甜姨姨私房甜品 (清風街)

營業中

休息中

天后有好多間甜品店，每到晚飯後時間，這間店門口一定係最多人排隊等候的，唔會等好耐，因為店員都唔會比你坐得耐，一見你食完／放底匙就會收走你碗野～芒果大合奏：芒果乾●芒果雪糕●芒果布甸●芒果汁　芒果迷最愛，所有芒果都好香甜，４種唔同口感一次可以滿足哂所有願望！木桶豆腐花：等分半鐘的豆腐花，叫完會比個秒錶你，倒數９０秒後食得，聽到咇咇聲後打開蓋，放隻匙上去唔趺就代表得，豆腐花好重黃豆味，不用加任何東西都好味，加上係即叫即撞豆腐花，十分香滑。不過間店其實差不多每枱都會叫一個，所以成間野都會聽到咇咇聲，要留意住自己個秒錶先知

每次有朋友喺天后話想食甜品，我都會推介食呢度，咁多年來都覺得佢好好味，唔會好似有啲鋪做旺咗，水準會即刻下降。 呢度出名食榴連，朋友要咗呢個超級榴連雪沙！份量夠晒勁，兩個人share 都得。 上至下分別有:榴連乾榴連果雪糕榴連肉榴連雪花冰咁嘅組合，你話點會唔正。榴連精一定鐘意！我唔係榴連精都覺得唔錯。雪糕芝麻西米露雪糕可以揀豆腐味或者黑芝麻味。加上creamy黑芝麻沙冰，裡面有粒粒西米。沙冰好滑，好香濃黑芝麻味。 推介！

✨芝麻豆腐西米露配豆腐雪糕 ($30)✨用新鮮豆腐打成 加入了冰沙 芝麻沙冰入口香甜 冰打得幾幼細 但豆腐味被更濃的芝麻搶左好多豆腐雪糕甜味太重 遮蓋左豆腐香味西米煮得恰好唔糊杰 份量唔少 作為宵夜很飽肚 甜度低少少就好啦 不過價錢合理 性價比又幾高✨椰汁涼粉豆腐花 ($25)✨ 滿滿的份量 少量豆花上有涼粉上面的椰汁是誠意的椰汁冰 不只淋上椰漿椰味未算太重 椰汁迷可能會有一點失望了雖然加左價不錯價錢仍然合理 選擇都幾花巧添！

每次黎到天后都一定會黎食，今次就試下啲未試過既野 抹茶豆腐花西米露配芝麻雪糕賣相好整齊，豆腐花有濃郁綠茶味，西米露亦唔太甜，所以加埋芝麻味雪糕都唔會太會太甜，啱啱好 呢個咁得意既就係即撞朱古力豆腐花上枱時侍應會拎埋計時器，兩分鐘後先可以打開蓋 賣相就係咁，好靚，食之前要放埋預先畀既朱古力片，豆腐花冇好重既朱古力味，但有香濃豆腐味，所以配埋朱古力片就好好 最後一樣就係榴槤pancake, 榴槤好香好新鮮好林，pancake皮亦好軟熟，賣相青bb，增加食慾

清風街食店林立, 今日嚟到試下甜姨姨創作甜品甜姨姨點評: 食物: 融掉我心 (雙重朱古力即撞木桶豆腐花), 名字聽落十分吸引, 可是雙重嘅意思只係加了一塊薄片心形朱古力在沒有朱古力味嘅朱古力豆腐花面上達到半溶狀態, 薄片似糖膠, 豆腐花疑似加了可可粉, 味道欠奉, 另一個 綠“椰”仙蹤卻意外地比較出色, 將豆腐花+珍珠籽+椰汁+椰果+綠茶果凍來一個大混合, 味道百感交集, 滑滑嘅豆腐花, 配上充滿咬勁嘅珍珠同椰果, 美中不足係綠茶果凍已經被其他配料味道蓋過, 全無綠茶味環境: 光猛嘅燈光, 裝修普通, 店外設有露天座位岩晒嗜煙朋友服務: 店員主動介紹甜品食法, 木桶豆腐花上枱時連埋個計時器俾食客, 令豆腐花達至最佳效果先開蓋好有心思抵食: 價錢唔貴, 當嚟食創作都抵啦

