甜入心 (已結業)

今晚係屋企食完晚飯，見口啖啖又鬼死咁熱，記得淘大開左間新甜品店，咁就決議落去涼一涼先。嘩，去到好多人等位，裡面除左要搭檯之外，仲係肩並肩咁，未免放得太多檯了吧。終於都到我地，咁我地就叫左個自家製椰子雪糕椰皇同芒果粒粒吐司。先講自家製椰子雪糕椰皇: 雪糕質地似雪葩，帶有輕微既椰青味。唔知係唔係雪得唔夠凍既關係，食完係無透心涼既感覺。我覺得未免有點失敗。內裡配有椰青味既好似JELLY咁，味道唔錯，但完全唔凍。第二樣就係芒果粒粒吐司。當佢一黎時就後悔點解食芒果唔去側邊既許留山食.....不過算。今次個芒果雪糕凍D，但D芒果肉食落唔夠新鮮同凍。至於個吐司，好脆，脆到直頭有點硬，不過唔算硬得太過份。佢比起雪糕椰皇好食，但對比茶木真係慳D。但佢只需要$48左右，唔應該要求太多.....總括黎講，唔知係唔係太多客做唔切，我食個2個甜品都唔夠凍，夏天就係想食凍冰冰甜品。所以....我覺得我未必會再去...

最近同事話我知公司附近買左間糖水鋪，叫我放工一齊去食。約左星期五放工去坐下，當慶祝聽日星期六可以放假 入到餐廳先知道原來呢到主打少女系嘅糖水店，環境超靚！店內用上心型同花花嘅裝飾，影相一流！！而且呢到有種好relax嘅感覺，適合同三五知己談心🏻。Mint Oreo Milkshake & Kyoho Grapes Special Drink左邊係峰之戀，顏色係好靚嘅淺紫色．係提子味嘅梳打，飲落甜甜地，幾多氣！右邊係Oreo簿荷奶昔，脆脆嘅Oreo溝奶昔飲，味道都唔錯，不過要飲得快d，因為Oreo放耐左會腍！Watermelon Tofu Pudding 西瓜中豆花夏日炎炎，嘆返個西瓜真係一大享受！！呢個西瓜盅，入面有自家制嘅西瓜豆花，同西瓜顏色一樣紅卜卜，但質感就非常特別，軟淋淋咁，溝埋個雲尼拿雪糕一齊食，成個人降哂温，解暑一流！！西瓜內係紅色嘅西瓜豆花，撈埋雪糕食，好香甜！咖啡布丁椰子皇布丁好滑，充滿焦糖味同埋濃濃嘅蛋香。下層係椰肉啫喱，啖啖都係椰子嘅清甜味道，實在唔錯。仲有粒粒咖啡凍，好香咖啡味，同埋布丁啫喱一齊食，好夾 非常推介住附近或者係附近返工嘅朋友黎食！呢到成個環境都好舒適

男朋友同我平時都好中意飲飲食食，不過男仔始終對甜品興趣不大，之前同佢去過深水埗分店食原味椰皇子，我地兩個都好中意淡淡清香既椰子水啫喱，上高既焦糖布甸又滿足到我嗜甜一族既喜好，非常高水準，不過店舖新開人工略為唔夠，落單同等上都要多d時間

跟朋友去九龍灣看完電影才知道這邊也有一間甜入心裝修得很漂亮這裡有免費的朱古力噴泉跟果茶我看到小朋友都不斷圍著團團轉我只喝了果茶，不好意思跟小朋友搶黑松露撻還是很吸引呀！一口一件，又香又脆峰之戀適合拍照呃like雪糕加汽水做出了化學效果我自己選了蕉積木瓜奶昔除了是一個芝士怪我還是一個蕉怪有點可惜蕉味過濃，沒有喝出木瓜味有養顏的女性朋友堅持要吃熱的東西這個花膠椰皇子很足料朋友說花膠很入味，奶味濃朋友叫這個燕窩蛋白燉木瓜現在的女生都很會保養...熱天也不怕吃熱的還加了桃寶！我覺得很有趣搶著加了在木瓜後拌著吃我個人覺得比燕窩更好吃口味Q軟，本身沒什麼味道的，所以要伴著吃天氣很熱，看到外遊中，還以為一款都沒有了！原來還有蜜瓜跟伯爵茶可以叫透心涼，吃完真的覺得好寒茶味濃，天氣太熱了吧，冰溶得挺快一半時我們已經可以用吸管啜著喝真是吃甜品也吃到飽

焦糖布甸撻 $28.n年冇去九龍灣一去淘大個邊就見到有新開甜品店❗️未食過甜入心所以去幫襯下.第一次見到有焦糖布甸撻 覺得好特別 平均$7 1舊 價錢不算親民 其實只係好細舊🙈 布甸做得香滑 入口不算太甜 個焦糖就有點失色了 略嫌不夠味亦未有焦感 未能散發布甸既吸引力😕.個撻其實只係落落一層餅乾底 不過幾脆口 咁樣放個布甸上去又幾特別👍🏻總括黎講價錢好似幾平但其實份量也不多 不過價格較為容易接受.海底椰燉鮮奶 $26.其實好少食燉奶所以唔知點先叫好食 不過哩個暖暖地既燉鮮奶係勝在唔甜❗️.暖暖地入口其實係有種對口腔好舒服既感覺 加上鮮奶入口幾滑 雖然奶味唔濃 不過以凝固度等等黎講 唔算太硬亦不會太鬆散👍🏻.仲有海底椰雖然冇乜味不過令成碗野增加左咀嚼感😌聽講可以潤喉養顏 不過一返工就衰老左十年應該要俾我放大假先workps冇收加一 服務算是不錯仲有花茶飲.

