甜入心 (已結業)

這家甜品店晚上生意很好，在門外等候的人幾乎沒斷過。店子小小的，感覺像迷你白色溫室花園(萌萌噠~)，然而店子小免不了地方淺窄，坐得人貼人，舒適度有欠。榴槤飄香椰皇子頂頭有着新鮮的榴槤肉，榴槤甜而濃郁，大概不討厭榴槤的人都會喜歡。面頭還有口感一流的水晶珠，把它咬破的時候微微爆開，嚼頭好又爽口！比沙冰更細滑的雪 (更細滑搞不好只是因為冰溶化了......)，吃着的時候感受到榴槤味，卻又疑似夾雜了些許椰子味，反正就是好吃又透心涼。底下全是清甜的椰子啫哩，硬度處於啫哩與大菜糕之間，大概是用椰皇裡的水做出來，沒平常的啫哩那麼甜，味道是清新的微甜，相比用糖營造出來的甜，這種味道更舒服。把啫哩吃完，還可以把椰皇的肉挖出來吃，一個甜品五種口感。這款名為龍顏大怒的甜品是超值之選，只售$28，卻結合六種東西，口感超豐富。上方的雲呢拿雪糕吃不出是來自哪個牌子，但絕對不是廉價的牛X公司，味道與質感都有質素，甜得正合我心意。左方是椰子啫哩，比椰皇裡的啫哩軟滑，椰子味道與甜味更明顯，卻少了一份清新，看來是新鮮食材比例不及前者多，但依然不錯。右方晶瑩剔透的東西是所有吃過的東西之中口感最好，軟滑Q彈，咬起來最過癮，如果

病完終可食甜品@甜入心九龍灣 牛頭角道77號淘大商場地下G281號舖九龍灣雖食肆林立，但數食甜品的店子卻不多，當中甜入心是我同妹妹都愛去的一間。病了一個星期，咳及淋巴發炎腫了，喉嚨痛，忍了一星期不吃煎炸同冷東西。中英式甜品都有，都是三十來元起，中午開始供應的士司鹹食，魚肉鹹士司$32包飲品，厚厚多士上舖了龍脷魚塊再放上醬汁芝士烘烤，麵包香脆厚身醫肚也是吃甜品間場的好選擇。黑松露炒香過的雜菇碎，大力推介。跟餐一杯是芒果紅茶，一杯是荔枝白露，內有jelly 椰果粒粒。小蘋美顏日記$34滋潤養生，材料都是對女生身體好的。蘋果煮已變軟，吸了紅棗糖水味道，杞子龍眼紅棗水同桃膠全都令氣息紅潤，大病初癒仍帶點咳，吃完喉嚨舒暢。椰皇布甸$36點一份就嚐到兩款口味架布甸，用椰皇做容器，下面白色花奶下是椰子味布甸，再倒上一個雞蛋焦糖布甸，賣相過癮雙重享受。雞蛋布甸好香蛋味又滑又彈，而椰子布甸架清甜都食得我倆不亦樂乎，口感像大菜糕，一匙一匙送入口就吃光。宇冶品豆$32，抹茶味jelly,雪糕 ，紅豆小丸子一層層組合而成，我這抹茶怪點的。紅豆好粉好綿，小丸子由糯米粉搓成，qq 帶點柔柔粉粉口感。最正是有抹茶j

今天因復活節早放工走到淘大見一非常雅緻房屋同同事好奇探視都喜悅這小屋感覺甜點店上*開飯*一看發現食評多說"不錯"👍真不差鮮果鮮奶椰皇 39$很美3 樣水果紅 綠 金黃濃濃的椰子香同事叫一個熱的燕窩奶皇原隻燉木瓜50多分碟👆🏻多上一個燕窩奶露賺取好印象真是會做生意感覺到那麼多女人受哄當她們是小朋友就得了燕窩濃密不甜美好養顏色彩鮮明他們的奶露也是不甜不膩奇怪應該改名叫窩心小屋-⋯⋯不甜不膩 窩心的心機小店最愛免費提供的朱古力噴泉以及淡淡的桃茶

