班蘭葉印尼餐廳

營業中

休息中

我同老公今日放假去銅鑼灣覓食，我地行經哩哩條在銅鑼灣好出名多印尼野既街，已經俾哩間餐廳店外既印尼特尼小食吸引住，小編帶了一包七彩繽紛既蝦肉回家都只是$15。店內佈置環境都充滿印尼風味，我留在落單時留意到職員也是印尼人🇮🇩。我睇餐牌好多各式各類不同印尼美食。食物方面，我地叫左雜菜燒半雞飯（$88）、印尼四大天王飯（$78）、珍多冰（$28）、牛油果沙冰🥑🍨（$48），合共$242（全單免收加一服務費），平均人均消費$121。雜菜燒半雞飯，燒雞燒得十分脆又乾身。印尼四大天王飯內有牛腩、類似海南雞、沙甸魚同印尼醬汁雜菜，十分特別。珍多冰同牛油果沙冰🥑🍨都十分有水準，牛油果沙冰直頭滿滿的😋極力推薦給牛油果控🥑的你，絕對係必飲推薦。份量適中，服務十分好，還有很多不同既印尼套餐，這次食印尼菜有一個好似去左印尼旅遊既體驗咁推薦大家可以嚟試下

印尼姐姐嚟唔到香港，唔緊要！因為銅鑼灣呢度有印尼人坐鎮，可以食到正宗印尼菜呀！識開大路菜，好少食印尼菜，當然係一個吸引力之處。餐廳環境入邊都有一啲綠色嘅植物裝飾，上邊吊咗啲竹嘅燈，感覺都有啲似去咗峇里架！桂皮箭葉果蜜$28飲落清清地，好似幾潤喉既感覺！柑桔青瓜冰$28上面佈滿左鮮青瓜絲，有一份草青既感覺，將下面既糖水撈勻後，就有少少柑桔香。印尼小食拼盤$88咁抵嘅價錢就可以食到五款印尼小食，實在係十分優惠，而且份量都好多，三四個人瞓都可以！炸秋葵： 脆口外皮，包著飽滿既秋葵，正！炸豆腐： 漿薄，入面軟！柚子蜜香雞翼：外面乾身燒得惹味！連骨頭都入味：）黃豆餅：食落去嘅口感幾特別，有啲似芋頭，有啲粉同埋黏，幾特別！咬咗一啖之後，你會見到一粒粒軟林林嘅黃豆！炸雞： 啖啖肉，冇骨，食起嚟非常方便，而且用咗印尼香料醃製，惹味！巴東牛肉飯$58我諗大家去印尼嘅話，都一定會食過呢一個飯，有啲飛機餐都有得食添！用椰漿、肉桂、八角、荳蔻同其他香料等去炆牛肉。燉煮時候長，醬汁特別香。而且醬汁夠厚杰，可以透徹地包裹住每一塊牛肉。牛肉炆到夠曬火喉，軟爛入味，香濃且帶有花生醬味咁，辣度就適中，岩好多人口味！燒雞

今晚去銅鑼灣食飯，黎食有風味既印尼菜。一坐低已經聞到好香既香料味晚餐價錢大約係80-100左右。羊肉風味串燒：串燒肉質好，食落唔鞋口。帶住濃濃既炭燒焦香與沙嗲醬好match調味令人忍唔住一口接一口牛仔骨飯：牛仔骨醃得好入味，個辣醬有勁度，好惹味。唯一希望白飯可以硬身少少就更加好。一場黎到叫咗呢度幾出名既雞肉花膠湯粉皮。粉皮原來係腸粉，口感既得意。個湯底好香雞湯味。個雞肉肉質結實，重點好有雞味。入面有原塊花膠可以補充骨膠原～椰青真係好清甜，好有夏天清涼既快感兩個人食咗$300左右，係銅鑼灣都okay

