王牌冰廳 (燒味世家)

營業中

休息中

身為一個超鐘意燒味嘅人，一定要試下呢度啲燒味喇！由於好多燒味都想試，所以我同阿媽叫咗個五寶瀨再加一個燒味雙拼瀨粉。 😝嘩～係唔係好壯觀呢？叉燒好諗，比起其他燒味店嘅叉燒冇咁甜，少啲乜蜜汁味，不過都好香。豉油雞好滑，都幾夠味。燒腩仔超脆，亦唔會太鹹，絕對係推介。燒鵝嘅皮都好脆，係另一款推介。燻蹄涼涼地，亦非常爽脆。呢度啲湯瀨粉湯底好大陣胡椒味，好唔好食見仁見智，我覺得唔錯嘅，雖然麻麻哋胡椒味，不過都接受到。呢間係暫時食過將軍澳區嘅燒味點入面最抵食嘅，全部燒味都有好夠味同有應有嘅口感，嚟呢度一定要試下叉燒，燒腩仔或者燒鵝。加上呢度服務唔錯，會送一碗老火湯，而且呢度嘅環境好舒服，想食燒味嘅話一定要嚟呢度試下。其實呢度有燒乳豬，但係睇餐牌嘅時候冇留意，一定要揾一日再嚟試下。