珍苑麵家 (已結業)

聽朋友介紹，話這間的豬手和雞翼好好味，今日就叫🐼外賣試吓👇🏽滷水雞翼飯$61雞翼好入味，一盒有兩隻全翼，切開3折方便食，甜甜哋好好味，白飯撈埋啲滷水汁，正😋豬手+牛肚河粉$58湯和粉分開上，個湯好香唔味精，豬手一睇到啲色水就知正，好淋好入味，牛肚唔un 仲有成3大件👍🏻可以喺屋企食到有質素的滷水食物，真係好爽👏🏼

星期日路過上這個麵家，見到有幾個人在麵店門口等外買，我見舖入面有位，立即登記就入咗去啦，叫了3碗，雲吞麵，牛楠米，牛肚河，全部都好好味，尤其雲吞面，面質一流，下次要試吓豬手撈麵，因為見到個叔叔食到啫啫聲，唔知係唔係好味啦！

唔係原居民, 遠遠都會入嚟食的粉麵店🥰食物/環境都好好. 老闆娘健談🥰講起雲吞, 這店係手切豬肉來做. 現在好少見👍而麵無鹼水味, 都要睇師父經驗梳麵.老闆娘分享咗麵無鹼水味嘅知識給我聽🥰感受到老闆娘/師父對食物嘅品質都有要求和熱誠, 係經營一間店嘅靈魂.食客同消費者會感受到🥰😋👍邊個好似我咁, 特登走入嚟上水食碗麵就走人😂

珍苑麵家在上水開業超過40年，被譽為上水最好食的麵鋪。而我對這小店的印象，就是小時候外公叫我拿保溫壺買外賣開始，食足三代。麵店舊址在小巷內，2005年才在現址重開，至今幫襯人潮從未間斷。門口擺了兩棟玻璃樽可樂，再配陶瓷磚，充滿舊店味道。雞翼雲吞河 $44單拼$36，雙拼$44。通常我會選雙拼，食多個餸開心。除了招牌水餃，滷水雞翼也是推介。滷水汁超入味，雞翼肉質仍舊嫩滑、一點也不鞋口。 雲吞也不錯，大小剛好，也足料。個人口味，麵更爽口彈牙，比河粉更好吃。記得加腩汁! 腩汁香濃中帶點甜，配麵更好。餐廳資料：珍苑麵家地址: 上水馬會道148號B舖電話: 26727832

<<Daily 豬仔尋食記🐖>>由細個同爸爸食到大嘅珍苑麵家，以前開喺警宿叔隔離，而家喺石湖墟診所隔一條街。我自己住個頭，如果有朋友入嚟，都真係會想介紹佢哋黎呢到試下呢度啲牛筋牛腩，係味真係咁好味吖，定係我食慣左 或者係我見識少🤣🤣先覺得咁正！而呢到依然仲係咁有人情味，見到老闆都係有份熟悉嘅感覺，每次都同我地打招呼，又唔介意我坐耐小小等人。而家成日同男朋友嚟食，差唔多每星期一次，好似上咗癮咁。🤪⭐️⭐️🤭一直都好鍾意食佢嘅撈麵同撈粗。因為自己唔係咁鍾意湯麵，而男友就中意食佢嘅河粉，不過唔講得笑，河粉真係好搶手，晏啲去都可能賣曬，聽講老細每日都新鮮入貨，因為河粉唔留得！但係佢哋好入味嘅牛筋真係好出色，因為佢真係鹵得好深色，應該用左好長時間炆煮，同埋小小偏甜，唔會死咸味，好惹味。食落口牛筋又林又有咬口，以前覺得牛筋好核突，而家一試愛上。加埋佢嘅雲吞包住好大隻蝦，真係食都唔厭。我哋每次食麵都一定要嗌碟菜，自己就最鍾意食腐乳通菜。但係一到唔係當造嘅時候呢，就會食老細推薦嘅本地菜心苗！真係又嫩又甜又好味，而蠔油芥蘭都好正，又脆口！有冇多啲人話我知，究竟我係食慣咗先覺得

上次嚟珍苑食過超好味嘅牛腩牛肚，今日嚟想試吓新嘢，於是叫咗碗廚師推介嘅醬燒豬軟骨米粉再加雲吞。原本諗住會係食開豬軟骨嘅嗰仲調味，點知原來佢係細細個 嘅時候，阿媽用嚟煲豬骨粥嗰種燒豬骨嘅味道！🤤🤤🤤 食落肉質鮮甜，仲要有陣淡淡嘅炭燒香味，軟骨唔算太淋，但係可以完全咬碎。雲吞用料新鮮，紮實有咬口，加埋少少鎮江醋，啖啖鮮味 😋 碟芥蘭雖然係全走，但係啲菜超甜超好味；米粉爽滑，如果唔怕食得濃味啲，記得加腩汁 ！

