王家沙 (已結業)

兩個人食左:蕃茄莧菜- 只用本地蕃茄,没有蕃茄應有的味道, 亦用了太油抄蔥爆牛肉- 牛肉切得過厚, 不適合包在薄餅內蟹粉小籠飽- 上枱時, 已經有隻小籠飽穿左! 幸好湯汁未有流出來, 可能現在的蟹粉的確合時,湯汁都幾鮮甜紅油抄手- 全晚最失望既一味, 皮實在係厚得過份酸辣湯都係旺角既王家沙好食得多...

昨晚同朋友一行十人去太古城食王家沙點了十分多的菜記得的有擔擔麵，賽螃蟹，鍋貼，蟹粉小籠包，雞絲粉皮，三鮮燴麵，蝦仁菜炒飯，生煎包，排骨菜飯，三鮮窩巴，高力豆沙...有好有壞，有部份菜式落太重麻醬，如雞絲粉皮，擔擔麵，可能係特色...我比較喜歡蟹粉小籠包，鍋貼同生煎包... 十分美味~賽螃蟹更是十分正宗，很不俗!!!失敗作有三鮮窩巴同高力豆沙，窩巴擺到明係預先整好，即使倒下熱湯，窩巴亦亳無反應...高力豆沙就只得麵粉，豆沙真係細得可憐，有幾粒更是空無一物，呃錢之作...但環境還是可以的，舒舒服服可以encore ^__^

尋日lunch 去左呢度食飯, 好耐冇o黎呢..hee!!2個人order 左:1) 蟿粉小籠包: 入面真係見到有粒粒蟿粉喎..都唔算少.. 個皮都夠薄... 肉都帶出鮮味.. 好食!!2) 鮮肉生煎包: 好得呀呢個... 面頭個包軟軟地.. 個底就卜卜脆.. 入面d 汁多到瀉呀.. 肉都好食.. 3) 素鵝: 腐皮包住東菇... 呢個一般啦.. 同埋都幾油o下..4) 奶油津白: 都係一般.. 總括o黎講.. 都係生煎包最得我歡心!! ^^

上年啱啱開嗰陣嚟食過,正係記得小籠包啲餡未熟咁,噚晚俾多次機會佢,order咗鱔糊--最好味,鱔多汁濃炸鏝頭--好脆,點奶一流牛肉餅--肉餡& 啲湯汁好味,但擔擔麵--一啲都唔入味,旺角嗰間好味好多醉雞--今次嗰碟比較少,唔係好值所以我諗下次都係去旺角嗰間,嗰到好味好多

尋日同男友去左太古城王家沙食飯未入去之前都幾驚d ”椅”會唔會好似旺角甘椅背又矮又難坐但好彩見到佢d椅子都幾好坐一入到去~除左知客有少少冷淡(唔知係咪因為我book左7點但7點4先到既問題呢=.=”)但好彩d侍應都幾好禮貌^_^入到去坐底叫左以下既食物回鍋肉大白菜春卷黃金蝦素鵝排骨菜飯鮮肉小籠包(6隻)(擔擔面)後來菜飯改成這個首先講個回鍋肉先因為我一早知回鍋肉是油油的所以我都接受到它的油膩都幾好食~但就稍嫌肉是不是太少了?到大白菜春卷是我最喜歡的它包的也真的只是大白菜而已但好好味~但係點解入面會好似好多油甘既?黃金蝦…好明顯霉左…d蝦肉有陣唔新鮮既味道所以最後都只係食左面果層咸蛋黃而已排骨菜飯…點解d菜飯會有陣味?點解排骨會是一塊俾鬆肉粉”拿”到唔好食既肉我個人覺得上海坊的菜飯還好一點呢…最後同侍應說: 「我們受不了那個菜飯的味道…」我們都未說完那個侍應已經幫我們轉成擔擔面^^擔擔面我們要了小辣~我個人覺得一點都不辣可以要中辣也沒問題(因我本人不太吃辣)幾好食~我原本唔太喜歡吃擔擔面的也吃了兩小碗^^但肉碎花生碎可以多一點更好到最後來了小籠包個人覺得算可以比很多地方好就是了但是真的要

上次同家人食過香港仔王家沙覺得ok, 今次同朋友去開太古shopping, 朋友suggest食王家沙, 心唸都ok丫, 點知就出事啦....兩個女仔叫左: 擔擔麵, 小籠包, 酸辣湯同蒜泥白肉.擔擔麵: 淨係覺得好多花生醬味同好油...小籠包: 一般水準.酸辣湯: 基本上我係一個酸辣湯怪, 只要係酸辣湯我都覺得正, 但係呢度既酸辣湯係我甘大個女飲過最難飲既湯...蒜泥白肉: 我淨係食到辣椒油味... 食左兩舊已經放棄...埋單差唔多二百蚊, 我相信我呢一世都唔會再入去....

