玉桃軒酒家 (鱷魚恤中心)

營業中

休息中

雖然地鐵又一次故障，但是無阻我們周末去飲午茶的習慣。以為响觀塘地鐵站出閂的時候有好多人，幸好仲可以响呢間人來人往的茶樓揾到個位。先來一壺香片解解渴，放鬆一下心情。蝦籽燒賣皇 確是我們每次飲茶必選，啖啖肉，夠哂新鮮。陳皮叉燒酥 是我們來這裡的又一好選擇，因為夠哂熱辣辣，叉燒餡的味道甜甜地，好惹味，實在很喜歡。然後來個 香煎蘿蔔糕，表面煎得很香，但不會太焦，外脆內軟。接著就是XO 醬櫻花蝦腸，腸粉煙勒，配合了混合XO 醬的櫻花蝦，帶點微辣，減少腸粉的飽肚感。到了 蠔皇香芋鴨腳扎，鴨腳同芋頭一樣，食落好腍身，而且索咗唔少蠔油味。

年紀大特別鐘意食中菜,記得細細個見到人地食冬瓜盅覺得好特別好少機會食大個左自己出街食飯對冬瓜盅有情義結舊同事係牛頭角返工,約係APM最方便地方好闊落好靚小菜又多價錢好合理大夏天時叫左個消暑冬瓜盅原隻冬瓜燉,係酒樓先食到,又正宗清清甜甜又大份大約都分到8-10碗有好多冬瓜肉,鮮蝦,香菇飲多幾碗都唔怕冬菇海參煲冬菇勁大粒,半隻手掌咁大,好淋,好香蠔油味冬菇同海參汁全部滲晒入煲低生菜真係唔錯晚飯時段唔算嘈,輕輕鬆鬆又一餐

由於工作關係，與同事們到了觀塘，有人建議去飲茶。觀塘飲茶，梗係去鱷魚恤中心，呢幢大廈最多酒樓俾你選擇。玉桃軒午市有唔少食客。觀塘分店似做開婚宴，主要以白色和大鏡裝修，感覺乾淨舒服。鹵水豬腳仔 $48豬腳仔大大件、啖啖肉，好入味，啱哂喜歡重口味嘅同事。鮮蝦莧菜餃 $28.5皮好薄，好清楚咁睇到入面嘅莧菜同蝦，味道不錯。燒汁釀茄子 $28.5我地見好多枱食客都點呢樣。原條茄子釀左魚肉，上面放左啲花生碎，加埋燒汁一齊食，幾惹味椰汁香芒卷 $19.8以薄薄一層椰絲包着切成長方形的芒果，味道清新南乳羅漢齋煲 $48份量不少，獻汁略為杰身

小弟剛好有幾位親戚由外國回港探親 晚上當然要好好應酬佢地 記起玉桃軒食物質素同地方裝飾還不錯 所以一早已決定要帶佢地黎呢到👨‍👩‍👧‍👦玉桃軒佔地成層之大 有多盞水晶燈 而且牆身有多塊鏡 令到視覺上空間感更大 燒腩仔最先送上！驟眼睇肥瘦平均 層層相間 有肉汁 咬落偏咸 唯一可以改善既係皮唔係粒粒都香脆 人蔘燉雞湯落足雞肉去煲 因為一打開蓋充滿雞油😂相返人蔘味唔重 似純雞湯多！除左雞湯 仲見到金華火腿粒 可惜味道亦唔出色 整體感覺湯不過不失肉蟹蒸糯米係今晚既主角！糯米飯下係塊大荷葉 所以飯除左吸收肉蟹精華包括肉汁同油份外 亦吸左荷葉既清新香 加上有蒜蓉一齊蒸 只係聞都足已令人垂涎三尺 口水欲滴🤤大肉蟹足秤 打開蟹膏同蟹肉份量相當多 廚師更細心地先將蟹殼砸碎 所以一黎我地已經可以馬上食👍🏻因爲糯米飯偏油 所以有飽滯感時飲一口茶去去油份 肚皮的滿足感就是這樣得來🤴🏻均衡飲食點可以無菜？蒜蓉炒油麥菜顏色翠綠 入口爽脆 係炎炎夏日給視覺同味覺上帶來一份清新！最後一道菜式 — 鎮江骨煲！鎮江骨煮得開胃可口  肉質炆腍 入口有即融化既感覺連老人家都食到！雖然啖啖肉 但一絲油膩感都無😋

今晚跟班friend行觀塘APM商場，有少量收穫，便顺便在這裏食個晚餐先返屋企。由於 朋友想坐得舒服，可以一邊享受美食 ，一邊無拘無束地傾計。於是行去隔離鱷魚恤大廈 搵間酒樓食飯，大家一致决定玉桂軒酒家，因試過其點心好好食，相信晚餐也不差。😘時間尚早，還有很多檯可選，就找角落位，贪其闊落、自成一閣。👍今晚星期四有精選4人餐，雖然我們3個人，但此4人餐有龍蝦有班有東瓜盎，反正都非常肚餓，就點這套餐。😋先來東瓜盎，份量果然多，而材料也豐富，尤其是d蝦，十分鮮甜彈牙，令整盎東瓜盎非常入味，湯味鲜濃又清甜，正！👍而波士顿龍蝦上海伊麵更好好食， 龍蝦好新鮮，肉不黐殼又彈身，加上上海底，非常鲜美而彈牙。而伊麵更索滿龍蝦的鲜味，我們轉眼已食清，很知味呀！😋😋而清蒸沙巴海班仔掌握火喉更一絕，魚身滑不溜口，非常鲜甜，口感嫩滑無比。更上醬油甜甜的，配上大量葱花一齊食，佐飯一绝。👍👍還有鼓油雞，入味非常，已雞好嫩滑，肉質滑口非常，口感豐足，連雞皮食好正。😋😋😋其它還有兩款菜西蘭花帶子珊瑚蚌和濃湯浸時蔬,再加上甜品也不過是$788元，比好多酒楼平得多，食物也好掂，正正正！👍👍👍