糖街呢邊都有幾間印尼菜，見呢間openrice評價最多就簡左呢間食。入店位置唔算多，入口位都有點迫，入到去掃code落單。💟印尼四大天王(入面有雞、巴東牛肉、沙旬魚同加多加多)，乜都有d，咩都可以試下。四樣入面雞整得最出色，有雞味，肉質都唔錯。而沙旬魚就係平時食既罐頭沙旬魚味道。d醬汁送飯都幾惹味。另外男朋友要左個💟黃薑炸原條魚雜錦飯入面有茄子、炸豆腐同芋頭。成條魚原條上，賣相都好吸引好有風味咁。不過d飯係偏淋身，我地本身比較中意食硬身既飯。💟香茅可樂一個杯入面有香矛，再另外比罐可樂，自行倒入去，飲既時候，完全飲唔到有香茅味道，同普通可樂一樣。幾欣賞d碟同食物既擺位賣相，好有風味。味道我諗都幾正宗，當日都見到唔少印尼姐姐係到食野。

平時坐巴士經過銅鑼灣百德新街個邊，都會發現呢個間印尼小店，店前放左各色各樣獨立包裝食物，一直以為係專賣印度零食的鋪頭。但原來前面係賣零食後面係一間小餐廳。見到個價錢都合理，所以就入去一試！-香茅椰糖薑蜜-箭葉果混桔蜜本身想叫賣相好吸引嘅沙冰，但係好似作感冒，就想叫左熱飲。好驚喜地，呢到有得叫舒緩感冒的特色熱飲，唔甜，仲要飲落好暖好舒服。-燒雞三色飯個賣相好特別，有3色小山飯堆，係薑黃飯，椰汁飯，班蘭飯。雖然睇落好似好少飯咁，但2個食岩岩好。個燒雞燒到好脆再加上少少辣，食落好嘢味。-虎蝦花膠湯配米粉有花膠一定要叫黎try try 。真心估唔到花膠好大一塊，仲3隻蝦！！好抵食-牛肉沙嗲（三串）個沙嗲汁一流，加埋牛肉燒少少焦，食完好想叫多碟。

都唔知幾時有得去旅行，我平時都好鍾意去東南亞，因為夠平又夠重口味。好多東南亞菜都食過晒，但印尼野又真係唔係度度都有，所以今次就黎呢間有勁多好評嘅印尼餐廳食吓原來佢呢度唔止係餐廳，門口仲擺賣咗好多印尼小食，好想可以掃晒佢黎食!餐牌十分之好，因為每款食物都有圖，方便我呢啲唔太熟悉印尼菜嘅人。我同朋友咩都想試，所以就叫咗個烤雞三色飯，同埋炒貴刁，仲叫咗個串燒，一杯野飲同埋甜品呢個主食十分之打卡-able! 色彩繽紛嘅飯唔係得個樣，係真係有唔同味道，所以就咁食飯都覺得好夠味。個烤雞係超級超級好食，外皮脆之餘，仲有好香濃嘅調味，但香料味唔會過重，所以香港人都好接受倒!炒貴刁係餐廳嘅必食推介，佢有陣幾特別嘅味，似係食緊好食嘅印尼撈麵，再香好多同健康好多。佢亦有加咗唔少炸蔥，令成碟炒麵更加開胃，好快就食晒成碟lu牛肉沙嗲嘅肉都大大舊，個沙嗲醬係有好多花生碎，唔會好咸，我點滿晒成舊肉咁食，十分滋味班蘭沙冰同上海刨冰都起咗個好重要嘅作用，就係解辣!我好鍾意佢啲野好大杯，所以食完成餐飯都唔會頸渴，仲有飲剩少少，食完慢慢飲回吓氣～好開心香港有啲咁有特色嘅小店，希望店家繼續努力帶美食俾香港人～

平時經過完全無留意原來有間餐廳,今次都係因為舊同事先知,佢帶我到呢邊食飯!午飯時間都偏多人,要等一陣,都幾多印尼姐姐幫襯,所以都覺得正宗印尼炒飯唔會太乾,串燒有咬口又唔會乾身,炒飯又唔會油立立!唔錯滑雞班蘭飯飯帶有班蘭椰香,軟熟微甜雞肉似海南雞!好滑,有彈性!好大碟,份量多於一個女仔可以share食,超飽馬拉盞通菜呢個比較辣,我唔太食到同偏咸,不過好大碟其實整體係水準之作,份量又多推比附近返工人士!

