甘永泰魚蛋 (已結業)

一落船首站就嚟同老公豬嘆番串魚蛋先，蝦膠釀豆卜食評就睇得多，吃就還是第一次無我想像中咁濃蝦味，反而我覺得味精重左啲! 魚蛋真係又軟又彈牙!臨離開長洲時我重買左半磅魚蛋番屋企慢慢回味

去到長洲放低D野就周圍行下睇下有咩好野食女朋友行埋去贂下,見到D炸野就好想食.就不妨叫一串蝦膠釀豆卜試下.嘩!外脆內軟,仲好彈牙TIM

$10。6粒魚蛋：微微炸返熱，果然超彈牙爽口，真係有濃濃的魚肉香甜味，不像外面所吃的魚蛋咁油膩和注入空氣，的確是真材實料，好足魚料呢$48斤。外賣魚蛋：味道如上，約40粒

長洲掃街之旅的第一站就係呢度啦 - 甘永泰，店的附近都好多人拎住條紙巾包住的丸串，所以好易找到此店。雖然大多數人都係買炸魚蛋，不過怕太熱氣，都係選食咖哩汁0個隻。唔同平時食街邊的魚蛋，呢度0既魚蛋係白色，咬落好多魚味同好彈牙，彈牙到覺得佢可以拎去做兵兵波! 忍唔住試埋佢個自制墨魚丸($10)(只得炸，熱氣都要食了)，不過比起魚蛋就覺得佢麻麻地。隻丸係豬肉MIX墨魚肉，唔係平時D白色墨魚丸，略厭佢豬肉多得制同咸左D，食完要飲埋佢個竹蔗水($8)，要讚讚佢個竹蔗水，味道不錯唔太甜!

爸爸獨愛吃魚蛋, 香港出面道道都試過. 出名的都試過. 但他都有好多都彈. 不外如視.. 但今次我係第二入去.. 今次同埋家人一起入.. 買左一串魚蛋, 六個人分. 每人一柆. 爸爸竟然是讚的. 仲同佢地買左一斤返香港tim.

入黎長洲, 必定會食魚蛋,因為好好好食,好多間都好好食,但始終最能食到原汁原味既係甘永泰。有幾款俾你選擇,例如蝦丸、墨魚丸、魚蛋......,但我最鍾意呢度既白色魚蛋,又香、又好多汁、又好彈牙.....

遲來的食評~我太忙唔得閒打!!食左好多小食...再黎LEE度~食左釀豆卜...真係好脆重有記得臨走前到lee度買左好多丸返屋企!!!!有幾種... 不過我唔記得d名... 但好似有魚蛋,墨魚丸,豬肉丸,鯪魚球丸等...返去整左黎食...好彈牙!! 唔同平時出面果d咁粉~~好好味呀

去長洲前，先到OR睇吓有咩好食，見甘永泰只有笑面。咁一定要去試吓啦。買了一串魚旦、四寶丸同炸豆卜。盛惠$30。落完柯打之後，個伯伯即刻幫你炸番熱佢。見阿姐不停手咁釀豆卜，已經好吸引。等咗一陣就有得食lu~~~伯伯將每串用抹手紙包著，可以吸走面頭的油。白魚旦一串有6粒，非常彈牙。又有魚的鮮味，好natural 的味道。四寶丸有魚旦、鱆魚豬肉丸、香蔥豬肉丸同蝦丸。鱆魚豬肉丸好好食，雖然無魚旦咁彈，不過就好有咬口。粒粒的鱆魚粒，加上瘦嫩的豬肉，好好味。仲買多半斤生嘅番屋企煮面食。蝦丸一般，少少彈牙，但蝦肉唔夠多。到個炸豆卜啦！新鮮炸起，脆pok pok。入口鬆化。蝦膠彈牙，同炸到脆pok pok 嘅豆卜又幾夾喎！不過就較熱氣。下次黎長洲一定會再幫襯！

又一長洲小吃check point買了一串豆pot釀魚蛋，還有一串魚蛋，6粒，只有大魚蛋是炸的，要等一會豆pot釀魚蛋︰將豆腐pot反轉再釀魚肉，豆腐pot凍左d就會自動變成一層好似炸過既脆卜卜吉列粉，魚蛋︰真的很彈牙，食完真的想彈起來另外有賣8元一支的自家製竹蔗茅根，怕熱氣買埋黎飲，唔會太甜，好好像

