甜在心 (已結業)

即使是叫外賣，都令人感到被重視，職員態度親切，對每日餐都製作認真，十分好味，令人想一試再試而且在上午11:30前落單，每份平$6，價錢十分抵。更設有whatsapp落單服務，十分方便

開左好多年既一間甜品店.次次都好多人食，今日見無乜人，入去試下，座位都幾舒服，有人等位都吾會刻意趕人走，試左幾樣，其中一樣係心太軟，算係甘，過得去，雪糕有得擇其他味道……心太軟都好流心……下次會再去食過

同朋友食完飯再想食下糖水，咁就試下甜在心，好耐之前都食過。今次再食叫左個白雪黑珍珠，嘩！完全貨不對版，第一次食完幾啖就唔想食，個綠茶雪糕好奶，我覺得ok，但碗野伏既感覺然後朋友就叫左個心太軟食，相比下味道正常好多，唔好話整到熟哂咁

因為想去食泰國野，所以行左過黎盈豐後面。不過好可惜泰國鋪已經執左喇 經過既時候，姐姐好落力咁推銷，而且建生自從雅仕執左之後，就冇咩据扒既鋪頭，咁我地就試下先啦!入到去得一枱客，其實都幾擔心伏伏地，落單15分鐘後就上菜喇!先上左飯先既，扒類睇得出佢係即製，不過睇落塊扒係唔足一塊既，但2款加埋已經夠食。意粉係最有驚喜，佢會另外炒起D意炒，先再加醬落去，同埋佢個肉醬又唔會太酸千層麵初初睇佢細細份咁，但其實好漏架!因為佢每層都會落D芝士，所以好飽

之前已經食過幾次, 好耐無食, 就試下先!食用晚飯時間尚早, 8點就去食過甜品先!!叫左榴槤味既甜品, 不過唔知點解, 2個甜品既榴槤味好都淡唔係當造?? 時間太早?? 不知道XD榴槤雪香 ($32)入面有榴槤肉, 汁都係用榴槤打成, 入面有D透明爆爆豆雖然深井X記好味好多, 但甜在心都可以接受!我覺得透明爆爆豆真係好有口感 雖然個汁榴槤味淡左D, 不過可以用榴槤肉補救返榴槤綿綿冰 ($34?)呢個真係好一般, 榴槤味吃不到, 芒果醬也沒有特別, 反而吃到雪味 綿綿冰是一片片的, 冰當中有少許一條條黑色的痕, 不過沒有深究是什麼失望

這間店開了一段時間也沒有空去嘗嘗看聽朋友說這兒心太軟很好吃終是就去嘗嘗了果然，我的湯匙壓下去，內面的朱古力醬就流出來了再配上一口冰淇淋人生達到了極致超級好吃😁但就是價錢有點貴就對了

買花生湯圓但俾咗花生糖不甩，返轉頭換店員仲懵盛盛唔知搞錯話碗糖不甩係湯圓，打開睇先如夢初醒。重新整過又等多10分鐘，但碗榴槤飄香已經攤到「凍」晒。廚房呀姐拎返碗湯圓出嚟仲係話碗嘢係糖不甩，聽到都嘔血。返到家開嚟食，原先俾糖不甩用嘅包裝冇換到，要用叉食湯圓，奇怪到極點。味道如何更加唔使再多講，食湯圓冇湯圓味，糖水竟然冇薑味，唔係唔識落薑煮湯圓呀？另外，碗榴槤雪香亦無榴槤味，雖然有嚿榴槤喺入面，但似椰汁西米水多啲，呢碗嘢賣成32蚊（加1蚊外賣，），唔值囉！（已將放在家的外賣紙掉咗！）

這間鮮為人知的甜品店， 座落在屯門盈豐園1座地下， 雖偏僻， 卻被遊蕩的我們碰上了…… 我立時放下心頭大石，把憂慮都暫時忘掉，第一次與步入這間甜品店。店員Kenneth 向我們詳細介紹餐牌， 推薦了這裏的芒果椰汁河粉 我們的合照👇👇✌ 芒果椰汁河粉很完整，新鮮的芒果👏👏感覺很特別， 心想現在四處也是大型的甜品公司或財團， 真的很希望支持這些苦苦經營的小店，維繫這份創新☆ 親切感;-) 😰 突發「 未夠喉 」最後決定，order了這個.........👇 價錢只是三十數元，已達致外面甜品舖的水準，讚😉👏👏👍~~~~~~~~~~~~~~~~~~~~~~~~~~~~~~~~~放下憂愁，甜在心頭，踏出這甜品鋪， 未免在煩擾的生活中增添一份鼓勵。💖💪

屋企附近居然無多間甜品店開，唯有俾多次機會，點不知，大失望。兩年前幫襯過都覺得麻麻地。五色湯圓 : 芝麻、合桃、花生、朱古力、奶黃。細粒、皮厚、硬，湯底夠薑無甜味，附送西柚粒。2。椰奶馬蹄沙 : 水汪汪，淡而無味。