同同事放工去銅鑼灣睇基路仔，睇完向附近見到間門口好多小食，糕點既印尼餐廳，初初係比門口食品吸引過去，之見到餐牌。。價錢合理，向銅鑼灣區應該都算平🤔🤔所以就決定試下佢，入到去環境都有特色。我哋兩個人叫左兩樣野同飲品，都食唔曬，男仔應該夠飽。黑糯米特飲。椰汁味重，糯米煙韌。。香茅椰糖薑蜜。有驚喜，唔太甜，順口唔辣，有潤喉既感覺左邊係燒雞班蘭尖塔飯，由於我唔食辣冇點佢個汁，雞身係甜甜地，幾入味，生菜包住嚟食好fresh。。。右邊係三重芝士炸碎雞撈麵。。我竟然唔記得印尼撈麵係辣既🤦🏻‍♀️🤦🏻‍♀️，但估唔到wo,有驚喜雖然有啲辣，但都食到，加埋芝士中和返好惹味，正

呢間位於銅鑼灣嘅斑斕葉印度餐廳雖然睇落唔太顯眼，但食物質素都幾有驚喜。而且夜晚七點左右去到居然滿座到要等幾個字先有位，人潮洶湧。巴東班蘭尖塔飯賣相非常之宏偉，粒粒分明嘅飯配上班蘭嘅香味非常夾。牛肉嘅肉質鮮嫩，醬汁亦都好香濃，撈飯一流。燒雞花膠湯粉皮燒雞好大舊，分量十足，而且雞肉亦都好滑。花膠湯就比較清淡，粉皮都有一定嘅份量，夠厚實。羊肉沙嗲串燒羊肉好爽口彈牙，沙嗲汁好濃郁，無論係賣相定係味道都一流。斑蘭沙冰｜印尼咖啡涼粉冰值得一試！

📌從來都冇食過印尼菜，朋友話要去試下🤗去到先知，原來銅鑼灣糖街呢邊有好多好地道嘅🇮🇩印尼餐廳，幾有特色，第一次食完全冇idea😂🔸印尼小食拼盤 $88有炸秋葵，炸雞，燒雞翼，炸豆腐同埋黃豆餅。炸物嘅炸粉有落咗少少椒鹽，食落少少鹹香，唔錯😛炸雞最好味，香脆冇骨啖啖肉，好juice, 正😍燒雞翼肉質都幾滑，炸秋葵好清新，而黃豆餅口感好奇怪，炸豆腐就偏油酸酸地，呢兩樣唔啱食😂🔸巴東牛肉花膠湯粉皮 $68巴東牛肉喺印尼係好出名的，牛肉好淋好入味，味道幾好😋而個花膠湯粉皮，個湯好足料，好有雞湯味，花膠有兩大塊，吸收曬湯嘅精華🤩粉皮入口好滑溜，飲完個湯完全唔口渴，讚😛👍🏻🔸雞肉沙嗲3串 $48雞肉嫩滑，沙嗲醬係靈魂所在，花生味濃帶微辣，幾好🔸青檸梳打 $28解渴一流😍😍💫餐廳鋪位細細間，都幾乾淨，係逼咗少少，當日冇book位，等左15分鐘左右，呢到係落單俾咗錢先上菜嘅，食物整體好大份，味道唔錯，幾抵食😋呢間餐廳門口仲有賣下d印尼小食，好多人幫襯🤗

