珍苑麵家 (已結業)

聞說呢間位於上水嘅珍苑麵家好出名，呢日入嚟探朋友，順便試吓先。.中午十二點半，已經幾乎坐滿全場，有啲客人係一家大細嚟食。.我叫咗一碗$36嘅牛腩面。賣相非常吸引，牛腩半肥瘦，炆得夠耐，口感軟腍亦夠晒入味，腩汁亦好濃。.啲麵亦都煮得啱啱好，口感適中，毫無鹼水味。.以呢個質素來講價錢合理，性價比高，值得回頭。.環境方面，店舖光猛，而且環境乾淨，衛生情況喺潮州麵家來講算係非常好。.店員醒目，做嘢爽手，有禮貌。

趁假期,緊係出街食個lunch先呢間野,如果唔係假期都好難食到點解？因為佢收6點-7點囉😂平日既6點，我可能岩岩收工所以都只可以假期去食算係上水食肆名店之一豬手麵 $37呢度既名物濃郁既湯底夾脆既豬手（唔好諗住佢會勁淋）配梘水麵，簡直一流美中不足係，份量唔算太大好快就肚餓雞翼牛肚麵 $44因為雙拼，所以價錢貴少少同豬手麵同一個湯頭超濃郁，基本上係見唔到底牛肚忟到勁淋雞翼係滷水雞翼黎，滷得岩岩好唔會硬可樂$8度度都有既可樂，點解要講因為佢係樽裝懷舊既味道🥤感既價錢黎講真係算抵食又樂味，唔少北區人假期必食如果入黎上水，都建議可以一試👍🏻

呢間 店舖之前喺舊墟另一個位置開咗好耐 之後停咗 幾年另覓地址再開，係上水既老店，我媽最鍾意食呢度嘅鹵水雞翼面， 好入味， 我最鍾意食爽口既粗麵。 雲吞 同水餃都係招牌貨， 樓上仲有位置坐。 人多時可能要搭枱。

早年走到珍苑舊址, 發現店名改了. 珍苑沒有了嗎？失望離去... 近日路經過馬會道發現它. 正猶豫是同名嗎？ 正好老闆走出店外, 是他！😃 我也逃不過他呢 😄 很有久別重逢的感覺. 店鋪比以前大和舒適, 裝潢簡潔. 這天所見不少熟客.由於相隔太久,彷彿要把店全吃下肚的點了摰愛雞翼、水餃豬手麵和平衡身（心）理的油菜😅水餃餡料和味道跟以前差不多, 唯獨餃皮有點不同, 以往的皮比較軟滑. 原來, 餃皮供應商改了.但, 雞翼味道依然. 鼓油香、味道恰到好處、煮得剛好, 滑滑的肉~🥰 還有, 體積可觀呢~多謝老闆的堅持！

上水長大的一代。無人不識的麵家。珍苑麵家最出名是牛。以前總是叫父母帶出石湖墟因以前交通不方便。本人特別喜愛雲舌牛粗。但到近十年因上水加租加劇。令本身位置不能不搬。真令人概嘆。婉惜。

同朋友星期六見面吹水，佢提議去珍苑食麵。雖然我住附近，但係都好少來。我鐘意食牛腩，就試下佢d手勢。其實我食麵都幾著重個湯，佢就做出水準，惹味而唔係味精湯既感覺，食完都唔會有口乾之感。牛腩就有小小根，滑滑地好入口。麵底又夠爽口彈牙，煮既時間剛好。 鐘意食麵既朋友可以一試。

同朋友喺上水泳池游完水，餓到死咁周圍搵嘢食，住喺上水嘅朋友就即刻推介左呢間珍苑麵家，話係上水老字號！入到去見到個裝修好新，一啲都唔老！叫左碗水餃牛筋撈粗麵。水餃爽口肉味濃，食得出係自家製的！牛筋充滿花椒八角香味，加上滷得十分入味，好正！上水難得傳統小店，值得推介！

珍苑之前搬鋪冇開一排，我一直搵一間可以取代佢既鋪頭，但係搵激都搵唔到同佢一樣好食既粉麵鋪。因為珍苑既味道可以講係獨一無二，幫親開既街坊都對佢好有感情。好彩佢依家開返先可以再食到佢既味道，因為真係冇一間可以代替佢！珍苑一定要食水餃同雞翼，水餃好爽好好味，雞翼係熟度同味道又適中，個湯底就係個精髓，真係好難形容，重要加埋個辣油，真係絕配。有陣時有d野要冇左先會珍惜，好似珍苑一樣都係冇左再重來既感覺真係好開心，又可以重回”珍”味。

探過老朋友，一個人找吃的。滷水雞翼，激似小人小時候吃的豉油雞，豐味得不得了，這兒的滷水雞翼竟可媲美！雞皮充滿豉油的香，雞肉軟滑，香滑鮮美，兩三下子已吮剩骨頭，即使要吮骨的仍是啖啖雞肉，實在不夠喉，後來小人還追加了一碟滷水雞全翼，方能滿足雞癮，絕對佳品！回說湯麵，有菜有蔥……優勝之處是有不少的蔥，蔥的辣香加入湯裏已令人迷醉；麵亦不俗，爽彈有致，但卻太少；不然小人不用另外加餸。滷水雞翼是復刻版的活化，小人必再回頭！

