甜品工房 (已結業)

網評話服務太差，原來真有此事，門口帶位的男仔(啡頭,細眼,個子不高)沒有笑容唔緊要，重複3次問我幾位，我亦答左3次(其間佢無做其他野 只係晌到呆站）....！此店裝橫入時，menu及食物都出色，可惜服務不感恭維，戥個老闆可惜。是次點左可可之吻+招牌紫戀。講返食物, 個招牌紫戀外表吸引, 配搭好有新意. 頭頂既粒粒有少許提子味, 旁邊的3粒糯米糍好好味, 但食到最後 個底難免變晒冰水, but overall 唔錯可可之吻效果和味道也不錯, 連平時少吃甜的我, 初初說只試半個, 結果食食下把整個也吃掉

見它開了門但竟未準備好服務客人於是等了一段時間, 見有人進了少敢進但店員沒有笑容, 又不懂主動招呼人入去坐想叫新地/有雪糕的甜品, 店員又說未有雪糕問她何時有, 又好像什麼都不知道見她問問整甜品的那位, 就跟我們說不知道她只說"未有"態度好像很不滿都算了..我們以為等等會有, 但依然沒有!!(不是說雪糕是自製嗎?需要那麼久?)等不到於是叫了個甜品而已, 冰桃玉露但是是個蜜桃+芒果+星形水晶+蜜桃汁+砲冰 $38味道不太濃 而且水果不太香甜 感覺只是水果拚在一起加冰的凍點有點像被呃錢!之後走前再問店員何時有雪糕的甜品, 她依然說不知- -到差不多踏出門口前聽到她細聲地說了句"6點後"為何不可正面回答人而要小聲說呢?成間店為何只有一個店員, 而她又不會與客人有更多交流, 那怎做生意?真的對這店好奇怪!沒有下次了, 不會再去!!

上個月，睇完”飲食X女”介紹呢間甜品舖，D野睇落好似好好味，無耐發現有半價團購優惠，即買。多次路過都食得太飽食唔到，星期六6點幾見未食晚飯又路過，緊係食啦! 去到無人等位，人客只有不多於10人，係門口企左一陣，無人帶位，近門口既收銀處有2個侍應企左係度，2個人都唔望又唔理，咁我同朋友兩個咪行過呢一男一女侍應身邊自己搵位坐，以為佢地玩完電話會理下我地…………，幾分鐘過後，都無人理，完全無人識得比餐牌，重以為好似food court咁要自己去買，點知好在見到有人要比錢，先知道D侍應會行過去，最後要開聲大聲問加揮手先有，餐牌上樣樣都好似好吸引，即打算叫一個”冬之戀新地” (團購優惠係6選1既新地系列)，加一個”紫萄之戀”。 唔知點解間舖又唔多人，但係D侍應都係唔多理人，又要重覆頭先既大聲叫加揮手先有人望下咁，第一個高長髮女侍應目無表情加好似無咩力咁行過黎，咁由於團購關係，好多時要落單就提供，當我話比佢知同團購，佢即時大聲咁話 ”咩呀?咩黎嫁?” 全個場D人全部望住我地，超無面，好似乞咁!!!之後佢大聲叫另外一個女侍應過黎又睇下 ” 咩呀?無晒喎!”，再叫廚房入面一個男侍應出黎睇………”哦….

可以令我的起心肝寫食評的，一係好好，一係好差，而今次，好無奈係後者。同女朋友等睇九點半，仲有D時間想食甜品，特意行到厚福街，成日經過見到門面好靚，今日又唔算多人，就鎖定這一間。先講個帶位，身材不高，細眼，啡頭的男仔，一行埋就同佢講兩位，佢就話等等，又唔派飛，行來行去都唔知做咩，佢果時又唔係話有其他工作咁，等左成兩分鐘，女朋友頂唔順同佢講多次兩位，佢仍然話等，但果頭就同另外已拿了飛，等緊位的女仔客傾計，笑哂口咁，我唯有再同佢講兩位要拿飛呀，佢先行返過來，果時我先發現原來佢識一種秘技，就係傳說中的「變臉」，剛剛同D女仔客傾計的笑臉，半秒就變左黑色，果然臥虎藏龍。等左20分鐘左右有位，之前已選擇好食咩，所以一坐下，就搵另一位貌似農夫阿陸永的男侍應落單，佢無咩表情都算，我想食個朱古力芭菲，女朋友要左個紫葡之戀，佢咩都無講轉頭就走，我就在就轉身一刻即時叫停，因為芭菲就話可以選擇雪糕同乳酪，佢都無問我，唔通繼剛剛變臉大師後，又有另一位識未卜先知的高人????「唔該，係咪有得選擇雪糕定乳酪?」換來的，係「今日個雪糕機壞左喎」，佢仍然係無表情......喂，你代表公司，雖然你係樓面，壞機唔關你事，但D

