王子廚房

營業中

休息中

今天再到此店吃了西冷牛扒知㗎喱羊腱加燒餅。羊腱賣相和味道很吸引，夠熱又新鮮但对我稍覺偏咸。牛扒要求7成熟竟掌握很好，不會令牛扒全熟恰到要求，其中薯蓉帶有磨菇味很特别!可惜飲品選擇不多，希望在這方面可多点構思!Anyway, I enjoy this delicious dinner! Hope it can keep good quality and service.

之前去屯門搵朋友路經呢間餐廳，睇名差啲以為係茶記黎。好奇望過下menu，原來係食西餐加印度fusion菜，睇相好似都唔錯，於是最近再約朋友就試下呢間😂。入到去望到環境好闊落，坐得好舒服已經加分。Staff都幾nice，晚市無咩人都任我地揀位坐😂。🔅墨魚汁意粉 ($115)平時約人就唔會食墨魚汁，不過呢次約舊朋友就無所謂啦🤣。墨魚汁好有鮮味，加埋香蒜撈勻意粉好正。大蝦都彈牙，有蝦味👍🏻，無比墨魚汁既味蓋晒。意粉唔會太腍，份量都唔小👍🏻。🔅印度烤雞肉卷 ($72)個人都幾鐘意食kebab，不過成日怕啲醬唔啱食(食咩都走醬人士)，同埋怕有好多蕃茄/青瓜(挑食人士)。不過呢個kebab個醬同其他料好夾，唔會好酸，蕃茄切細細粒又唔錯喎。最鐘意係雞肉好滑，份量多得黎又有菜去平衡番口感，幾爽口。女仔其實食半碌都夠😂。💬聽朋友講呢間平時都唔算多人食，但我覺得食物質素唔錯，上菜都算快，最重要係坐得舒服，因為約朋友聚會都會傾下計先走。下次會想試印度烤餅同paella 🤤。

將軍澳人入屯門🤪今日放假專登入屯門搵朋友順便試吓屯門啲高質餐廳鍾意食異國菜嘅朋友極力極力推介我去試依間王子廚房屯門真係好大😂落咗巴士都仲要轉車入去平日午市有套餐送湯同飲品原來朋友極力推介嘅咖喱都係得午市先有㗎咋牆身嘅圖案令我諗起印度中東嘅宗教民族圖案餐湯似乎係忌廉雞湯 比起出面西餐飲嘅淡好多而且好重胡椒味 朋友覺得胡椒太濃但我覺得幾特別幾好飲我哋叫咗墨西哥雞肉薄餅份量超大🤣雖然睇落得三件但信我 切開六件四個人食都得 拉絲芝士🤩雞肉餡滿瀉🤩🤩薄餅嘅餅皮有少少脆 而入面芝士同雞肉都係軟身 外脆內軟嘅口感呀💛👌🏻 點埋莎莎醬超好味 不過芝士嘅份量真係有啲多 食一件都好飽好漏🤪咖喱雞配naan餅Naan餅 好好味 有少少煙韌嘅質地而且好香口 本身以為只係麵包/Pizza批嗰種口感但食落好有驚喜🥰講緊淨係食個餅已經愛上落咗好多料煮嘅咖喱😍食得出好濃郁同埋有好多唔同嘅香料恕我孤陋寡聞 平時我淨係食咖喱磚開嗰種純醬汁狀嘅咖喱而呢度嘅咖喱係傑身好多 每啖都有種膏狀嘅口感 好似好多食材打成茸咁真係一試愛上 我仲用埋佢嚟點薯條🤪喺出面西餐真係食唔到呢種咁高質嘅咖喱Mongo lassi 好香濃嘅芒果味 有

去屯門探朋友，佢帶我食多國菜，真係好多唔同款式，結果選擇困難症嘅我都係交比友人決定！先來主廚推介：印度烤雞沙律賣相好吸引，好似座山，配合木瓜烤雞同沙律，真係好refresh呀！！！每個餐都贈送湯同埋野飲，個湯係雜豆粟米白湯，好足料，唔會好淡！然後叫左地中海香草葡國鷄(配薯條)我地傻傻地以為係葡汁，點知上菜見到係烤雞，我地真係笑左！不過食落都好味，d肉唔會好鞋，而且配薯條簡直就係perfect match！每個侍應都好有禮貌，環境亦坐得舒服，開心的lunch~

