珍一料理 (麗灣大廈) (已結業)

下班回家經過西灣河太安樓附近的珍一料理,之前爸媽在其他分店買過一次,今晚沒有煮家飯吃就自己買點小食回家解決。椒麻手撕雞飯 40元椒麻手撕雞的雞肉香滑結實，而雞皮沾上獨特製造的醬汁更有異想天開的風味，好味好好好食呀!川麻料理三拼 - 脫骨香豬肘/辣拌牛柏葉/藕片 $50$55三款川麻料理三拼,由於我選擇了一款素菜,可以減5元。微辣的醬汁放在脫骨香豬肘/辣拌牛柏葉/藕片之上,最喜歡是清脆的藕片,很新鮮有口感,配飯一流!價錢不算貴,味道不錯的川菜料理,其實一個人都可以盡興。珍一料理西灣河筲箕灣道33-55號麗灣大廈地下J1號舖

今晚要買外賣返屋企食，經過見到呢間小店做外賣，而且價錢又唔貴，見到電子屏幕上的東坡肉好吸引，仲有個大姆指，相信係店鋪既黃牌，東坡肉平時賣得好貴，呢到一個套餐先$40唔算貴，打開見到d肉都有5舊，甜甜地而且肥而不膩，入口即溶，好鬆化，見到店鋪但櫃入面有好多涼拌既款式，為食既我當然會加啦，$50一盒可以選3款，我選左四喜烤麩、辣鹵金錢肚、秘鹵豬爽肉，川麻系列味道剛剛好，唔會太麻辣又夠香，五香系列又好入味，下次可以再試其他款式

而家疫情期間唔可以返大陸食川味嘅野，好開心西灣河開咗間啱曬口味大辣小辣中辣任君選擇嘅川味料理，珍一料理。本人好鍾意食牛筋今晚買咗佢嘅牛蹄筋覺得好好味一定要介紹大家食而且份量OK，特別難忘係佢料理伴有黃豆脆脆，帶到返屋企仍然非常脆卜卜呢個我喺深圳食過好鍾意而家香港都食到啦。而家收工又唔想煮餸可以去呢度加料就不一定要去太安樓買兩餸飯了，多選擇几好！小小意見如果佢啲牛展切厚少少會好食多。總括而言都係加餸好選擇。

最近經過西灣河，周不時都見到有人買啲冷盤，今次決定試吓先。本身只係打算買冷盤，點知見到東坡肉好吸引呀！東坡肉飯 ($40)東坡肉都有足足五件，每件都好好好入味，而且好林。肥膏雖然有罪惡感，但咬落去果種肥瘦交纏既五香味再加軟林既口感正正就係東坡肉嘅精髓，所以真係正宗好食又送飯。川麻三拼: 辣鹵金錢肚 • 辣拌牛柏葉 • 麻辣豬肚條 ($55)自選三拼入面，其實仲有好多野揀例如鳳爪，蓮藕等等。我揀既幾款都醃得好入味，尤其是牛柏葉同埋金錢肚鎖住晒啲麻辣汁，唔錯。五香三拼: 牛腱 • 牛筋凍 • 豬耳 ($50)唔食得辣嘅一樣有涼拌，手腱薄切入味。牛筋凍就咬薄好似啫喱咁，但又唔會覺得肥，有小小淆肉既感覺。

珍一料理 - 川菜加餸無難度今日介紹一間位於西灣河新開的川菜店，主打多款麻辣、五香的川菜料理，主要是外賣的形式，作為午飯選擇、晚飯加餸都岩哂！東坡肉飯主食方面點了招牌的東坡肉飯，肥瘦肉梅花間竹的東坡肉，炆煮得入味腍身，百葉結索滿了醬汁。川麻料理三拼小吃點了四川麻辣的辣鹵金錢肚、秘鹵豬爽肉、川麻海帶，味道又麻又辣，伴飯一流。五香料理三拼另外也點了惹味的五香三拼，有爽口的五香豬耳、香濃的五香牛肉和十分juicy的四喜烤麩。

新開冇耐，川滬料理，只做外賣，沒有堂食。門面同冷凍櫃睇落都乾淨企理，幾衛生。✨味道77分，環境75分，服務75分。.🔸東坡肉飯($40)⭐️推介⭐️超驚喜！估唔到佢個東坡肉咁正！東坡肉肥瘦參半，肉極稔，加埋脂肪入口即溶咁。超入味，又唔會太鹹，十分香口，肥而不膩。只有四件東坡肉，旁邊有豆皮吸收汁，送飯不錯。.🔸川麻料理三拼($50)凍櫃有好多選擇，辣辣地幾惹味，辣度亦可加辣。揀左海帶，辣鹵金錢肚，爽脆豬耳絲。.🔸五香料理三拼($45)都凍食，唔食得辣可揀呢個，味道相對淡口少少。揀左雞腎，芹菜豆干，牛筋凍。牛筋凍幾特別，望落似啫喱，係牛筋連汁雪至凝固。

