甘永泰魚蛋 (已結業)

今日本身開開心心去長洲玩，點知食到甘永泰魚蛋，心情一沉，希望唔好影響到之後嘅心情同旅程。事件是咁的，見到佢一串串唔同嘅嘢食放咗上枱面，叫咗一串之後，佢拎出嚟擺喺個鐵盤上面，我問佢，食得㗎啦？佢話係。再者，食落去係唔熱嘅，然之後再見到佢有幫其他客返熱。我知我嗰舊已經食咗，好難再為我個串返熱。但一開始係咪都可以問吓我一句，需唔需要返熱呢？總結：啲油鯨晒係豆卜都，服務態度又差，$20買個難受，不食也罷。

🚩 魚蛋 $20一串大約有六粒即叫即炸好有魚味而且新鮮熱辣辣咁食好正🤣我encore左兩串嚟食😋😋😋🚩三文魚丸配芝士丸 $20三文魚丸嘅三文魚味唔係特別出色不過勝在即叫即炸🥰芝士丸反而有少少驚喜 芝士味幾出同幾濃😋😍😍總結時間🥰可能係全香港最好嘅炸魚蛋🤣😋大家必食❤️❤️❤️ 評分時間👅（5️⃣個👸為滿分）食物👸👸👸👸👸抵食👸👸👸👸👸回頭率👸👸👸👸👸服務 👸👸👸👸環境 👸👸👸👸

👨🏻‍🎓講起長洲名物，第一時間諗到嘅應該就係大魚蛋同糯米糍。雖然喺長洲賣大魚蛋嘅舖頭勁多，不過講到最多人幫襯嘅一定係落船直行就會見到嘅#甘永泰魚蛋 。🍢雖然話就話最出名嘅係大魚蛋，不過鐘意食脆口煎炸嘢嘅P仔就揀咗佢哋嘅魚肉釀豆卜，一串有7粒，感覺好似係反轉咗嘅豆卜釀咗唔少嘅魚肉，食落外面脆卜卜，入面又有魚肉嘅彈牙同香味，又唔會話好大彈油味，真係勁好食！唯一一樣差啲嘅就係佢係凍凍哋嘅，熱食一定會再好食啲。不過冇辦法啦，咁多人幫襯好難不停即炸。🍽除咗大魚蛋之外真係可以試吓呢個，個人就覺得好食過魚蛋啦，食完上船就啱啱好啦！

👧🏻_長洲一日遊2️⃣相信哩一間位於長洲碼頭新興街附近嘅魚蛋點上大家應該唔陌生 除左服務態度同澳牛有得揮同埋有啲貴之外 哩度嘅魚蛋真係好鬼好食！肥Glor本身唔係好鍾意食咖喱 所以prefer哩一間多過對面嗰間😌唔知大家又鍾意邊間多啲呢！·大魚蛋 $10（一串兩粒）肥Glor心目中嘅No. 1！超級大粒+爽口彈牙 魚味濃 所以唔需要加任何醬汁都好好味👍🏻·魚蛋 $20（一串六粒）哩款魚蛋真係由細食到大 但今次食我覺得有啲退步 有少少過分油膩 浸油味蓋過左魚蛋嘅魚味 一般般啦🙌🏻·蝦丸 $30（一串四粒）唔係成日有得食 今次見到佢棟起個牌即刻叫左 非常有咬口 不過主要都係食到魚味 如果蝦味再濃啲就perfect啦～*雖然今次去冇食豆卜 但我覺得冇試過嘅朋友一定要試炸豆卜 真係好鬼正！#𝙛𝙚𝙞𝙜𝙡𝙤𝙧_𝙚𝙖𝙩📍 甘永泰魚蛋 (長洲)長洲新興街106號地下

