甜入心 (好運中心) (已結業)

upload左幾次食評都彈app要重新打過 好彩第5次醒目cap低圖先！食評如下！唔推介去呢間，質素參差又唔平！！！！！！！！！！！！！！！！！！！！！！！！！！食完晚飯去食甜品 一坐底餐牌痴笠笠 叫左杯芒果飲品$28 係一杯劣質糖水味加小小芒果 得d甜味同好淡既味 勁難飲 之後到窩夫$48 唔算好食但一定唔係好味 但個心太軟嚟到真係把鬼火 無流心又唔夠熱 好難食! d餐具又甜冧冧 有蹟! d凳人貼人咁坐 成個環境同食物都差! 唔會再嚟!

女人就係有個甜品胃。無論幾飽都可以放得落甜品我同嫂嫂係百份百女人。見到好似幾吸引。第一時間衝入去。餐廳以粉色同❤️為主題。好sweet 見到朱古力窩夫$48 仲要包埋飲品。嫂嫂發揮師奶本色。又點會錯過。朱古力份量都唔少。佈滿全個窩夫。窩夫熱辣辣。加埋朱古力雪糕。一冷一熱。滋味無比蘋果紅茶～有少少啫喱。有嚼囗。味道不太甜。椰皇甜品天寒地凍。當然要嗌番個滋潤下。榴槤飄香椰皇子～（凍）好足料。食下一件。食下又一件。榴槤肉有四五大件。飄來陣陣榴槤香。👧🏻唔食榴槤架。放過我個👃可以嘛🙏🏻花膠椰皇子～（熱）椰子味布甸好香好滑溜。有蓮子。花膠。椰奶。花膠size 偏小。但份量搭夠。食完個甜品滋潤曬

媽媽最愛食榴槤知道屋企附近開左間甜品店即同佢黎食個夠本😂因為我同媽媽無食午飯所以都點左兩樣鹹點「黑松露撻 」$32大大啖一口可以成個食晒薄薄既撻皮，滿滿既餡料一啖食晒好滿足用黑松露煮過啲，好香好好味肉鬆韓卷 $28除左肉鬆外，仲有蛋、青瓜青瓜既爽口增加個卷既口感蘸埋旁邊既醬汁食落仲更加開胃食完鹹點食甜品啦，我地點左花膠椰皇子 （熱）$58用花膠做甜品真係第一次椰皇燉花膠，好清潤將入面椰皇肉整出黎一齊食，正100%榴槤班戟 $38大大粒，一用叉整開成舊都係榴槤肉大大大滿足，雖然宜家唔係當造季節榴槤都依然香甜，必食咖啡布甸椰皇子 （暖暖地）$45椰皇裝住咖啡布甸，上面灑了咖啡製成的啫喱粒因為天氣係有啲凍，所以點左暖暖地黎食咖啡味帶甜無果種苦澀味所以平時唔飲齋啡既我都食到因為肉鬆韓卷係套餐黎既所以包左一杯金桔檸檬野飲如果無點野飲的話，佢corner 位置有得自由酙茶飲

大佬你杯嘢收我28蚊係水加芒果加小小西米都算，你食窩夫2個人食張枱又禁遠比多隻碟是常識把都算，同其他稍為好少少嘅甜品店比味道真一般都算，你d餐具可唔可以唔好痴笠笠呀，大佬比d誠意得唔得？非打手真心嬲

一個人尋尋尋，原來沙田間甜入心搬左去好運中心樓下!好耐無黎，發現多左唔少健康選擇。稀少糖-適合怕肥或糖尿患者但又不是代糖。叫了芝麻糊+燉奶，想不到糖份可以自己話事，加幾多都得，選了冰黑糖， 端上臺的滑嘟嘟燉奶上面係滑不溜口的黑芝麻糊，磨得十分滑， 完全沒有甜味反而係鮮香嘅芝麻味，自己調節甜味十分好!會再光顧!