細細個嗰時外公外婆住上水，記得如果佢哋唔想食飯嗰日，就會話去珍苑買碗雲吞麵食。事隔幾十年，最近一次係上水搵良心小店，竟然比我重遇珍苑！🤩🤩聽聞原來已經第三代經營，不過轉過舖位。雖然地方唔大，但好光猛、好乾淨企理。我嗰日攞住一袋二袋，一入到去，收銀姨姨就好貼心咁攞張凳仔俾我放低啲嘢 🥰🥰我係牛魔王😈 叫咗碗牛腩牛肚米，足料到嚇咗一跳！腩汁好有水準，食到好耐冇食過嘅傳統腩汁香，牛腩偏瘦（我鍾意）但夠淋、冇渣，牛肚彈口唔韌，兩樣都好入味，米粉好爽口，成個配搭超正😋😋下次再入上水必吃小店 ！

📍 珍苑麵家 (上水)上水馬會道148號B舖呢間有接近超過四十年歷史嘅上水老字號麵店🍜聽fd講係北區無人唔識🤤甚至被譽為最好食嘅麵店👍🏻咁就梗係要去試下啦❤️牛腩河 $37呢個係麵店最多人叫嘅野食🙈 個日五點幾去到 好彩剩返最後一個河粉✌🏻每一舊牛腩都肥瘦啱啱好 炇得好淋 亦非常入味 真係好正🤤而河粉都好薄 亦唔會好容易斷😆 而且湯底非常濃🥣 好味到忍唔住飲曬d湯😝非常非常推介大家試下！牛腩雲吞伊麵 $48呢碗伊麵都好正💕湯底同上面嗰碗一樣 伊麵都幾有咬口 不過就相對地會比較油膩 而雲吞皮薄餡靚🥟好足料 蝦同肉比較啱啱好 好爽口🥰豬軟骨米線 $37呢碗相對低遜色少少🤭湯底唔算好濃豬軟骨都唔夠入味 比較推介大家試上面個兩款🤔整體黎講 笑唔停覺得呢度嘅食物非常高水準🥰值得一提嘅係 佢嘅環境都好唔錯 坐位亦都唔會逼夾 衛生情況比起一般麵店好好多 真係好值得去試下🤤好味指數👅：9/10性價比💸：10/10打卡呃like指數📸：6/10 罪惡感🐷：7/10回頭率👀：10/10

一日一黃店 上水老字號黃麵店呢日去左上水 發現大半藥房都執左笠行行下望到呢間 就入左去試門口有文宣 免費口罩 有表態走果時收銀姐姐見我望緊文宣主動勁好笑容咁 派文宣 貼紙俾我 仲叫我拎免費口罩（曾經被指為藍絲 但蘋果有出新聞幫佢平反）.講講評價呢日叫左⭐️牛肚麵 ⭐️牛筋河$37🤔上水區$37 同旺角區$25比有小貴👍🏻但係呢間真心高質 特別係個牛腩湯😋明顯偏深色 好濃 河粉一放入去就吸哂味配料牛肚 牛筋有近8舊 唔錯👍🏻牛筋有明顯食到果皮香粉麵軟硬 適中最最重要係 衛生情況喺潮州麵家方面真係勁乾淨 枱冇癡粒粒四十幾年老字號都保持到.#珍苑麵家 (上水)地址：上水馬會道148號B舖.⭐️評分：味道：4.5/5環境：5/5 勁乾淨服務：4/5抵食：3/5

為食妹喺中學時代好鍾意去呢間港式粉麵店，但係咁多年來珍苑都非常有個性的，鍾意開就開唔開就唔開永遠都唔通知一聲，雖然有時都會被鬧爆，但第二日街坊又會繼續幫襯。自從佢轉左去新鋪，由二代去繼續經營，開門既日子較規律，雖然地方冇咁就腳，懷念這種味道的時候都會再去幫襯。好鍾意佢哋個湯底，大地魚味非常濃郁，次次小妹都會飲晒，而不口乾回味無窮，雖然而家新鋪湯頭比較淡但係都好味。第二回味就係佢地嘅辣椒油，不過依家已經轉用獨立包，唔係自家製嘅辣椒油啦。先食佢嘅雞全翼，滷水汁香雞肉嫩滑，唔會有雪味，維持一貫水準。再黎係食個雲吞，蝦肉肥肉豬油渣比例剛好，唔使大大粒好似乒乓波咁，一口一啖，啖啖回味。如果水餃拼雲吞嘅話係有成八粒（4+4）咁多，唔會似其他店雙拼少兩粒非常抵食。佢嘅水餃同埋豬手魚蛋都係非常有水準，胃口有限所以下次再嚟幫襯啦，良友仔有空可以過嚟一試。小妹唔食牛，但朋友話牛腩牛筋牛丸米粉係佢嘅糧尾之選哈哈，價格相宜又好味嘅良痁