今日同個friend嚟食王子廚房，聽講好正。餐廳環境唔錯，空間感足夠。落單前唔知係咪老細嘅印度男士走黎問我地想食咩，我地問佢”any recommendations? I wanna try biryani!” 因為我本身好中意食！佢問我係邊到食過biryani, 我話other Indian restaurants in Hong Kong and in India! 佢”India?” Me ”Yes I have been to India before!” 佢答我地呢家個menu冇，下星期先有，佢就介紹另一款飯比我地。真係好nice👍🏻我哋叫咗咖喱雞肉薄餅、墨西哥雞肉餅、一杯Mango Lassi、一杯Banana Lassi，送兩個湯。全部都好好食👍🏻👍🏻👍🏻大家去屯門可以試試！

置樂其實好多野食。印度野多數都係食屯門咖喱屋，原來佢地朋友開左間王子廚房，食印度fusion 菜。屯門新界區好小依d 野食，所以放假就去試試佢，入面環境唔錯，2點幾去唔算多人。門面唔記得影，下次補番。d lunch menu 其實好平，啱哂學生哥。原先想試下小食，不過賣哂。睇黎下次要早d 黎。先黎個餐湯家庭式，好足料。唔係中式嘅雞湯，唔知係咪印度式嘅雞湯呢？+$18 就有杯沙冰，點可以唔加椰子沙冰，唔太甜，重椰味。主菜王子廚房特色羊肉咖喱配酥餅因為原先想食羊肉咖喱角，賣哂就為有叫個羊肉咖喱頂住先。印度咖喱，好多渣，好足料，唔係超市咖喱粉嘅出品。羊肉大大舊，夠哂蘇，唔鐘意果d 蘇味嘅朋友唔好叫。一份lunch, 又有薯條，酥餅仲有沙律。飽哂。

王子廚房 (屯門)屯門青山公路351號彩華花園地下32號舖招牌至尊薄餅 $112招牌愉快薄薄$112（雙拼口味 ： 另+$10）因為小妹選擇困難症，兩種口味都想食，所以+$10 叫雙拼😆試晒兩款口味！🍕手工PIZZA 即叫即烤製🤩手工呢啲心機野，值得等待！現場所見等大約15分鐘左右～上枱時，PIZZA 熱辣辣，而且用料豐富！ 面層仲有芝士拉絲🧀🍕薄底唔厚，所以即烤後PIZZA餅底脆卜卜🤩兜起PIZZA切件，D料同餅底痴得好穩陣，唔會甩皮甩骨！證明芝士同醬餡夠豐富！做到野！😆招牌至尊薄餅🍕包含2款香腸～一款係美國頂級黑豚腸，另一款係意式辣肉腸，值得一讚是2款腸味道都無過鹹，唔會搶過薄餅同其他配料的角色，醬料底是蕃茄醬，醒胃，即使面層係濃郁芝士，食落都唔會膩～招牌愉快薄餅🍕一樣是配料豐富，呢款PIZZA特別用咗 土耳其醬汁，口味有d似係酸忌廉+沙律醬既混合醬汁，又有d似千島醬嘅味道，微微酸好開胃！😚而且土耳其醬汁同芝士、其他配料都好夾！值得一試～芒果拉西 Mango Lassi $38飲落有驚喜，味道似芒果布丁奶昔，因為Lassi以水果、乳酪同香料一起調配，層次好豐富，飲鮮果味乳酪飲品，

係openrice見到呢到有特色印度薄餅，特意前來一試，果然無失望！點餐後，先上每人一件蒜蓉多士，好脆口👍👍叫了4樣野1）大Leffe $45好大杯，飲完好滿足！餐牌有寫water要錢，但其實問佢攞係唔洗錢，可能要錢嘅係 bottle water。2）四季薄餅 $112薄餅料有酸乳酪，薯仔，少少甜酸醬，雞肉，香料菜。餅底好脆口，平時某大牌子pizza餅底放耐咗會好硬，呢個唔會，依然脆口。啲料好開胃，唔會食一兩件就好濟。係比較特別嘅pizza，出面少啲食到。值得推薦😋😋3）墨魚汁意粉 $115意粉比較散，唔知點解唔係完整一條條長嘅意粉，不過味道都ok，好似有落少少辣椒油。開邊蝦，幾有心思。同樣幾開胃 ，唔會因為意粉汁而感覺濟。4）印度麵包 $18見唔係好貴，又好奇咩係印度麵包，所以就叫咗。口感有啲似Naan，有跟一兜咖哩汁，但塊餅本身都有啲牛油味甜甜地，所以唔洗點汁都好好味。我自己本身都好鐘意食Naan，所以呢個餅我好鐘意🤤🤤坐咗個半鐘，雖然位有少少full，但職員都無話趕你走。埋單個時仲好好傾，問我啲野好唔好食，下次會唔會再見到你，好攪笑😝😝店員話黎緊會轉新餐牌，會有新薄餅，咖哩口味😆

