珍一料理 (麗灣大廈) (已結業)

平時都一般好少會食外賣，今日嚟到呢一間外賣嘅珍一料理，真係忍唔住要幫佢出一個好評！因為呢度嘅食物質素真係好高水準！唔好睇小簡簡單單嘅外賣，入面真係內有乾坤！可以話係媲美得到堂食嘅質素！先講一講呢間餐廳嘅環境，呢間餐廳雖然係做外賣小店，不過舖頭嘅裝修設計果然係好有心思！除咗可以有一個大玻璃見到食物嘅款式之外，呢間餐廳亦都係好乾淨簡潔！令人有一種好放心嘅感覺😌👏🏻至於食物方面，呢度嘅食物款式種類好多，我叫咗一份豬耳，夫妻肺片都係高水準之作！呢個醬汁嘅味道好好！有好濃烈嘅麻辣味道！本身都係好鍾意食麻辣同埋川味嘅辣！所以呢兩個加埋一齊，雖然食到流晒口水，不過真係會越食越滋味！😋

男朋友今日話有個驚喜俾我，帶我去食一間好好食嘅餐廳！滿心歡喜嘅我，去到呢一間餐廳門口有少少呆咗，估唔到係去一間食外賣嘅餐廳！不過男朋友話呢間餐廳好好食，所以我哋都叫咗好多款唔同嘅食物返屋企試吓🤣🤣🤣諗到川味嘅菜式，香港其實都唔算好多！其中一個我叫咗一款食物係我一食完就已經愛上！就係呢一款奇味豬手，呢一個豬手可以話係超超超好食👍🏻👍🏻😋重點推介嘅菜式！真係一個好正嘅鎮店之寶！呢個豬手嘅味道好入味，而且醬汁好香！重點嘅係呢個豬手煮得好琳！入口嘅時候已經聞到濃郁嘅醬汁味道！再加上呢個豬手嘅皮好有骨膠原，好好食！想去呢間餐廳嘅話，一定要試呢個菜式！係會令人有一種食過返尋味嘅感覺😆😆

做左成個禮拜嘢，放假嘅時候梗係要去放鬆吓，比自己個腦同埋身體休息吓先得喇！夜晚約咗朋友去飲嘢！所以今日嘅lunch就諗住食得簡單啲，去咗公司樓下嘅呢間珍一料理！我之前一直都見到呢間餐廳新開張，但係一直都冇乜機會可以食到！所以今日就同同事一齊試吓呢度嘅特色小食！！成間餐廳好乾淨！所以叫嘅時候都食得好放心！我哋叫咗好多唔同嘅菜式可以試吓！其中一個我鍾意嘅就係呢個金錢肚！本身我已經好鍾意食金錢肚！因為好鍾意金錢肚可以滲到好多醬汁入去！所以令到成個金錢肚好香！而且呢度嘅金錢肚亦都好好食！加埋呢個川味嘅風格同埋佢哋呢度特製嘅醬汁，所以令到成個金錢肚亦都特別出色！另外呢度嘅蓮藕亦都好爽口！食川味菜真係食到停唔到口，少少辣，越食越過癮！越食越滋味！

我一路食一路思考，究竟一隻手撕雞要佢撕俾我，定係要我自己體驗撕嘅過程先係一隻手撕雞呢？仲要係兩邊雞殼都俾哂我， 真係想我學手撕雞？ 定其實佢已經一分為二咁撕左一下就已經係手撕雞呢？開頭唔係好見麻子， 原來Sip哂喺骨殼中間， 係咪我唔識正宗食法？全部都係冷盤， 碗飯都唔夠熱嘅， 個麻辣Ok嘅，讚嘅係桂花烏龍 , 桂花香茶香。 可能我揀錯餸啦， 我見個個都係好評真係有啲廢解， 定係我真係唔同啲？ 放多13 隻字過埋200 字先。

川滬風味，大廚料理西灣河珍一料理🌸川麻料理三拼，🤩可選唔辣，小辣，中辣，大辣，如果需要特別辣，可以再同店員講架👍🏻1雞腎爽爽脆脆嘅口感，用來作送酒小吃就一流2四喜烤麩，味道濃郁，鹹中帶甜，好多孔嘅組織，類似海綿的特性，口感很有彈性3豬耳，口感又韌又脆，味道鮮香不膩，且富含膠質，真係食靚啲喔!!!🌸皇牌精選:東玻肉飯，肥肉入口即化，瘦肉瘦而不柴，甜而不膩，酒香撲鼻送飯一流！！！Yummy yummy 😋

