72
86
69
港鐵尖沙咀/尖東站 B2 出口, 步行約4分鐘 繼續閱讀
電話號碼
2732 2722
營業時間
星期一至日
15:00-01:00
付款方式
現金
其他資料
加一服務費
食評 (236)
巨峰流璃珠 焦點食評
等級4 2017-03-07
413 瀏覽
我發現一樣好奇怪既事情..每次我回泰國時... 我都好似有10個胃..一日可以食到好多餐... 我親戚陪我食到中段都頂唔順.. 之後... 佢就會帶我去食... 但佢地只會做陪坐睇住我食...今次..佢地黎香港... 情況亦都一樣...但係調返轉..佢地有10個胃... 我做陪坐話說... 泰國人既打邊爐係唔好食既~~所以佢地每次黎香港... 都一定要打邊爐...每一個人食到反哂艇...咁我就送佢地返酒店...係路程期間... 我呀姨同我講....我好餓... 但差緊D野..... 食埋糖水就岩岩好.. (其實差唔多已經12點鐘)咁我就搵係酒店附近有無咩糖水店..見到甜品工房收1點...所以就帶左佢地過去試試...我地睇左餐牌好多次...其實呢到甜品款式唔係話好多種類但心諗.. 款式唔多~但中左樣好食都ok la~葡萄之戀巨峰提子為題既甜品一上枱望左眼已經覺得好好食有琉璃珠、香芋雪米糍、小丸子、美國提子、鉋冰巨峰提子琉璃珠好有口感鉋冰淋滿濃濃既巨峰提子醬.. 每口好似飲緊巨峰提子汁咁樣小丸子"in in" "un un" 好有口感Rose Tea呢個茶正常...但唔係好明點解配oreo 餅乾..感覺有點格格不入而呢個綿綿冰我就覺得味道一般..唔太大驚喜 繼續閱讀
(以上食評乃用戶個人意見 , 並不代表OpenRice之觀點。)
品嚐拉麵x甜品 焦點食評
等級4 2016-11-21
670 瀏覽
昨晚我們一行三人到過尖沙咀的<出前一丁棒丁麵 X 甜品工房首間限定「拉麵x甜品」概念店>,品嚐黑蒜油、九州豬骨、味噌 3 款同期間限定嘅口味。每款都配甜品做成定食,我們三人行,三款湯底都要齊,三款美食同樣都是清仔魚蛋、 2 塊叉燒、半邊糖心蛋、木耳絲和大量的葱花、白芝麻。和大家分享吓三款不同限定湯底口味:豬骨湯濃濃郁郁,黑蒜油蒜味香口,味噌濃香,三欵不同限定湯底口味我都試過,兩個字形容:「好味」。三款湯麵都配棒丁麵,麵條幾滑滑可口。每款湯麵都配自選甜品一款,我揀「紫葡之戀」,用巨峰汁製作成冰磚,鉋成幼細鉋冰,再放上,好大堆頭的璃珠,璃珠非常有脆爆口感,酸甜鉋冰配埋煙煙韌韌嘅小丸子,小丸子變得不再單調,提子皮脆肉甜,以及香芋雪糕糯米餈,真是超完美配搭!另一款「清妹黑白蜜語」,清妹個萌樣真係好打耳呀!  黑色嘅窩 夫脆杯其實是黑蒜油味,我就覺得怪怪地,未習慣,杯上係話自家製作嘅白芝麻軟雪糕,再加多粒黑芝麻流心湯圓,成個甜品好芝麻味!「清仔嘜頭木槺布甸」甜品,最頂嘅係印有清仔大頭嘅白朱古力片,木槺布甸用了豆乳奶油及瑪莉餅碎製作而成,中間仲混入日本紅豆蓉,旁邊嘅日式麻糬以花花造型登場,靚靚呀!分享一下精品專區既清仔精品,我沒有購買,但其中手推車,曾是我中獎的獎品。   牆壁、枱面都貼上清仔家族卡通貼圖很有清仔家族的和諧氣氛。很滿足的一餐,拉麵加甜品是$60連加一小費每位是$66,超抵食!    供應日期: 即日起至 11 月 30 日    繼續閱讀
(以上食評乃用戶個人意見 , 並不代表OpenRice之觀點。)
等級4 2016-11-20
309 瀏覽
呢間crossover店限定一個月,男友指定話想試,好啦,隊長樂意奉陪到底。去到舖頭已經貼晒清仔係櫥窗,侍應都披左件清仔袍,好搶眼。其實全店都得番出前一丁x甜品既餐,但都幾抵食,$60有碗麵+甜品,平時係到食個甜品都$40啦!呢到係食拉麵果隻捧丁麵,無即食麵食架,隊長都係第一次試呢隻麵,呢到有豬骨、黑蒜、味噌,帶病在身,都係試下豬骨算。碗麵一拎埋黎好大陣出前一丁既招牌麻油味,其中一片日本魚旦印有清仔頭,食落口好硬,得個樣;d麵原來係白色,我仲以為係平時去拉麵舖食果d黃色拉麵,入口無皂水味,有d似食米線甘,而且煮得軟硬適中,無諗過糖水舖煮麵都有一手;碗麵都唔hea,有2片叉燒,當然係薄切(厚切你就想😏),但當然唔好抱太大期望係塊肉到,少少鞋鞋地啦。食完碗麵,侍應先會幫你落甜品單,因為係即製,有5款揀,其實應該食刨冰果個最抵,因為見隔離檯果個都幾大個,但都係唔想食甘多凍野,叫左個pancake同木糠布丁,上檯就比個木糠布丁搶晒鏡,因為大大個清仔頭係上面,食落都幾creamy,唔錯;至於個pancake就普通啦,原味pancake加綠茶雪糕,2樣都係普通,個雪糕仲要凍到結晒冰,要攤一陣先食得。食完打指定hashtag上社交平台,有memo pad/原子筆拎,粉絲唔夠喉可以買埋記念品返屋企添! 繼續閱讀