喺門口睇落去嘅裝修都幾靚 可惜坐唔到有千秋嘅位影相 想嚟食好耐架啦 最吸引我嚟嘅係有個布甸係上面嘅椰子殼 呢度仲有個朱古力噴泉隔離有細細粒嘅棉花糖俾你點朱古力食 另外仲有免費嘅花茶我覺得呢個好窩心 可能因為我係花茶控haha 同三個朋友分享當然係叫咗焦糖布甸椰皇子($36) 叫咗暖既 焦糖布甸上面果層有焦糖同小小咖啡味咁 好滑蛋味重 配埋椰子喱利感覺好得意 另外係西瓜中豆花 ($45)好多西瓜肉喺裏面 裏面有豆腐花 雪糕係自家製嘅感覺 朋友食咗榴槤飄香椰子王($46)我就無食到 但佢話估唔到榴槤同椰子出奇地夾食晒成碗 推介榴槤愛好者喎🙄仲有朋友叫咗心太軟($36)我食咗啖 熱辣辣 有d似brownie 仲叫咗朱古力窩夫($43)一路食覺得味道好熟 榛子味好似某牌嘅榛子醬 唔知係咪真係同一款😎

一向都係甜入心捧場客，深水埗同沙田店都去過。原來九龍灣都有分店，經過門口見倒有綠茶心太軟就梗係入去試下。點知staff入錯單又漏單，隔籬枱有位女士稱等咗半個鐘叫碗芝麻糊問極個staff都答唔倒佢有定冇，結果憤而離開。咁我哋呢？差個綠茶心太軟，食完兩樣嘢再等咗幾個字都冇到，問個staff又係一味話整緊，完全冇同朕check吓廚房，真係唔想步先前位女士後塵，再三問個staff佢就話"你哋唔等就取消" 結果撩慶咗女友一怒之下唔等走人。此行目的達唔到啦。失望。原本諗住有間分店近啲屋企可以嚟密啲，唉。榴槤飄香椰皇子 - 椰皇幾種口味都試過，第一次食榴槤味。新鮮榴槤肉仲有雪榚襯底，唔錯；底層係一貫清徹嘅椰汁啫喱，刮埋啲椰肉出嚟食，正~黑松露多士 - 幾香黑松露味，熱辣辣外脆內軟嘅多士，配埋啲菇呀蕃茄呀咁，幾好食。跟多士嘅餐飲柑桔檸檬，假味，飲唔晒。

上年新開張嗰陣，見唔使排隊就有幫襯過，點了芒果窩夫，當時唔知係咪即叫即製，個窩夫係外脆內軟，而且充滿牛油香味，還跟朋友開完笑說，這甜品店不久將來必會大排長龍，到時想食都難。果真，係幾個月後已經夜晚要排隊等位上個月的某下午偶然機會經過，見到冇乜食客，決定再入去試下，睇下有冇退步，食唔食得返之前果種美味。今次點了綠茶窩夫同加配個雞翼尖，兩樣都是新產品，雞翼尖好快就黎到，得8隻好似少左啲喎，不過唔緊要，如果好食嘅都冇所謂。一食落口，好失望啊！因為佢只係恰熟咗嘅雞翼尖，如果冇掂到汁部分係冇味！！啲汁只係普通酸辣汁，完全唔值食完雞翼尖個窩夫都到，試下有冇退步先，個窩夫食唔到有綠茶味，可能唔係即製，唔覺得好熱好香外脆內軟，唔通已經唔同左師傅整定係一開鋪已經整好哂所有窩夫，冇左香噴噴果種味道啲紅豆唔係好好食，一般普通紅豆，冇乜特別，反而個雪糕有少少綠茶味，已經係全個甜品最好食地方最慘事情又發生了，竟然係個窩夫度食到有蛋殼唔使咁樣話我知你地有用雞蛋呀？又唔係繁忙時間幫襯，冇理由咁基本隔一隔蛋漿都懶呱總括黎講，個質素已經冇之前新開張嗰陣咁好，已經唔係好有意欲會再入去食，反正附近都有幾間甜品店，想食甜品嘅