《川麻料理外賣店🌶》———————————————#珍一料理 ⭐️-夏日炎炎就係想食啲凍嘢，無飯家庭嘅我哋又唔想煮，咁啱放工經過呢間外賣店，見到佢擺咗好多唔同款式嘅涼拌小食，就買咗幾盒返屋企食😚-🐽 東坡肉作為王牌料理招牌菜，果然名不虛傳，肥瘦分明，肉質鬆軟，充滿油甘脂香，啖啖肉，啱哂我哋呢啲食肉獸😆 個醬汁撈飯一流，鹹度適中💕外賣盒專登隔開餸菜醬汁同白飯，都幾貼心～-🔥 川麻三拼喺凍櫃度揀咗三款冷盤，特別吸引我哋嘅係秘鹵豬爽肉，好有咬口，而啜指雞翼尖同爽脆豬耳絲都好入味🤗-見佢原來喺香港唔同地方都開咗好多間分店，下次經過又可以再食啦😂-⭐ 參考價錢︰東坡肉王牌料理： $50川麻三拼：$55蜜桃烏龍茶：+$15🍌 抵deal 指數：8/10💰 人均消費：$60

最近發現太安樓新開咗間主打麻辣涼拌小菜嘅外賣店，見到好多人排隊買，我又跟著買咗啲涼拌菜同豬手飯食。豬手飯好抵食！40蚊仲要好大碗同好多肉，豬手煮到好腍好入味，食落充滿骨膠原，而且佢嘅外賣盒隔開咗白飯同餸，拎到返屋企都keep到熱辣辣。涼拌小食揀咗一盒辣一盒唔辣，都有幾多選擇，我揀咗藕片，烤麩，雞腎，豬耳，牛腱同金錢肚。辣度選擇咗BB辣，唔係好食得辣嘅人都可以接受，佢隻麻辣麻得好正，keep住係口控迴盪。

-珍一料理🥡-🥢小食三拼 $45佢個雪櫃擺滿一盤盤小食大家可以按自己喜好要幾多款😉今次就揀左牛碾/牛筋凍/四喜烤麩😍有時天氣太熱冇乜胃口食d冷盤都唔錯仲要三拼都好多唔食飯都夠飽🤣三樣都好入味😋牛碾切到厚薄適中一口食得哂🤣牛筋凍超級夠凍又動彈😂烤麩亦好入味😋-🥢奇味豬手飯 $40豬手你望個色已經知滷到入哂味😍撈飯一流！佢仲有配小編最愛豆皮😋-🌟評分:🏅🏅🏅🏅🏅地址: 西灣河筲箕灣道33-55號麗灣大廈地下J1號舖⚠️只有外賣🥡

珍一料理晚市成日放工時間都好肚餓，想買小菜返屋企加餸。但係普通涼拌小菜好貴，街市又七點已關門，果日發現呢間有多款辣或不辣小菜可揀，心裡面知道就是你了！麻醬手撕雞有麻醬跟，食到最後仲有雞冠Tim, 真係好齊全呀涼拌拼盤： 我係十幾款中揀左三款，真係樣樣都想食，牛展係其中一種飲品： 蜜桃綠茶好香甜好清新人流時多時少，所以人多時要排隊。呢間好處係多人光顧，感覺比較衛生和新鮮。食物選擇多，亦有飯盒和雞。最特別是麻川拼盤！

早幾日行過太安樓附近見到呢間新舖，嘩，我最中意食呢d小食，番黎去一路煲劇一路食。大大話話成10幾款，心大心細揀咩好。川麻料理三拼 $50我叫左香麻牛蹄筋，煙煙韌韌咁，好多骨膠原啊。辣鹵金錢肚，好入味。藕片好爽口。五香料理三拼 $45雞腎有口感。四喜烤麩甜甜地，金針雲耳都好食。豬耳脆卜卜。紅燒豬手飯 $40另外我仲買左個紅燒豬手飯，豬手肉質爽滑，肥瘦適中，加左醬汁甜甜地，仲有百頁豆腐跟埋。呢到仲有冷泡茶可以揀。

作為西灣河地膽，除左大家成日會去既食街太安樓，終於係附近出現滷味清泉啦 · 珍一料理！係入面仲有得DIY屬於你既滷味料理，料靚新鮮之餘又夠創新，真係附近街坊都可以試吓呀😋💯王牌精選東坡肉飯 $40東坡肉真係冇諗過會送埋滷水腐皮，食落滷水汁岩岩好、鹹而不膩，東坡肉以五肥瘦層次分明，難怪爸爸平時唔食豬肉肥膏食東坡肉都大大啖咁食呀🥳🥳麻辣豬肚條 $45麻辣味好重，仲有一陣回辣，真係好惹味，加上豬肚條斬左件大細分明，一口咬晒啱啱好，容易入口送飯一齊食一流呀💯💯五香雞腎  $35雞腎本身都比較有咬口，加上五香配料，都增添鮮味🥰🥰五香牛腱 $48五香配料同雞腎用嘅係一樣，但值得一提嘅係加上香脆嘅花生、蠶豆，非常之香口，脆卜卜咁，對於作為零食鍾意零食嘅你哋，值得嘗試五香既叫法！💓💓