難得入到嚟長洲一日遊，梗係要試吓長洲嘅地道美食啦😋長洲碼頭落船後，沿東灣路一直行都有好多小食賣，行行吓離遠就會聞到炸魚蛋香味、同埋見到一條長長人龍，原來就係長洲好出名賣新鮮手打魚蛋🐟嘅「甘永泰魚蛋」。呢間主要賣幾款一串串魚蛋/墨魚丸/蝦丸/魚肉釀豆卜等等......即炸、即賣、拎走食（無檯堂食）或可以買未煮熟生嘅返屋企。既然一場嚟到，我梗係要買返串即場食😋由於排隊嘅人比較多，店內姐姐每一次都會各款炸定幾串，賣晒先再炸，所以如果好彩遇到新鮮啱啱炸起，熱辣辣更加好味👍🏻由於，上次我食過呢間魚蛋唔算好特別、普普通通，所以今次我改為試啱啱新鮮出爐嘅「炸魚肉釀豆卜串」，每串HK$20，大概有6粒。豆卜係中間切一刀🔪翻開再釀入白色魚肉（同平時一般釀鯪魚肉嘅魚肉唔同），翻開之後嘅豆卜炸完好鬆脆，魚肉彈口食落有口感，唔會似坊間有啲魚肉係一舊麵粉咁死實實，而且魚肉調味適中，整串夾埋好好味😋👍🏻絕配！聽聞，呢間蝦丸都出名好味，只限假期先有得賣。可惜，我今次嚟係平日，所以試唔到蝦丸，唯有下次再嚟過😆🔆🔆🔆🔆🔆🔆🔆總結🔆🔆🔆🔆🔆🔆🔆啱啱熱辣辣炸起嘅「魚肉釀豆卜串」實在太好味啦，一日內我回頭買咗3次😋 值得回味

之前都有幫襯，炸豆卜係好食，但也不及其頂及差的服務態度！話說今次帶家人來試食，未好確定的情況下，同亞姐講要2支食物，亞姐沒有翻炸就放在鐵盆。但因我唔知道新出嘅係咩丸，一問之下點知係三文魚。因我唔食三文魚，想轉墨魚丸，亞姐話：「疫情下叫咗就要比錢！」食物露天放置，又唔翻炸就放盆，仲話疫情下叫了的食物（沒有任何觸碰，全程帶口罩，至少有一尺距離)就一定要比錢，係咩道理？之後同佢講話想換，仲好惡話唔得，仲話「你咪寫囉，我成日都比人寫架啦！」。這種氣焰與態度真的令人咋舌。

以前是長洲獨有嘅Big Big🐟蛋，現在雖然不用山長水遠入長洲，買返屋企鐘意幾時食都得，但山長水遠黎到長洲點都要食下😅！甘永泰魚蛋以前經常都有長長的人龍，今次唔洗排，主打的有招牌Big Big魚蛋、蝦丸、三文魚丸，炸豆卜等。。 各款🐟魚蛋的價錢唔算宜，🐟魚蛋和🐙墨魚丸都算夠彈牙，但係油淋淋，一入口唔係鮮味，而係成口油，即刻將食慾大大減低，希望可以改善下， 雖然另一間同樣賣Big Big 魚蛋，而且口味多多，都冇揀都係想食魚蛋原味道。。。

一場黎到長洲，記得當年入黎必食呢間，同埋佢出名個炸魚豆卜，今次都要試。叫左一串$20， 唔知係咪就收工，無人地講既即叫即炸，比完錢就拎得，放落口係暖既，脆都仲脆，但食落成口油，而魚蛋部分只得好少，後悔用左$20買呢串野，真係食多粒芒糯好過。

🔱今次要介紹嘅食物就係位於長洲！📜”甘永泰魚蛋 (長洲)📌 地址:長洲新興街106號地下🕐營業時間: 07:00-17:09🍽分店地區: 長洲📝評價💬📢 長洲大魚旦大家都一定食過🤩 三文魚丸你又食過未?🥳之前我朋友推介下試咗一次之後每次入長洲都忍唔住要食🥰🥰🥰 非常彈牙又有口感🥰🥰同大魚蛋真係有得fight!!!🤣🤣🤣 仲可以一磅一磅咁買返去整嚟食😋😋😋KS評分 💫5分最高🌟🏵味道指數:👅👅👅 👅🏵抵食指數：💰💰💰💰🏵回購指數:❤️❤️❤️❤️

