王家沙 (已結業)

我地一行三人，order 左小籠包，蝦仁炒飯，蔥油餅，擔擔麵，失傳咕嚕肉．小籠包同擔擔麵，不過不失．原來失傳咕嚕肉係無菠蘿，ｄ青椒炒得唔熟，總算幾好味．蔥油餅有四件半塊，每人食一件都已經好飽，食唔晒．我地三個就最欣賞蝦仁炒飯，粒粒飯，芥菜爽，蝦蝦脆，好好味．原本都想order薄餅，但係得牛肉同羊肉做餡料，為何不是雞肉或者豬肉呢？

姨生仔生日，諗住食上海，有人就提議去"王家沙"。個個一路食一路發"牢騷"，樣樣都咁差，連一個九歲細路(我個仔)都話點解呢間上海咁難食!總結係下次請都唔會再去!

壽星女話夜晚係太古睇戲就不如試下王家沙八人餐–12xx after 加一:結果:鴨–勁乾排骨- 勁”鞋”蟹粉小龍包-勁”腥”魚肉抄手- 勁“淡”SERVICE - 勁差! (燙末飲完就比佢收左, 連我過FRIEND 都拍抬發比四)張抬明係FULL 矖都硬要一次過擺矖D餸上抬, 吹住你食咁。唯一食得落肚就係包住塊鴨个塊包…个个最後就只係食包同自己用辡油撈嗰个無味既抄手.還有…食得咁小夜晚都消化吾到攪到肚痛…如果話去嗰 個吾係生日–我真係連佢都插呀!!

2005/5/8 去慶祝母親節,全家一行8人, 散叫叫了9 樣菜式, 如食評稱, 大部份均好味道, 除了高力豆沙外, 炸起賣相不及銅鑼灣的老北京那麼吸引, 夠份量, 入口後, 感到實的的, 並不鬆化, 一碟四個, 分8份, 發現其中兩個的豆沙失踪了, 感到失望之餘, 不肯定是否當天失了手, 但之後不會再在此叫高力豆沙啦.出了名上菜快, 如此大的節日, 上菜依然快, 服務員的服務依然週到及有禮, 令大家非常舒服. 好!!

星期六上午十一點，王家沙一開門，就同老婆、娘親入去幫襯。要了闊佬炒飯(即是瑤柱蛋白炒飯)($48)、大排湯麵(係用燜過嘅肉排而唔係炸排骨)($32)、王家沙煎牛肉餅($20 –兩件)、醉嘉美雞($68)同招牌青荳蓉湯丸($12 - 兩大粒)。原本我哋重叫咗蘿蔔絲酥餅，但係唔知係唔係師傅未番，居然話冇！真係唔知係唔係廚房好多人未番，上菜都幾慢，雖然當時好早好少人，但係等咗三個字左右先至嚟湯麵同炒飯，而冷盤(醉嘉美雞)重遲上。咁多樣食物，以牛肉餅同青荳蓉湯丸最正：牛肉餅啲皮煎得脆口，包住嘅免治牛肉同肉汁又好味；至於青荳蓉湯丸就勝在皮搓得夠彈口，青荳蓉又令人感覺清新。闊佬炒飯都OK，飯夠乾身，一粒粒分開，唔係黐埋一舊，不過味道偏淡，而且飯粒本身硬過籠，一路食一路擔心難消化。醉雞我就嫌佢落酒太重。至於湯麵就最唔掂，啲麵「立」口，似乎冇過冷河，而湯就好淡。總體嚟講，只算勉強OK。

午市點心整體上都不錯，有水準。當中最吸引的，是煎八寶飯。它不算太甜，輕輕略煎底部，有口感。

作為一個100%的上海人既我(父母兩邊全是上海人)，自小已成日食上海菜，所以對上海菜要求也十分嚴謹。上星期五和舊同事，一行五人去太古城新開的王家沙食Lunch。呢間鋪前身是滬翠園，都係賣上海菜，不過走高檔路線。但依家新開既王家沙就走大眾化路線，價錢相當便宜，不用加一和茶芥。當日，我們叫了蟹粉小寵包(普普通通)，生煎蟹粉包(都係普通野)，鎮江肴肉(味道不夠鮮味，留園雅聚好味好多)，雞絲粉皮(都可以)，三鮮炒年糕(有點失望，但D豆瓣醬好正，記得要加，先好味D)，全場最好食是八寶飯。埋單是每人五十五，都幾平架。講到環境，有點不自然，可能D酸枝傢俬和裝修無以前滬翠園更正，所以有比較。D侍應好忙，唔係好得閒理你，所以睇中要即刻叫啦。

夜晚，我地八個人食左太古城既王家沙，傻架，好多人排隊～　好在有訂位～食左好多野～　umm...　水準唔係非常好，但唔算差～1.醉雞-- 都可以，都幾大碟～2.小籠包($40 六個)-- 冇翡翠咁好,連霸王山莊都好味d~ 3.蘿白絲酥餅-- 霸王山莊好味d~ 4.賽螃蟹(My favorite) --好味～　5.擔擔麵$20--都不過不失～　d 麵條翡翠好d~6.黃金蝦$78 七隻-- 最好味~　好惹味～^^7.韭黃炒鱔糊$52-- ok la~ 我不太like~ 8.生煎包$20四隻-- 都好似ok, 我冇食到～　9.炒牛肉-- 好似話ok~ 我都冇食～　10.奶油津白-- 都ok~ 但三六九好味d~ 11. 毛豆乜乜炒素雞--又係話ok~ 但我都係冇食12.豆沙鍋餅-- 架~ 唔好食～13.高力豆沙--真係唔錯～整得好好味~可惜冇試到闊佬炒飯呀～服務都可以,因為我地係房內, 冇人阻我地傾偈, d waiters 都好醒目咁成日走入來check 下有冇需要~佢有套餐,但我地都係覺得散叫好d~不過不失, 但都係覺得名不副實~~

一行九人...走左黎呢度食一月份同事生日飯....叫左個八人午市套餐....勁多野食:糖醋排骨: 好入味....而且味道好好...三絲粉皮: 三絲=雞絲+火腿絲+青瓜絲....味道中規中矩...燻魚: 凍凍地....有魚骨....唔岩我....薺菜魚米白玉羹: 清清地....味道一般...松子桂魚: 我個人覺得酸左少少....回窩肉: 有D 辣...味道OK...干燒四季豆: 唔錯...蟹粉生煎: 上檯時熱辣辣....勁好味....一咬開D汁係咁流出黎....好想食多個....闊佬炒飯: 有蛋白..瑤柱絲..青菜粒一齊炒....唔太油....幾好味....棗泥糕: 好勁紅棗味...好煙UN...但係已經好飽...只食得落半件...另外有同事係"薯嘜通"用戶....某日收到個SMS 話到王家沙食飯..四人送一客蟹粉大白菜春卷....八人送兩客....我地就係咁多兩客春卷食啦....新鮮熱辣炸起....勁脆...唔錯...另送8杯飲品...有菊花蜜...柑桔蜜...豆漿等....個侍應見我地有九個人....又送多一杯比我地....由於我地坐房...所以成日都要等有人行過即刻嗌住佢....但