玖子茶 (如心廣場二期)

營業中

休息中

一向習慣早餐跟同事食早餐比較多 見佢地平時午市都滿坐。 就試吓佢地既午餐。我地一行幾個人 叫左個喇沙海鮮麵 $63 有2隻蝦球 魷魚 魚柳 雞蛋 豆卜 魚片雖然好底食。但以想不到既係個喇沙湯底重點一提 湯味夠濃 帶有蝦香味 水準一流 👍極力推薦 由於幾個人太快手影唔切相。下次補返馬拉盞炒通菜 $56夠獲氣 已不會炒老火 啖啖咸香蝦味 餸返一流沙煲肉骨茶$68濃濃既藥材味 帶回胡椒味。飲完一啖再想接住飲 排骨 可以骨肉分離 夠入味 每次來都可以保持水準 難怪日日爆滿排隊

同老公放工搵食篇今晚約左老公外出搵嘢食唔想煮，近近哋揀荃灣區，講真荃灣美食真不少，轉左電車後食飯都會我選有叉電既場嘅，真係咁簡咗如心廣場，再搵吓餐廳，就比佢個門面吸引，好有玩味懷舊仿星馬店嘅裝修，價位正常。入坐後成間餐廳佈局都做到好地道，好熱鬧好有氣氛感覺，裝修都落本好多打卡位添。吉仔話梅冰 更係要叫啦 口感清爽 淡淡的話梅味反而無吉仔味，味道還可以。老公最愛喇沙佢第一時間不作他選，重點竟然有得揀油麵，米粉同河粉。不過我我認知上正宗係米粉同油麵兩溝無得揀。 色澤似樣夠足料，蝦鮮魷魚柳雞蛋豆卜，微微辣椰漿味蝦湯底，味道正常，食後亦無話好口喝。呢個就係我想食嘅炒粿條選牛肉，上枱已經感覺到鑊氣，但味道偏淡但有淡淡蝦頭膏香，較乾身一點也不油膩，我滿意的。去骨星馬雞冷冷的一碟雞，可能天氣凍想食點有溫度嘅野，原來還附上油飯，夾著雞同飯即係感覺好點，雞肉還選滑無骨啖啖肉，配埋黑豉油，薑蓉，同一款雞汁都大大提升。

今晚同友人係荃灣如心廣場見新開不久的食店 ，主打星馬菜式，價錢親民 都係$49-78/主食或菜式。店內裝潢都有特色，好多紅燈籠高掛好有氣氛，仲有仿新加坡的魚尾獅雕像，令人感覺有旅遊中嘆美食 。砂煲肉骨茶 $68雖然唔係砂煲上菜，但係用鍋都保持熱辣辣，湯頭清而不膩，但肉湯味濃，加上胡椒香味重，還有滋補藥膳的味道同功效，飲完好暖好舒服。排骨有3件，已經煮到肉質鬆化，非常易咬，配料有豆卜、雜菌、腐竹等等，沾辣豉油真係香辣滋味。沙嗲串燒牛肉（3串）$39賣相吸引又大份，牛肉嫩滑有咬口，燒得香口又惹味，沙嗲醬味道濃郁帶香料同花生的香味，少少辣好開胃好味。馬沙拉蟹肉海鮮炒飯 $78粉飯做得很好，入口已經食出夠鑊氣，飯粒分明，加左馬沙拉香料，香得黎有少少辣，海鮮用料豪爽，有好多蟹肉，仲有爽彈的蝦肉粒、彈牙魷魚......味道口感豐富，份量十足好飽肚。桔仔話梅水入口咸咸地又甜甜地，話梅生津解乏，開胃消膩，仲有d九製陳皮味，飲完喉嚨舒暢。百香果烏龍茶酸酸甜甜好清爽，百香果酸得來有豐富果香，烏龍茶味道清淡又去膩，甜度剛好。

荃灣如心廣場2期靠住天橋連接附近大型商場，一樓一向人來人往，但係其實上多一層，都進駐左唔少新餐廳，發現開咗間新嘅星馬菜餐廳，喺餐廳門外見到食物餐牌，價錢都OK，又想試吓新嘢，就入咗去食午餐！午市有主食系列、砂煲系列、土炮炒菜、小食、飲品、特飲、甜品等種類同款式！入面裝修都見心思，呈現出東南亞風情！沙煲清湯椰子雞$73(轉油飯另+$3）近期天氣都仲係幾凍同乾燥，呢個沙煲就暖笠笠，一上枱就有勁大陣椰子香，加上係清湯，滋潤吓！有唔少雞件，仲有蘑菇同豆卜！馬沙拉蟹肉海鮮炒飯$78呢個炒飯好善用香料，加入咗好多胡椒粉，食到好突出嘅胡椒粉辣味，亦散發出陣陣紫蘇葉香味！飯粒炒得好乾身、粒粒分明！而且份量都真係幾大！芝麻蝦多士$45多士炸得金黃香脆，上層係蝦肉，下層係麵包，比例一比一左右，要盡快食先食到佢最香脆嘅時候！百香果烏龍茶(凍)跟餐+$10幾大杯，百香果味幾突出！香濃奶茶(凍)跟餐+$10揀咗多奶，幾香滑！

