瑞士㗎啡室 (已結業)

聽講瑞士咖啡店係荔枝角gei代表作,梗係要去啦~~佢呢度最出名就係炸雞脾,不過作為草系生物,我覺得雞脾對我而言太heavy所以最後我都係選擇了,常餐~~不過唔好因為咁而失望,因為常餐佢都係好食,最好食係片多士,烘到剛剛好脆又唔會失去本身麵包gei軟熟感佢最好gei係幫你搞點好D牛油 唔使自己再慢慢搽,味道都更加香,麵包索牛油味都索得更加透我叫左雪菜肉絲通粉,原來都幾大兜下~雪菜整得唔錯,唔會太咸,肉絲厚度適中,食到口感唔會覺得好少,不過可惜gei係我覺得油左D...我自己幾鐘意佢個庵列煎到好薄,但每一口依然食到火腿絲,咁食就唔會一咬D火腿絲就跌曬出黎~~飲品我選擇了鴛鴦,佢D鴛鴦好滑,好香唔會苦,有次我叫左鴛鴦茶走,仲滑!大家有機會真係要try try!唔食飯唔安樂gei朋友就叫左個例飯(對唔住我忘記名字),不過呢幾塊豬肉真係好吸引,我o係隔離都睇到流曬口水,D汁仲調配到鹹中帶甜,唔怪得我朋友秒殺呢個飯.希望下次我會同胃口少+肉食性朋友去,咁就可以食到個雞脾啦~~

今天工作要去荔枝角，平時好少機會來，難得來到這個工廠區，一定有好多美食，所以同拍檔做完野，就決定搵個地方休息下，又順便食個下午茶來補充一下體力，上網一查就發現了這間瑞士咖啡室。間咖啡室係工廠大廈，好容易搵到，坐低後就叫左個瑞士雞翼加薯條，另外就係瑞士牛河，瑞士雞翼整得好入味，骨同肉都好易分開，容易食，薯條係粗薯條，炸得好香又夠脆，配埋茄汁食一流。瑞士牛河幾特別，平時牛河係用老抽來炒，但這裏牛河就用瑞士汁來炒，所以食落就會有少少甜，河粉炒得唔油，河粉加瑞士汁估唔到都幾夾，以後食牛河又可以多一個選擇

茶餐廳大家都食得多，好食既茶餐廳真係無幾多間，諗住求其食個早餐行左入呢間瑞士架啡室，叫左個好求其既早餐。不過味道一啲都唔求其！🉐喂，啲師奶阿姐都係果啲無表情既樣招呼你架啦，不過點解啲野食會咁好味架？😱個廚房個師傅一定吳彥祖咁靚仔，唔係啲野食點會咁好味？🤯黑白奶茶☕️咁香滑！喂，唔係啲阿姐著完啲絲襪拎黎沖架？最驚喜係個牛肉包，啲牛肉嫩口🐂架！仲要彈牙！想點呀？同啲阿姐形成一個極強烈同振陷既對比呀！😩個肉丁麵🍜完全係OK架，仲大大舊，足料。唔講咁多，想試下啲阿姐🧟‍♂️新鮮絲襪👯‍♀️沖既奶茶同爽口彈牙既阿姐，唔係，係牛肉包，你入去一邊咬住個包，一邊欣賞啲阿姐勤力地招呼人客，就知真定假☺️🥜

叫了半小時都不送外賣，來到全是冷的，打去店問職員出了外賣沒有，態度極差，食物質素不好，👎🏻，面是發脹的，沒牙都可以吃，熱飲變暖飲，還裝不滿一杯，絕不會再到此店

這個toast不簡單今朝收工同師父喺機場食左個飽lunch, 原本已喪失食tea戰鬥力嘅我, 撞啱朋友喺附近, 人食我又食都嗌埋一份.無揀到中式Tea T6芝士蛋沙律多士 （$23）嘩！塊toast比平時超市買到嘅麵包厚好多, 每邊都烘到脆脆金黃. 鋪上片裝芝士, 用剛烘好嘅餘熱熔一熔, 夾埋蛋沙律li個combination, 滑mayo撈烚蛋碎, 半熔芝士, 外層脆卜卜, 簡單配搭已經好滿足, 健康唔heavy.凍檸茶小甜小冰其實睇唔出水冰同正常冰嘅分別, 係個茶味好香！