睇完戲過左隔離間甜品舖到hea兼吹水，嘩，排哂隊等位喎，店雖不大，但睇落環境唔錯，新開張白雪雪好乾淨。餐牌選擇很多，本想叫椰皇甜品，但店員告知只剩一個，那就讓給友人吧，轉要榴槤先，難得今晚同行友人都唔抗拒。友人點的布丁椰皇，賣相好可愛，布丁好滑好有蛋香，椰子水十分清甜，下面仲有椰肉啫喱，好正。友人說茶x的好正，試下呢度嘅出品，芒果醬甜甜的好味喎，芒果雪糕亦好香甜，呢款甜品好飽肚啊。自己點的榴槤綿花冰，一拎出黎成間舖即刻充斥榴槤味，喜愛的朋友梗系覺得正啦 唔講得笑，呢碗野根本全部都係榴槤肉，啖啖都係！超香甜，真材實料好抵食。見榴槤咁正，追加一客榴槤pancake，賣相好靚呀。皮煙韌，入面包住大大舊榴槤肉，少少cream，香甜軟滑，同樣好正 另一人不太好甜品只點了oreo mint milkshake，薄荷味好勁喎，微甜，奶味香濃，milkshake都可以好飽，哈哈。一人都係五十蚊左右，抵hea

想去食下午茶，經過見到呢間餐廳好可愛，係1間屋仔，門口仲有個好大心心❤️每枱都放左棵心形植物，好符合餐廳個主題叫左個燕窩蛋白燉木瓜，燕窩都唔少蛋白好滑好香木瓜味，木瓜好軟嫩，成個都食得到我至愛既心太軟，佢話呢個係新牌外面鬆脆加埋入面香濃既流心朱古力，脆脆䁔䁔甜甜滑滑係個口入面，4種滋味1次就擁有真是係想再叫多1個雪糕係雲呢拿，上面仲有粒心心棉花糖2杯飮品都好有特色，左邊係焦積木瓜奶，好重木瓜味。右邊係薄荷朱古力奶，我本身好鐘意食薄荷，呢杯就好似食緊薄荷朱古力雪糕，好正

同朋友係附近食完飯，搵個地方食埋甜品都好合理啦！哈哈⋯⋯⋯⋯行下行下就發現店外有人等緊位嘅甜品店見佢門外有花籃，應該係新開張吧！等了一陣就有位，店內面積唔大，裝飾佈置用上燈泡點綴，感覺都令人舒服打開餐牌都發現甜品選擇都唔少，午市時仲提供韓式飯卷有個'椰皇子'系列，一於試下呢個榴槤飄香椰皇子原個椰皇送上，底層係以椰皇水整嘅果凍，食到有椰皇水嘅清香味道，面層有香甜榴槤果肉，加上粒粒脆珠，每食一啖，香濃啊榴槤果肉同脆珠，口感好夾！鐘意食榴槤嘅千祈唔好錯過！另外一款係自家製雪糕配椰皇子，有黑松露，焦糖布丁、香蕉或椰子味雪糕選擇，我地選擇香蕉味，底層亦係椰子果凍，面層再加上自家製香蕉雪糕，顏色唔係慣常嘅黃色，食落會食到香蕉果肉，味道ok!再試埋芒果吐司粒粒山，吐司切得細一點會容易食d，放耐一點都保持到脆感，配一d芒果雪糕一齊食會仲好味！店內設有自助果茶，免費供應，食完甜品可綜和一下甜感，幾貼心埋單三樣甜品都價錢合理，食完暑氣全消，為今晚嘅聚會劃上完美句號

西瓜豆中花及椰皇燉奶湯丸西瓜豆中花頂層有雲呢拿味雪糕，聽店主講雪糕是自製的，雪糕幼滑又不會過硬，而且味道很自然，已經令我吃不停了。吃光雪糕後就開始看到豆腐花，挖起時更能挖出西瓜肉，豆腐花質地結實又滑，而西瓜肉充滿肉汁，吃下時非常解暑。當繼續挖下時，就會發現以西瓜汁製成的啫喱，非常爽口，跟豆花是完全兩種口感。當然，你更可以繼續挖西瓜果肉，真的一個甜品不是一時三刻可以吃光，哈哈。然後再吃椰皇燉奶湯丸，這個甜品椰皇味道超強，應該是加了燉奶，將椰皇香味再提升。頂層已經看到有三粒湯丸，湯丸是黑芝麻做餡，湯丸皮薄易咬開，而芝麻香味都超突出。吃燉奶時更有西米露配襯，嫩滑同爽口口感同時出現，而燉奶中又有椰香香味！吃到底層時，更容易挖出椰皇肉吃用，真的超香又軟綿，感覺仲好滋補，哈哈。