(以上食評乃用戶個人意見 , 並不代表OpenRice之觀點。)
早排在網上看到有關為期一個月的「出前一丁棒丁麵 x 甜品工房」概念店的文章,得知有售賣特別版的清仔杯緣子,小妹是杯緣子迷,當然要把它入手,順道試試crossover後推出的食物。‧供應期:1/11-30/11‧記住係IG/Facebook放返食物相就會送原子筆或memo紙一份平日的六點多去到,去到門口已看到玻璃上已貼上清仔的的卡通貼紙,紅色的特別亮眼,門口也掛著清仔的門廉。過時間直入不用排隊,人流也比預期中少。這時間人流不多可自由選擇座位,我們選了面向街的位置,木紋桌上都是清仔清妹的圖案,很可愛!其實可拍照的位置不多,還有的就是一大片的卡通圖案,也是其中一個拍照位。同場仲有得買清仔既紀念產品,好似多士爐、康樂棋、杯緣子等為期一個月的概念店亦只會供應「出前一丁棒丁麵拉麵定食」$60(+10%),可任選一款拉麵和甜品。這次的Crossover相信是要推廣近來推出的棒丁麵拉麵,三款味道:九洲濃湯(豬骨)、黑蒜油(豬骨)和期間限定的味噌湯味。現場都有得買返去自煮,$10/包,都見有不少人大手入貨。我倆點了味增和黑蒜油拉麵,如另加配料加$10,其實是多了兩片叉燒。麵內配料:木耳絲、兩片叉燒、半隻味玉和兩片清仔魚片。如果有食過黑蒜油即食麵都大約知道是什麼味道,味增湯底小妹就嫌味道不夠重,就感覺黑蒜油較惹味。當中的麵條咬落爽口,叉燒半肥瘦,肉質不乾柴已經收貨!以這價錢來說不會太多挑剔,味道是不差的。再來每人可選一款甜品:紫葡之戀、清妹黑白蜜語、清仔Double Happiness、清仔草莓派對、清仔Ichiban。除左清仔Double Happiness那款甜品特別點外,其他款都是較為簡單。當然要試試甜品工房這款招牌甜品「紫葡之戀」,基底為巨峰汁刨冰,側邊放左無核提子、小丸子同已切成細細粒的香芋雪糕糯米慈,最上面就鋪了滿滿的巨峰琉璃珠。琉璃珠咬落卜卜聲好過癮又有提子味,成個甜品都幾解渴,整體唔錯啊!清妹黑白蜜語賣相一般吧,因為右邊的清妹圖案花了!以黑蒜油所製的窩夫脆杯,窩夫皮食落真係有黑蒜油既香,鹹鹹地脆卜卜幾特別!裡頭放了味道濃郁的黑芝麻雪糕,味道滿不錯! 繼續閱讀
(以上食評乃用戶個人意見 , 並不代表OpenRice之觀點。)
等級4 2016-11-08
434 瀏覽
呢排唔知點解好鍾意食出前一丁 XD 早幾日見到網上介紹 出前一丁pop-up store 即刻拉咗朋友一齊去!就係尖沙咀「甜品工房」好方便 只係去到11月底原本以為要大排長龍 原來都唔算好多人 小妹6pm去到 都唔洗等位期間限定套餐每位$60(要加一) 包一碗拉麵同一客甜品 咁又唔算太貴甜品的花款亦相當新穎 就算無清仔個嘜頭都抵食麵唔係平時食嘅公仔麵 係「日清」喺本年前推出嘅「棒丁麵」 網上啲人話超市賣$10/包(二人份量)賣相有少少失望 因為魚肉上面嘅清仔嚴重甩色 「出前一丁」字樣又蒙查查.... 唔講都唔知係由主題嘅期間限定拉麵不過味道唔錯 豬骨湯比普通出前一丁公仔麵香濃(不過味精多吃無益...) 尤其黑蒜油較少食到配料仲有兩塊叉燒、半隻糖心蛋、海帶、兩片魚肉、芝麻... 咁嘅價錢 算係非常唔錯麵嘅份量都多 夠長 好易夾今餐最令小妹滿足嘅係甜品!如果$60除開兩份 $30一客咁精美嘅甜品一啲都唔貴小妹揀咗呢款「紫葡之戀」今次賣相就值滿分啦 唔單只同menu一樣咁靚 仲幾大份添 由於疊得太高 店員細心咁喺碗嘅下面加咗隻大碟 咁就唔怕塌落嚟啦基本上「紫葡之戀」係一碗巨峰提子汁刨冰 而佢嘅topping係非常之咁豐富刨冰用好多「巨峰琉璃珠」蓋住... 佢係一啲貌似西米係迷你球體 本身有提子味 比西米硬少少 較有彈性 咬穿佢有啲「卜卜」聲 不過味道有啲假仲有四粒無核嘅美國紅提、小丸子、一開四嘅「香芋雪米糍」小丸子本身無味 配上甜到漏嘅巨峰提子 相比之下就索然無味了「香芋雪米糍」本身唔錯 不過不失 只係同提子唔太夾總括而言 都值得大家來朝聖嘅 繼續閱讀
(以上食評乃用戶個人意見 , 並不代表OpenRice之觀點。)