很久沒有吃辣，這天經過屋企附近這間麻辣小店，便進去購買幾個餸回家好好享受一番。小店的價錢非常親民，點了一個豬手飯，一個五香三拼和一個麻辣三拼。豬手飯甜甜的，還伴有一些豆皮，剛好適合配麻辣的小菜吃。麻辣選了金錢肚，牛柏葉和蓮藕。金錢肚和牛柏葉是非常掛辣汁的，但的確十分辣，吃到最後也忍不住要拿水把辣汁洗走才吃。不過實在很惹味，就算經水洗過都十分好吃。五香三拼選了雞腎，牛肉和四喜烤麩。五香味有五香味的特色，容易越吃越多。特別是四喜烤麩，雖是素菜，但味道不輸肉類 。整體感覺不錯，下次 再嘗試其他菜式！~~~~~~~~~~~~~~~~~~~~~~~~~   珍一料理 西灣河筲箕灣道33-55號麗灣大廈地下J1號舖👍🏻地點方便👍🏻價錢合理

屋企附近新開咗間😏~珍一料理~都多人光顧主要賣冷盤 有五香味 同辣味 都要熱食 選擇好多 👍😊今次叫咗個🤎五香三拼🤎$50分別選擇了 四喜烤麩 牛筋凍和牛鍵 全部味道都唔錯 四喜烤麩甜甜啲 牛鍵滷汁入味又淋 上邊仲有啲脆卜卜嘅嘢 好適合送飯牛筋凍口感幾好，少少脆脆咁另外又試咗🤎東坡肉飯 🤎$50 好多肥膏 入口即融 雖然肥但係真係好味 仲有豆皮做伴菜白飯份量超級多 根本係2人份量整體嚟講價格合理，味道又好，可以回頭😬下次想試下食麻辣野

中意食辣既我留意到西灣河開左間新既川菜外賣店😜😜今晚唔煮飯就買返屋企外賣啦。.種類超多可以自己擇😍😍我就擇左一種係川香味既三拼$50，有蓮藕片、爽脆豬耳絲、脫骨豬肘😃麻味十足，辣味岩岩好，三樣野都好惹味又份量多👍🏻。之後就試埋個三拼（五香）$45，有牛腱、四喜烤麩、牛筋凍。感覺好似返左大陸食咁正宗，五香味就比較濃味同入味，好欣賞佢可以3拼，岩晒我呢啲選擇困難嘅人食🤣🤣咩都可以食少少咁。.本來冇諗住叫飯，但係職員極力推薦，就加左個「東坡肉飯$40 」瘦肉部分細緻不柴，醬香濃郁，肥肉部分Q彈剛剛好。

終於到星期五啦！放工嚟到西灣河買下外賣🥡 見新開間珍一好似幾企理又唔貴就試下啦😎.嗌左個東玻肉飯先！仲唔到咁大碗，男仔先食得哂講真🥰東玻肉食落好入味，肥瘦適中唔會太膩，d肉亦好夠淋！另外有個配菜係豆皮咁，好中意因為十分吸汁又足滿蛋白質~ .之後分別叫左2種涼菜，一款辣一款唔辣嘅。辣嘅嗌左海帶、豬耳同豬爽肉！辣度十足呀，特別中意豬爽肉，好爽口又好撈飯👍🏻👍🏻👍🏻.另外一款係五香款，相對係唔辣但依然重口味呀！揀左土豆絲、牛肉同雞腎！牛肉入味、雞腎好有咬口💪🏻上面仲有d脆脆黃豆，口感正正🥳🥳

這珍一料理在西灣河開店沒多久，每次經過都想試一下他們的菜市，麻麻辣辣的看起來好吸引。今天終於有機會買到了！整個店面都非常整潔衛生，因為食材琳瑯滿目，我都下不定主意選哪款，店員很友善的介紹了幾款招牌菜市，果然沒有失望！.東坡肉飯 $40，肥瘦剛好，東坡肉入口即溶，配以豆腐皮繩結，送飯一流！.五香拼盤 $50（包括了土豆絲、四起烤麩、芹菜豆乾），分量不少，烤麩吸盡五香汁精華，非常juicy。土豆絲做到爽脆帶粉粉的口感，非常地道。.麻辣拼盤 $55（麻辣豬肚、麻辣豬爽肉、手撕雞木耳），吃川菜不可少麻辣菜式，麻辣豬爽肉爽口不肥膩，有別于一般部位的豬肉，可以一試。手撕雞配木耳是黃金組合，配以麻辣醬及香茜讓人讚不絕口。.⭐️性價比：4/5星💰人均：$80港元