今日同幾個朋友仔去燒烤，難得相聚，燒烤完當然要去食埋飯後甜品先滿足啦！有朋友就提議黎沙田呢間甜入心，去到門口見到個大心心，全店以粉紅色為主，絕對吸引唔小女生。座位夠闊，光線充足，環境舒適，距離港鐵站大約5至10分鐘，交通方便。我地20:00去到已經滿晒人，剛好有幾個人埋單，唔使等就可以入去啦！一坐低睇到個餐牌，好多選擇，樣樣都好特別好吸引，我地叫左呢幾樣試下。~ 黑松露撻，賣相超靚，桃紅色匙羮裝住脆脆皮上面有什菌黑松露，好香好特別！~ 候爵72心太軟配雲尼拿雪糕，流心朱古力配上雪糕，口感唔錯，甜得黎又唔膩~ 烏豆桑寄生蓮子蛋茶(熱)，本來覺得傳統糖水一定係舊式糖水舖先好食，呢個竟然整得幾好喎，食完雪糕飲返啖熱野，喉嚨好舒服~ 燕窩蛋白燉原個木瓜(熱)，不得不強烈推介呢款甜品，簡直係女生至愛！熱辣辣既木瓜入面有燕窩蛋白，份量十足，每一羮燕窩蛋白混埋木瓜一齊食，滋補養顏，超好食！飲品叫左益力多沙冰同峰之戀, 賣相雖然唔特別，但飲落去夠晒冰凍，感覺好清新。店舖入面有免費英式果茶，亦都有自助朱古力噴泉供應俾顧客。仲有就係店員好好笑容有禮貌，上甜品速度好快，朋友見咁好食都買埋外賣同屋企人分享。雖

很長時間沒有散過步，食過飯兩人之後沿著城門河慢慢走到沙田。沒帶水，又行到身水身汗，心諗搵間糖水鋪休息下，經過甜入心就入咗去。唔係繁忙時段，人不算多，我們入座之後，人流又陸陸續續多了些。見到menu有很多選擇，不知從何挑起，店員向我們推薦了幾款店內招牌。桃寶燕窩椰皇子，光是「燕窩」二字就讓人躍躍欲試，講到養顏女孩子就最興奮。啖啖燕窩好過癮，啫喱同燕窩浸潤在清甜的椰子水中，滋補又解暑！榴槤控怎麼可以錯過經典的榴槤pancake？作為招牌推薦之一果然不容小覷。講真榴槤pancake很多甜品店都有，但呢間算的上是佼佼者了吧！碟子的造型為新月型，配上店內粉紅色為主的布置，令人想起了兒時常看的sailor moon💘迫不急待地嚐了一口，內裡的榴槤肉真材實料有保證，味道甜綿淳厚，入口即化的感覺真係一流。由於榴槤比較甜，味道會蓋過其他甜品，建議最後食。覺得唔够喉又追加咗芒果窩夫，雖然賣相平平就，芒果肉不算多，不過肉都幾甜，醬汁味道也不錯。十分有七八，以後又多了個新hea腳的糖水店啦。

今日約左個舊女同學出嚟食晏，沙田係佢地頭所以由佢話事去邊度食。其實喺沙田搵食都幾辛苦，人多車多，處處都係人。好彩佢今日帶左我嚟呢間，坐我舒服、又唔會人山人滿、價錢又抵又好食，仲要除左甜品仲有咸既野食！真係可以lunch+afternoon tea直落！先叫2杯野飲：（新野！）峰之戀 $28味道似巨峰提子汽水溝靈糕～～雪糕被雲里拿泡泡包住浮喺面，仲要紫色撞埋顏色好靚，絕對扼like.（新野！）芒芒不忙 $28芒果肉帶有小小酸好醒神，撞埋甜甜地既芒果汁balance返～一酸一甜幾有口感～未食晏既關係先嚟一個咸食：（只限沙田及淘大店）- 泡菜牛肉韓卷 $28 有6件包得滿滿既韓卷，餡料都唔少，有泡菜、牛肉、青瓜同蛋。牛肉有燒汁既關係所以米飯都吸左汁變得有味，整體幾抵食。甜品時間：宇治金時窩夫 $48窩夫成日都食到，綠色味既窩夫就比較少食到。呢個窩夫焗得外脆內軟，粉漿做得幾好，時間亦拿捏得唔錯。但美中不足既係見到既汁都只係已溶牛油，但牛油全部都被窩夫既凹位兜住，其餘有d就乾左喺碟，見到已有點倒胃口。其實牛油可以刪卻/放在一旁/另上，或者可以加點點忌廉/jam/紅豆蓉喺碟邊？八星龍珠 $32呢個

