好多人排隊😂咁就一於試一試，但識落係正正常常一般，冇咩驚喜嘅感覺，但個味道就幾創新嘅。🍧醬爆 $98 (6/10)豆腐cream都幾creamy，個蛋捲好豐富入邊係花生醬嚟嘅，真係好濃花生味(原來最濃花生醬味道已經係個蛋捲😂個冰都細滑嘅，但未去到好滑會有少少吉口，有淡淡花生醬同埋煉奶嘅味道，甜度唔係好夠(本身我都好怕甜)但佢真係比較淡味，未到香濃，個味都唔算好出。個冰有浸淡淡的豆腐味？中間有啲芝麻花生粉，都幾香口。有三舊多士，比較乾身同香脆，正常奶醬多味！但食到後邊越食越淡味好似唔夠醬汁，最後係冇咩味，成個冰係港式味道，好有創意但味道一般。推薦指數: 6/10支持港式甜品創新口味可以試吓，個分比個創意👌🏻不過食過一次之後就唔會想再食😂同埋唔值得排隊排咁耐，好多食評都吹大咗😂

平日夜晚10點去到見到大排長龍，但依排咁熱🔥為咗刨冰都要等！！等咗半個鐘入座，店舖空間唔大，枱放得比較密…如果shopping 完嚟就有啲唔方便喇眼見90%客人都叫刨冰，我地就叫咗望落fancy嘅 初心 草莓乳酪刨冰🍧 同埋 榴槤紫糯米😋1️⃣ 初心 一上枱真係嘩一聲😂成個頭咁大，兩個人食一個都夠枱面有個刨冰建議食法，我地怕跌到成枱都係就有乖乖地跟嘅，但都跌到周圍都係🙈有啲‘論盡’唔知係咪乳酪嘅關係，成個冰都幾酸下…但個甜味又同時好出…酸同甜唔太平衡2️⃣榴槤紫糯米 榴槤好食，紫糯米軟糯，椰汁香而且甜度啱啱好，好味👍🏻P.S.下次想試非水果系嘅刨冰🤭

大家去銅鑼灣食甜品, 通常都會去食Shari Shari, 但真係超多人🥶 所以今次我就去咗第二間, 甜姨姨私房甜品🍨, 點知仲好食過shari shari😂 又少啲人排喎🤣 我以後食冰都會食呢間🤫!!.黑極, 香濃黑芝麻 (crossover 海邊走走) $98呢個唔知係咪期間限定🙈 見10個有7個都叫呢個🤪 海邊走走好似係台灣都幾岀名haha!!🥳 冰上面有幾舊海邊走走嘅蛋捲!! 入面都有黑芝麻醬, 勁好食!! 勁match 黑芝麻冰🙈 冰上面白色嘅應該係豆腐~ 啲冰好重黑芝麻味👍🏻 食到中間仲有啲芝麻/ 花生(?), 好有口感🥳 食落去仲有啲黑芝麻獨有嘅jap jap聲🤣 (if you know, you know~) 底層仲有雪糕🍦!!! 超驚喜!! 勁足料😛 仲有黑芝麻醬俾你倒落去, 所以食到底係完全唔會怕冇味/唔夠味嘅情況!! 超推介大家試呢個!!🤩🤩🤩.朱古力森林🍫 $108個人覺得呢個相比起黑芝麻冇咁驚艷🙈 但都好好食!!!! 呢個朱古力唔係黑朱古, 係mix咗薄荷朱古力🤣 如果你都鐘意食薄荷朱古力, 咁你都會好鐘意佢🤪🤪 上面有oreo餅碎, 朱古力味都夠, 下底就

醬爆 奶醬脆多 $98 不用加一估唔到可以將港式茶餐廳既食品擺落刨冰到幾特別幾創新仲要好好食啲冰食極都無乜點溶👍🏻上面果條海邊走走既花生醬蛋卷就一般般另外 本身淋上去既花生醬同煉奶比較少食到一半就要落佢另外附上既花生汁明顯呢種汁無本身佢淋上去既醬好食同埋一淋上去啲冰就溶哂了🙈變哂水即刻就已經唔想食了附上三件奶醬多出奇地比係出面茶餐廳好食多士擺左好耐都仲好脆👍🏻👍🏻👍🏻可以考慮下賣正常份量既奶醬多🤣

行開銅鑼灣，想食下甜品，咁多甜品鋪嘅選擇下，最後揀左甜姨姨，因為好想試佢新出嘅奶醬刨冰。芒果紫糯米（$49）芒果好大好多，紫糯米都係，好食。奶醬脆多刨冰（$98）刨冰份量好多，第一次見奶醬刨冰，好有創意。配上海邊走走嘅奶醬蛋捲，好食，香脆可口，略嫌有啲細，同朋友分會唔夠。刨冰食到一半就可以落埋啲奶，咁就保持奶醬味濃郁。另外仲有三粒多士，上面有啲花生醬，都好脆。食完覺得好甜，因為每淡都好有花生醬味，連多士都係。但係係幾特別，可以一試。