影片
更多
2013-01-02
17 瀏覽
可以令我的起心肝寫食評的，一係好好，一係好差，而今次，好無奈係後者。同女朋友等睇九點半，仲有D時間想食甜品，特意行到厚福街，成日經過見到門面好靚，今日又唔算多人，就鎖定這一間。先講個帶位，身材不高，細眼，啡頭的男仔，一行埋就同佢講兩位，佢就話等等，又唔派飛，行來行去都唔知做咩，佢果時又唔係話有其他工作咁，等左成兩分鐘，女朋友頂唔順同佢講多次兩位，佢仍然話等，但果頭就同另外已拿了飛，等緊位的女仔客傾計，笑哂口咁，我唯有再同佢講兩位要拿飛呀，佢先行返過來，果時我先發現原來佢識一種秘技，就係傳說中的「變臉」，剛剛同D女仔客傾計的笑臉，半秒就變左黑色，果然臥虎藏龍。等左20分鐘左右有位，之前已選擇好食咩，所以一坐下，就搵另一位貌似農夫阿陸永的男侍應落單，佢無咩表情都算，我想食個朱古力芭菲，女朋友要左個紫葡之戀，佢咩都無講轉頭就走，我就在就轉身一刻即時叫停，因為芭菲就話可以選擇雪糕同乳酪，佢都無問我，唔通繼剛剛變臉大師後，又有另一位識未卜先知的高人????「唔該，係咪有得選擇雪糕定乳酪?」換來的，係「今日個雪糕機壞左喎」，佢仍然係無表情......喂，你代表公司，雖然你係樓面，壞機唔關你事，但D
同女朋友等睇九點半，仲有D時間想食甜品，特意行到厚福街，成日經過見到門面好靚，今日又唔算多人，就鎖定這一間。
先講個帶位，身材不高，細眼，啡頭的男仔，一行埋就同佢講兩位，佢就話等等，又唔派飛，行來行去都唔知做咩，佢果時又唔係話有其他工作咁，等左成兩分鐘，女朋友頂唔順同佢講多次兩位，佢仍然話等，但果頭就同另外已拿了飛，等緊位的女仔客傾計，笑哂口咁，我唯有再同佢講兩位要拿飛呀，佢先行返過來，果時我先發現原來佢識一種秘技，就係傳說中的「變臉」，剛剛同D女仔客傾計的笑臉，半秒就變左黑色，果然臥虎藏龍。
等左20分鐘左右有位，之前已選擇好食咩，所以一坐下，就搵另一位貌似農夫阿陸永的男侍應落單，佢無咩表情都算，我想食個朱古力芭菲，女朋友要左個紫葡之戀，佢咩都無講轉頭就走，我就在就轉身一刻即時叫停，因為芭菲就話可以選擇雪糕同乳酪，佢都無問我，唔通繼剛剛變臉大師後，又有另一位識未卜先知的高人????「唔該，係咪有得選擇雪糕定乳酪?」換來的，係「今日個雪糕機壞左喎」，佢仍然係無表情......喂，你代表公司，雖然你係樓面，壞機唔關你事，但D態度可以好D呀，仲要我唔問你唔講，如果我們本身唔食乳酪咁點先?????
好啦，講返食物，朱古力芭菲無咩特別，問心個樣係靚，但乳酪味道一般，而且同其他人的意見一樣，當你食到中間的脆脆米時，已經無咩乳酪，結果係硬到無朋友，食唔落。紫葡之戀賣相的確係靚，芋頭雪米滋好食(雖然可能同平時維記果差不多)，但配落個以提子為題的甜品，好奇怪，可能只因為都係紫色吧。面頭有D好似西米，但好爽，最敗筆係D白色丸子，真係硬到好似唔夠火咁。整體味道酸，唔係我杯茶，但FAIR D，唔會話佢唔好食，只係不合我口味。
埋單$96，唔係平。
坦白講，唔會話以後一定唔會去，因為其他甜品的賣相，仍然有吸引力。但最好先改改D服務態度，我來係消費，係想開心，唔係要受這些待遇。
P.S本人的工作都係要對客，無可否認，依家D客個個都當自已大哂，但請果兩位侍應都檢討下自己有無問題，繼續係咁，應該好易經常畀客爆~~
張貼