明明講好左黎食瑞士常餐(因為有2隻好入味既瑞士雞全翼)，點知最好見人食乾炒牛河，自己又忍唔住叫埋一份，不過見餐牌有隻叫非一般乾炒牛河，就問下有咩唔同，原來係辣炒，所以就決定試下同事就叫左雪菜肉絲炆米，仲有呢到必飲菜走，因為用黑白奶沖之餘，茶底好香濃到兩碟野一上枱，真係好大碟，即刻試下佢有幾咁非一般，一試，的確比唔係辣炒惹味，亦唔會太辣亦唔會太油，好怕炒野食完成口油，下次都會再返叫但另一碟炒米就相對失色，好淡，冇咩味咁

作為一個荔枝角返工既ol,無食過依間瑞士咖啡室就太可惜！ 最欣賞佢既美式早餐，牛角包餐。酥脆的外皮，入面勁軟。Ol黎講都夠食，因為塊雞扒都好大件！ 正！雞扒有點乾，但勝有在夠酥脆

荔枝角地鐵站附近有好多餐廳, 總有一兩間喺左近. 今日陪媽媽級朋友參加一個playgroup, 短短一小時是意想不到的intensive, 陪bb玩也耗了很多精力呢！走進一間有閣樓和地庫兩層的瑞士㗎啡室, 只因充滿懷舊港式茶餐廳的裝修吸引了, 經典卡位坐得幾舒服(木櫈特色), menu選擇有點眼花繚亂, 還是吃個下午茶補返剛剛消耗的體力兼hea一hea. T17瑞士雞翼 (全翼3隻) (HKD33) 港式茶餐廳名物>瑞士雞翼：落單後不一會便送上, 果然非常港式, 夠趕：是大大隻雞·全·翼！沒有水汪汪的油在碟上, 反而整隻雞翼都滲滿瑞士汁. 識食一定用手吃, 由雞翼尖「損」到啖啖肉雞翼, 微甜超入味, 雞肉輕輕一口立即離骨, 一個字「嫩」. 紫薯奶 (跟餐加 HKD0) 熱鮮奶控+紫薯控報到. 濃郁紫薯香味, 有好幾粒糼細紫薯粒蓋住, 正好解答了是否使用真紫薯來調製這問題, 溫度剛好不燙口, 跟餐仲要無extra收$添！順帶一題下午茶真係好抵食呢

今朝早去到瑞士叫左個F餐 咁個餐係有 五香肉丁麵 五香肉丁都多架 好開心 因為我都好想食五香肉丁 個麵都幾彈牙架 我覺得真係唔錯幾好食架 之後我叫左杯凍檸檬茶 都正常呀 下次可以試埋佢第二D早餐

呢間野每況愈下，係荔枝角工作短短一年，初時覺得呢間野唔錯，環境乾淨舒適，食物質素唔錯，尤其係京都骨飯，當時一食難忘，之後因為發現左同區有唔少好野食，所以輾轉冇黎一排，之後再黎食京都骨飯，食左兩啖嚇死，好難食，所以最後忍唔住轉左第二樣，自從呢次之後唔係好敢黎食，直至今日... 諗住整個波籬油下午茶，心諗波籬油好難會唔好食，只要波籬包正正常常就ok，我有D趕時間所以買外賣，但等左10分鐘仲未有，望兩望原來收銀唔記得入單，然後好快整好拎上去公司即食，點知失望到核爆!!! 凍冰冰完全冇叮過，竟然仲用個微波爐盒裝住真係夠晒環保，食左一啖已經好難頂，個包估計擺兩日或以上，質地好唔軟熟好乾，簡單黎講係包還包牛油還牛油，可以講食左幾十年波籬油都未試過食唔到落去，最後食左一半掉左，真係好難食，我諗我唔會再幫襯，希望將來會有改善，好無奈!