近排路過發現，近太安樓附近有間新開嘅麻辣食品店，有辣有唔辣，有葷亦有素，本身唔係太食得辣嘅我，都揀到想食嘅，辣度可揀微辣。東坡肉 $40東坡肉入味，軟腍度適中；配有百頁結，隻碗設計唔錯，一碗過分隔飯丶餸，仲入得微波爐加熱川麻三拼 $55辣鹵金錢肚 - 最鍾意呢款，牛味濃秘鹵豬爽肉 - 偏肥爽脆豬耳絲 - 夠爽脆五香三拼 $50每揀一款素就減$5，我揀咗2葷1素，呢盒係$45 特別鍾意佢哋加咗脆脆黃豆五香牛腱 - 夠軟腍牛筋凍 - 爽口四喜烤麩 - 鹵得入味

西灣河新開左間外賣店，經過成日見有啲人係門口，今日一於試下，原來係賣啲川麻冷盤為主，仲有啲熱小菜，雖然賣既食物幾中式，但鋪面裝修得幾新式，唔會好老派feel，店面唔大，兩邊有啲餐牌show 熱葷，跟住就係一個大玻璃櫃，放住一盤盤川麻小食，可以睇完先買小食都幾多款，有辣有唔辣，可單買或自選拼盤，家中大少唔食辣，所以今次試五香三拼同川麻三拼各一份，再加個東坡肉飯五香三拼（$50）- 五香牛肉＋雞腎＋土豆絲三拼份量都唔少，肉有好多片，牛肉切得厚薄適中，唔鞋口，夠入味，雞腎中等，土豆絲夠爽脆，整體五香來講入味得來唔會好咸，食完都唔會口渴川麻三拼（$55）- 海帶＋牛柏葉＋豬耳本身唔算好辣，岩我想食辣又唔食得辣既人，如果想辣啲都可要求加辣，海帶好入味，牛柏葉難得地爽，唔會淋pat pat, 豬耳絲都好入味，好開胃東坡肉飯幾舊大大舊既東坡肉，肥瘦一層層，煮得好淋，肥膏食落好滿足，個飯仲送多幾條百葉結做配菜呢間店只做外賣，店面專登有張紙介紹佢地用既可降解飯盒，令食客買得來罪惡感都少啲呢間店都幾值得再食，性價比唔錯，尤其夏天食下涼菜更正

經過西灣河見到呢間小店，俾佢整潔嘅裝修吸引咗，好光猛佢啲嘢食擺晒出黎，任君選擇睇真啲佢嘅餐牌，原來仲有飯類可以揀宵夜時段，我哋叫咗兩個拼盤同埋一個飯煩試試佢，外賣包裝好靚仔，包得好好，唔會漏出黎五香拼盤：牛𦟌，麩皮同埋豬蹄根，好香，好啱餸啤酒麻辣拼盤（小辣）：蓮藕、金錢肚、豬耳，唔算好辣，但好香花椒味，而且好鍾意佢嘅花生，炸得好香脆東坡肉飯：驚為天人，好有驚喜，佢嘅東坡肉肥瘦好適中，咬落中層嘅豬油爆出黎，但下層嘅瘦肉中和返

今晚有人話唔返嚟食飯，得一個人，唔想煮，決定去西灣河買外賣。本來諗住去太安樓買海南雞飯，喺紅綠燈位對面見到有間叫「珍一」嘅涼拌小食外賣店。店鋪主打川滬風味大廚料理，睇咗門口嘅餐牌，有五香料理、川麻料理、王牌料理、精品套餐、涼伴套餐等等。再行入鋪內睇下玻璃櫃入面嘅餸菜， 嘩！選擇真係好豐富，有成二十幾款，樣樣都想食，一於買返去做晚餐。點咗盒東坡肉飯 ($40) 同 五香三拼 ($50)，啲東坡肉真係好正，雖然未至於入口即化，但五花腩肥瘦相間，深紅有光澤，入口肥而不膩，帶酒香與醬油甜香，用嚟送飯一流！旁邊嘅百頁結，口感亦唔錯，豆香十足。至於五香三拼就點左五香牛肉、牛筋凍同四喜烤麩，牛肉滷得好入味，食落帶點牛脂香。牛筋凍晶瑩剔透，軟軟的啫喱夾雜住煙韌的牛筋，滿滿的膠原蛋白，超級 Q 彈。烤麩用上海麵筋、雲耳、冬菇等煮成，入口鹹度適中，乾身又不油膩！