今日同朋友相約到銅鑼灣天后陳先生開的甜品店 以經是晚上十點多不用等位 我們人數比較多在樓上那一層 我叫了一個草莓乳酪西米露 十分合我口味乳酪的味道很重 他入面加入了椰果 不會像一比較沒有口感 但也不失重回的味道十分甜 十分好味😋 朋友叫了一桶木桶豆腐花 來到後要等一會才能打開才能打開 豆腐花不太甜但很有大豆的味道 我本身個人不愛吃豆 我還覺得可以 可以一試

飯後諗住食甜品，之後個朋友介紹話天后一間甜品唔錯，就去試下。叫做好少見ge草莓乳酪西米露同埋鋪頭招牌木桶豆腐花。好特別，乳酪西米露真係一流，服務勁好，選擇又多！讚！👍

今日和家人食完晚餐後來到大家一直討論的明星甜品店來一試 出乎意料之外 以為以名氣的但是食品非常好味 心太軟外脆內軟 朱古力醬夠熱 朱古力也是非一般 用料大方 大家也一至好砰讚

天后美食多，晚飯過後當然是甜品時間囉~由於我們都沒有心水的糖水鋪店，結果便站在街邊打開openrice app找附近的店鋪，最後發現「甜姨姨」這家店好像也不錯。未到九時，店內人流不多，不過店內的座位比較狹窄，如多人聚會的話坐門外會較好。一打開餐牌，我們都深深被榴槤豆腐花($42)吸引了，另外亦點了個芒果班戟($32)；不消三分鐘，邪惡的榴槤豆腐花和芒果班戟已經在眼前，我們實在忍不住先吃了一口榴槤……實在是幸福的來臨阿！小女子曾在某年的美食吃過一次榴槤豆腐花，但級數是完全不能相比！這裡的豆腐花充滿著榴槤味，齒頰留香，豆腐花即使凍食也是很滑溜，簡直是會食過翻尋味阿~~~至於芒果班戟也是不錯，芒果肉跟忌廉份量均等，但覺得價錢與聰嫂或元朗B仔相比偏貴，因為甜姨姨$32只有兩個；至於味道味方面，因為先前吃了榴槤豆腐花，口腔內的甜味久久不散，所以我們都覺得班戟很是普通。

人地都話我係芒果小姐，有芒果噶地方就會有我。咁係因為我成日搜刮一啲同芒果有關噶甜品，慢慢慢慢就變得越黎越pro啦 不過除左芒果我都會試下其他噶，例如話呢款木桶豆腐花咁，齋個外型就已經夠曬特別啦而且豆腐花晶瑩剔透，入口即溶，而且好滑好甜，仲有濃郁噶奶香味 芒果水晶宮，有啲似楊枝甘露，不過佢入面仲有芒果味噶雪糕，仲有濃郁噶奶油香味，加埋芒果肉、西柚肉噶碰撞，口感爆炸吖 芒果大合奏對於一個好鍾意食芒果噶人嚟講真係大滿足啊，無論係芒果肉，芒果雪糕，芒果乾全部都係芒果，真係好正！不過芒果有些少酸，係可以接受噶範圍 呢度仲有好多好special噶出品，下次再嚟試下其他

睇完電影想食D甜品，淋起甜姨私房甜品店，剛開始名氣大估計都系因為呢度嘅老板之一陳豪，睇睇今晚有無運氣撞到，真系越夜越多人，開始仲以為夜晚會人少D，不過都仲好，等左大概十五分鐘，環境都算可以。呢間店比較出名嘅系芒果同芝麻系列，我點左個芒果大合奏，有芒果味嘅雪糕球，芒果干，新鮮嘅芒果肉同西米等其他幾款芒果口味嘅小食組合，雪糕好細膩，酸酸甜甜，芒果控一定唔好錯過。榴蓮豆花，好大舊榴蓮肉啊，而且榴蓮肉夠熟，豆花又滑，好似食雙皮奶嘅感覺，中意食榴蓮嘅估計會愛上呢個甜品，而且甜度適中，唔會膩，一定要試下呢個。朱古力豆花，聽講話系新品種，未試過，不過睇落又好似幾好食咁，下次試下。

