王子廚房

營業中

休息中

好耐無食過一間真心煮野食既餐廳，樣樣野食都係香港久違有誠意既，唔會有果種呃錢或者係圖片與實物不一樣，雖然老闆唔係香港人，最初都會擔心係太過正宗，即係味道太濃果D，但佢好多食物都好似有調過味咁好岩香港人口味，平時出面比較貴既餐廳食到既味道依家好平民價就食到不突止，仲要係好好味，一定會介紹親戚朋友過黎食！我地一家人都算咀叼，都讚不絕口，幾乎叫哂成個餐牌既野，我本人最鍾意個虾，好爽口又大隻，老闆又好關心客人鍾唔鍾意食物，非常好！

話說想去留民料理食蟹膏炒飯，點知佢冇開。咁就去左旁邊那間新開既王子廚房試下啦~香脆芝麻吞拿魚沙律 $142呢個真係好食過西貢那間Pepperoni，醬汁有少少芥末好惹味，吞拿魚都幾大份同好香脆，生熟程度剛剛好。呢個價錢，抵食👍墨西哥玉米片 $88粟米片香辣冇味精味，上面有莎莎醬+牛油果醬+wour cream，仲有大量芝士。但要快d食，否則芝士好快會杰左。Pizza 就叫左招牌四季x招牌至尊 $120好食！ 餅底好香脆，厚薄剛好。芝士夠拉絲，材料都好match！南印度咖哩羊膝 $128南印度咖哩冇咁辣，應該係洋蔥及蕃茄蓉更多，所以比較香甜。羊膝我太飽食唔落，老公就話好正！ 飯唔夠，要叫多碗。香草羊架 $198好Juicy，有成5嚿，個沾醬都好好食，唔係一般既mint sauce。下面墊底既薯蓉加左d菜，唔係一般又乾又冇味。西班牙海鮮炒飯 $250佢寫就係for2人，但我地6位食都仲要打包拎走。幾好食，但唔算好驚喜。豬仔骨 $唔記得肉厚身，有人嫌肉淋得滯，但我覺得ok，好食過出面既餐廳。#置樂 #王子廚房 #好飽 #吞拿魚沙律好好正