點解叫佢閃電荼餐廳？我地去食午餐，坐底就叫左佢地雞翼常餐跟通粉，一分鐘就所有野到哂🤩但上得快，係咪又好食呢？🧐🧐首先試左個牛油多士配火腿奄列，多士好脆，牛油都有落重料，幾好🤪。火腿奄列上到時暖暖地，無咩特別。😏羅宋湯湯底係無寫係菜單，但是免費轉。唯獨覺得個味有啲怪同淡口，得洋蔥既味道，通粉都唔係好突出🤨。雞翼就真係主打，色水夠，味道都好夠瑞士汁，肉就偏乾，整體好好食。😗奇怪既係，個薑蜜茶我覺得先係成餐精髓所在🤩🤩😍，好濃既薑味，但又唔會因為薑味重要辣口，溝埋蜜糖又唔係好甜，十分之推介呢杯飲品😍埋單係$48，同同區差不多價錢，不過質素係above average 😛

係荔枝角打工咁耐, 終於去試下荔枝角好出名既瑞士雞翼啦因為平時都好多人, 今日早左放lunch 就決定衝去試下雖然早左10分鐘去, 但因為生意太好, 去到都已經滿哂座2個人都要等大概5-10分鐘先有位係等既時侯已經諗好左要食常餐A$48有火腿奄列, 牛油多士, 一碗正常SIZE既湯麵, 自已就簡左米粉, 同埋一碟有2隻既瑞士雞翼 (全翼)仲送餐飲, 黎到梗係要試下都好出名既凍奶茶凍奶茶味道很好 甜度適中, 喜歡少少既茶既澀味奶既份量都剛剛好茶餐廳效率果然夠快,好快已經上左火腿奄列, 牛油多士,牛油多士正常 不過不失火腿奄列份量都算大, 放係湯到一齊食~ 不錯不錯然後就到左重點既瑞士雞翼 ,好好好好味~ 瑞士汁無得輸 都幾入味 絕對推薦!係荔枝角試左咁多間餐廳黎講 真係算好好,價錢正常, 等候時間不算太耐食物有水準 40幾蚊個下午餐食到咁多野性價比幾高, 絕對係荔枝角必要來試既餐廳之一

冰室環境懷舊 ，裝飾別緻， 分上下兩層，更添情懷。瑞士雞髀和吉列魚柳配金磚， 雞髀汁好好好味，魚柳炸到啱啱好，再呢個筋肉奶茶， 真係冇得輸，味到冇得頂，雖然有點fat fat fat, 但偶然放縱一下都係樂事。最後我都要買一杯樣子勁大隻筋肉奶茶外賣留念。環境同食物一樣值得推介俾朋友。

每星期都總會有一至兩日去LEE度食，地方都算大，環境尚算OK，只係好多時冷氣會唔多夠，冬天就問題不大嘅！講到食咩好，每日佢都有唔同嘅午餐，最啱唔鐘意諗食乜嘅我，A~D隨便就叫到一個，唔洗煩去諗食咩好，而我自己就最鐘意食佢嘅茶餐，有我最鐘意嘅午香肉丁，除咗我鐘意嘅肉丁之外，佢仲有好多嘢揀架，餐肉／腸仔／沙爹牛肉… 配米粉／通粉／公仔麵都得，湯底除咗清湯之外又可以轉羅宋湯底，真係幾好，另有仲配咗牛油多士及火腿炒蛋，話好好食又唔講得，但係工業區搵到個地方舒舒服服，又有人安排坐位，都算唔差啦！點解茶餐廳都忍唔住寫食評，係因為佢LEE杯”脆爆華田”囉，加＄6架，試咗又真係好好味，華田味夠濃之外，面頭嘅＂脆爆＂真係好正，係飲都嘅脆，講慳架！

抵玩指數（最高為3x）瑞士咖啡室最出名的當然是瑞士汁。今天，一時興起，所以就探訪在公司附近的瑞士咖啡室。在港式的冰室，我最喜歡食的當然是港式的全日早餐，簡稱常餐。奄列，多士，瑞士汁雞肶，絲襪奶茶，就是瑞士咖啡室常餐的方程式。冰室出品的奄利當然不會怎樣輸，瑞士雞肶的肉質也不會過老，汁有小小偏咸，但配上香滑的絲襪奶茶作整個體驗的完結，真的是剛剛好。味道可以，價錢不便，環境可以，上菜速度快，都算值得一試的體驗。