經過此處已多次，但都因為佢條長龍而被嚇退。今晚早吃完晚飯，只係9：00pm，睇見只係等五張枱，時間尚早照等啦!半個小時後入座，都不算太耐ok啦! 點知佢真係考我耐性，下單後D嘢食成個鐘先到（點中途有趨過佢4次）。等得越耐我心中期望越大! 望向細細的廚房裡面迫有四個staff，嘩。咁多人整，一杯杯出心諗一定有番水準啦!唉。。。點之極之失望。本人點的是朱古力低糖乳酪，睇圖片，好靚㗎大大杯，點知吃落去乳酪淡而冇味（係預咗低糖乳酪會淡D，但都不至於冇味呱），仲有一粒粒碎冰喺乳酪裡面，真係差到冇朋友呀! 最差係當你食完上面個乳酪時，中層的脆脆米係完全冇哂乳酪包住，我只好乾哽脆米，因為個柸設計問題所以一定要食哂乳酪先囉，真係好差呀! 結果食到一半，都係放棄了! 乾哽脆米太dry喇!大佬！家下食甜品咋，唔係什麼巧手小菜。等一個鐘係食哩個不知所謂嘅乳酪，我覺得街邊富豪雪糕仲好食過佢囉! 請我都唔會再幫襯，亦都叫朋友冇需浪費時間去幫襯。

服務無人指示攞籌, 唯有自行排隊. 無人維持秩序, 有些混亂不知究竟條隊係邊. 負責派籌的女侍應唔積極.眼見店內有起碼兩個二人位, 女侍應都不懂走位安排, 叫籌號明顯無人回應, 都仲唔識即時執生安排下一個入. 入到去坐低, 完全無人識得比餐牌. 要開聲問先有.想試軟雪糕/乳酪新地中的綠茶味, 侍應話部機壞咗今晚無得供應. 唯有叫咗個自製曲奇雪糕的新地然後再叫多個桂花奶凍食物桂花奶凍.....成杯來講, 有半杯都係忌廉 -_-"" .....好搵笨.....忌廉唔滑唔香.....桂花糖好甜, ....其實只係普通奶凍+桂花糖漿仲要個奶凍無咩奶味, 亦都係唔香滑.........後悔叫來試果個曲奇雪糕新地....係自家製我信架, 因為無味嘅, 完全唔甜.....曲奇味都唔突出....成杯最多係粟米片....起碼半杯....真係好賺........D小丸子, 細細粒, 唔軟唔Q, 硬架, 仲有少少唔熟, 食得出有少少生粉....埋單成$65....WELL....被佢嘅裝修同扮日本甜品店風格引咗入來, 原來係不知所謂 無下試

在尖沙咀吃完飯還想吃甜品，想起附近有家甜品工房，一直聽朋友說很好吃，便拉了男朋友過來吃個飯後甜品。坐下看到餐牌，紫葡之戀是店鋪推介的得獎作，好，就吃這個大概因為甜品堆砌得很精美，所以實在等了很久，真的大概等了15分鐘趕著回家的我等得有點不耐煩呢先說上面的水晶珠，就是巨蜂提子味，沾了糖漿吧？甜甜的，很爽口刨冰也是巨蜂提子味的，本來甜度剛好，不過吃久了，刨冰跟下面的糖水溶在一起，太甜了我實在吃不下去，迫男朋友吃掉它不過香芋味的雪米糍就很好吃，提子也很新鮮香甜但是＄48 真的有點貴呢，價錢跟味道不成正比，我不會說它難吃，但冇下次！

大埔的甜品工房原來已關門大吉， 是次到來尖咀新店，一心想試試乳酪甜點。點了個 black + white 及 coffe time。 Black + White 有黑芝麻同豆腐。頂層米色的乳酪，只有少少酸味，但質感不錯。 旁有3數粒沒豆腐味的豆腐。再來是厚厚一層馬利餅碎，杯旁的黑芝麻粒，及中層的黑芝麻醬，全部跟乳酪都很夾， 好味！！！另外咖啡口味的就一般了。 除了加了點粉及中層的咖啡啫喱， 其他都是乳酪。沒特別。選擇比舊店多， 下次會再來試試！！

