瑞士㗎啡室 (已結業)

瑞士常餐A（$48）Swiss Set A👆配火腿奄列、牛油多士、 瑞士雞全翼2隻同公仔麵Swiss Chicken Wings with noodles (2 full wings) & toast with butter & Ham omeletMain Point💡主角當然係瑞士雞翼🐥雞翼醃得好入味❤，好掂呀！雞肉好嫩滑軟腍😍冇雪櫃除，個瑞士汁調味剛好👍甜甜地，令唔食雞皮嘅草根都食到舐舐脷👅sososo yummy! 配角有公仔麵配羅宋湯🍲，超薄火腿奄列🐷😂加拱底牛油多士🍞跟餐+3蚊凍醋飲，草根揀咗天然芒果醋，夏天飲都幾消暑🌞甜甜地嘅芒果味，都幾提晨💦果醋感覺好健康🌿吉列魚柳配薯條（$32）Cutlet Fish Fillet + French fries 吉列魚都算嫩滑🐟juicy💦可以話係外脆內嫩，可惜細細品嘗中帶有點油膱味😢可惜可惜！薯條嘅油膱味更濃😫😤

中午放飯想食下茶餐就去左呢間好似Stephy賣個廣告既瑞士咖啡室～成個餐廳係走懷舊冰室路線，我就點左個雞脾餐，有瑞士雞脾、火腿奄列、牛油面包同埋公仔面。味道好普通，我覺得唔係好抵食。個雞脾就不過不失，ｄ瑞士汁唔會太咸，調味剛剛好，可惜雞脾有點兒鞋，唔夠嫩滑。至於個公仔面就煮得太耐，太淋冇左個口感，下次如果再食我都係叫米粉算。奄列一般都唔會整得難食，佢呢個都算不過不失。總括而言，成個常餐都唔難食的，但係我覺得就呢個味道而言５０幾蚊又唔係幾抵食。

今日難得有心情，一於去食個正經早餐先返工，公司附近有間叫瑞士咖啡室既茶餐廳，入面裝修係舊式香港茶餐廳咁，好有懷舊既風味，早餐都幾多選擇，有細份亦有豐富D既，有d 驚唔飽，同埋食飽先有精神開工，所以都叫左一份沙嗲牛肉意粉，配炒蛋同午餐肉，牛油多士加3蚊就有得轉奶醬多，不過就無烘底。午餐肉有D太咸，炒蛋就幾滑，而奶醬多因為無烘到底，所以食落爭少少，而沙牛意就無乜特別，沙嗲味就唔突出，整體黎講就普普通通。

LUNCH TIME荔枝角一直都係人來人往,所以食茶餐廳都係一個明智之選"瑞士咖啡室"出名 - 瑞士雞翼,瑞士雞脾個瑞士汁煮得好入味自己好中意食仲帶朋友一齊食~我地叫個兩個餐係內容一樣只有瑞士雞翼雞脾之分上餐時間快速,通常等位都係一陣唔會好耐完成合符茶餐廳既標準叫左杯阿華田脆脆,要加6蚊先有不過唔太特別因為面既脆脆好快就溶入阿華田到要加錢6蚊,唔太值我地都係貪得意試試平均55蚊一個人,如果唔叫阿華田脆脆會平D哈哈*如果過左13:30去,已經少左好多人

呢間咖啡室成日都會推出一啲特色飲品。之前試過果個紫薯紅豆乜乜乜，紅豆就好好味喇，但飲嘅就淡而無味。今次又試下佢嘅『筋肉奶茶』，主要其實都係比佢個樽吸引咗。（我記得台灣都有呢啲架！）好處係佢無冰塊，唔會食完飯杯奶茶俾啲溶咗嘅冰沖淡晒。奶茶嘅份量同平時差唔多，只係味道稍為甜咗少少。鍾意嘅話，仲可以拎走個樽自己留念添！

呢日黎到既時候已經過左早餐時段，唔想食到咁飽所以就要左個特餐食下。我揀左火腿奄列 + 沙嗲牛肉公仔麵火腿奄列質素正常，半熟不生咁，係個面有少少油。沙嗲牛肉公仔麵就做得比較好D，沙嗲味都幾出，牛肉有幾舊，唔難咬又有少少肉味。麵身唔會好淋，不過我略嫌個湯底無咩味。

聽聞佢地ge瑞士雞翼好出名都一段時間架la ，同事個個都話正，所以一直都好想試下。今日終於有時間可以去食la!!!佢地係一般冰室ge design ，好有懷舊feel~~好彩預早左時間唔需要等位，入到去坐底就立即叫左個瑞士雞翼撈公仔面，佢地ge瑞士汁偏甜又唔太鹹，而且係配兩隻全翼好入味，nice~~~價錢都係同一般茶餐廳ge差唔多，around $4x 有埋野飲。不過可能太出名啦，服務就一般般la，唔會比你坐底慢慢食low。