🥩燒牛仔骨花膠粉皮 💵88🍀🍀🍀🍀🍀🍀🍀🍀🍀🍀首先湯底無我想像中杰，但個味有重重既花膠味，有2塊大花膠同埋好多粉皮，粉皮整到勁似腸粉既樣😆而牛仔骨煮得勁腍同埋好入味，個汁鹹鹹帶少少🤏🏻辣味～🍗燒雞班蘭尖塔飯 💵98🍀🍀🍀🍀🍀🍀🍀🍀🍀🍀好可愛既尖塔飯，第一次食班蘭飯，有眼前一亮既感覺！個飯有班蘭味同時有油香味，食落口感軟熟🤩平時我唔會食咁多飯，今次竟然食唔停🤣而燒雞超大隻，配埋個汁，好野味，個汁就甜甜地、酸酸辣辣、帶有啲苦澀味，但係燒雞既肉質就有啲鞋🤫🍢牛丸沙嗲三串 💵48🍀🍀🍀🍀🍀🍀🍀🍀🍀 夢寐以求嘅Bakso ，即係牛丸串🍢，話說我一個好鍾意既YouTuber 係印尼人，佢介紹Bakso好好食😋果然無令我失望，本身已經用醬汁去燒過再比客人沾沙嗲醬食，沙嗲汁有另一種風味，唔似平時香港人食既味，入面有檸檬葉味，亦有啲似香茅味，我同朋友偏向唔沾沙嗲醬食🤣🤣🍢雞肉沙嗲三串 💵48🍀🍀🍀🍀🍀🍀🍀🍀🍀 雞肉肉質勁嫩滑🤤本身已經用醬汁去燒過，個醬汁帶有甜味，唔使配沙嗲醬醬食都好食👍🏻🍹椰汁冰 💵38🍀🍀🍀🍀🍀🍀🍀🍀🍀🍀👏🏻超級大杯同埋勁重椰子味，因為係沙冰關係，好快就溶，令到個味道變淡左～🥑牛油果

今日同朋友喺銅鑼灣行街，見到有間賣印尼小食嘅店，小食嘅種類多同埋價錢平，所以停低睇一睇，望真啲原來係一間主打印尼美食嘅餐廳，剛好同朋友都未食晚餐，所以就坐低試試。餐廳由印尼人主理，餐單菜式有特色，可以俾食客食到傳統印尼風味，我朋友叫咗燒雞班蘭尖塔飯、三重芝士炸碎雞撈麵、香茅椰糖薑蜜同黑糯米特飲。燒雞班蘭尖塔飯，整體賣相好吸引，燒雞塗上甜甜的醬汁，單食都好惹味，旁邊仲有個以洋蔥、辣椒、魚露、青檸等調製而成的醬汁，點埋個醬汁就更開胃！侍應仲好貼心咁附上手套，我同朋友用生菜包住班蘭飯同燒雞，再點醬汁，食落好清新同滋味！三重芝士炸碎雞撈麵，呢個撈麵就係大家熟悉嘅印尼撈麵，配上邪惡嘅三重芝士同炸到好脆身的炸雞，完全係重口味之選！餐廳仲有提供好多不同嘅特色飲品，香茅椰糖薑蜜適合怕凍體質人士飲用，而黑糯米特飲用左椰汁、黑糯米、椰糖漿調配而成，飲落好飲又解辣！

銅鑼灣鬧市原來都有非常之地道嘅印尼菜舖頭有印尼姐姐打理， 門口擺咗好多印尼小食同埋印尼糕點。我買咗幾舊千層糕返屋企食 都幾好食口感煙韌唔會太甜有淡淡嘅椰漿味推薦除此之外我仲坐低咗食嘢 叫咗兩個主食兩杯飲品同一串串燒。原條魚花膠湯粉皮88蚊性價比非常高，條魚好大條，魚皮炸到脆咯咯，裏面啲肉仲係非常嫩滑。花膠有兩大塊，好厚身。滋補之選。印尼四大天王飯78蚊四大天王飯有雞肉，巴東牛肉等等。好抵食！食肉獸必點！雞肉沙爹三串四十八蚊 雞肉串燒嘅雞肉燒得剛好, 啲肉仲好juicy嫩滑，面頭有少少焦脆。加埋個沙爹醬，高質推介！牛油果沙冰48蚊有少少似牛油果味嘅豆漿，好creamy箭葉果混桔蜜 28蚊我最推薦嘅一款飲品！ 好開胃，甜甜地，有啲似柑桔，但係又比柑桔多咗一陣特別嘅味道。

