瑞士㗎啡室 (已結業)

除了常餐，這是我到瑞士雞翼最常吃的一樣。湯很清甜，皮蛋份最很多，應該多於一隻 ，魚肉一般不夠彈牙，米飯很爽口。如果想在茶餐廳想吃健康一點 ，這是不錯的選擇。不過份量很大，每次都吃不完。

今日好開心 所以自己一個叫左個常餐 開心下佢E間餐廳好多分店 今日就12:00pm黎到荔枝角既分店E 個瑞士常餐只係46蚊就有火腿奄列 多士 老水雞脾同埋公仔面仲有野飲tim講真錦多野食 可以叫做窮人恩物嫁啦~先講講火腿奄列 睇面積都知起碼用左兩隻蛋火腿集中係正中間 味道就係唔洗洛鹽因為火腿已經有咸味唔好睇小個多士 佢比方間出面厚兩倍小許既牛油 可以張脆脆多士 吊起個味~老水脾黎講 手掌錦大  肉厚 肉滑每一啖都係老水味 公仔面黎講呢 淥到剛剛好既硬度一流!總結:一定會再光顧~

返完通宵工, 自己一個係附近食埋早餐先返屋企訓，在荔枝角站揀左嚟間這間似係工業區食堂，坐底睇餐牌，被她的沙嗲牛肉潛艇吸引住，於是叫了一個‘早晨極品2‘隔左幾分鐘就餐到，快其實也是港式茶餐廳一大賣點份餐很大，應該足夠兩個女仔食，當然我咁大食，梗係一個人也可KO佢餐包括一大碗仿鮑片火腿公仔麵（原本係通粉，我轉了麵），火腿奄列，仲有沙嗲牛肉潛艇（另有熱狗/菠蘿油可以選擇，價錢仲平$2）個麵剛剛煮好爽口彈牙，仿鮑片俾得很大方，有三片，而且湯底亦不錯，有濃濃的雞湯味，但又不會太咸火腿奄列不會過熟，仍然有蛋漿至於我最期待嘅沙嗲牛肉潛艇，真的是整個早餐嘅靈魂，首先佢有整熱個包，整個也熱辣辣，而且包上面嘅芝麻，更令其加多一點香味，餡料嘅沙嗲牛肉糧頗多，而沙嗲香而不辣，滲透在包內，而且汁多到可流出整體而言，令我有想下次特登再去之感

嚟呢頭附近做嘢，同事話想食好啲，就提議咗呢間。早餐都唔少人係度，都幾乎張張枱有人。環境幾空曠，坐都舒服嘅。個人喜歡呢種茶室，裝修簡單，又有「味道」- 歷史夠耐。價錢比起普通茶餐廳貴小小，不過可以接受。睇咗一輪餐牌，見到五香肉丁，好耐無食，決定叫呢個。上到嚟無令我失望，好食，又香（肥就肥啦）。麵度剛剛好，唔會太淋。多士正常，有小小牛油，烘過小小，有誠意。蛋幾滑，又未至於熟哂。茶走，茶同奶比例剛好，唔會好澀。

今日又係荔枝角揾嘢食，見到呢間瑞士咖啡室，有種懷舊嘅感覺，咖啡室用嘅『咖』字都係舊時嘅『㗎』。佢有星期一至五嘅餐牌，朋友就簡咗其中一個，而我就係大大本 menu 入面簡咗焗飯。飲品好快就到咗，可以飲住嘢傾住計等。凍飲加$3，熱飲就跟餐送嘅。朋友嘅意粉首先到咗，都幾大份，而且個汁大大碗，都幾足料飽肚。而我嘅咖哩雞扒餐等一陣就到咗，熱辣辣咁上碟，聞落已經好香。好欣賞佢焗到個面脆脆地，但入面又好鎖到肉汁。咖哩都好濃味，茶餐廳嚟講，呢個質素整體算是中上總括嚟講， lunchtime 嚟呢度，多款又抵食，唔錯呢！