黎長洲其中一個checkpoint 係甘永泰. 要試下炸豆付同魚蛋, $10/串. 都幾貴, 都過當係試下豆卜睇住佢即釀即炸, 所以比較耐.豆卜係釀蝦漿唔係鯪魚肉. 佢似係將豆卜反轉, 有豆付o個面向出, 所以炸出黎就咁樣樣.食落香口, 蝦肉彈牙. 但可能豆付做左外層炸脆左, 所以唔似食緊豆卜, 冇豆付既口感同味道.魚蛋彈牙而重魚味, 比大大粒魚蛋還好, 唔怪得咁多人買$10/串, 哩d 咁好既生意點解會冇人抄架呢. 反而大大粒魚蛋就通街係.雖然係貴, 但真係有食多串既衝動

肥嘟嘟與肥妹妹最後以fishball作為長洲之旅既happy ending 今日唔知做咩好鬼死熱, 肥嘟嘟一邊行已經飲左好多beer, 成個肚都係水, 肥嘟嘟就坐左係度等肥妹妹去買野比佢食喇 可能時間仲早, 唔係好多人買, 好快就買到。 fishball - 肥妹妹年幾前食過一次, 到今都係好彈牙, 水準保持得好。連未食過又咀雕既肥嘟嘟都話佢彈牙同ok, 咁都真係可以食得過。 四寶丸 - li 個就真係唔太得, 我地唔sure 係邊4 寶, 我地估有: fishball, 肉丸, 墨魚丸, 令魚肉。除左fishball 外, 其他都唔係好好味, 相比之下, 佢都係$10 就顯得唔抵食喇胖侶長洲飲食之旅完結喇, 可以帶肥嘟嘟去佢未去過既地方真係好, 好開心。下一站飲食之旅唔知去邊呢? 肥嘟嘟應該會為肥妹妹安排既

起度買晒所有丸試食, 最好味都係個炸豆卜, 好脆好食又唔唔會話太咸 其實個魚蛋都幾好食, 又好彈牙, 無奈阿姐唔係炸得好熱俾我地, 差咗少少...其他丸我地就覺得冇咁好食

同事係長洲居民，佢今日拎左盒長洲甘永泰魚蛋返公司佢話甘永泰0係長洲好出名，叫我地一定要試下魚蛋真係幾唔錯，有魚味，同埋幾彈牙不過個人覺得魚蛋咸左d聽同事講甘永泰魚蛋以前係無咁咸ga佢估宜家魚蛋應該加左味精所以變到咸左價錢我就唔多清楚，不過同事話都唔平不過我覺得去開長洲試下都無防既

星期六個日去左長洲, 日間入左去食話出名的小吃. 食完一檔又一檔. 行到最尾先見到甘永泰. 食左人地話好鬼好食的. 炸豆卜魚肉., 唔得阿. 滿口油. d 魚肉及豆卜吸哂油. 有吸油紙都冇乜用, 魚肉沒有魚味. 反而去左另一面買左一串燒無骨雞翼. 那個好食好多 . 點解冇人推介ga..

咁出名, 點都要試下係咪真係 浪得虛名!即時試左 釀豆卜, 魚蛋 同埋 蝦丸!!!三種都好好味!!!豆卜脆卜卜, 如果旺角掃街都有得食就好! 魚蛋好彈牙, 又有魚味, 正正正!蝦丸都好好味, 食到一粒粒蝦肉, 足料ga...外賣左魚蛋蝦丸同墨魚丸番去!! 第二日半煎炸黎食, 都重好好味好新鮮, 唔錯既手信!!!不過墨魚丸就差少少, 因為佢mix左好多豬肉入去, 攪到似豬肉丸多過似墨魚丸!同埋, 鋪面超多烏蠅, 睇落真係幾恐怖!烏蠅 主要都係 "嬲" 住d 墨魚丸, 唔知點解?! 魚旦蝦丸又唔會!!!不過下次都會再食...haha