由於此店的服務態度較其他的好，同事們都很想到太古城王家沙吃lunch是次點了：擔擔麵：因有同事怕辣，所以要了唔辣，花生醬的濃香變得很是突出大排魚湯麵：湯底鮮甜，與擔擔麵成了強烈的對比，麵條不淋，很好味麵麩：好像是麵荕的東東，不太好吃炒腸粉：幾夠獲氣，但略為咸了少許及油膩春卷：很脆口的一味點心，裏面是海鮮，熱辣辣很是好吃煎蘿蔔糕：不算太淋，有咬口，但蘿蔔味不濃小籠包：皮薄卻能保留肉汁，不錯香芒糯米卷：最喜愛的一款冷點，芒果鮮甜加上吉士醬，配上糯米皮，簡直一流高力豆沙：食時才即整，因此很脆身；而且很大顆，比乒乓波還要大，可惜內裏的豆沙較少，多一點會較好侍應照舊的勤快及有禮

又換季，周圍都大減價，星期六又同太座去太古城行街。同佢會合食飯，佢來了這裡坐住等，所以雖然不久前來給了這裡的旺角分店喊面，但都要再幫襯。叫了大辣的擔擔麵、鳳球炒年糕、鍋貼及小籠包。擔擔都最先來，大大碗夠晒份量，一碗個人分都可以。大辣真係幾夠辣，不過味道一般，亦幾膩，擔擔都其實也不用這麼大碗，因為吃到最後，麵條都發漲了。炒年糕是太座喜歡的食物，一樣是份量足，一大碟的，不過味道又是一般，不知怎的，硬是吃到一陣腥味，吃不到一半也就不吃了；上次因為一個人來，吃不到小籠包，今次是吃到了。一籠六隻，皮算薄，有湯汁，餡亦幾鬆軟好味，算交到功課；鍋貼一客四隻，看外表是實實的，賣相不太好。吃落果然皮幾實，似是吃薄餅皮多過吃鍋貼，餡亦較實，也是一個水準以下的鍋貼。年青的侍應們，服務不錯。埋單一百三十蚊，都不算太貴，但水準就是平平。

11：26，20:00總公司各大頭到港開會，順道到分公司走走。在這裡開飯局。老頂點了較輕清的：三絲粉皮：麻醬香，粉皮滑。醉雞：酒香極濃的白切雪雞紅油炒手：不夠辣咸肉豆腐湯：筍比豆腐多，咸肉甘香。鍋貼：不夠熱，皮厚，餡料無鮮味牛肉餅：不夠熱，皮厚，料少，不可和清真牛肉館相比。金粟鍋巴(??)：清、鮮、甜。題外話：埋單時，侍應身上電話響起，她隨即答你好"王家沙……十點，六位…"。真配服管理層，可想出這人盡其中的方法，侍應成了一個流動的接線生。。

以為好貴, 原來又唔係…….<好在>擔擔麵：湯底好好好濃，有點杰，欠缺花生粒，但花生醬卻偏多；麵條不淋，煮得不錯；個碗好大，而份量較預期中多，可惜吃完好口渴<$22一碗>生煎包：雖然與上海吃的不同，皮也較厚，但也很好吃。皮煎得脆脆，肉裏溢滿肉汁，比起小籠包實在美味得多<$20四個>見到鄰桌叫了京式薄餅，本想試試，可惜肚皮容不下這間店的待應很勤快，同事頻說服務較其他分店好

