甜姨姨私房甜品 (清風街)

營業中

休息中

無論是工作或逛街，都會來到天后一帶，故對於這社區來說，可謂不會陌生。然而既然來到天后，又未到晚飯時間，就先來甜甜吧。早前也曾到過甜姨姨，今晚再次來到，吃的都是甜品吧，其他的也不會提起興趣。於是翻開餐薄，就逐一研究一下。芒果黑珍珠豆腐花。芒果一直是在野重頭選擇，是走不甩的材料，加上黑珍珠和豆腐花，就成了今次的甜品。芒果一向是清香而富甜味，黑珍珠煙靭，加上豆腐花的幼滑，實是多層次口感的甜品。當吃過甜品後，又是差不多時間要吃晚飯了，於是結賬走人。

今晚和好友共聚晚飯，因為比他們早放工，仍未到訂檯時間，便一個人心思思來甜姨姨，再會久違的心愛甜品。到埗時大約下午5點45分，整間甜品店一個客人也沒有，和平日晚間擠塞爆滿的情境大相徑庭。推門入內的時候，真有包場的感覺，哈哈！甜姨姨有很多人氣甜品，這款芝麻豆腐西米露就是我至愛之一。另外，除甜品本身之外，尚有兩款雪糕可以選擇：芝麻味 / 豆腐味。我自己比較喜歡芝麻味的雪糕：因為它芝麻味極濃，兩者加在一起相得益彰，實為喜愛芝麻甜品人仕的首選。每次來到甜姨姨，都很喜歡看一看這張關於「即撞木桶豆腐花」的食用建議。當中將豆腐花形容為「女人」，可堪玩味，令人會心微笑，差點忍不住叫一桶試試是否真如其文字所述般吸引。就如幫襯昔日街邊賣豆腐花的西施時，不禁偷偷看她一眼，果然人如豆腐花一樣，又白又滑。二話不說，隨即買上一碗，坐在旁邊，細細品味。總結：由於這間甜品店極為人氣，所以要坐的舒服，還是避開繁忙時段為妙。

10點幾11點去到天后個個都等食甜品幾經辛苦我地先發現甜姨姨條隊最短於是入左去食我叫左個荔枝芒果沙冰而我個fd就叫左個木桶豆腐花個沙冰啲冰真係夠晒幼, 食落去唔會"sok sok"聲甘樣啲料都好多, 荔枝&芒果粒既份量適中, 再加上芒果汁, 質素唔錯而我個fd個木桶豆腐花一開始仲要等多幾分鐘, 搞到我食完佢都未開始食一開, 哇好香, 試左一啖, 好滑好甜, 仲有陣陣豆腐味, 怪唔得個個都推廌要試下次再食一定要叫

這不是普通的西米露，內藏芝麻和豆腐製成的沙冰，如綿絮綿綿密密，入口即化。芝麻味非常香濃，率先攻佔味蕾，豆腐不徐不疾，淡淡的滲出助攻，一貫其謙謙君子的作風，加上粒粒晶瑩的西米及清新的豆腐味/香濃的芝麻味雪糕，我終於宣佈投降。如果愛香濃豆腐味，建議叫豆腐西米露，因為芝麻始終會較豆腐味出眾。不過，只要細意咀嚼，你會知道它一直存在。

是日本來想試J形雪糕，可惜咁啱東主有喜，唯有喺附近搵一間甜品店一洩心頭之憤。過兩條街就有一間叫甜姨姨，門口大大隻字寫住「甜姨姨」，於是俾佢吸引咗入去。入到去見倒個MENU上面嘅甜品名都好特別，我揀咗個黑芝麻西米露同埋木桶豆腐花。呢款甜品冇咩特別，成碗西米露好「杰」，感覺上好似名過其實。之後仲叫咗木桶豆腐花，呢度嘅豆腐花除咗用木桶上之外，仲係即撞，會連埋計時器上，計時器一響就食得，真係好滑，除咗滑之外都唔知有咩形容倒佢

我同家人行完年宵， 肚子有點兒餓了。 經過甜姨姨的時候， 招牌上可愛的甜姨姨吸引住我的妹妹， 我地全家就入去食糖水。糖水的選擇好多， 琳琅滿目， 我有選擇困難症， 左揀右揀， 終於點了芝麻豆腐花。芝麻豆腐花既香且滑， 外加了一個芝麻雪糕球。芝麻味既雪糕球只係一般貨色，哂左個豆腐花（一朵鮮花）。可惜， 對於簡單的中式甜品來說， 實在有點兒昂貴。

甜姨姨是清風街最多人排隊的糖水店對比起天后有咁多間糖水店。原因係佢既糖水確實比起其他天后平庸糖水鋪特別啲。 左上:繽紛世界，味道好唔match.雖然料係多，但味道好唔夾，芒果醬同水果味完全兩件事，so far so good.左下:芒果西米豆腐花，一般正常野。右上:芝麻雪糕，成碗野好芝麻味，岩哂勁鍾意食芝麻既人，但對我黎講，食半碗都覺得悶了。。右下:芒果大合奏， 有芒果乾，芒果布丁，芒果肉，芒果雪糕，芒果漿，味道夾，芒果雪糕好香，布丁口感正同香，唔似出面啲假布丁。咁多款，最正係佢。 左邊:薑汁黑芝麻胡，真係有薑汁味，都不錯。仲有外賣左雙色糖丸（即3粒芝麻糖丸加3粒花生朱古力糖丸)，最值得讚係薑汁糖水底，真係超薑汁有點辣果隻，最正（有時好夜食佢會連埋少少蕃薯)，但今次得薑汁。而糖丸味道都好好，但真係超細粒粒粒。。如果可以大粒啲會正常啲。