珍苑聽左好多年，老豆都推薦左好多年，但細個舊墟太遠無去，到搬左出馬會道都一直因爲街市太就腳無去。直到有時同男友兩個人周圍搵野食先第一次幫襯。鹵水雞翼我真係夠膽講係全上水最好食，全翼，入味，夠淋，但又唔會梅！貢丸，鮮味，多汁，有咬口！麵，彈牙好味！湯，夠清！老闆，師傅，姐姐都好nice！地方又乾淨企理！自此之後就算同屋企人都成日去幫襯！次次都想試新野，但又唔捨得放棄貢丸！（孤寒鬼唔叫雙併😂😂😂）下次如果再試到其他正野再分享！

老上水街坊應該無人未食過珍苑, 由舊鋪食到去新鋪, 味道依然咁好, 佢係少有會用豬油撈面既面家(健康人仕忍一忍啦)必食推介係佢既豬手, 牛筋, 水餃, 雞翼豬手同手筋炆得軟硬適中, 好有咬口, 非一般死炆爛炆無牙都食到個D就係個種入味而有咬口既感覺係佢既買點.另一推介水餃, 水餃餡肥肉瘦肉比例, 新鮮蝦呢D好基本唔多講啦, 要讚係佢入面個D筍絲, 我有係鋪內觀察過佢係入邊隻筍的, 但搵唔到結果,珍苑用的筍絲異常的清香, 簡直令成粒水餃畫龍點睛

又到開飯時間，路經呢間粉面檔，上網睇返食評基本上一致好評，但係食嘢好個人口味梗係要自己試吓先知道堅定流啦？未入到門口就見到個男人好熱情咁樣向我打招呼，個人感覺好似係老店嘅方式招待，幾有舊時嘅人情味，上網話呢度嘅牛腩面同雞翼味道非常好，正好我走時間係四點半左右，睇到佢啱啱出爐嘅雞翼。二話不說就要左碗牛腩麵同埋兩隻滷水雞翼。果然係老字號店，仲有支裝汽水可以買來飲。唔知大家點諗啦，今時今日我都覺得支裝汽水係最好人最有氣，識飲一定飲支裝可樂。唔使5分鐘麵同雞翼都上晒係我枱面。滷水雞翼嘅時間整得啱啱好，雞肉軟綿綿，但仲有一啲口感，衰啲講無牙都可以食到。雞翼已經入晒滷水嘅味道。牛腩面？你睇我差啲連湯都想飲埋佢就知咩事啦？一間味道唔錯嘅鋪頭，老闆夥計員工態度都好好。值得大家入嚟試下。70幾蚊有人可能會覺得好貴，但係有服務質素食物味道好。就會覺得物超所值，咁認真如果係食牛腩麵都係＄35

係呢度食既都係街坊客仔為主原本以為佢已經執左點知佢係馬會道果邊再開返真係好開心因為呢間面店真係由細食到大既我為次都會點既都係雞翼面加碟油菜仲有支維他奶其實佢都唔係好平三十幾蚊一個蚊，加加埋埋都70-80蚊不過佢味道係真係唔錯主要係個湯底入味人情味既野 其實其他野都係其次，食返個感覺才是重點

珍苑係上水老店，由細食到大，近年由細佬做話事人，進步了不少，加入不同的選擇，而且味度進步了不少，比舊店更出色，尤其在湯底上，味度依然是舊店的味，但比舊有的更加清香鮮甜，而麵質更加改良不少，比較幼細及彈牙，再次找回幾十年前的那種回憶。。。。

難得今日唔洗湊兩隻小魔B，可以同媽咪去上水揾食。早兩日篤篤下電話，見到珍苑麵家嘅食評，原來新舖係馬會道!話晒我都做過14年上水人，一次都未去過有d失威!加上舊舖未執之前，係佢嘅豬手麵KO咗我老豆隻就嚟甩又甩極都甩唔到嘅大牙，所以一定要嚟見識下!一行近門口就有個姨姨問幾多位，即刻有位可以入去，坐咗係收銀隔離細枱唔洗搭枱。舖頭長方形，一邊係麵檔，另一邊放咗幾張圓枱。全場人都勁有禮貌，感覺好親切。但媽咪話喺舊舖果陣，d人粗聲粗氣d 架!雞亦粗麵雞亦夠入味又唔會過腍，有一隻雞全亦加一隻雞鎚，不過單拼麵33蚊冇飲品，貴咗少少。水餃貢丸幼麵雙拼湯麵41蚊，有3粒水餃4粒貢丸，貢丸菇味濃，好大粒又彈牙，唔錯!幼麵一般，有少部分痴埋一住。水餃size正常，蝦肉新鮮爽口，筍有渣，味道一般湯底係有大地魚味但味精勁咗d!食完之後勁口渴!腐乳通菜寫明本地菜，係有少少老但都幾好味總括嚟講，價錢偏貴，味道唔太出衆重味精，試一次就夠!