回歸無飯家庭既生活，平日最多係西餐/日本菜，所以間唔中食下東南亞野中和下，有日放工前search下附近有咩印尼餐廳，見斑蘭葉印尼美食幾多好評，就試下啦😆講下兩個人食左咩啦💁🏽‍♀️➿ 印尼小食拼盤 ($88)次次食親泰國菜十次都有八次都會叫小食拼盤，因為咩都有，試到多d野😝 今次黎到印尼餐廳，都係揀左拼盤，因為有幾款小食幾少見！我地會形容呢個小食拼盤好fusion，有港式既味道(i.e. 炸豆腐、烤柚子雞翼)，都有日式既味道(i.e. 炸秋葵，是秋葵天婦羅無誤，哈哈) 而淨低既兩款小食就係重印尼特色既，炸碎雞炸漿碎而不散，好香脆啊！而炸黃豆餅既質感就有芋頭糕既質感，食到粒粒完整黃豆喺入面～➿ 印尼四大天王 ($78 + $15)又係唔洗點諗既選擇，哈哈😆 四大天王有巴東牛肉、酸辣倉魚、斑蘭雞、沙嗲醬通菜，巴東牛肉炆得好入味，而通菜上既沙嗲醬好香花生啊，仲有少少鮮味，幾特別🙂 班蘭控一定要轉配班蘭飯啊，第一次食到真係有班蘭味既飯，表示滾動～➿ 燒雞花膠湯粉皮 ($88)燒雞肉質唔乾柴，味道都唔錯👍🏽 而最有驚喜既係花膠湯，湯頭既厚度一飲落去就知道有幾真材實料，又有螺片，「好膠質」，真心超高

餐廳主打印尼美食，門外仲有售賣印尼小食添。價錢親民，而且QR code落單，食物款式花多眼亂，睇左好耐就揀到食咩，因為心大心細好多野想食。晚市7點半左右到，已經full哂，邊食都邊keep住有食客入。叫左燒雞椰漿飯($88)，燒牛仔骨花膠湯粉皮($78)，芝士炸碎雞($48)，雜錦冰，珍多冰。椰漿飯混有魚仔、香茅，睇落d飯白色，但原來係帶辣，一開頭唔辣，但之後辣味就出現，唔鍾意食辣既朋友，可以叫薑黃飯/班蘭飯，顏色仲鮮艷靚添。燒雞外皮脆，半飯雞有雞髀有雞翼部位，肉嫩，咬落有汁唔乾，讚。伴碟仲有炸豆腐、青瓜片、蕃茄，仲有辣醬。驚食到骯髒，可以問侍應拎手套添。尼到既花膠湯粉皮必叫，花膠湯超濃郁，花膠既份量亦唔少，飲完個嘴黏黏地，充滿骨膠原。粉皮滑嘟嘟，食幾件已經好有飽足感。燒牛仔骨有3件，每件都塗上蜜糖燒製，甜絲絲，肉唔會好un。炸雞估唔到有驚喜，外皮炸到好脆，係脆卜卜既口感。d肉完全唔乾亦唔鞋口，放耐左先食，一樣熱辣辣，如果芝士熱溶就更perfect。飲品種類有好多，熱飲都有好多特別整少見款，選擇亦好有彈性。珍多冰好重椰奶味，少甜剛剛好，綠色既係椰子味軟條。而雜錦冰就揀左走甜，2者相比確