我常常和朋友在甜姨姨一起食甜品。這次試了桂圓銀耳露，非常棒。可以吃出來裡面的食材都是十分新鮮的，銀耳露的質感粘稠，味道溫和，不是很膩。不過分量較小，適合作為飯後的甜點。

平日的甜姨姨一樣人山人海。甜品種類選擇很多，應有盡有，對於有選擇困難症的人來説絕對是一個大難題。芒果大合奏所謂芒果大合奏，入面有芒果乾，芒果沙冰，芒果布甸同芒果汁。一開始非常好奇，到底如何將芒果乾配合於甜品中，原來是將芒果乾切成幼條，口感煙煙仞仞，非常獨突。芒果汁非常濃郁，沙冰清甜可口，而芒果布甸亦落足料，十分香滑。所有材料加起來非常之夾，雖然全部都是芒果，但一點都不會'漏'，仲非常醒胃添！芒果棷汁紫糯米愛吃紫米露的人都可能發覺到現時香港有賣紫米露的中式甜品鋪已經所剩冇幾，至於一般西式甜品鋪的紫糯米多數亦用料不足，味道欠佳。甜姨姨的棷汁紫糯米卻非常有驚喜。紫米煲得很夠淋，入口軟綿綿，紫米味道濃郁，而且加了很多香濃嘅棷汁，非常足料。朱高力花生湯圓湯圓皮不算特別煙仞，入面是朱高力餡料配上一粒原粒花生。味道普通，不算特出。可以不試。

飽腹一頓過後，兒子和其契媽大嚷要食甜品。天后一帶雖有好幾間甜品舖的選擇，但說到其中最多人去最受歡迎的一間，就必然是清風街內的"甜姨姨"....時候尚早，人還不算很多，蠻輕易的就找到了座位了。根據小弟以往的經驗，若然是晚約一小時後過來的話，店便一定大爆滿之餘，門外也一定站了十多二十人的....三大一小的話，叫三份甜食一齊分享就剛啱好不會太浪費。先端來的一客是由契媽發辦叫的香蕉豆腐慕思....整體上它是走較清淡的一路，貫徹了豆腐本身味淡的風格。慕絲是真的淡mou mou的沒甚味道，有點弊的是就連丁點的豆焦香亦欠奉；置於其旁的雪糕在試了好幾口後也不知是屬甚麼味道來的....最後從餐牌上得知原來是香蕉味。如是這般的話這雪糕亦可算是失敗了。吃勻全碟後覺得最濃味的竟是那堆切片新鮮香蕉，問您服未 ?小友的心水選擇乃是他最喜歡的草莓。這碟"草莓天使"最特別的乃在於那堆在外觀及咬囗皆與ikura極度相似的士多啤梨珍珠，感覺是相當的具玩味。相反其他的內容如草莓味啫喱及雪糕本身水準就蠻普通的，特別是那一小砵啫喱，口感是稍為硬了一些。而雪糕的草莓味也不見得十分濃烈....太太和我不算是十分熱愛吃榴槤，但一看到

同朋友喺大坑食飽DINNER，就行落天后食糖水啦！食飽了行一陣，行到落天后，剛好可以食個甜品了什果綠茶果凍~~~綠茶果凍冇乜味，芒汁底夠濃，生果都好甜綠椰仙踪~~~椰汁底好香好滑，芒果好甜喎！椰汁配黑珍珠都係GOOD喎！芝麻豆腐西米露~~~超級香濃的黑芝麻香，原來黑芝麻西米露又好好味喎，個黑芝麻雪糕又香又滑，重要勁香濃呀！傾下傾下又十一點喇

好勁嘅榴蓮味！一入去就好濃烈，好濃烈嘅榴蓮味，幾乎頂唔順⋯不過芒果二重奏西米露幾ok，豆腐雪糕好特別，流金心太軟雖然等待時間較長，不過味道一流，適合我等愛甜人士。

芒果大合奏~ 次次去都係食呢個，好多層次的芒果，有芒果乾，芒果布丁，芒果肉，芒果雪糕，芒果漿，不同texture, 感覺真係好rich~  大滿足 黑糯米西米露, 黑糯米好飽肚. 總結來講唔太SWEET, 但味道普普通通. 下次都係食番芒果大合奏XD

不愧係天后甜品鋪既大家姐，甜姨姨既芒果大合奏食咗幾多次都係想繼續食，每次經過天后都記得佢，芒果大合奏係芒果迷必叫既，芒味濃郁，你諗得到有芒既元素既材料個甜品都有，其中包括芒果，芒果雪糕，芒果布丁，芒果乾，芒果糖水我最中意就係有芒果乾既存在，平時d芒果甜品都唔會有，得呢度加咗芒果乾令成個甜品變得更有口感同更甜，咁多樣芒元素加埋真系好似大合奏咁好和諧平均令成個甜品昇華。

復活節假期胃口特別好，食完小倆口就順便到甜姨姨食係我to eat list既甜品~榴槤豆腐花！因為時間不容許堂食，只好外賣上車享用店員告知今天會加一喔～盛惠$46等了一會就有！立刻上車開動好香喔！大堆榴槤肉，香氣四溢，又creamy; 豆腐花都有榴槤味，唯獨係不夠滑。但是整體黎講都幾好！下次試芝麻豆腐花