去長洲通常一落船，一定會去甘永泰魚蛋食返串嘢先。一來地點就腳，二來一落船實在太肚餓。平日來嘅好處就係即整，而且可以揀嘅款式比較多。今次買咗釀魚肉炸豆卜，同四寶丸。四寶丸分別有兩粒鯪魚肉丸，和魚蛋，海膽丸，蝦丸各一粒。新鮮整起熱辣辣好好味，個人比較推薦魚蛋同鯪魚球，口感彈牙，非常惹味。而蝦丸同海膽丸相對起來就冇咩特別。當然最好味嘅一定係魚肉炸豆卜，係將豆卜反過來，再把魚肉釀入裏邊炸，令口感外脆得來，內面又有d彈牙。不過價錢略貴，一串要$20，如果可以平少少就更好。

平時人人都會話嚟長洲要食大粒魚蛋，但我覺得大粒魚蛋真係除左大粒之外無咩好食可言，但今次呀婷介紹我食一個叫豆卜魚蛋嘅東西，我都未試過，去到呢間叫左兩串，即叫即炸，鬆脆嘅外皮，唔厚！無點任何醬汁都一樣好味！

一講起長洲，大家都會諗起必食大魚旦，而除咗大魚旦之外我就必食甘永泰嘅魚肉釀豆卜！！可以話係我由六、七年前開始每一次嚟長洲都會食！！就連平時唔食豆卜嘅我都會食😆.every time i think about Cheung Chau i always think about big fishball 😂 but other than that, one of my favs is this fishball wrapped in fried bean curd puffs 🤤 been eating it every time i come to cheung chau 😊 usually i dont like fried tofu but this one is an exception!.💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞✨食物 𝐟𝐨𝐨𝐝 7.6/10環境 𝐞𝐧𝐯𝐢𝐫𝐨𝐧𝐦𝐞𝐧𝐭 7服務 𝐬𝐞𝐫𝐯𝐢𝐜𝐞 7/10性價比 𝐚𝐟𝐟𝐨𝐫𝐝𝐚𝐛𝐢𝐥𝐢𝐭𝐲 7.8/10回頭率 𝐫𝐞𝐯𝐢𝐬𝐢𝐭 8.8/10🌟推薦魚肉釀豆卜～.《魚肉釀豆卜》🌟7.8/10🌟豆卜炸到香脆，有少少似

叫左：豆卜、三文魚併芝士丸、細魚蛋本來一早炸好左係你買時再放落油鑊浸一陣再拎返起所以你拎時會好多油，油笠笠豆卜其實好乾，食到我有少少乾咳個魚蛋係好食，好勁魚味，真材實料既三文魚同芝士丸，我就覺得好冇咩特別$20蚊一串其實真係唔平其實呢間野既態度係真係好差咁要認衰仔，佢差我都仲幫襯但其實食佢都係為左好似打卡到此一遊咁囉

大魚蛋當然係長洲特色，但大魚蛋只係賣相特別，夠噱頭，味道不及自製魚蛋好味每次黎長洲第一站一定係買呢間既魚蛋今次第一次帶二公子黎，梗係要比佢試吓啦食完二公子表示要「食食食」🤣🤣🤣

人大左，精力少左，周圍既事自自然會覺令你無乜時間，連去長洲都要幾個星期前改到今日先去到，不過今日星期日景然唔多人，真係好彩，一落船例牌會去食炸魚旦，排6-7個人真係好，以前黎排成廿幾人，不過今次只係食釀豆卜反起既豆卜釀返魚肉落個表皮度炸，真係幾好食，外脆得黎雖然有少少油益味，味道係唔錯，好似由十二蚊食到而家要一張廿蚊，生意咁好又似唔洗交租不如減下價啦而家個疫情咁，真係要比心機返工，先可以再食。