玉桃軒酒家 (利舞臺廣場)

營業中

休息中

今日爹娘黎銅鑼灣飲茶,帶佢地黎試0下.一入門口已經有唔係幾好的印象..."支客位"無人,超過2分鐘至蒲頭.坐低發現䒷 面斜斜地><點了以下點心:蝦餃- D皮"林Pat Pat",蝦有D韌同"押"味(即係唔新鮮囉)重收"特點"0添><芋茸飽- 這個OK!巴蜀牛孖根- 同普通牛孖根無分別白灼芥蘭- 菜質OK,但太油芝麻雞海蜇煎軟餅- 味道OK,但好多油又唔用隔油紙><芋絲炸春卷- 唔熱以下2個是最好的...百菌白果魚湯浸魚腐- 魚湯鮮甜又夠熱砂鍋鯪魚球煲- 鯪魚球彈牙兼爽口總括: 點心質數麻麻地,服務有改善空間(點心售罄又唔通知客人,要問至講).

28-7-07 (六) 下午茶數月来首次踏足酒樓，下午茶有優惠點心，價錢雖然優惠，水準不差。太久没有飲茶，樣樣都覺得美味。只是椒鹽蝦過鹹，下次都是叫清淡的食物。還有，茶也覺得很好。

上星期四一行九人幫家姐慶祝生日,一到步真係有d驚,我哋差唔多包場咁滯,其實d嘢食都叫平靚正呀,係咪d人以為响呢度會貴呢,anyway,家姐推介得既都唔會差既1)片皮鴨2)梅菜蒸菜心3)藕片炒荷蘭豆4)鷄鮑翅5)蝦伊麵6)賽螃蟹帶子7)紅豆沙後記:嚴格嚟講,佢哋d服務真係好唔掂,初時全場得2張枱,待應就起碼有6個,但佢哋唔會主動招呼,好似超級新人咁,到食完飯之後,就問我哋所有人係咪而家上蛋糕...唉!!!大佬,乜驚喜都無晒啦,跟住上蛋糕仲衰,成個盒上,要我哋自己開盒呀,點蠟燭咁,吹完蠟燭,佢哋就拎個蛋糕响後面切,但就有成4,5個人圍住研究,上生物堂咩???唔該專業d啦,真係唔知好嬲定好笑囉......九人共消費:730

本來想去樓上嘅客家好棧飲茶, 但係一上到去就見到牆上面寫住點心一律半價, 心諗:, 點知真係@0@, 咁唯有揀樓下嗰間啦, 去到間酒樓都幾吉(但係嗰日係星期六喎), 唔理咁多喇, 肚餓, 入去入到去原來間酒樓好細, 但係見到今晚有人會擺酒. 坐低叫咗:燒賣, 叉燒腸, 叉燒飽, 焗蘋果叉燒酥, 帶子餃, 餃子講真, 其實所有嘢都非常普通, 所以唔逐樣講喇, 又唔平, 茶錢都要收$9個, Total食咗$160($157+Tips $3), 所以絶對唔會再去, 我喺石岐佬兩個人食咗八九個點心都係$6x, 又抵食又好食另外我咪講見到有人會喺嗰度擺酒, 但係就俾我見到d阿姐將d跌咗落地下嘅圍巾(唔係一張, 係一堆)就咁執番上嚟就擺番上隻碟度, 嘩! 地下嗰張地毯應該好多人啋過喎, 你竟然會將D跌咗落地下嘅圍巾放番落隻食嘢嘅碟度, 阿姐我真係要俾個服字你, 希望嗰晚d人冇肚呵啦

近排先後同bf/父親&母親大人到此飲茶,兩次幫趁試過唔錯0既點心有:蒜蓉春卷,鮑魚雞粥,南瓜腸粉,沙薑雞腳,擔擔麵...當日三個人埋單$150,以0係銅鑼灣旺區,以及裝修&食物,算係唔錯選擇

尋晚一家人上去食，見個場唔係咁多人，諗住靜靜地都好o既，諗住叫menu 入面個套餐，個waitor 話無石斑，亦無龍蝦；咁我o地叫o左第個套餐，後來我o地再叫多個雞，點知個waitor 又話無貴妃雞... -_-"呢間百無酒樓，又唔係多客都咁樣，有少少懷疑佢o地點做生意...

第一日開工，公司訂了枱於這裏吃飯，好野^ ^點心分別有：蝦餃——一般，但皮夠彈牙小籠包——皮夠薄，汁亦多，肉質有點un奶皇卷——賣相靚，不太甜排骨、牛肉球、鳯爪——賣相一般，好油膩粉麵飯xx炒飯——唔知是甚麼炒飯，頗多料，飯粒炒得夠乾身xx炒河粉——有蝦仁，炒得頗濕，味道不太濃xx炒米粉——炒得不夠乾身，但麵質彈來爽滑冷盤海蜇——想食時已被搶奪一空，所以no comment叉燒——夠淋，肉汁豐富，好食另外.....不記得，不過不失糖水分別有蜜瓜西米露、喳喳及綠豆沙選了綠豆沙——起沙，多豆，清甜d會更好走的時候，喵了一下牆上的宣傳單張：下午茶點心、中、小點一律$13，哇…都幾貴喎

唔知係咪要上20樓所以比較小人，lunch次次黎都有位，唔駛等，點心、燒味、小菜、炒粉麵d味道都ok架!!平均lunch每人伍十幾蚊!!

搬左去, 銅鑼灣利舞台廣場20/F .....