今日食完餐晚飯就一大班人黎左好耐冇踏足既地方-沙田，打算食甜品，係車站徘徊左一陣，決定去一間位於離火車站步行大概8分鐘左右既甜品鋪-甜入心。個晚大概8點半，見到間鋪都已經坐滿人，我地大約係門口等左10分鐘左右就入得。一入去覺得成間鋪無論係裝修或者佈置上都好有心思，木身既牆面上有草圈圍住，令人覺得舒服自在，而坐位方面亦不會太過擠迫。餐牌方面，其實可以選擇既食物真係各式各樣，係精美既圖片底下，好似每樣都好吸引人咁，而我地都討論左陣先作出左決定，揀選左幾個品嚐。1.峰之戀- 係一杯好夢幻既提子味沙冰加雲尼拿雪糕飲品，飲落甜而不漏，係夏天飲更加透心涼而且真係都幾解渴架！2.新雞蛋布丁-一份有4個，布丁裝係個蛋型既玻璃容器入面，令呢個甜品有更高級既感覺，同埋上碟真係好靚；味道方面，個布丁有好濃郁既蛋香味，而且唔會太流質，好真材實料，好味！3. 黑松露撻-係餐牌度見到圖片，大家諗都唔諗就一致點呢個小食，賣相靚之餘，亦都超級好味，黑松露見到呢3個字都覺得好高質，而家酥皮一啲都唔乾唔硬。由於，我地坐近廚房位，間中都聞到啲好香既waffle味，不過個份量太多，而且大家個肚都太full喇。唯有下次再黎品嚐

時值深吃甜品可以滋潤又是生活的享受，沙田區甜品店我喜歡「甜入心」，店舖寬敞，新派和傳統甜品任我選擇。燕窩蛋白燉原隻木瓜，因為消費$55已經有燕窩吃，很有滿足感，蛋白滑，燉原隻小木瓜也很清甜，特別在秋季吃這款甜品，非常滋潤養顏。芒果吐司粒粒山香脆吐司切成大顆，淋下芒果醬、練奶和鮮芒果粒非常美味！芒芒不忙，是鮮芒果粒、水晶珠加冰凍飲，水晶珠咀嚼得卜卜聲，很有趣。消費仲有印花送，儲印花有著數。下次要試了！

星期五打風,無情白事多左一日假😁,休息兩日後就襯住天氣轉涼去獅子山登高🏃‍♀️,登高後喉嚨乾乾地,適逢我地又坐返車出沙田轉車,朋友提議就近近地甜入心啦。係沙田站唔洗2個字就行到啦,離遠已經見到有幾個客人等緊,心諗我地咁多人都唔知要等幾耐👭👭,誰知其實有部分人係等緊外賣😁,職員姐姐仲好好人咁幫我地執張大枱出黎我地唔洗等就入左去,入到坐低就覺得同出面嘅甜品好唔同,我地幾個人坐埋一張大枱啱啱好,完全唔覺得迫,店內仲設有凍茶比等位同已入座嘅客人飲用超級細心😍😍。我地點左幾個比較滋潤嘅Share食朱古力雪花冰:外表雖然普通,但係驚喜就係第一啖之後,就係從來都冇食過咁濃郁嘅雪花冰,唔講仲以為自己食緊某歐洲牌子嘅朱古力軟雪糕!!而且老闆較味較得好好,朱古力唔會死甜,食落反而仲有可可嘅回甘,我地一啖接一啖話咁快就KO左。之後上嘅係西瓜中豆花,原隻小西瓜用雪糕封頂,一出場就吸引晒成枱人嘅視線,國際慣例梗係相機食先啦,影晒相後,大家一齊開餐,唔食唔知,入面D料滿到嚇死人,入面滿滿嘅水晶西米同豆花加埋清甜嘅西瓜肉,一字記之曰:爽 最後上枱嘅應該係呢間舖嘅招牌’椰皇子’我地叫左一冷一熱桃寶燕窩椰皇子同椰皇燉鮮奶