甜品工房尖沙咀厚福街12-12A號地下環境光猛, 因有落地大玻璃而且新開關係, 都乾淨的大部份甜品都富層次, 大堆頭但價錢不便宜呀, 要$40元起MENU 設計不錯, 全黑暗花印有店名而有很多圖片, 看到都流水口三心兩意不知叫邊款好赤地之雪 $ 42最底層是STRAWBERRY BUDDING第二層是牛奶雪糕(半融)再上是小丸子加椰果, 比較有口感頂就是一球STRAWBERRY FAVOR ICE CREAM旁邊再伴了些新鮮STRAWBERRY這樣已經有4層了芭菲系列可選fryo 或ice cream, 標榜低脂只有牛奶味, 再加上不同味粉香醇時光 $48jelly 是coffe味, 但苦了點, 沒下糖最上最加了朱古力粉的ice cream軟雪糕奶味濃, 但不結實溶得好快, 上木台拍照後已傾斜溶化了!再插多塊瑪莉餅,賣相不錯和風物語 $48綠色的是綠茶粉~~過加了日本甜品中常見的紅豆及燸米小丸子因幾甜關係, 所以kcal 一定不低三件desserts份量很大~, 吃了要運動補返消耗返kcal, 其實叫一份, 2個人share會sweet 點有免費清水供應, 可以漱一漱口

這天相約了朋友在尖沙咀晚餐 晚餐過後便是吃甜品的環節了朋友A說試過這間甜品工房水準不俗而我亦在Openrice看過這間新開的甜品店 食評半好半壞但也故且一試!三人來叫了兩個甜品 - 一個是乳酪(名字忘記了!) [$38]另一是較特別的紫萄之戀[$48]乳酪是來, 以一個高筒裝著, 份量不算少中間有著栗米片而頭頂上又有草莓乳酪是偏酸的那一種, 對個人而高是不錯的 我不太喜歡太甜伴著栗米片同吃 一脆一軟的 感覺不錯 但則沒太大驚喜之處.再來的是紫萄之戀,成品份量較大, 賣相討好, 看見也急不及待要吃!頂部是一粒粒有點像彈珠的 而下面就是滿滿落上葡萄漿的沙冰左右兩旁則放有一堆葡萄, 小丸子和三舊糯米滋雖然說糯米滋的配合有點奇怪 但正好我是個喜歡糯米滋的人!而當中的葡萄亦甜而有水份沙冰雖下糖漿但就不會過甜 只是吃到最後是會有出水的情況而整個成品是幾滿意的.吃過兩道甜品後有點意猶未盡, 便決定再加上一個期間限定的藍莓之吻[$48]這個與之前的紫萄之戀,狀態有點杷似只是把葡萄換成藍莓而小丸子則變成啫喱,可能因為藍莓不及葡萄甜而個人又不太喜歡啫喱所以對此則有點失望..其實這個甜品店還有些想試的 但胃

到厚福街 被甜品工房光猛的店面吸引了餐牌上的各式甜點都很別緻 心想必屬佳品各款刨冰 乳酪 和新地雪糕都叫人目不暇給每樣都想試而胃卻只有一個 容量有限把餐牌翻來覆去 好不容易才選定想要的甜品朋友的抹茶雪糕和巨峰提子冰先送到抹茶雪糕原來只是牛奶雪糕上灑上抹茶粉餐牌上的雪糕照片和實物並不相符巨峰提子冰的外貌相當吸引 光看也流口水可惜色香味並不俱全 糖漿的味道有點兒假終於等到自己點的紫醉之迷 即巨峰新地造型也是很吸引 味道則普普通通 沒有新鮮感頂層的巨峰雪糕球帶果肉 味道卻很人工下層的牛乳雪糕味道較淡 甜點會比較好粟米片夾在兩層雪糕中間變稔了 有點可惜想不到一眾甜品賣相吸引而味道卻不怎樣反而是大眾化的綿綿冰令人有點喜出望外食物 如果能色香味俱全當然是最好但食物 始終還是味道最重要

