甜在心 (已結業)

禁堂食，叫外賣點知都出事！飯盒送到黎，成盒都係生豬肉！冇一舊係熟嘅！真係嚇死🤯！想支持下小店都唔得🤬真係攞命！仲要投訴都唔回應！態度極度惡劣！真係唔好帶飯都唔會再幫襯呢一間🤬🤬

天氣熱就好想食冰Openrice 到呢間甜品店但係真係好難搵最後問保安先至搵到😂😂芒果金字塔 $38 評分：8/10首先佢嘅份量十分有睇頭，我一個人開頭都怕食唔晒！😂而且綿綿冰味道好濃！陪着好甜嘅鮮芒果肉，再加埋爆爆珠同椰果粒，真係幾好食！

食完飯之後，總係有第二個胃可以食啲甜品，同男朋友由澤豐散步到呢度，第一次食呢間甜品店，見佢選擇都幾多附近有冇其他甜品店，就幫襯一下啦佢餐牌上面甜品選項都幾多，最後我哋揀咗心太軟同一個香蕉船。香蕉船雪糕冇得揀味道，分別係曲奇朱古力同埋抹茶味，食得出呢一種係平時商場小店買$10三球嘅質素，但上面有一啲類似啫喱或者蒟蒻嘅東西就幾有咬口，加咗少少分等左大約15分鐘之後心太軟都上咗，我一見到個心太軟個樣，就知道應該係急凍心太軟，切開之後全部都係朱古力醬，應該要再局耐少少，但呢個價錢都唔可以要求咁多啦，當支持下小店

今日收工經過呢間平時見到中午lunch全鋪都係學生食西餐 日日滿座收工諗住呢度係甜品鋪 諗住食返啲甜野 補充一下甜份先返屋企我同男朋友叫左兩款 一個係芒果冰 一個係雪糕窩夫可能係因為雪糕唔得 味道真係好麻麻窩夫就不過不失 不過擺盆中個窩夫上碟時係一支竹簽吉住曬望落唔算特別美觀同時又令到食既人要抽返起啲窩夫 個碟又細 食起上黎好唔方便個芒果冰 味道好淡 啲配料食落都係麻麻地唔怪得收工時段一個人都無 可能佢lunch既主食會做得好食過甜品

今日到盈豐商場搵個朋友食晏，因為係佢地頭梗係聽哂佢支笛食乜啦。問佢食乜嘅時候仲話係秘密，咁神秘搞到我有啲期待。行到門口，「甜在心」？甜品店喎，有冇去錯呀？原來間甜品店仲有lunch食架。朋友一直講話啲食物好好，所以就隨便點左個「蜜薯豬頸肉配菜飯」。嘩，真係好味，啲蜜薯唔會太甜岩岩好，豬頸肉夠「淋」又香。價錢係$43蚊呀，可能因為鋪頭比較偏，一個大眾化嘅價錢。呢個秘密食店果然冇令我失望，下次繼續食好西。

叫咗個南瓜雞柳意大利飯外賣，點知打開個飯盒，驚叫咗出嚟，以為送錯嘢。南瓜飯唔係係橙色嘅咩？點解紅色嘅？因為落咗好多蕃茄。都唔緊要，最重要係個啲飯唔係risotto 嚟㗎，係普通白米飯加蕃茄加少少南瓜加幾舊雞，真係好強差人意。賣相似無炒過嘅西炒飯，一pat pat，好恐怖。仲要$44。你唔寫意大利飯都無咁嬲，完全違反商品說明條例。真係無下次。

星期日放假同朋友加男朋友想吹下水唸住近近地搵間糖水鋪吹下水，去到企喺到嘅人好多原來都喺外賣😅一坐低就聽到隔離枱個女食客問佢碗野有未，放左喺出餐處好耐點知個女侍應好唔好態度咁話, "呢到得我一個咋"我果下真係打左個突...之後我地等到佢無咁忙就叫佢落單, 3個人揀3樣野佢3樣都話無, 即係要重新揀過啦個女侍應當時好大聲話, "有圖既大部分都有就係你地3個揀果3樣無, 你揀左我可以即刻答你有定無!"咁好啦...我地3個人再揀過, 再叫佢落黎落單, 佢就好唔好老脾話, "人地叫先架, 你等下啦!"我心諗, "家下我地又唔係催你, 又唔係要你即刻過黎, 咁講係咩意思先?"佢過到黎落單3樣有2樣又係無, 即係我同我男朋友又要揀過明明都已經係揀有圖果D佢就話因為尋日太忙今日好多都無終於揀左幾次3個人3樣野佢都話喇就乖乖係到等食過左半個鐘, 另一個職員突然行埋黎同我講芒果蛋白雪糕無, 你再揀啦乜唔係話我揀左無既可以即刻答我無架咩? 點解過左成半個鐘先又話無架????最後我揀榴槤PAN CAKE佢話LAST一份...我直頭覺得係直升機鋪啦伯母既點解唔早D收鋪要我地一揀再揀, 見到佢入左兩個糖水, 又唔