北區黃店系列💛不嬲都有買開佢嘅雲吞或者水餃外賣返屋企打邊爐，知道係有質素嘅。今日就直接坐低去食碗麵叫左一碗牛腩河同一碗雲吞麵，份量唔算太多，做下午茶就啱啱好啦。先講個牛腩河，係傳統嘅廣東風格--柱候牛腩，湯色較濃較深，味道帶甜，有別於潮式牛腩，而個河粉又薄又滑、又唔易爛，好食😋另外雲吞麵既湯底清甜但偏油，帶著大地魚既香，配埋清新既韮黃係最經典既配搭。而生麵既麵質爽口彈牙，雲吞細細粒但係好足料 好多蝦，麻雀雖小五臟俱全。再落埋好香口既辣椒油係完美嘅配搭！驚喜嘅係佢有提供支裝可樂仲有自家製既飲品架！

珍苑由我讀幼稚園開始，媽咪已經帶我去食，雖然中間成10幾年我搬左無食過～但佢搬左新鋪開始～我又搬返來啦～🤩呢一年我再食返～同細個個陣食個記憶好似唔同左，好似仲好食左咁～佢碗麵好味到係會令你有條癮心郁郁返去食～配支可樂，正到不得了～有時我會加埋通菜～其實我係超鐘意佢個麵底，「彈牙爽口」！幼麵加腩汁就算無餸都滿足🤤第二就係鍾意佢個牛腩（牛筋好淋）第三就係佢碗魚蛋～（唔同車仔麵既魚蛋）由於差唔多每星期捉埋男朋友來食一次～佢就鍾意珍苑既～牛丸同雲吞佢個味係其他地方食唔到！仲有既係成間鋪員工都齊心～特別老闆好用心對客，親力親為，態度親切友善～而家好少食店～野食好味，職員態度好兩者兼備～我非常推薦大家來上水必食！

偶然會經過上水一定會食既麵—珍苑麵家 ，佢地招牌豬手撈粗，入味牛肚雞翼，定一碗細蓉，都絕對唔會失望。鍾意食麵既我，要搵到有少少鹼水味麵而又唔擔湯頭真係好難搵，珍苑係少有做得咁好既麵家。今日我叫左牛肚腩牛肚麵，麵質依舊爽口彈牙，麵條半帶晶瑩剔透，麵身令滑。牛腩入味，不散。牛肚亦係 入味軟淋👍🏻湯頭清甜，唔洗加醋或辣椒油。除左佢係本土低調黃店外，老闆伙記都好友善，亦都支持本地農業，假如你食得到可叫一碟本地通菜。佢亦都有自家製檸檬薏米水$15 👍🏻👍🏻

因為工事，一早來到上水。工作完畢，當然要搵間好野食下。細心揀選下，來到珍苑麵家。是日星期六，店主準時10:30開門。我哋叫左新菜式：咖哩牛腩撈伊麵（原本跟飯，我們要求加錢轉伊麵）、 豬手冬菇撈伊麵、腐乳通菜、檸檬薏米水及可樂。大大碟伊麵，麵質煙韌。咖哩味道香濃辣度適中，牛腩入味唔會韌或有渣。咖哩入面有啲一粒粒的炸薯仔🥔豬手是皮多肉少個種，正👍🏻，冬菇爽滑入味，加上充滿膠質十足的豬手，真係好味到舔舔脷，配埋香辣辣椒油👏🏻👏🏻👏🏻通菜青綠，薏米水都好好味😋有檸檬味🍋又唔會太甜，入面仲見到有少量檸檬皮及薏米，保正真材實料👍🏻。店員及店主服務極佳，好好招呼。而且非常清潔衛生，連調味料的瓶瓶蓋蓋都抹得好乾淨👍🏻廚師對食物配搭及品質非常認真用心🏆原本昨天工事被人屈，好唔開心。但今天來到珍苑麵家，食完成個人開心返晒😁如果5粒星是滿分💯，咁就要俾夠10粒星佢。經過上水的朋友，一定要去試試。

真係好耐好耐無食過好食地道麵店，見到早前被平反之後，走去支持下。40多年經營得來不易，老街坊應該會比較熟悉，店舖企理，有點踏實嘅感覺🤔———————————————————————————🍜雞翼撈粗🐔💬坦白講，撈麵都係會揀粗麵，因為容易掛汁，雞翼係全翼，而且很入味，果然是人氣推薦，絕對無介紹錯喎！😌.🍜豬手撈粗🐽💬豬手好腍有4件，好抵食，連埋碗韮黃蝦子湯伴麵，真係好滋味、好滿足🤤