這間甜品店以椰皇甜品作主打，但當天比較肚餓，所以點了一份窩夫來食。這裡的窩夫是水滴形的，而且有八件之多，非常足料和飽肚，另外還配上球朱古力雪糕和榛子醬，賣相不錯。.味道方面，窩夫烘得香脆，內裡仍有鬆軟質感，蛋香味是有的，但食落有點乾身，雖然有榛子醬點綴，但也有點甜，對於不太愛甜的人，可能這個就有點甜了，吃完我也要靠飲品解渴。不過朱古力雪糕味道也不錯，味道好濃郁，也夠軟滑，算是替補了不足。偶爾試試不錯！

呢間餐廳既氣氛好似幾好 所以就入去試下個童話式千秋好令不過間野有d細叫左個芒果雪糕吐司 雖然等候時間有d耐 但係佢既賣相真係唔錯個吐司外脆內軟 仲係暖暖地 真係新鮮出爐芒果都幾甜 d吐司加堆煉奶仲加芒果真係唔錯！另外仲叫左個藍莓芝士窩夫 真係幾脆 一d冰一d暖既感覺好得意 原來咸味既窩夫都好食~唔止係咁 有免費果茶 同埋朱古力噴泉可以免費試下不過粒綿花糖好細粒服務態度都唔錯 係淘大係值得一試

今日拜完山，老公去咗淘大細佬屋企幾兄弟打牌，我就同個女去行淘大。見到有2間甜品店。滿x食過好幾次。但扇入心未食過，係門口睇過價錢都唔算貴。而且都幾多選擇，所以就入咗去喇。焦糖布甸椰皇子$36。 職員話可以做到暖暖地，當椰皇子送到枱上，真係暖暖地的。雞蛋布甸好滑，好香蛋味。配上椰汁更香。食到底部係用椰青水做成啫喱。又滑又香。桃寶燕窩椰竹皇子$48。桃寶即是桃膠，肥媽之前係節目介紹過，但一直冇試過。適逢甜入心有得食。當然要試吓。桃膠食落軟綿綿，配上椰秋皇水，好清甜。食到底部同樣有用椰青水做成的啫喱。而且連椰皇肉都刮埋嚟食。正呀！食完每人一個椰皇，覺得唔係好夠，再望望餐牌，原來有午後套餐。叫咗個芒果窩夫。包埋飲品都係$43。好低呀！窩夫整咗個心心，局到剛剛好，顏色吸引。配上芒果雪糕。我同個女係度研究，如果朱古力會唔會太甜呢？!。點知職員聽到，佢話可以比少少朱古力醬我地試試。食落就真係唔錯。下次可以再食。飲品叫咗柑桔檸檬。香濃檸檬味，但柑桔味就冇吔。飲到底有少許椰果肉。最後，要介紹就係甜品店有免費花茶供應。我試咗一小杯，都幾好飲。

走出一個沒有回味的午餐後, 繼續往甜品身上進發、 這間同名的分店在沙田已幫襯過好幾次， 今回位於九龍灣的店子、還是第一次幫襯。。。店舖面積比想像中細， 密麻麻的親切感幸而不會在下午時發生， 由於是平日又正是兩三點的淡靜時間， 所以只見得小貓三兩個客人~雖然店子小但設計上卻有點兒特別 ，就是鄰近門口的位置 、有一張小小的千秋架頗別緻~甜品種類也算齊 ,例如布甸 、 窩夫、 燉椰皇、吐司、 中式糖水就有紅豆沙、綠豆沙、芝麻糊 、燉木瓜， 其實選擇上口味亦算廣…不過我不是一個貪新鮮的人 所以選擇範圍上 可算是縮窄很多， 要來一個燉椰皇鮮奶湯圓、 感覺上比沙田分店味道上還要淡一點， 但感覺上更為可取、因為覺得甜度適中，沒有一貫 甜品舖中的一味死甜， 湯圓皮薄而透內餡的 黑芝麻甜度恰好、流心力足很是好吃 不過就只得少少的三顆， 椰皇清甜味美因為將其燉、 故此依附在椰皇身上之椰子肉 ,也能一羹又一羹輕易拔不出來吃😎整體上這個甜品沒有挑剔可言， HK$四十餘元的交易絕對可取， 值得一推！雖則後天已坐上飛機遠離日復日的黒板地,但心情總未能提升、隨心而行，輕鬆自在本應是我下半生之工作,看來甜品之治療能力

