王牌冰廳 (燒味世家)

營業中

休息中

香港人嘅飲食文化真係無人能及，同一種食物可以有好多種嘅烹調方式，好似豬肉咁唔同部位都可以整到好多唔同嘅變化 自己就勁鐘意食燒味既， 之前食過喺將軍澳中心商場嘅呢一間冰廳，覺得呢到既燒味真係一流，好正好回味，得閒都會返黎幫襯下叉燒燒腩飯燒腩肥瘦分明，一層一層非常有口感，而且皮脆肉嫩係我最欣賞既而d半肥瘦叉燒都好夠味，餐廳有埋工房即燒即賣，熱辣辣好新鮮叉燒油雞瀨，朋友第一次嚟食，就點咗油雞加叉燒，佢都讚不絕口，而且叫湯粉麵的話，餐廳係會將餸菜分開碟另上，咁就唔會浸淋晒，抵得一讚

假期的中午搵食真係有難度，不過呢間王牌冰廳的食客都好快手，我哋等左陣就有位✌️叫左滑蛋叉燒飯😋太滑啦啲蛋，叉燒入味又唔鞋👍👍仲有小小沙津菜😄，賣相好燒腩仔雞飯😋個燒肥瘦均勻皮又脆，不過雞就唔得啦😔燒腩仔叉燒米粉😋一樣咁好食👍👍

身為一個超鐘意燒味嘅人，一定要試下呢度啲燒味喇！由於好多燒味都想試，所以我同阿媽叫咗個五寶瀨再加一個燒味雙拼瀨粉。 😝嘩～係唔係好壯觀呢？叉燒好諗，比起其他燒味店嘅叉燒冇咁甜，少啲乜蜜汁味，不過都好香。豉油雞好滑，都幾夠味。燒腩仔超脆，亦唔會太鹹，絕對係推介。燒鵝嘅皮都好脆，係另一款推介。燻蹄涼涼地，亦非常爽脆。呢度啲湯瀨粉湯底好大陣胡椒味，好唔好食見仁見智，我覺得唔錯嘅，雖然麻麻哋胡椒味，不過都接受到。呢間係暫時食過將軍澳區嘅燒味點入面最抵食嘅，全部燒味都有好夠味同有應有嘅口感，嚟呢度一定要試下叉燒，燒腩仔或者燒鵝。加上呢度服務唔錯，會送一碗老火湯，而且呢度嘅環境好舒服，想食燒味嘅話一定要嚟呢度試下。其實呢度有燒乳豬，但係睇餐牌嘅時候冇留意，一定要揾一日再嚟試下。

見到咁多評語讚呢度燒味性價比高，喺同區返工所以想試下區內其他食店，黎到見門口掛出黎啲燒味又靚，職員又nice，咁就專登叫個叉燒燒鵝瀨試下，叫左分湯但原來分湯個意思只係分燒味唔分瀨粉所以食嗰陣勁淋，叉燒每件都乾柴咁，燒鵝就得皮同骨但冇肉，飲品同外賣加錢唔緊要，疫情下個個都想外賣唔理間餐廳係加錢定減價都會叫，但呢種外賣質素對唔對得住呢個價錢呢？我就好有保留，人生第一次寫食評就獻左比呢間餐廳，係一個幾難忘嘅經驗。

早幾日來到食早餐，叫左一個叉燒麵，一個沙嗲牛肉麵。落單時同侍應講，叉燒想要半肥瘦，點知侍應話「我哋無架喎，全部點好晒」。咁我地就話ok，斷估唔會好差。點知嚟到叉燒麵嘅叉燒係又瘦又乾，幾乎係咬唔開。明白有d荼餐廳係將燒味既頭頭尾尾拎嚟做早餐唔想浪費，但都唔係差都咁，完全係求其，好希望餐廳檢討下。又乾又瘦咬唔開嘅叉燒。沙嗲牛肉麵ok炒蛋煎蛋都唔錯琴日想再嚟食下，但一諗到塊叉燒就決定唔俾多次機會佢😂。

有日同朋友出左街 行過呢間王牌冰廳我地兩個都見都有啲啲肚餓 就決定入去食個下午茶 醫一醫肚個日下午茶時段唔算多人 唔駛等位就直接有得入去裝修尚算乾淨企理 係環境有少少逼睇左陣餐牌決定叫個生炸香茅雞中翼配薯條同埋個珍寶法蘭西多士加兩杯凍檸茶等左一陣 侍應比左兩碗例湯我地心諗我地無叫喎 原來係送既～～估唔到叫個下午茶餐都有湯送講返我地叫既野食先，雞翼同薯條都好香口好脆西多士都整得好好 唔會好油膩價錢合理，餐廳侍應態度都幾nice 我地想要多碟蜜糖 同茄汁佢都即刻拎比我地 無話黑面相信好快會再去食過

連續兩星期都有一天來幫襯，堂食都不設加一，坐低先有一碗老火湯，味道不錯，第一次試食$54雙拼燒味米粉，燒味同米粉份量充足，朋友試$54燒肉叉燒飯，燒肉塊皮燒得十分香脆；第二次試食$55蔥油雞扒煎蛋飯，賣相靚，份量大，驚喜位係竟然有胡麻醬沙律菜，飯粒分明，淨係食蛋加白飯豉油蔥油，唔駛食雞扒都可以食晒成碟飯。但坐位太密，如果人多就不太舒適；另外現在疫情下，用消毒劑清潔枱面會令客人食得安心一點，原先想食叉燒煎蛋飯，但煎蛋要加$8就有點貴。菜單選擇多元化，仲有好多食物想試。