今日又去沙田濕平～行到好熱～就梗係搵d甜品cool down下！我又去了探我嘅飛弗－甜入心我真係好中意食佢個出浴王子！（好似是）甜得黎又唔會漏！椰子肉又厚又多爽口！布丁又香又滑！口感真的很正！而且個價錢又合理，唔會係太貴！朋友就叫了心太軟！個皮外脆內暖，仲有熱辣辣嘅朱古力，好窩心！加埋雪糕，冷火相融！正！由於太熱嘅關係，我地仲要左益力多沙冰！Cool! 微酸！個廚師仲要打多左冰～話唔好嘥野～我地就無啦啦多左半杯, 哈哈今天真是甜入心，兼透心涼😆😆

嗌咗碗熱芝麻糊+燉奶，芝麻糊ok，夠香，有芝麻味，但係燉奶就唔得，鹹到好嘔心，唔係食鹽個尐鹹，一句：唔夾！無諗過燉奶會係咁。燉奶中間叫“擎”住唔會好“唏”，好尐。但目測其他燉奶就好似唔知經歷咩黎，爛哂，好水。窩夫幾好吃，夠脆，但太多朱古力醬，焦糖雪糕ok。花膠椰子燉奶幾新奇，因為本身係有少少鹹，所以整體唔會好似芝麻糊+燉奶咁又甜又鹹，仲有啲唔知係蓮子定咩果仁，幾香口。

近日與男友在忙著裝修，long weekend也不例外，朋友說這是甜蜜的負擔，還望承其貴言吧。無論如可，也得要忙裡偷閒，趁下午茶時間，享受甜品帶來的歡樂。位於沙田市中心的>>>甜入心<<<；正正在好運中心巴士站旁邊，熟悉市中心地形的話，應該沒有問路需要。 甜品外型吸引，名字更見心思：咖啡出浴椰皇子？簡直是性感化身吧！兩口子合共點了三款餐品：一、龍顏大怒 (HKD36) 以龍眼、西米、Q珠及雲呢拿雪糕製成，米白色平和主調，與其名字形成兩極對比。雪糕很creamy，奶味香濃，細滑質感美味可口。龍眼鮮甜，水果口感在此甜品中一支獨秀，無可比擬。Q珠與西米爽脆質感教人難以抗拒。 二、焦糖布甸椰皇子 (HKD42) 可暖可凍，隨食客心意而安排，男友指定凍食，在忙得一頭煙的工程中給自己降溫。 焦糖布甸是意料之內的甜美，下層椰子啫喱香味濃郁。整體而言，是一道味道強烈的甜品，如一口氣吃多於一道甜品的話，宜將之放到最後享用 。 三、益力多沙冰 (HKD25) 味道純粹，甜酸開胃，也屬消暑良品，只是沙冰未夠細碎，吃著冰粒有點掃興。 實不相瞞，這非冰之首選，但餐

放假最開心係訓到自然醒，食個飯，行下街，食埋甜品就好滿足，今天吃過午餐後，便去沙田逛逛宜家家俬，行下新城市廣場，真是人來人往，行到累就想找地方坐下來，記得附近有一間甜入心，好想試好耐，好快就黎到，粉紅色為主，好少女feel, 亦有不少客人享受著甜品，我們分別叫左焦糖布甸椰皇子和榴連飄香椰皇子，榴連先上，賣相可愛，仲好香，好大舊榴連肉，好多細小的水晶珠，咬下去卜卜聲，口感不錯，榴連新鮮香甜，下面係椰皇水弄的啫喱，好清甜好濃椰皇味，質地硬身一些，好似大菜糕口感，而焦糖布甸好彈，有好香好香的蛋味，而且焦糖味幾出，椰奶好香而且頗濃郁，下面亦是椰皇水做既啫喱，暖暖的好滋潤放假真大滿足