今日約咗個老朋友食飯，因為佢住喺屯門所以都要入嚟搵一搵佢不過好彩我都係住大西北所以唔緊要，其實地理嚟講都OK，由屯門市中心搭幾個站就到。餐廳設計方面簡簡單單，隔離有個好靚靚嘅酒吧區，感覺到夜晚就會變身。最緊要地方夠寬敞有位吹水吖嘛。一開始整一堆多士過嚟俾我哋開開胃確實唔錯。菠菜茴香雞肉意大利飯（$116）一睇賣相首先份量相當十足，食落去表面滲咗少少芝士，所以味道幾香，啲飯有菠菜同埋茴香，所以幾香同埋惹味，再加埋啲雞肉淡淡肉，口感亦都十足。招牌精選薄餅（$118）份量很大份，而且睇吓芝士拉到幾長，味道認真唔錯，好重調味配料👍🏻而且薄餅的口感也不錯微微脆。重點係咩啊重點係平呀嗎$234搞掂，雖然過嚟屯門搵我個friend就真係有啲不爽，但價錢上確實係比市區平至少一半，所以都係返曬到啦，而且味道確實唔錯廚師確實有啲料到，絕對會再覆桌。

今日攞一個好耐冇見嘅朋友無啦啦搵我食飯，佢話可以過嚟屯門搵我，其實呢邊有幾間餐廳我都食過唯獨是係依間仲未食過所以我叫佢一齊試吓。招呼我嘅係幾個印度人，心諗煮咖喱你就叻啫，但係我今日唔係過嚟食咖喱㗎喎。不過個地方幾寬敞幾適合吹水👍🏻菠菜茴香雞肉意大利飯（$116）第一味菜，個賣相都整得錯相當有份量，而且啲飯嘅口感真係一流一粒粒咁樣簡直係超正，再加埋菠菜同茴香更不失香味。招牌精選薄餅（$118）我本人就麻麻哋鍾意食薄餅，不過依個薄餅真係要俾個讚佢，有圖有真相睇吓啲芝士拉得幾高，食落去除咗十足嘅餡料之外，佢嘅薄餅皮仲要烤得脆脆的，簡直係色香味俱全👍🏻個重點係價錢一啲都唔貴（$234）埋單份量嚟講兩個大男人食可以食到好飽，有種滿載而歸嘅感覺而且環境亦都好大，空間又夠價錢亦都係市區嘅一半，我咁講食物質素肯定高過晒價錢貴佢一倍嘅餐廳🤔

係屯門想食好野 除左去市中心食連鎖餐廳之外置樂都係一個好地方搵好嘢食今次選擇左久仰大名嘅王子廚房試一試見到好多食評 嘢食又吸引 絕對值得去試—招牌四季薄餅（$112）難得嚟到梗係試啲平時唔會試到嘅嘢呢個四季薄餅幾有特色材料用咗雞肉菠菜薯仔蘑菇同埋酸忌廉薄餅因為有酸忌廉 有少少酸 好開胃好好味同平時去連鎖餐廳食嘅薄餅好唔一樣加上清清地 係一個幾好嘅嘗試—香辣海蝦意粉（$118）欣賞呢度嘅意粉唔會太淋意粉索晒啲辣汁好入味至於蝦嘅份量一啲都唔少清甜得黎又爽口—餐廳特別整咗兩杯飲品俾我哋應該係類似雜果賓治咁梳打水飲起上嚟好開胃加上新鮮嘅奇異果 唔錯呀