同朋友食完任食打邊爐，都仲係好口痕最後都係忍唔住去左食甜品之前已經食過兩次，今次亦都唔例外，再次點我最愛既朱古力心連心窩夫。而朋友都覺得呢到既窩夫係咁多樣甜品入面最好食既，所以揀左宇治金時窩夫。一路傾計一路等，等候時間唔算太長。首先泥到既係宇治金時窩夫($43) 。份量十足，除左綠茶雪糕同紅豆之外，淋喺窩夫面既煉奶更加吸引，令整個甜品變得更加香不過朋友話雪糕唔夠凍，好快就溶。見住朋友食，等多兩三分鐘，我既朱古力心連心窩夫($43) 就出場啦份量同宇治金時窩夫一樣，不過醬就比較少。窩夫熱辣辣，仲好脆添。加埋朱古力雪糕就perfect啦喺九龍灣開番一間有窩夫既甜品店實在太好啦可能因為太夜，店舖唔太多人。坐耐d都冇人趕我地走呢間店仲有其他糖水好平，有機會再泥試

尋晚同老公喺九龍灣睇完戲肚餓，咁啱喺戲院隔離見到一間裝修好KAWAII的甜品店，門口都排左幾多人，所以我地就抱全不妨一試的心態去試下。大慨等左10分鐘就入左去，睇睇MENU覺得D甜品好精緻好特別，除左一D大路甜品，有好幾款都同出面果D都幾唔同~睇左好一陣，就叫左幾樣野，本來想去D糖水類的，但係我真係有D肚餓，所以叫左個飽肚之選~~朱古力雪糕窩夫!!嘩~~~~!!!好靚呀~~~!!!食落仲好鬆化~~食咁大份都唔覺得好濟~~仲好好味呀~~同出面果D淋滋滋的唔同~再黎就是雞翼尖，呢樣係某間新界糖水鋪招牌，我覺得呢間都整得都唔錯，巧妙運用泰式辣汁好惹味，但仲有進步空間之後揀係要叫返杯野飲啦，呢杯木瓜香蕉奶昔無得彈呀! 不太甜, 不太凍, 真材實料, 推薦!!好鍾意店入面個大心心，真係甜到入心~~

淘大花園的食街，只係短短1百米就有3 間專賣甜品的店鋪，仲未計其他cake shop, cafe及 有賣甜品的餐廳，加起起馬有十幾間賣甜品的店鋪。能夠在咁高競爭環境下生存到，仲要日日排隊食的甜品店，絕對係「地上最強!」好不容易等到位，叫左個燕窩蛋白燉木瓜，同綠茶紅豆雪糕。試過就明白點解有咁多人排隊等食。個燕窩蛋白燉木瓜，不但足料，而且食得出用心製作，唔會好甜，半個木瓜唔算好大但係好靚。仲有1碗暖暖的蛋白，上面又有燕窩。天氣凍食完暖笠笠成身舒服晒。$50 蚊咁多燕窩，老闆蝕本益街坊。良心，正氣甜品，抵食益街坊!

係九龍灣同一班朋友食完飯例牌食糖水朋友介紹話呢間好食就試下太耐無黎九龍灣都唔知呢到開左間甜品鋪位置就係戲院隔離 好易塭餐牌全部有圖片好靚最特別係有免費英式果茶任飲同埋朱古力噴泉 有棉花糖提供好有食緊buffet感覺 都係第一次見有甜品鋪有呢個服務英式果茶味道清清地 食完甜品飲返杯啱晒環境光線很好 亦好有戀愛氣氛同餐廳名有互相呼應 haha食物有啲賣相一般有啲都好靚窩夫份量足 中式甜品亦好味 唔會太甜反而雪糕朋友話有啲失望整體唔錯

幾鐘意食佢個椰皇子，已經食過幾次，份量都ok, 呢間野d服務係唔錯ge, 今次就食朱古力wo fu, 都好食的，夠crispy , 但d 雪糕太凍仍有霜在內，同埋好大份，反而覺得唔駛太大份但可以平返幾蚊雞，店員速度真係可以再快少少，等得太耐啦，我明白好多客，人手唔夠，不過我預早左好多打落黎叫外賣，點解都仲要等咁耐。。。。。Anyway , 都欣賞d員工，佢地都做得好積極，忙極都冇黑面，比起好多餐廳，已經好好。。。。