見新開試吓.裝修有特色!海鮮喇沙$63, 面質地OK, 湯底正常,幾多唔同海鮮,雖然隻蝦/魚都冇味.秘製辣汁雞翼撈麵$53都幾難食..😔麵totally overcooked.. 同埋佢係一個冇味道嘅汁..雞翼似滷水雞翼多d.飲品正常試一次OK

如心廣場舉辦了一場微型藝術展，參觀後便在如心廣場找餐廳開餐，發現新開不久的玖子茶，加上價錢經濟，便入內開餐環境裝潢，都以懷舊小鋪為題，甚有特色。連水吧、廚房跟樓面的交接處，位也設計得美輪美奐。座位闊落，中式木枱椅，感覺高檔。這裏是用QR code落單的，但也有紙張的餐牌，可供參考。個人而言，還是比較喜歡用傳統的餐牌點菜。在砂煲系列中，點了砂煲肉骨茶$68，上枱熱辣辣的，胡椒藥膳味道深濃，排骨也有四五件，相當抵食。星洲哈蝦炒米粉$58，米粉份量不多，味道調得甚好，有咖喱的味道，但係唔會太辣。去骨星馬雞$78，雞肉嫩滑，略有咬口，味道比預期好，性價比甚高。鴛鴦凍檸茶，茶底是馬拉拉茶的味道，加上青檸及普通黃色檸檬，鴛鴦奶茶這名稱，相信便是這原因吧；跟港式奶茶同樣好飲。

荃灣西地鐵站隔離的如心商場新開的星馬菜，地點方便，在敏華樓上。裝潢光猛企理，以七八十年代大排檔風格設計。以四人枱為主，入面有幾張大圓枱可供一家用餐，坐位舒適，是傳統木枱，只是枱與枱相對近。侍應亦有禮，服務很有效率。今日試了早餐，$39 有咖喱牛麵，煎蛋多士，連熱飲。味道都不錯，牛是用肥牛，咖喱有少少椰香味，麵身不像大光麵，有咬口。煎蛋多士，就正常，沒有燶，有點像豬柳蛋的感覺白咖啡，好像default有煉奶，比較甜。餐具有種在馬拉大排檔用餐feel。同樣價位，在附近可以一試。可能比較濃味，飯後都有少少口渴。

其實我叫咗啲咩食個名係乜嘢我都已經唔記得呢個好似係類似避風塘炸雞佢個炸粉勁薄同埋個雞勁滑啖啖肉 好多汁朋友叫咗呢個勁邪惡嘅咖喱豬肉配豬油撈飯好癲呀真係就咁俾啲豬油我另外嗌咗個海鮮炒飯佢真係一啲都唔孤寒勁多海鮮 每啖飯都有蝦 魷魚啊 元貝啊真係幾正另外呢仲叫咗呢個甜品 呢個甜品好有細個嘅風味 係呢啲雪糕上面仲有彩虹朱古力條條食落去好有咬口多士好脆口另外飲品方面我覺得都幾出色呢個蜂蜜綠茶一定係最大嘅驚喜因為佢真係好重蜜糖味

附近新開左間新加坡馬拉餐廳。。於是去試下先～裝修幾靚。。同埋有心思同特色，好多影相打卡位🤩野食都唔錯～下次再試下其他😁😁😀見佢暫時試業期間，只收現金，全單再有88折，同埋無落場～.蝦頭糕塔牛肉炒粿條 $58好味度：⭐️⭐️⭐️其實幾好味，不過食耐左，就開始覺得味道有點咸，不過都唔影響，問題不大，接受到🤣.砵仔豬軟骨油太陽蛋飯 $53好味度：⭐️⭐️⭐️個豬軟骨好好味，肉質都好鬆軟，不過飯有點硬（個人覺得），整體唔錯～.覺得佢的飲品做得不錯～話梅冰 (跟餐$10).蜜桃紅茶（跟餐$10).裡面裝修真係幾靚😀😀.餐牌.早餐餐牌.試業早餐優惠～.唔使加一，都幾好😀👍

平時喺荃灣返工 西鐵站落車都別無其他選擇 就會約同事去到敏x冰室食早餐 呢兩日見到樓上新開餐廳試業 我哋就二話不說 上電梯樓上睇睇門口仲貼緊紅紙 入面嘅裝修好靚 好有懷舊氣氛 幾人就立刻拿起手機打卡之後我哋就叫早餐牛車水雲吞公仔麵 配炒蛋多士 $39特厚餐肉公仔麵 配炒蛋多士$36火腿通心粉 配炒蛋多士$36馬來咖喱肥牛公仔 配炒蛋多士 $39所有都跟配熱飲 同一般茶記沒分別但值得一提既喺咖喱肥牛公仔麵 真係超級好食😋價錢唔係特別貴另外火腿通心粉既雞湯應該係用鮮雞煲出嚟 味道特別濃 太好味了。以後荃灣區食早餐又有一個選揀地方 夠大仲唔洗排隊