琴晚同朋友食完飯經過呢間甜品工房, 就入去試下. 地方都幾乾淨, menu設計d 相幾吸引. 首先每人叫個甜品, 之後因為見到有個蛋糕好似好吸引, 雖然係成百幾蚊都叫左一個share.綠茶冰: 上面果兩個三角形係雪糕, 味道可以. 配大大粒紅豆, 日式湯圓同綠茶醬, 算係水準之作.綠茶乳酪: 綠茶醬太少, 乳酪未食已經見到溶溶地. 中間配既湯圓還可以, 惟一可取.芒果冰: 好多芒果, 不過係酸既...唔知佢係唔係覺得冰就要多醬, 呢個醬既份量, 肉眼睇都知真係多好多! 只可惜佢d配料一律唔好食, 圖中見到果幾件係雪米糍, 都係唔好match既!! 又軟又無味, 真係慘...乳酪脆脆: 一樣係乳酪溶溶地, 唔好食. 脆脆係脆既, 不過乳酪無咩味, 有口感可惜無味道.巨峰提子冰: d雪米糍係香芋味, 完全係九唔搭八... 而且個樣好衰, d醬既顏色好似好唔welcoming...味道還可以, 但係食既心情就去到谷底!!!呢個就係頭先話個樣好似好吸引, 貴d都叫個食下既蛋糕! 實物個樣好似海棉, 一食落口, 原來裡面全部係無味既cream...真係超無誠意+極之唔好食!!!唔會再返來呀!

午市時間，零客人，難得不用等位。Menu款式多，款款看相片也很吸引，考慮了很久，才order。食物：上層是乳酪，味道淡而無味，配上無味的朱古力粉；第二層是將類似＂O字頭＂的餅乾整碎；最底層是朱古力脆脆米；第二層和底層的，完全無特別，亦無驚喜，味道亦沒有甜品應有的甜味。只有外表吸引，內裡普通。服務：妳有妳食甜品，三個服務員三個一起坐著吃午飯，點解呢？有客人，係咪應該輪流休息、午飯呢？！

吃完晚飯, 來一個甜品聚!!! 經過厚福街, 見這間環境不錯又未試過, 所以入去試下...簡潔的裝修, 整個環境幾乾淨...甜品款式幾漂亮, 但不多~~朋友們叫的:這個一來就已經很大堆頭了, 大大的碗, 好似一個雪山啊!!! 有綠茶味沙冰, 但朋友話無咩味~~~~有幾淋的紅豆, 還有彈牙的丸子, 頂上還有兩塊雪糕, 朋友說很凍, 但幾好味~~~應該是雲尼嗱加了少少果仁!!! 佢食極都食唔完的一碗東西, 哈哈!!!呢個其實同之前的一個幾似, 都係綠茶類的朋友仔, 不過頂就多了個綠茶味雪糕球, 幾好味!!! 而杯底就有豆花, 朋友說雖然豆花本身沒什麼味道, 但幾滑, 同埋加埋頂上的東西都不錯!!!!繼續綠茶味甜品~~~這次是軟雪糕加綠茶醬~~~~雪糕軟軟滑滑的...底部有其他東西, 跟以上兩款都差不多同類!!!又是大大的芒果系列, 一出來又是巨大的黃色東西, 朋友說都幾甜~~~~汁夠多, 所以冰山還ok...朋友點了yogourt做主打, 但她略覺得有點過酸, 不過下面的層次比較出色~~~有涼粉類, 而且擺得幾靚!!!到我這杯了~~~~個賣相都唔錯!!! 朱古力網幾好食, 我點的是原味雪糕

想試這家甜品店已有好一段時間，但一直沒怎來尖沙咀吃飯，偶爾來到又忘記了這家館子 (...)，於是就一直擱了下來。是晚問起，友人說這家甜品不錯，於是就散步過去。那晚正是黃雨/紅雨，等了約十分鐘就有位，還因為在隔壁大廈避雨而錯過了自己的號碼，否則的話就更快了。友人試了這款和風物語，芭菲杯可選用雪糕或 froyo，友人選了後者，這芭菲杯的結構 (?)，大概就是底層乳酪，中間是綠茶醬 &糯米丸子 & 紅豆，再捲左幾層乳酪，問友人食味如何，他簡單地說了一句，「配雪糕會好味d！」，嗯。這裏的 froyo 酸味較重，而且也相對 watery，不是我倆偏好的質感，不夠滑身之下，大概配丸子一類沒味的東西會有點太平淡吧？我要了這個浪漫季節，要的也是 froyo，配搭跟浪漫不太搭得上調 (?)，上下層都是 froyo，中間是一大把粟米片，面頭還有大量的士多啤梨粒，士多啤梨不算太甜，不過也是多汁新鮮；froyo 有點 watery，倒更容易跟粟米片拌勻一起吃，這種吃法，讓我想起以前在歐洲的那段日子也是這樣吃，froyo 讓粟米片變得不太乾身，可入口還是很脆，很相襯的配搭。服務有禮，不過我吃杯身甚高的 froy