個人頗喜歡在港式茶餐廳尋找素食的選擇，又一直喜愛焗飯之類的東西，但不常有，所以以前行過將軍澳果間瑞士咖啡室成日都好多人，一直想試下佢啲素食焗飯，但沒機會試。今日工作過後在長沙灣找 late lunch ，發現有間瑞士，決定一試。位於工廈地下，門口有點難找，一般茶餐廳格局，環境就不能要求太多了。叫了個忌廉雜菌玉子豆腐飯，已經是下午茶時間了，所以 $46，配凍咖啡少甜。焗飯要等，先喝一下咖啡，不會太甜。大概十分鐘左右，焗飯便熱騰騰送上來。忌廉就是忌廉的味道，差不了，玉子豆腐是炸過的，也不能差。我覺得敗筆在選料，忌廉雜菌一般選的是蘑菇草菇等，今次用的竟然是秀珍菇，味道與口感其實不太配合，有種那菇菌類撇不了的濕的感覺，影響了整體味道。特別是當飯只有菇與玉子豆腐，感覺有點奇怪。焗飯是蛋炒飯底，但不夠乾身，不夠香口。最礙眼的，是突然出現的一條綠色的菜絲，也有兩三塊小小的紅蘿蔔，不禁令人猜想是否素食便是求其在配菜堆裡找點東西煮出來便是 整體有點失望，可能期望太大了。

偶爾會吃這裡的瑞士雞翼或雞髀，水準一直都不錯。這次想換換菜色，卻失望而回。這裡炒粉麵飯的選擇其實不少，點了咸魚雞粒炒飯，送來的時候還是暖的，飯粒也炒得夠乾身。只是吃下去就發現一點鹹味都沒有，整盒飯吃完了，半點咸魚都吃不到⋯⋯自問叫外賣的時間不算繁忙時段，菜色也不算花巧，但竟然漏掉最重要的配料。整盒飯又乾又無味，真的很失望🙁希望餐廳做外賣單的時候多留意一下，畢竟外賣不像堂食可以立刻重做或後補，我也不可能要求餐廳炒幾粒咸魚外賣給我🤷🏻‍♀️作為食客其實很無奈⋯⋯

近年香港多了許多懷舊咖啡室，以舊式的裝修，配以七八十年代最普通不過的食品，賣點是傳統的港人回憶。而這家瑞士咖啡室Swiss Cafe是香港一家著名懷舊咖啡室，屬於萬峰國際旗下的旗艦品牌。瑞士咖啡室最早於2008年在中環開張，選址利源西街，地點隱蔽，卻成了新一代的「蛇竇」，在短短幾年間已開了多間分店。現時瑞士咖啡室分店共有9間分店，分佈於以下地點：將軍澳，新浦崗，葵興，和宜合道，炮台山，荔枝角，灣仔，中環 (主店) ，西營盤。店舖裝修均帶有舊日香港情懷，提供港式茶餐廳的食品為主打，更以「招牌瑞士雞翼」及咖央西多士著名。而瑞士咖啡室荔枝角分店的吳子英師傅曾參加2014年度的「金百加金茶王」香港區決賽獲得亞軍被傳為佳話。 瑞士咖啡室荔枝角分店隱藏在該區的工廈地舖，光從店面完全看不出是間餐廳。這一類懷舊餐廳都有一個共通點，裝修都是七八十年代冰室的模樣。這一間瑞士咖啡室內裡的裝潢都是這個格局，店內有吊扇和卡位，格仔階磚地板，牆上掛畫、舊相、海報等，都是香港人的集體回憶，刻意營造出舊時冰室的懷舊感覺。餐廳共分兩層，座位充足，早市只開上層，洗手間在地庫的一層，算是比較清潔。由於政府廠廈條例所限，這類

