珍苑麵家 (已結業)

我住了上水區都有廿十年左右，此舖在新勤街時候我都經常去光顧的，另我回味無窮就是牛腩麵同鹵水雞翼，牛腩的味道和咀嚼時的爽口，鹵水雞翼完全入味之餘肉質還有彈性，還記憶常在，說真上水真是沒有其它麵檔好吃，可能是我徧見，早幾日前我同屋企人經過馬會道見到此處有一間名珍苑麵家，我問屋企人此間是不是以前那間，她們說是，那就去試下先，因之前屋企人都想去試，但新開張時經常要等位所以没有去，剛好今天不用等位，我們三人行，我當然叫了牛腩麵吃，我姐就叫了鹵水雞翼麵，我二姐就叫了水餃麵，當我第一啖喝了湯就覺得味道不同，是偏鹹，麵就徧硬，牛腩就欠缺以前的味道和比較硬身一点，鹵水雞翼就可以接受，水餃就有水準，後來得知，此間舖不是以前的檔主開，是他弟弟開的，希望他可以做到當年的水準出來。

珍苑係出名的牛腩麵店，從遠古開始已經係。由以前舊舖就出名賣晒收檔，而家搬咗嚟近馬會道，依然唔駛開夜晚都有賺，堅地面數台客，地方清潔舒服沿用牆身菜牌，枱高頭就睇到除咗出名牛腩外，冬菇雲吞都係必食推介!!冬菇厚身有口感，菇味同蠔油味都齊，單係冬菇以經叫人回味再回味。。。雲吞一粒正正係一啖份量，蝦同肉比例剛好，大地魚味明顯係有，非常足料。$39一個雙併麵，看似有D貴，但雲吞冬菇各4粒，加上味道一流，食過都知食品質素超班。PS 通菜雖只係配角，但時令+烚得剛好+調配得宜微辣腐乳汁，都係冇得輸後續 - 食晒個油菜先發現碗碟係襯一set，可見得經營者心機同投資不少

有日經過此處才發現珍苑重開，之前有舊街坊說它們會重新開業，心諗正呀又可以食番此間舖的風味，另我兹味無窮就是牛腩麵同那隻鹵水雞亦，不過食完此間珍苑後好似去咗老番店的感覺，牛腩味道和口感已經不同，雞亦還可以接受，但最難食就是雲吞，完全無口感之餘， 啲蝦好似腐屍的感覺，食完此次我也不會有第二次去光顧。

自由配搭！吃完不會感覺口喝的麵食！雞翼軟滑，牛肚夠腍，豬手軟硬適中！至愛配搭：雞翼豬手撈，牛肚雞翼米。因好味，所以有時候要排隊等位。店主開兩層，通常等一陣便有位！空間不大，要接受搭枱，加上座位狹窄，不宜帶行李或購物完畢的顧客。

雖然早已離開上水這地方，但不時也會回味珍苑麵家的鹵水雞翼，聽到重業的消息我真的頗高興，這…亦是珍苑重業後我第二次到訪。單拼湯麵$32元，雙拼加$7元，雖然賬面不貴，但觀其份量後卻感不太划算，期望麵量可增多。其實來過很多次，但每次我也是吃鹵水雞翼，風雨不改，這次亦是鹵水雞翼河多蔥加腩汁。其利害之處是鹵水汁相當香甜，香濃而不膩，也不會過份濃郁，雞翼鹵得入味，但肉質依然嫩滑而沒有老掉。湯底加了少許腩汁，更為惹味，河粉吃了、湯也喝掉一大半。備註: 1. 雞翼縮小了; 2. 份量偏小，男女也好，基本上吃掉這$32元的麵食仍然不飽 

自從重遇珍苑正店後，都心思思想再次光顧，但上次試過水準仍未及得上舊舖，所以都刻意等多幾個月先重臨。可能是平日下午的關係，今次無須坐閣樓。繼上次試過牛肚麵，今次改要另一名物雲吞粗麵。一如舊派處理手法，麵在上而雲吞墊底。麵條選用粗麵，希望多點嚼口，但淥得實在太腍，欠了彈性。湯底亦偏甜，可能是羅漢果太重手。雲吞包得結實，一口一粒，蝦肉亦算彈牙。整體而言不過不失，但比起上次更差，不過還是比起不少麵店出色，期待有改進。

自從上年珍苑結業後，上水就似乎只有林德記有水準，所謂新珍苑可以話係呃飯食，食到一半已經想掟筷子。事隔多月，竟然在上水另一角發現同名招牌，心中已經存疑，會不會學上次一樣中招 ?係門口足足企了近5分鐘，見店內人頭湧湧，但又見不到相熟的店員，但反正有點肚餓，還是算了吧，一試無妨。原來店內有閣樓，地方比樓下還闊落。望望餐牌，是舊站款式，即時點了牛肚粗麵。牛肚一食就知是舊店風味，夠淋又入味，麵底偏淋，而且有少許鹼水味，呷一口湯底，有點淡，但已經有當年七成水準。老闆過來打招呼，原來是太子爺同新上路，自立門戶。說過意見，祝生意蒸蒸日上。

上次試完牛腩，今次試埋另一樣出產名物，鹵水雞翼河粉，先講講雞翼，有兩隻雞翼，一隻雞腿兩隻雞翼尖，份量合理，而且鹵得非常入味又不帶肥膩，河粉正常，煮得適中軟硬度，值得再食過，今次同樣叫外賣，可能冇咁多人關係，所以速度非常快，讚!