原本老爸話想試呢間「王子廚房」個陣 已經上openrice睇過食評 見到全部回應都好正面🤔 估唔到食落真係極高分🤩💯星期日6pm去到都係得一檯6人客 上菜前會跟人頭上蒜蓉法包 侍應都好有禮貌🙋🏻‍♀️ 我地全家4人嗌左一個pizza 一個意粉 一個意大利飯 一個串燒 同兩杯芒果奶西share飲 已經好夠飽🥴食完法包 就啱啱好上嘢飲 芒果奶西都係跟openrice食評嗌 諗住實無死🤔 點知又幾正 酸酸甜甜幾開胃 仲要每杯上面都會畫公仔😂😂Pizza🍕加$10可以雙拼 嗌左果兩隻味都咁好食 分別係兩個招牌款 兩隻都好yummy🤤 (唔記得實際個名👻)但我偏向鐘意酸忌廉個款🥰 雖然睇落俾想像細少少 但絕對份量十足 其實女仔食完個pizza都有少少飽😂意粉同意大利飯嘅份量比一般西餐廳多一倍 絕對唔會係一人一羹就無曬😆 兩碟味道不過不失 相比下pizza會驚艷啲✨豬肉串燒就最後先上 比起其他嘢食 串燒係我地等得最耐 差啲以為漏單🤭 但好在都唔差 只係媽咪略嫌有啲過鹹 但我地3個照樣清曬🤪💰埋單4個人食左$544 人均都係$136💰🌟總結🌟 呢個價錢食到西餐水準 係其他區未必搵到 但建議多啲人一齊食

今日係屯門搵到呢間王子廚房，個名幾得意，又係食多國菜，就吸引左我去食啦今次我係lunch去食既，門口menu見到既lunch set好多、好吸引。餐廳入面環境都唔錯，坐得好舒服，仲有張吧枱咁，好靚！叫完餐，估唔到有餐湯送睇漏左，結果有啲小驚喜今日餐湯係豬肉湯，少少杰，應該好足料，飲到有少少胡椒味，好正！Chicken quesadilla，四大塊，唔怕唔夠飽，入面芝士多到爆晒出黎，睇見都興奮，加埋啲sour cream係上面食一流！地中海香草烤萄國雞，老板知我同女朋友黎，突登用個心形碟上菜萄國雞煮到啲肉好影散，唔洗用刀整得開，食落好重香草味，肉質又軟身。隔離啲汁咸咸甜甜得黎又有少少辣，好好味，第一次食，唔知用左咩配料呢我地叫既椰汁菠蘿沙冰，老細都係上面畫左個心，仲要用箭串住女朋友好開心椰汁味唔太出，反而飲到菠蘿汁味多，入面粒粒碎冰，好飲今餐食得好開心，香港好耐無出現啲咁有人情味既餐廳！

#屯門特色多國菜#王子廚房#今日同一個識咗十幾年嘅朋友慶祝生日🎂於是我哋就去咗一間好有特色嘅餐廳叫‘王子餐廳’😍呢間餐廳係食多國菜㗎🤓可以滿足晒我所有願望😇一入到去餐廳😁環境都好舒服又乾淨😉而且都幾闊落😲一打開個menu 真係花多眼亂，有唔同國家嘅菜，有泰國🇹🇭西班牙🇪🇸墨西哥🇲🇽意大利🇮🇹印度🇮🇳港式等等🤘🏻總有一款咁你口味🤭店主服務態度好好😌會主動推介菜式👍我哋分別叫左3⃣️個菜式😇蝦肉墨西哥🇲🇽薄餅 （$98）入面有好多蝦肉😌多到數唔哂😋仲有好多芝士同生菜🥬非常好足料😆d芝士仲可以拉絲🤭加埋脆嘅餅非常之夾😲如果想酸酸甜甜可以配埋加醬一齊食蔬菜咖喱角（$24/2）咖喱角一向都係配肉嘅餡料😋今次試吓淨蔬菜味🥬感覺上好健康d🤣蔬菜饀料同脆卜卜嘅皮一齊食😆非常正🤭咖喱牛腩配印度薄餅個咖喱好有咖喱而且牛腩好淋加埋脆卜卜又大塊嘅印度薄餅，非常之夾🤚🏻一啖咖喱😍一啖薄餅😬食到我地好開心😚我朋友對今餐生日飯好滿足👍話下次再嚟

介紹一個在屯門不錯之平民多國餐廳。今天午餐便去了置樂附近的這間餐廳，先看看餐牌，有14款午餐， 琳瑯滿目。最後選了咖喱羊肉及非洲鷄，配上白飯和烤餅，一絕！還有餐湯及餐飲（凍飲不需加錢。讚！）送到的非洲雞有半隻，讓我肚皮滿足！咖喱羊肉也是滿滿的，不會只有兩三件，哈！鷄肉和羊肉也軟軟滑滑，容易入口，味道也不會太濃裂。已約 150元之兩人午餐，真的是一個不錯的地方。溫馨提示：此處咖喱羊肉是用酸咖喱，會帶酸，不要誤會是壞了！