這間餐廳 位於荔枝角工廠區內 店舖名字雖很吸引 主打瑞士雞翼雞髀套餐 但不算太突出 其它午餐 也有雞豬選擇 但是廚師總是 把雪藏食物 用很多鬆肉粉 令到食物入口後 整個口部都感到鬆肉粉拿味， 令舌頭非常不適 不能入口 廚師 只是用這些破壞食物質素的方法去 鬆肉， 食物無味 如同嚼蠟 ,本人曾經向該店反映 ， 鬆肉粉的問題， 但仍沒有改進 ， 其實有很多方法去解凍醃製， 只是沒有心去做， 在這些工廠區內， 食肆不多， 客人只是強迫性去選擇， 當你嘗試過後也不願意再去， 因為這些工廠大廈餐廳， 晚上沒有人去捧場， 只能做午市時段， 六個客人要坐一張只可容納四人的枱， 大家進食時很辛苦！

今日走咗去荔枝角搵食，無意間發現原來呢度有瑞士咖啡室，呢間咖啡室觀塘都有一間，聽講都幾好食的，所以我今日就一試啦。我叫左個沙嗲牛出前一丁公仔麵,加多士及蛋。先講牛肉，牛肉有別於一般的茶餐廳，係用咗鮮牛肉，所以好有牛肉味，有好有口感。至於多士外表好鬆脆。所以，結論係好正

今日第一次去香工行街，行到攰攰地，於是朋友介紹到這店食tea，所以入去試試。我地冇試到招牌的瑞士雞翼，但就叫左瑞士汁牛河、星洲炒米同芝士火腿西多三個餐。瑞士汁牛河顏色頗深，但入口冇咩味，所以有啲失望；星洲炒米夠辣，但係咸左少少；芝士火腿西多，就因為我地怕肥，只係落左少少糖漿，所以不會太甜，唔算好膩。每個餐$38，都唔算貴，不過如果味道可以調教好啲，就更好😉

嘆tea唔一定去酒店既，茶記都可以好滿足。鮮油奶多$22, 凍檸茶加$3多士配鮮油雖然邪惡，但真係絕配，厚厚既牛油，半溶咁浸落塊脆多士度，勁香。茶記既凍檸茶超多冰粒，勁解渴。黑椒牛柳絲炒麵$40,黑白涼粉冰加$6最正係個麵底，個邊超脆，有汁既地方吸曬黑椒味，正。配料有芽菜，紅、青椒同韭黃，配料居然比牛柳好味，牛柳因為無肉味稍遜。炸雞翼配金磚$36,紅豆冰加$6呢度一叫金磚(西多士)，即刻成支糖漿拎俾你，任你落，讚。西多士入面仲有花生醬，好味。炸雞翼脆口，但稍淡味，加d淮鹽係面應該會更正。

平日朝早十點路過荔枝角，走去瑞士食個早餐醒醒神。早餐都係茶餐廳大路野，點左個雪菜肉絲米餐，有腿蛋多士配杯熱杏仁奶，$30，抵食！杯熱杏仁奶係神來之筆，雖然唔係好知佢同熱杏霜有咩分別，但入口好滑又唔會死甜，仲唔駛加錢，推介。下次去試埋紫薯牛奶！

抵食之選：輕便套餐，早餐/下午茶時段都係$28-30，有火腿通（麵底可選其他，米粉、公仔麵、意粉等等....湯底可轉羅宋湯，之前有蕃茄湯，不過已暫停了，可惜）、可選三文治或多士或熱狗、再加杯野飲。今次我照舊選了火腿通羅宋湯、餐蛋治（雙併加$2）、熱菊花薑蜜（抵飲之選，轉哩杯都唔使加錢，每次黎食都係飲哩杯）男朋友叫了焗咖哩雞扒飯多汁，哩道嘅咖哩係男友極之推介，香濃野味有辣味，每次都要多汁，食落每淡飯都有咖哩。滿足地離開。

瑞士汁雞翼一向都係佢地既招牌菜色, 係得荔枝角返工點都會去試試. 其實之前都幫襯過幾次, 不過唔知係唔係佢地生意愈來愈好, lunch 太多人等既關係, 趕急到未食完就收碟, 短短15分鐘已經問左4,5次d野食仲要唔要, 如果唔係食野特別快, 真係會有壓迫感架  而且佢地d野食唔係上得特別快, 員工態度又唔算好好, 最重要係佢地ge瑞士汁好似無以前咁好食, 唔係次次都keep 到水準, 真心失望~~