瑞士㗎啡室 (已結業)

好食過旁邊那間餐廳很多，量足，奶茶又好飲。不會出現貨不對版問題，不明同一款餐質量也可以相差這麼遠 。食過幾次，每次都覺得十分之抵食。瑞士汁雞翅十分入味，每次食見到旁邊人點的餐，就想下次試下。

好多女仔都知道想買衫，可以行荔枝角香工，星期六都開，夠行大半日，但要醫肚唔好以為附近無咩好食，我今次介紹一間必食瑞士汁雞亦的餐廳。 食左好多年e間餐廳，見好多人會哎常餐，有2隻好入味的瑞士汁雞全亦！仲有多士炒蛋同一碗麵，不過我就覺得個麵的湯底好淡。所以近期我鍾意會哎瑞士汁雞亦xo醬炒公仔麵，個公仔麵夠哂入味！唔鍾意食瑞士汁的，椒鹽豬扒飯係我另一推介。這個餐室有2層，上下層都係它，特別欣賞它仲保留住好懷舊的卡位同環境佈置，值得一來。

出去見客關係我想食個快午餐，附近有瑞士咖啡室超人氣茶記，因為一個人關係，唔洗等位。呢間分店有兩層，但係坐位唔舒服，都幾迫點咗瑞士常餐B ，有火腿奄列、厚多士、公仔面⋯⋯呢度嘅熱奶茶、瑞士雞脾太出名，係指定菜式，當然要食啦。熱奶茶，有水準，香濃厚滑。瑞士汁嘅味道都濃，雞脾肉厚，大隻而且肉夠滑。總括來講呢度啲嘢食都好味同上菜速度好快，不過因為晏晝好多人，阿姐有種趕你走嘅感覺，所以唔適宜坐低傾好耐計，快餐來講算唔錯。

一般只在早餐出現的我最鐘意去瑞士 因為佢快靚正. 上野快 味道又不錯 有上下2 層位置多. 鐘意飲佢可力夠濃 。 但是想講某上員工的態度確實有点..... 香港人壓力太大 早餐時段就已經咁樣.事原：張枱有一個餐 麥皮奶多奶茶 。我指住話要le 個 轉熱可力。 佢好大聲話 le 度好多野wo 我心想 咁係一個餐 咁係唔係唔可以要哂😒 冇啦啦俾人大聲話。 跟住佢復述相片的東西. 問係唔係奶茶 . 我一早就講左要可力. 跟本冇聽客人講野. 一早俾人不禮貌對待. 只是某些員工， 其他都做野好快好好人的.

今日喺附近聚會完，11點幾未食早餐又唔太肚餓，想起哩間茶餐廳早餐去到12點截，就走咗過嚟諗住食個簡單早餐🍴瑞士咖啡室係我最鍾意嘅茶餐廳之一，以前响中環返工都會去食㗎，荔枝角店嘅食物雖然有點不一樣，但係都有返咁上下水準。佢嘅港式熱奶茶真係冇得彈👍🏻，茶奶濃度調配適中，自從換咗熱飮高杯，份量多咗仲抵飲👍🏻，平時呢個鐘數嚟到菠蘿油已經賣晒，今日竟然仲有就梗係要叫啦，菠蘿包大大個皮脆內軟，熱辣辣新鮮出爐，加上鮮牛油，好味👍🏻👍🏻👍🏻 （坦白講，唔係每一次嚟到都係新鮮出爐㗎，睇你好唔好彩啦😆😂）

兩點鐘在這裡下午茶，門口真的不顯眼，走到地牢，好彩找到一個卡位。下午茶的選擇很多，聞說這裡的瑞士雞翼好食，今次就沒有點，留侍下次！點了瑞士牛河 ($40)，很快就送來，上枱即聞到鑊氣十足，炒得好好味！再配以這個辣椒醬，更惹味！另外又點了中式牛柳飯 ($39)，同樣有水準，牛柳配著洋蔥和菠蘿，煮得味道剛好！奶茶，有水準！食到2:50，地牢這層差不多要收巿了，樓面阿姐就叫我們埋單先！順帶一提，洗手間(女厠有兩格) 還算乾淨！

今日黎到食雞翼公仔麵呢度啲雞翼係全翼嚟㗎瑞士汁嘅味道都挺濃 而公仔麵亦都唔會乾爭爭 另外我叫咗茶走味道相當唔錯茶味濃同埋夠奶 建議中午時間一定多人需要排隊 不過呢度個地方都算大有兩層