濃香麻辣雞煲$138加$30有四隻鮑魚 加15蚊有白飯 餐湯 野飲， 好抵好抵好抵食🐔🐔🐔🐔🐔🐔🐔🐔好野味!! 夠香，夠入味，連啲洋蔥都食埋!啲雞肉唔會有雪藏味鍾意食雞煲嘅好走寶兩個人食份量啱啱好♥️♥️♥️老細仲好好，話白飯可以再裝😎👍食完仲有甜品西米露送!! 下次再食!!👍👍👍👍店員服務殷勤有禮貌 主動仲主動送糖水真係好好服務呀好耐未試過食得咁有人情味忍唔住同老細講話好好食服務好仲要係良心店之前有幫手派漂白水畀街坊免費㗎

餐廳內大致食物也不錯，唯獨職員安排座位欠奉，經驗不足，建議1-2人到餐廳不是問題，3位以上要再三考慮，因為是無止境地等⋯⋯⋯應參考經驗茶餐廳的座位安排，不然⋯⋯⋯客會自動流走。

王牌冰廳將軍澳唐德街9號將軍澳中心地下B09號舖經常行過呢間餐廳，都見到排曬長龍好好生意，今日終於有機會黎試一試啦入到鋪頭座位擺得好貼，感覺好狹窄，基本上都要搭檯坐，但呢d就係香港茶餐廳文化，我自己就覺得問題不大既一坐低都未落單，已經有碗例湯飲啦，值得一讚入得黎當然要試最出名既燒味啦，不過除此之外都仲有好多選擇架呢個蜂蜜叉燒，真係唔係浪得虛名，燒得好入味，咬落好Juicy, 唔會乾真真， 肥瘦均勻燒腩仔就皮脆肉嫩，層次分明

一直將軍澳食親燒味都一般，直至呢間王牌冰室開店，終於有一間算係好味，高質的每逢lunch 晚市都好多人等位，星期六日等得仲耐。每次去吃都要點哂4種燒味，油雞+燒鵝+叉燒+燒腩仔燒鵝：必點，燒得好好味，有鵝味，醬又酸甜好岩食，加幾蚊都值得油雞：點蔥油好配，唔太肥叉燒：蜜汁好正，燒到岩岩好，有肥有瘦，燶邊燒腩仔：脆皮，黃辣醬正2人都係一百數多d，呢個質數呢個價合理的。員工服務都可以，店內播既歌好好聽。長撐長食！

今日係平日，我放自己一天假期，黎到將軍澳中心地下王牌冰廳，第一次試佢既早餐，整體都好失望，一來店員服務態度不太好，二來等候食物時間頗耐，起碼十幾分鐘，而且等左十幾分鐘先話我原先order既雪菜米無野，叫我轉其他野！如果太肚餓真係唔建議來。等左一大輪，個早餐終於來到，首先係多士配煎蛋，普通過普通，多士無hea，煎蛋也毫無特別，到原先由雪菜米轉成既叉燒米粉，d米粉好硬，好似未煮好咁，而叉燒也係無驚喜，整體都唔太得，大為失望。

晚餐選擇左將軍澳中心呢間王牌冰廳，叫左常餐，係一個沙嗲牛肉牛米粉、蛋、火腿、腸仔配多士，貌相不錯幾吸引，但一啖吃下沙嗲牛肉米，好鹹！d沙嗲牛肉鹹得無道理，要不停飲飲品沖淡味蕾。而另一碟的腸仔蛋就好油，油到反晒光咁，稍為正常係多士，幾香牛油味，其他食物屬重口味的鹹和油呢！

近日較為喜歡到這間“王牌冰室”， 這間茶餐廳的燒味做得很出色各樣燒味都很好味， 每當想起食燒味飯就會必定揀選擇這間茶餐廳， 其實除咗燒味飯今次再試埋他們的下午茶， 蛋牛治足料配搭這裡的夠薑奶茶好滿足。 這個夠薑奶茶都很特別，因為很少茶餐廳會這樣做的，有啲似台式飲品，現在天氣涼涼地飲落都很暖胃。這間茶餐廳都能夠做到以客為先，乾淨企理，味道好， 希望能夠一直保持水準。

平時經過親都要排隊 今日下午4點左右經過難得唔洗等位 就去試吓雖然係唔洗排隊 但都好多食客 一於試吓佢個王牌蜜糖叉燒 同燒鵝瀨叉燒側邊燒得膿膿地 好香口一啲都唔乾 燒鵝係必食推介 香口 皮脆 連個瀨粉個湯底都好正 唔係味精湯而且佢燒鵝個醬係自家製酸梅醬 味道好特別 好開胃食得出係靚料最後食完仲斬料返屋企俾屋企人食😬 返到屋企雖然凍左少少 但屋企人都話好食😋應該以後會成為我地經常食既飯堂將軍澳終於有間好食啲既燒味店 😂😂😂