睇到九龍灣有糖水店開張，公司又近近地，一於去試下！我點咗個「天荒地老榴槤摩天輪」，嗌個陣都有啲唔好意思，估唔到個名咁GAG。本身都食問榴槤，遞上枱時已嗅到超香嘅榴槤香味，正！好彩隔離冇人，臭唔到佢！頂層係一啲冰粒，中層係軟綿嘅熟榴槤果肉，底層係用榴槤果肉同冰打碎後嘅榴槤沙冰。頭兩層可以一齊食，令硬身又嚼勁嘅冰粒同軟綿果肉增加口感層次，而果肉嘅香味會慢慢散發出嚟，果肉香味超濃郁。而底層榴槤沙冰充滿冰凍口感之外，同時榴槤香味同樣保留，解暑之餘又滿足到食慾！

眼見餐牌上有多款選擇，令我同媽媽都難以選擇了。於是店長就跟我們介紹了店內的招牌菜，就是椰皇甜品，以椰皇新鮮果肉製作，令甜品充滿濃郁甜香的椰皇香味！我們就點了焦糖布甸椰皇子，以及香蕉木瓜奶昔。焦糖布甸椰皇子以椰皇殼盛載著甜品，遞上時已經嗅到滿滿的椰皇香味。最頂部就有一個焦糖布甸，布甸口感細滑，而且味道清新不膩，吃下去時完全沒有罪惡感。而中層就是豆腐花及椰皇啫喱，豆腐花之間都充滿椰皇香味，而豆腐花不會散開，質地頗結實的，但同時又保留到嫩滑口感。而椰皇啫喱就是用椰皇汁製成，咬下時有嚼勁之外，同時椰香就在口腔中散發。而底層就是椰皇果肉，甜品遞上時有長匙，用它來挖出椰皇就對了。如你愛吃啖啖椰皇肉的話，這椰皇系列就不能不吃了！基本上吃這個甜品時，我跟媽媽是完全沒有停下來吃用的意思，因為我倆實在太喜愛椰皇的香味了。香蕉木瓜奶昔內有粒粒爽口的西米露，更有香蕉木瓜打碎後的軟綿果肉，口感豐富之外，猜不到香蕉跟木瓜的味道頗相襯的，喝下去時完全沒有怪怪的感覺。飲料解渴之外，而果肉都有飽肚感覺，只要一杯都能滿足總是想吃甜品的嘴巴，哈哈。記得埋單都七十元之內，能夠吃到椰皇都已經超值了，因外間的椰皇甜品索價很高呢！

平時鐘意食既我，見到開左新舖，點都要試一試😋😋舖頭裝修好有特色，令人有甜蜜既感覺，地方比較細，枱與枱之間相對密。糖水款式多，超多選擇😆 夜晚8點前仲有輕食 - 韓式飯卷面頭個布甸好好甜，唔會太甜，好滑同味道都幾濃。底層味道一般，都幾重椰汁味同味道清甜。成個椰皇都裝住燉鮮奶，燉鮮奶唔夠熱，同有少少老，唔夠滑同有啲散，吸唔到椰皇本身個香味，芝麻湯丸皮薄，又唔會太甜，已經有啲椰汁會更好，食落無咁乾。

當人人都食普通甜品既時候，我特別想試下特別野。甜入心，一間個名非常普通既甜品開左係淘大，名雖然特別，但野食種類都幾特別門口由開張到而家每晚都企滿人，入面有大概6至7張枱，每張坐3個，4個人。但坐得好逼下，食完起身都要講聲唔該借借。甜品上枱既速度都ok, 應該即叫即做黑松露撻我叫左個咸點，最主要係因為未見過甜品舖頭有咁特別既野食。等左大概15分鐘。熱辣辣既撻到左，有4隻，每隻有一個可樂樽既樽底大小。份量算唔錯食落口好香黑松露味道，啲菇炒得好香，因張好薄而又炸硬左既麵粉皮托底，成個蛋撻仔咁。因為太細個，一口一啖好快就食哂總括味道都不錯，而賣相亦幾好，至少吸引到隔離張枱都嗌埋一份。如果可以加多啲配料相信會更好。畢竟耳仔聽到其他食甜品既食客都食得幾開心，有機會要再黎

芝麻糊冇咩芝麻味...顏色好淺紅豆沙湯水好傑，紅豆好少，應該係加多左粉...不推介，雖然價錢低黑松露塔，餡OK，皮鬆脆⋯⋯咁既搭配有d怪，唔係好match睇menu意味係蛋撻皮，建議轉牛油塔皮會好好多

I am so glad there is a Dessertissimo in Kowloon Bay because I love their coconut jelly.There are branches in Shamshuipo and Shatin.Unfortunately, I got there a bit late and my favourite dessert was sold out so I went for the coconut with fish maw.The piece of fish maw was big and the sweetness of the coconut pudding was just right.It was a really filling and nutritious dessert to eat but I am coming back for my coconut jelly