芒果班戟連cream都無，好dry！塊班戟皮又難食又硬，收我$27淨係食得2舊酸芒果，勁唔抵羅。😭估唔到咁差。反而小食既腸粉燒賣就好味啲。而家甜品比以前差了很多

都知呢間糖水舖開左好多年質素當然有番咁上下先撐得住👍🏻我都幫襯左一段時間性價比其實係高既👍🏻但問題黎喇近呢幾個月我發覺一行入舖頭就聞到一陣呀婆味頭兩次聞到 我都有坐低繼續食食物真係無問題既👍🏻但係呢陣味真係令我頂唔緊近呢幾次 我都係企係門口聞一聞先每次都發覺陣味越黎越濃烈係呀婆味 又唔係臭丸 又唔係醉酒佬味係呀婆味 如果唔明咩叫呀婆味可以去索一索忍得住可以坐低食但我重申！食物係無問題既！👍🏻只係呢陣呀婆味令我無再食佢我仍然keep住會行去聞下期待佢除到陣味我一定會再入過去食👍🏻👍🏻👍🏻👍🏻👍🏻👍🏻

對於一個甜品控黎講，有咩好過屋企附近有一間好味既甜品屋🤤～除左中式糖水，好似腐竹糖水、芝麻糊、木瓜雪耳之外，佢既心太軟都好好味嫁！暖暖既朱古力流心+冰凍既vanilla雪糕，真心推介比住係屯門既朋友仔！

昨晚同女友食完晚飯，口痕想食甜嘢，近近地就呢到食（其實都好耐冇嚟），坐低叫嘢食，叫咗個椰皇燉燕窩，燉蛋（結果冇），於是改咗雜果白雪（唔係好記得個名），另外要多個花生湯圓。跟住，聽到個店員同收銀講我要咩咩咩咁啦，跟住聽到佢講芝麻湯圓，我就同返個店員講係花生唔係芝麻，個店員同返收銀講改花生（我改？我不嬲都係話要花生，不過算，唔係咩大問題！我冇出聲）點知見到個收銀嘅面口黑過包青天，大大聲好悔氣咁同返個店員講：妳自己同返廚房講呀！我心諗咩料呀？洗唔洗殺咗老豆咁款呀？要妳大小姐電腦落單啫，而家冇出糧俾佢㗎？到嘢食嚟，普普通通，唔係太差又唔算好好食，個花生湯圓就唔得，酸酸地！結果我都冇食曬，食咗兩粒就收口！埋單，收銀大小姐保持佢cool魔上身嘅作風，全程冇笑容，零交流！冇話態度差嘅，只不過係冇態度啫！結論：永久黑名單，唔會再去！收銀趕客！完

母親節前一日食完晚餐..同媽咪去揾糖水食入到去個服務員態度極差 ....黑曬面問10句都唔應人點餐時直接走左去完全無笑容，，，好似個個都欠佢錢我叫左個榴蓮班戟出曬水無下次請左尼d店員真系趕客

對以下女仕對店員工態度既評論講一下，我係熟客仔，常幫襯，其實店中收銀落單既，年紀較大既戈位員工比較有禮貌，推介亦都較詳細，另一位較後生既態度就比較一般，純粹個人意見，可能咁岩啫……

此店的女收銀員態度極差，我同老公二人叫咗碟腸粉同一杯芒果QQ,俾$時女店員找錢時特登飛錢落地，我地二位都有消費，唔係叫一樣野坐你二個位喎！可以咁架咩？以後都不會再幫襯。

芒果QQ, 有新鮮的芒果香味，啖啖芒果肉， 好好味！ 還有， 12安士的牛扒和羊架，配以廚師特別調配的醬汁， 份外好味， 我平時不食羊， 因怕有蘇味， 但今次食不到有蘇味， 想不到一間甜品店， 做出一些的西菜