影片
更多
2021-07-29
25 瀏覽
今晚有人話唔返嚟食飯，得一個人，唔想煮，決定去西灣河買外賣。本來諗住去太安樓買海南雞飯，喺紅綠燈位對面見到有間叫「珍一」嘅涼拌小食外賣店。店鋪主打川滬風味大廚料理，睇咗門口嘅餐牌，有五香料理、川麻料理、王牌料理、精品套餐、涼伴套餐等等。再行入鋪內睇下玻璃櫃入面嘅餸菜， 嘩！選擇真係好豐富，有成二十幾款，樣樣都想食，一於買返去做晚餐。點咗盒東坡肉飯 ($40) 同 五香三拼 ($50)，啲東坡肉真係好正，雖然未至於入口即化，但五花腩肥瘦相間，深紅有光澤，入口肥而不膩，帶酒香與醬油甜香，用嚟送飯一流！旁邊嘅百頁結，口感亦唔錯，豆香十足。至於五香三拼就點左五香牛肉、牛筋凍同四喜烤麩，牛肉滷得好入味，食落帶點牛脂香。牛筋凍晶瑩剔透，軟軟的啫喱夾雜住煙韌的牛筋，滿滿的膠原蛋白，超級 Q 彈。烤麩用上海麵筋、雲耳、冬菇等煮成，入口鹹度適中，乾身又不油膩！
今晚有人話唔返嚟食飯，得一個人，唔想煮，決定去西灣河買外賣。本來諗住去太安樓買海南雞飯，喺紅綠燈位對面見到有間叫「珍一」嘅涼拌小食外賣店。
店鋪主打川滬風味大廚料理，睇咗門口嘅餐牌，有五香料理、川麻料理、王牌料理、精品套餐、涼伴套餐等等。
再行入鋪內睇下玻璃櫃入面嘅餸菜， 嘩！選擇真係好豐富，有成二十幾款，樣樣都想食，一於買返去做晚餐。
點咗盒東坡肉飯 ($40) 同 五香三拼 ($50)，啲東坡肉真係好正，雖然未至於入口即化，但五花腩肥瘦相間，深紅有光澤，入口肥而不膩，帶酒香與醬油甜香，用嚟送飯一流！旁邊嘅百頁結，口感亦唔錯，豆香十足。
至於五香三拼就點左五香牛肉、牛筋凍同四喜烤麩，牛肉滷得好入味，食落帶點牛脂香。牛筋凍晶瑩剔透，軟軟的啫喱夾雜住煙韌的牛筋，滿滿的膠原蛋白，超級 Q 彈。烤麩用上海麵筋、雲耳、冬菇等煮成，入口鹹度適中，乾身又不油膩！
張貼