瑞士咖啡室愈開愈多，好多都系開系工廈區，價錢公道，食物質素穩定，自然成為打工仔既恩物。雖然毫無服務態度可言，仲要自己爭凳仔甘搵位，但亦無損其受歡迎程度。好多時都系食呢個瑞士常餐: 瑞士雞翼全翼兩隻配奄列牛油方包，仲可以選羅宋湯公仔麵，最後仲有杯熱咖啡，加加埋埋先系$45蚊，去邊度搵。羅宋湯底都幾多雜菜，而且湯底調味算系剛剛好，但就需要加多啲胡椒粉先夠香，但整體都算唔錯。瑞士雞翼可謂特色，皮嫩肉滑，而且甜甜地仲幾入味，系食落有少少唔方便，但經常過一排就有啲掛住，所以黎親都系食呢個餐，甚少考慮其他午餐。

喺附近大廈玩完Workshop 就搵下有冇隱世美食 行行下見到呢間裝修特別既港式茶餐廳就入左去試下！裝修懷舊得黎又有幾分玩味good!下午茶餐：咖咉西多士$27+ $3紫薯牛奶咖咉西多士：冇乜咖咉既料同味失望。。。不過麵包就唔錯，厚厚地，亦唔會好油膩見到人氣紫薯牛奶，即刻勇者上身，試返杯先um....... 非常一般，係一杯有淡淡紫薯味既淡奶味道唔甜，亦冇乜奶味後記：環境裝修採用舊式茶記設計影下相都唔錯既

約咗朋友行街，但要醫飽肚先。一睇時間，原來已經2點，可以去瑞記嘆返嗰tea。識坐就梗係坐樓下啦，相對少人d～去瑞記，當然要食瑞髀啦！太耐冇去，佢哋好似轉咗menu，冇咗我食開嘅瑞髀配金磚⋯⋯唯有揀瑞髀配奄列餐啦。朋友就照舊揀佢嘅至愛西多士餐。瑞士雞髀配奄列瑞髀，水準一流，最緊要係keep到～ 雞髀冇雪味，雞肉軟滑，瑞士汁都係咁正，唔會有苦味。不過份奄列就比較老...... lee四粒🌟係俾隻瑞髀嘅 跟餐我揀咗凍奶茶，不過不失咁啦。西多士西多士炸到外脆內軟，淋上蜜糖，搽上牛油，一流原來出咗新飲品，好似中環嗰間都冇啵🤔可惜發現得遲，如果唔係，今次應該會試下 人均三十幾就解決咗brunch，抵食吖！

來吃早餐已經有一段時間，特別喜歡這裡早晨套餐中的牛油多士。越來越覺得可能由於生意太好，伙計的服務態度和食品也越來越差。今天早上點了一個早晨套餐F，吃五香肉丁公仔麵，送上枱的時候已經差不多「摔」在枱上，湯汁四射！吃的時候發現濃烈的漂水味，換來一碗也差不多。最後只好勉強吃完！心理確實有點不舒服，在考慮還會再來嗎？

下午去公司樓下間茶記食照燒豬柳拼越式春卷飯。個豬柳切開食。入口好有咬勁。個豬扒汁好鮮甜，混入白飯好食。個餐有小棠菜。一搬好食。個春卷好細件。因無越式醬汁食唔出有越式味。杯熱奶茶好香濃。

其實已經嚟過瑞士咖啡室幾次，次次都係獨沽一味食咖哩牛脷飯，今次都唔例外，叫返個，順便影張相做profile pic，始終要襯返個名嘛，有個心願，要食盡全港有的牛脷料理，並記錄落嚟，製成牛脷美食地圖，哈哈，好大的想頭。講返呢個咖喱牛脷飯，牛脷切成條狀，易入口，不用再切，並且煮得較硬一點，啱我喜晒咬落有質感的牛脷fans，雖然影相得3條，但其實係我放上飯面影張相，諗住一路食一路數下，點知一投入牛脷嘅世界，就忘了，應該大約有10條的。而咖哩中加入大量洋蔥，好正。如果唔食洋蔥嘅就要三思喇。仲有一樣緊要嘢，食咖哩一定要配飯，對我嚟講，啲飯仲要夠熱，呢度唔錯，下午茶時段啲飯仲咁熱，難得，應記錄在案。我開工做到咁上下，下午茶時段嚟，即係2點後，仲要平左5蚊，份量不變，依舊加埋杯平衡大食罪惡感嘅熱檸茶，抵。又食飽，開工去也。

哩間好似之前有唔少媒體都報導過 但原來公司附近都有一間 lunch時間都多人 不過等位唔洗好耐 裝修好有特色 懷舊冰室feel瑞士雞翼撈公仔麵 HKD43由於好鐘意食雞翼加公仔面 加埋瑞士汁簡直一流 簡單但好好味 啲瑞士汁係另上 所以可以根據個人喜好落幾多 公仔麵唔會好林 同埋份量都多 仲有兩隻全翼 因為附近茶記都差唔多咁嘅價錢 所以都算合理 見到餐牌仲有好多唔同選擇 下次都會試下

之前食過覺得幾好食,所以今日帶左個新同事一齊去食.平時呢到LUNCH TIME 排晒長龍GA,好彩我地早到.咁我就叫左個瑞士公仔麵,火腿奄列多士常餐好鍾意食佢個雞翼,好入味,