疫情之下多咗買外賣返屋企食，加上炎炎夏日，經過見到珍一料理門口都幾多人排隊，原來賣緊冷盤涼拌菜，仲有好多唔同嘅選擇，加上好似係新開所以超想試吓！鋪面細細間，但俾人感覺都幾乾淨同光鮮，睇落好似幾衛生，所以都算放心。於是就買咗幾款返屋企加餸，加埋冰涼嘅啤酒一班人一齊食真係幾爽！🤣🤣 幾抵食又豐富😚個人特別鍾意佢嘅麻辣拼盤，牛柏葉同金錢肚都好爽口，加上個麻辣真係調得幾好越食越過癮，但又唔會太辛苦屋企長輩就特別鍾意個豬手，大讚炆得又淋又入味，得幾舊好似唔夠食🤣🤣

位於西灣河的鹵水料理外賣店，分別在旺角、荃灣等地方都開了分店。餐牌主要是川麻、五香料理、特式小品、套餐。嗜辣的朋友可以選擇四川麻辣料理；不太能吃辣的就可以一試五香鹵味。配料選擇多元化，獨特。全部冷盤都放在凍玻璃雪櫃裡，保持乾淨、衛生。川麻料理三拼 ：香麻牛蹄筋、辣鹵金錢肚、藕片以硬身的包裝盒盛載，可放入微波爐；材料份量壓得滿滿。若然想挑戰更加辣的話，可以額外加麻加辣。牛蹄筋是筋腱位，有些軟骨位脆口；藕片更加爽口；金錢肚煙韌。辣度不算太辣，帶麻，很適合作為佐酒小菜。五香料理：牛筋凍、五香牛肉、芹菜豆干三拼，其中一份是素菜－芹菜豆干，亦可以要求麻辣或者加辣。牛筋凍，好爽脆，五香牛肉的牛香濃烈。上面灑上芝麻、花生及芫茜。王牌料理：紅燒豬手豬手多件，已經切好一件件，炆得入味且軟稔，膠質滿滿，富有彈性；還有幾件豆結，吸進紅燒汁精華。

又係我銅鑼灣食神，微服出巡嘅時候，今日去咗我常常出沒的西灣河西灣河除咗太安樓選擇之外最近開咗一間外賣川辣料理店'珍一料理'，食得太安樓多可以到附近試下呢間也不錯。因為今次係買外賣所以我架車就停喺筲箕灣道店舖附近停一陣買完外賣畀咗錢上車等都可以。而家香港都好流行食有內地的川辣料理，除咗食酸辣魚四川料理外最近川味外賣店都開到成行成市。呢間我試咗覺得佢比較好嘅係可以選食物後，可再加配從小辣至大辣，辣度上較有彈性不似一般舖頭所有辣度都已經定好,特別唔食辣嘅朋友都可以食到吾辣川品料理.如果有食素菜嘅朋友佢都有幾款素菜,例如我最愛的土豆絲腐皮等,还可任你揀加唔加辣添。飲品方面，雖然我唔太喜愛茶，都我想試下清清哋嘅蜜桃烏龍茶因為佢茶味不濃但有香濃蜜桃味再加上無糖，在現今追求健康的生活上，無糖飲品最受歡迎！珍一料理有自己品牌嘅食物盒及包裝感覺加添了對品牌的信心特別一提好欣賞料理旁邊的花生及脆粒：回家仍然保持脆卜卜整體總括今次食物上很喜歡。食物上最喜係麻辣牛筋凍，因為唔係間間有得食而佢嘅牛筋凍做到軟硬適中好有口感。而且唔係間間舖頭有得食，所以特別向大家推介。下次你哋去一定要試下。

以前去台灣一定會搵一兩餐掃街做晚餐，但其實响香港只要行太安樓一轉，一樣滿足到鋪掃街癮=P是日嚟到太安樓見到新鋪【珍一料理】都開咗响附近！佢哋主打涼拌菜同麻辣菜，仲有五香料理客飯同冷泡茶。價錢由$8至50就有交易啦，我叫咗以下幾款做掃街晚餐之一：三拼(涼拌菜同麻辣菜)🔺泡椒鳳爪/秘滷豬爽肉/辣拌牛柏業 $55三拼(五香料理)🔺牛筋凍/牛腱/芹菜豆干 $45客飯🔺東坡肉飯 $40呢到嘅前菜同客飯都好夠味，而且感覺無味精得嚟又夠晒惹味，東坡肉飯嘅醬汁做得平衡好味，雖然只得4舊肉，但有伴菜同大大碗飯同只售$40，以味道取勝同醫肚嘅話真係一流！之後我仲買咗太安樓牛雜，熱狗，酸辣粉番屋企食，每樣少少但勁滿足同飽！超推介【珍一料理】嘅涼拌菜泡椒鳳爪同五香料理牛腱！但其實佢哋鋪仲有超多選擇～而且呢排佢哋開得好多間，有興趣就去最近你個間試試啦！📍分店地址：荃灣：新界荃灣荃興徑10-18號富榮大廈地下6號舖佐敦：九龍佐敦白加士街68-70號地下F號舖西灣河：香港西灣河筲箕灣道33-55號麗灣大廈地下J1號舖上環：香港上環文咸東街6號順發樓地下6A號舖黃竹坑：香港黃竹坑得力工業大廈17樓B灣仔：香港灣仔皇后