已經幫襯過好多次，覺得呢間糖水鋪係區內數一數二的抵食之選。 雖然較為偏僻，但甜品質素不錯，選擇也多，糖水一般都比區內的大碗，價錢亦只係廿零蚊。由於就近我家，又抵食，自然成為同朋友既聚腳點 今次黎食都係例牌會叫的七彩明珠之前佢做特價$20 今次就正價$24 有各種水果，黑白涼粉（白涼粉比正常涼粉煙靭），椰果，明珠，仲有一啲唔知咩 滿滿的一碗 味道唔太甜，又好多豐富既料，岩哂我依種花心既人

甜在心屯門區街坊糖水店少之又少，時常會令人察覺屯門區很難找到心意的糖水店。這天，晚餐過後，仍然感覺意猶未盡，尚有「食慾」，便轉戰另一頭的甜在心。我是三心兩意的人，既想吃熱的傳統糖水，又想吃冷的甜品。當然在座的心亦是同類，看見有減價糖水，更是最愛的紅豆沙，叫了一碗外，再要榴槤糯米卷、薑汁燉鮮奶、及椰皇燉燕窩。首先鮮奶先上，奶味還可以，熱食保持細滑的口感。椰皇燉燕窩，一開椰蓋已嗅到陣陣的椰子味，但沒有太突出的口感，保持一貫味道。然後便是榴槤糯米卷，卻是水準之作，當它遲遲未來時，侍應回說，「製作中」，可想而之是即場製作，內裡的榴槤口感軟滑，如同吃一口綿花糖，雖然不知榴槤現在是否「應季」，但榴槤的香滑感，沒有帶半點粗細，確是推薦。最後，我最愛的紅豆糖水已在我不斷的詢問後，遲遲到來，原以為應是把煮好的再煮熱，但上桌是，卻感到很新鮮，沒有酒樓不斷煲煮的感覺：味濃，材料稀釋。雖然是減價食物，但卻有原汁原味的傳統感覺，很是感動。

係旺角整完電話搭車返家，落車時突然想食甜品，以前建生只有一家甜品舖，但上年開左呢間新甜品舖，開張時來過一次，之後都一直去返糖絲食。自從糖絲執左之後都無係屋企樓下食過糖水。今日就行過黎試下。因為只有自己一個，可以搭枱，好快有位坐，叫左個榴櫣綿綿冰，等左半個鐘都未見蹤影。叫侍應催催廚房，到最後要“貌似”老闆入廚房催先有。本人極愛榴櫣，任何榴櫣之食物無一不愛，呢款榴櫣綿綿冰，入口極有榴櫣香，而且自選三款配料都極有味道。唯一不滿意的是，為何淡黃色的榴櫣綿綿冰會有深啡色的“不明物體”出現？本人不敢嘗試這“不明物體”是甚麼。這次的食物水準高過第一次來試的時候，有所進步。最後叫了個楊枝甘露外賣，這次相當快手。順帶一提，這裡服務態度非常之好。

放完狗 第日又放假 特然想食糖水 就即上openrice睇下屋企附近邊到有糖水食因為見到openrice話呢間野收12:00所以我就即刻打去問下11:45去到仲有無得食因為其實當時已經係11:30 左右接線生話：當然可以 或者可以外賣。如事者就落定order飛奔過去我要左一個椰皇嫩燕窩，芒果腸粉，芒果椰果西米露，仲有一個朱古力綿花冰去到都已經係11:50 因為叫左個綿花冰既緣故見佢又仲有三枱客 就問服務員可唔可以食埋先 其餘個啲照拎走服務員非常好禮貌又好笑容地安排我地坐低 再幫我地開埋個綿花冰$30一個朱古力綿花冰(有三個配料) 真係好抵食而且都幾好食，中上啦。$26 芒果腸粉腸粉個皮好簿好滑，包住cream同芒果芒果好大舊 仲出奇地好甜(因為冬天芒果明明唔係收成日子)$31 芒果椰果西米露芒果甜 夠多芒果 西米露有芒果味唔會話得椰汁味$31 椰皇嫩燕窩可能我自己期望太高，覺得普普通通。

剛巧駕車路經此地～見招牌光鮮起眼，反正下午五點多，又未到晚飯時間，與女友相伴一試～入到去成間鋪冇客，感覺像包場....應該係剛開門的關係吧芒果班戟我多數去度邊都試~呢款個味道都唔錯～很鮮甜的芒果肉呢個燉蛋真係制作需時，但真的不能不說一句：慢工出細貨～賣相精緻，味道調較得剛剛好，感受到用心制作甜品的心機！最後無聊之下看看其他人的食評，見很多人都點這個，女友說也點一個來試試～由於小弟不太喜愛棷子味，所以只試左一啖仔燕窩就算～女友說如果喜愛椰皇的話（燕窩不用說吧～誰都喜愛），呢一款真的值得一試

今天生日友人在甜在心買左幾款甜品來我家。椰皇燉燕窩是我最愛，蛋白很滑。芒果布甸芒果粒很多味道俾五星級酒店還好食。手磨芝麻糊很香芝麻味相信師傅真係手磨。香滑鮮石榴露很清甜很香名符其實香滑。食左幾款甜品感覺師傅是一個要求很高製作很嚴謹的人，我過幾天放假一定去甜在心試其它甜品！