來香港工業大廈行街，行左兩三小時後，少不免要來個下午茶，就在奇華餅家的路上，行下行下就見到不少茶餐廳都關門了，就只有瑞士咖啡室仍然人氣超旺，推滿了人。認識瑞士咖啡室Swiss Cafe也可算係由位於中環利源西街的店開始，以前還在中環上班的時候，巳經是其瑞士雞翅的粉絲，熱奶茶、瑞士雞翼公仔面更是指定菜品。其實他家也像翠華餐廳一般，連鎖式經營，在香港四處也有分店。店內是70年代老香港茶室裝修格調，部分菜品也是老香港茶室的代表作，紅豆冰、西多士、菠蘿包、奶茶等都是陪伴我們長大的主要食糧。而我們坐下來翻看一下下午茶餐單，選擇眾多，包粉面飯也有，最後點了：瑞士雞亦下午茶餐兩只雞全亦，另外可選擇配薯條、沙律或奄列，甚至改成三隻雞亦既套餐都得，非常flexible除了豬扒還有魚柳，可選擇配薯條或沙律茶餐又点能夠少左凍奶茶或凍檸茶？對！香港就係熱得好似個火爐一樣，不能不喝凍飲。

今早返工去咗-荔枝角瑞士咖啡室-食早餐，點了傳統早餐A,有火腿通粉，牛油多士+火腿煎旦+熱檸茶，埋單$29，抵食👍🏻而且樣樣都熱騰騰，在商業區要食一份早晨全餐都要$3x，瑞士餐廳算不錯了。

LCK 放lunch 時間實在太多人啦，呢間都係我平時呢頭番工既選擇，食物質素相當唔錯同埋今日我遲左放lunch 大概1點半先去到所以去到就即刻有位，平時12~1點都起碼要等15min. 今日我就叫左個佢地推既午餐 which is 係咖哩牛肉片飯但唔知點解黎到就變左curry牛腩飯😅 anyway 我唔係咁計較既but 個牛腩實在太多肥膏，肉太小，口感真係麻麻地 有d 硬，睇黎下之黎食都係食番瑞士汁公仔面穩陣d

其實佢真係好貼心㗎瑞士汁炒河真係 一流嘅名菜可惜我唔食牛肉就問佢我有咩可以揀佢竟然有排骨同肉片今次我揀咗排骨食咗之後就覺得好幸福佢夠鑊氣雖然炒河真係十分之高卡食物但係偶爾一次亦無妨以前佢有葡汁焗飯雖然而家都有但係淨係素食希望佢有葡汁 大蝦焗飯就正啦今次我表姐叫咗個 紅酒汁焗牛脷飯其實佢嘅所謂紅酒汁就咁喺啲飯上面淋啲紅酒跟住上面都係用番茄汁焗我覺得佢不如慳返啲紅酒好過因為唔好食但係茄汁加牛脷就好好味牛脷好淋服務係唔錯㗎

一睇間餐廳名就知呢道出名食瑞士雞翼。今日同同事lunch hour出去食，好快有位，因為呢度有D似澳牛，所有野都好快。叫左個瑞士雞翼常餐，$48 但好豐富。有2隻全翼，一碗粉，厚多士，火腿奄列同一杯飲品。瑞士雞翼個汁好味但唔夠淋。羅宋湯底唔夠酸但夠多菜，通粉普通。

早幾日去食飯晏晝，由於我三個同事，早少少過去食飯12:20所以都冇乜人好容易搵位，我地坐左張4人台，我叫咗個粟米肉粒飯，好快就嚟咗個飯同野飲，食咗幾啖飯開始多人，然之後侍應不停係你側邊行嚟行去望下你，由於我食飯食得比較快，唔使10分鐘已經食晒食飯但杯嘢飲仲未飲，佢已經即刻收起你個碟，仲有個同事過多兩三分鐘到食完個飯都係差野飲未飲，另外兩位同事就食得比較慢，然之後個侍應竟然走埋嚟同我地講，係咪讓一半位俾佢哋，我望一望個鐘原來都只係15分鐘。我心諗要人食得咁急讓返張台出嚟，不如寫明唔可以食多超過15分鐘啊

之前係呢頭返工既～ 今日約左幾個舊同事食lunch 就揀左瑞士呢間😂😂 我最鐘意就係食呢到既瑞士雞翼 味道濃 再加上公仔麵 一流～ 個瑞士汁好正 同埋雞翼係全翼黎 所以份量都ok

話說我由細到大一直都好鍾意食雞翼，試過好多種味道同整法，但唔係間間好食，由其係雞全翼出面餐廳都好少有！但竟然比我搵到呢間瑞士咖啡廳，一入到起發現佢係比較少有既兩層冰室，睇下周圍既人食咩，見好多人食就即刻叫左呢個瑞士雞翼撈公仔麵，+錢仲可以換一丁仲包杯野飲，性價比高