2005年9月23日今晚x2有飯局，小頭自己一個來晚飯。鮮肉生煎(4隻$20) - 落單後好快上檯，但係唔熱喎，只可說"溫暖"。包頂(打摺個邊)皮好厚，唔熱所以皮唔香脆，但肉汁多，一咬就爆到周圍都有- 檯面，我件外套，我的手袋....令我想起有次去旺角店吃蟹粉生煎，個包熱辣辣又爆汁，辣到我失手跌了個包落條新買兼第一次著的淺色褲上面，聽說豆粉勁索油，於是問侍應拿，可能要求太奇怪，侍應不能理解，只給我幾張濕紙巾。好在碧蓮洗衣去漬粉好掂，浸overnight後洗真係無油漬。吃完生煎包等了很久很久才上紅油抄手($28) - 好在夠熱。抄手好細粒，味道一般，不過有辣油伴一伴，難食的食物也變得較易入口。這抄手形狀新奇，大家吃過lollipop 形狀的抄手嗎？包著豬肉那邊圓碌碌像粒糖，其餘的雲吞皮黏在一起像條小棍棒(仲好硬添)，而且好一致，六粒都係咁樣。食lollipop當然不會吃糖棍，所以我咬剩六條小棍在骨碟。最後我發覺碗內有條鼻涕狀物體- 生煎包的湯汁加了很多生粉(or 魚膠粉)，湯汁涼下來就變成這條鼻涕。呢種情形下，都係走為上著。這一餐最可取的是，杯茶幾好飲，和全店禁煙

我地第一次去係佢新開冇幾耐真係超好味，牛肉餅、小籠包、雞絲粉皮但第二次去（8 月15 日）真係完全唔同晒.....我地一坐低，因為可能太熱，其中一位朋友先叫左一支橙汁飲，點知等左5 分鐘先有...但個雪櫃只在我們旁邊..跟住我地叫左同第一次一樣的野佢第一碟上的竟然係一個熱葷, 個名就唔記得，不過係有個簿餅夾牛肉的，成碟牛肉真係一人份量，o的蔥就一碟都係，佢預4 人食真係少左o的之後再來三鮮炒年糕，味道ok，同第一次差唔多但第三碟先來雞絲粉皮，有咩理由先來熱後來凍丫之後再來牛肉餅、小籠包、煎餃子本來第一次食的牛肉餅好好味，所以今次叫左2碟（3 人），點知....呢三樣野的皮都好似唔熟咁，又厚，肉汁又唔夠真係好難食，我地4 件牛肉餅只食了一件，剩番三件囉同埋我地個個食完之後都要勁飲水，喉嚨又乾又痛仲有個傳菜阿姐十分無禮貌，放低碟野又粗魯又無禮貌見到個吉碟只係想推埋一邊，張檯已經唔大，又唔幫手收左佢，到我出聲話叫佢可唔可以幫我收左佢，佢先醒目，真係唔知咩事.....唯一冇變的只有炒年糕同埋雞絲粉皮....

姐姐生日, 和家人到太古王家沙吃.由於訂了位, 所以不用等, 但昨晚(星五)就算沒有訂枱都不用等太久.蟹粉小籠包一定唔少得, 都幾好吃.另外吃了四川擔擔麵, 都ok la..還有上海炒年糕, 膳糊, 春卷, 甜品, 都不過不失啦不過都幾油膩.埋單300左右, 價錢都算平

真是越來越失望，想不到食物質素會每下愈況，通常多人光惠的餐廳，理應食物新鮮才是，貨如輪轉麻！怎會想到這家卻背道而馳？那天和家人點了一碟上海粗炒麵，顏色深黑，伴炒的生菜絲不多，汁醬似瑞士汁，可是這一道菜是上海粗炒麵，難免太甜了！蒜泥白肉像泡在辣油中，太油淋淋，瘦身大忌。蘿蔔絲酥餅和腐皮卷都炸過火，以致外層太乾太硬，蒸發了饀料的水分。酥餅底部更炸至薰黑，酥皮已不脆口。唯一可入口的，只有乾煸四季豆，可是四季豆略嫌過腍而碟頭很「的式」。其餘的還有擔擔麵及楊枝金露，均是水準一般。人說不是猛龍不過江，可是過江後好像水土不服，完全乎合不到食客期望。

昨晚睇完恐龍骨後，順便在太古城中心裡面搵食，搵了王家沙，因為佢都有d名氣，我又未食過。好快有位，d服務都ok。點了蟹粉小籠包(有d腥，但係都好多汁)、煄魚(色就有，香同味就唔掂，仲好多骨添)、三鮮炒年糕(料幾夠，年糕煙韌，這個ok)、牛肉餅(冇清真牛肉館噤正，但佢有自己的特色，好似有d中國芹菜味)、麵(麻麻，冇嘜花生醬d香甜味)，不過份量都幾足。