赤柱晚餐後，還早，當然即時搜尋附近甜品好去處啦！一搵之下就揀左天后既甜姨姨！完全係衝著豆腐花來的！等左一陣就有位了！坐低當然要揀選吸引的啦！每款都好想試，最後四款都由我幫大家揀😛😛😛😛 芒果紫米露，雖然無咩花巧！但呢個都係我既最愛！芒果超甜的！還是芒果系列！不過不失！ 花巧的來了！豆乳味雪糕，好香，都超滑，上面既焦糖脆脆做得幾好，唔會痴牙！ 重點黎啦，即時撞既豆腐花，好貼心，會比埋個計時器你，唔洗自由再睇鐘啦，一響代表可以啦！ 成功了！係幾有趣既，味道還可以！但不特別滑啦！

難得同同學放咗工去食飯，梗係要食埋甜品啦！我改個標題係「錯過一次，唔可以錯過第二次」，因為之前喺隔離個間紅大門食完，想食甜品，竟然見唔到呢間甜姨姨！今次食到之餘，仲好有驚喜我點咗芒果三重奏（芒果乾+芒果布丁+芒果肉），布丁呢就無咩特別，令我諗起羅拔臣啫喱嘅味道，芒果肉係好甜，最值得一讚嘅係芒果乾，切得一絲絲咁，容易入口之餘，更加強咗整碗甜品嘅芒果味名符其實三重奏：芒果布丁味較淡、芒果肉係原味、芒果乾則味濃，質地上三者嘅分別大家諗都諗到啦 介紹埋其他同事食咩先...同事A揀呢個芝麻豆腐西米露，話因為餐牌寫係得獎作品，啖啖黑芝麻味，而且唔同口感，鍾意食芝麻糊嘅朋友千祈唔好錯過同事E鍾意食QQ嘅嘢，揀咗呢個芒果黑珍珠豆腐花，豆腐花好重豆味，唔會太甜，我諗甜姨姨嘅木桶豆腐花應該都係出名嘅，暫時未喺其他地方食過呢個味道同事C就食椰汁芒果紫糯米，我個人嚟講就唔食紫糯米嘅，不過芒果好甜，紫糯米好煙韌，椰汁都好解渴

威哥今日終於帶我出黎威喇，等佢得閒等到我頸都長囖，話帶我去下一站天后喔，仲唱曬歌仔，帶我左轉右轉，終於轉到目的地喇，《甜姨姨私房甜品》聽個名真係夠曬甜喇。入邊環境都好乾淨，燈光柔和，一入門口就係一陣濃重既榴蓮味，身為榴蓮控既我都差D流口水囖，甜姨姨廬山真面目，人如其名，笑容真係甜死人囖。服務員阿姨態度都好親切，成間鋪籠罩住一種甜蜜而親切既氛圍。鎮店推介：榴蓮豆腐花，榴蓮味道好濃烈，肯定好多人點啦，如果唔系點會一入門口就係榴蓮既香味實在太香喇！榴蓮控既最愛啊！！！！！豆腐花上面既榴蓮好多，軟糯既榴蓮配合上豆腐花既順滑，加上淡淡既豆香，哩個組合真係無與倫比啊威哥就鐘意芒果，點佐個芒果大合奏，大合奏材料好豐富，有新鮮既芒果肉、芒果布丁、芒果雪糕、芒果乾同芒果汁，芒果肉好甜，芒果雪糕芒果味好濃郁，絕對係芒果控既大愛啊！！！一次過食曬芒果既唔同做法，威哥猛咁話好味本來想試埋個木桶豆腐花既，但係已經飽到食唔落囖，因為用料實在太足喇！食甜品就係會有一種甜蜜而幸福既感覺，唔需要食太多，例如有情飲水飽下次要再黎！！！！

今日是專登去甜姨姨度食榴蓮豆腐花的，之前一直俾同事極力推薦，搞到我心掛掛。榴蓮豆腐花看起來不是什麼特別的，但是只要你吃過才能知道它的奇妙之處，榴蓮的香氣和豆腐花的順滑加在一起，淡淡的豆香中可以品出陣陣的榴蓮香，絕對好食。芝麻豆腐西米也是很出色，芝麻味很濃，同豆腐花混搭的香味也是很不錯，份量都很足，老闆很大方。綠野仙蹤麻麻，不過料很多很豐富，不怕膩，每一口都是不同的感覺和味道，但是 不夠榴蓮豆腐花之類的好吃、突出。不過日後有機會一定會繼續來的，還有帶上我的幾個家裡的為食貓，畢竟這裡甜姨姨難得又好食又平。