珍苑開返梗係要去試下，之前平日唸住去食，點之仲未開門，今次經過開左一定要食，今次叫左個牛腩麵外賣，唔係係咪太多人等位，佢地忙住招呼入座，我望住我碗麵已經整好放左係到，但冇人包比我，要等到前面十個客人入哂坐先比我，不過服務員態度都有禮，雖然碗麵返到屋企係溫暖囉……幸好碗麵味道不差未至於失望，牛腩好入味，而且有少少玫瑰露味係片薑，麵冇皂水味，所以如果唔計等麵，係幾好食

又被飛機！本計劃去尖沙咀食個豐富 lunch 再睇場好戲，逛陣街再去食個無敵浪漫 dinner，依家邊度都唔洗去，慳返！返上水是但食，食飽返屋企，食飽正好眠！牛丸牛肚伊麵走蔥，今次好好味，滿分！只係條客串既白菜有點削囉，又硬又澀又完全無菜甜味，只係裝飾來的嗎？特濃味柱侯金錢肚，香甜爽爽爽。巨形牛丸好大粒哦，我都係緊緊塞得入口乍。估唔到咁高質，爽滑而且牛味濃郁，全滿肉汁，juicy juicy juicy！湯底清甜而香濃，雖不是熱到出煙，但夠熱！伊麵好嚥韌保留蛋香，撈上大量辣椒渣，掛著大量湯汁齊齊瀡入口，不定啜啜𡁻𡁻停不了！好味道！

發現珍苑重開喎，仲要係屋企對面，搬近左，正呀！今日有空黎試試，剛好有位唔洗等，Lucky！舊嗰間賣左比人改名新珍苑，始祖珍苑另覓新舖重開！依個故事似層相識，十足大埔鹿鳴居。menu 跟以前大同小異，價錢有所上調。新舖乾淨光猛，較舊舖舒適，但無左露天摺枱位，多左樓上閣樓雅座。望咩望啫，未見過人食兩碗咩？大驚小怪！牛筋腩撈粗走蔥、雞翼河走蔥，剛好夠飽，一次過試四樣野，慳時間麻。雞翼河走蔥，我都話走蔥咯，揀死我咩，仲要灑咁多。滷水雞翼味道正！滷水清香不濁，雞肉嫩滑 juicy，雞皮富彈性，浸煮時間剛剛好，無霉肉、無腍劈劈、無搾乾肉汁。河粉屬硬朗形跟林德記質感一樣，連嗰股布味都一樣，是否同一間河粉供應商呢？我鍾意食烚耐一點，質地棉滑而不散，掛湯力又好既河粉。白菜難得爽甜，意外驚喜！辣椒油不變都係潤志出品，香到不得了，又夠辣。一大羹辣椒渣剛好送到一碗河粉。飲得太多辣椒油，額頭颷晒汗，頭髪都濕晒呢！好 High，哈哈！先 knockout 碗河粉，跟住到撈麵。享應相機食後，珍惜食物！牛筋腩撈粗走蔥，我要牛筋腩喎，等一舊仔硬筋，no good！牛腩極濃柱侯味道，鬆化但大部份係瘦肉偏乾鞋，未夠軟棉滑溜

知道珍苑在馬會道重開，今日就相約同事們來食碗麵試試味道與舊店有沒有分別。我點了豬手撈麵，比想像中大碟。一碟撈麵會跟一碗湯，可以點撈麵一起食的。一大碟撈麵上，有六、七件豬手，份量都算多。豬手不算太肥嫰，以鹵水汁醃制，十分入味及軟嫰，味道不錯。麵可以選擇幼麵或粗麵，我今次選了幼麵，份量充足，爽口。撈麵本身都附上一些鹵水汁，幼麵沾上少許鹵水汁都很夠味又不會太咸。新鋪環境比舊鋪顯然潔淨了很多，給人舒適的感覺。

自從知道珍苑結業，非常失望。上星期見原址開了「新珍苑」，一試之下，火都嚟，非常難吃，後來得知是外人頂來做的，所以完全做不出原來味道。後來，朋友告訴我馬會道符興街開了「珍苑」，是舊舖店主的細佬開的，已試過，有90%還原味道。今天，特意來試，雞翼及水餃麵若如初見，頗受感動。肥大油滑的雞翼、蝦鮮肉嫰的水餃、親切如鄰的招待，讓我看到了強大的誠意。祝福在這城市奮鬥的人們。💪🏻💪🏻🎉

對我來說，上水這珍苑麵家就是伴著我成長的其中一家老牌小店，在上水區也薄有名氣。搬遷前位於石湖墟垃圾站旁，位置不太理想; 現遷往兩街之隔的馬會道大街，感覺比以前還好了一點呢。在得悉珍苑近來重開的消息後，今天我也終於能夠擠出一點時間專程回到上水一嚐失去已久的味道。每一次來到珍苑也必然會點雞翼麵，因為這裡的鹵水雞翼真的很出色。鹵水汁香甜美味，每隻雞翼/雞槌也能均勻地染上鹵水汁的顏色，而且經鹵水醃製後的雞翼/雞槌仍然能保持極度鮮嫩，肉質非常幼細，配合那秘製鹵水汁，真的不能自拔。而它的湯底非常清甜，令整個雞翼麵生色了不少。