觀塘區中式酒樓最集中應該係鱷魚裇中心, 朋友之前食過玉桃軒唔錯, 今次幾個朋友敍舊就嚟咗呢度.  食嘢最好多D人, 今次我地一行5人, 可以叫多D餸試下, YEAH! 京式片皮鴨2食 $188+$72, 我好耐無食過片皮鴨, 皮脆帶少少肉, 有微微嘅鴨羶味, 餅皮蒸到熱辣辣, 而且餅皮中間都有紙間隔住唔會黐住晒, 2食嘅"鴨崧生菜包", 有D冬菇同爽爽地好似係馬蹄嘅東西, 包住生菜食更爽口.秘製粉絲虎蝦煲  $148, 虎蝦算幾大隻, 用豉油煮但唔會咸, 仲食到蝦味添. 欖角醬燒骨 $88, 燒骨冧身, 沾有少少欖角, 食起嚟似唔多甜嘅鎮江骨.瑤柱海皇雜菜煲 $88, 有好多瑤柱, 蝦, 帶子...等嘅海鮮配料, 菜類一向都係美女們的至愛, 份量好多, 夠晒我地食.最後來個中式甜品做個完美嘅句號, 蛋散嘅用柚子蜜, 如果多D蜜會好味好多, 黑糖馬拉糕"賣飛佛", 中式糖水點少得紅豆沙, 芒果布甸有點甜可以減少少甜度就完美喇.雖然我們係平日夜晚來到, 7點後有不少客人已陸續到來, 在同一大厦內有多間中式酒樓的競爭下, 仲有咁多客人, 可見呢間嘅酒樓嘅水準不錯, 下次會再同屋企人過來食.

星期六同左屋企人去觀塘玉桃軒飲茶。剛好下午茶時段，見到個餐牌啲價錢都唔唔貴，而且裏面嘅環境比一般酒樓乾淨好多。首先叫咗個柚子蛋散，同埋燒鵝瀨粉＄35非常之抵食。燒鵝瀨份真係好出色，個燒鵝嘅味道非常之香濃，好有鵝味，個皮燒得好香脆，而且過我嘅調味料做得非常之好，一流。跟住再叫咗個小籠包同粉果。粉果裏面嗰啲餡好爽口，有馬蹄粉葛同花生，比平時食嘅粉果高班。呢個小籠包果皮一啲都唔厚，而且裏面好多湯汁，喺酒樓嘅標準來講係非常之超水準。本來諗住帶叉燒腸粉，但係見到個脆脆海皇腸粉就叫左黎試吓。從來都未見過呢一款嘅腸粉，雖然裏面嘅炸粉比外面嘅粉皮包住左，但一啲都唔會令到個炸粉冧咗，而且裏面嘅餡料好豐富，有西芹冬菇同蝦，非常知足料，好味。 之後個甜品就帶咗個椰汁芒果膏。裏面係芒果布甸，我哋係椰汁做嘅，唔會太過甜好香芒果味，食完飯食就最啱架啦。仲有個豉汁鳳爪，唔會比啲汁整到林晒，鳳爪非常之爽口，啲汁包住喺外面啱啱好。

今晚和舊同事敍舊, 約了去官塘的 玉桃軒 飯局, 因為近地鐡站, 又近 APM, 早到的同事 可以行行商場, 購購物, 一舉兩得。玉桃軒 裝修靚,  高貴典雅, 有大水晶吊燈,  環境光猛,  大廳設有四人方枱,  亦有六 ~ 十二人的大圓枱,  枱與枱之間, 空間寬落, 令人坐得舒服, 宴客或聚會最適合!   服務員招呼好, 安排座位後, 立即開茶及送來餐牌.  菜式選擇多, 不乏海鮮, 雞, 牛, 豬及素菜, 價錢中等.   可以單點小菜, 也有套餐可選.開胃小食是:  木耳, 好健康.我們五人決定單點小菜,  先來,原煲老火靚湯 $128- 有清熱的粟米, 紅蘿蔔, 廋肉, 湯品入口清甜, 好健康.  材料足.   六人份量,  湯渣也送上檯.京式片皮鴨 $188-  我們一檯有五人, 個個胃口也不錯, 所以决定叫烤鴨二食,  高興一下.  幸好今晚來到酒樓不算遲, 部長話仍有.服務員先把大大隻烤鴨送給我們看看,  另一位服務員又把伴料的青瓜, 京蔥, 京醬也送來,  包皮大大塊, 用蒸籠上檯保持温暖, 熱熱的每片也隔着油紙, 不会乾也不会硬.烤鴨外皮紅卜卜, 賣相滿分.   服

運動，是可以一個人做，但和其他人一起玩，會更有趣，也可堅持更久，特別適合一些意志力不強的人如我，夏天減少了戶外活動，就轉移到觀塘參加室內的跳舞運動。今天運動完後，決定獎勵一下自己，跟朋友兩個人來吃個芝士焗龍蝦，因我們早前無意中看到龍蝦相片樣子好吸引，好想來試試。開了香片，朋友說這香片是特別的香，她甚為欣賞，我一向不敢喝濃茶，特別是晚上，但溝了水仍能嚐出它過人的茶香，茶錢每人$15都算值得。小食是木耳榨菜，細細碟，這收費$15。芝士焗波士頓龍蝦$238 加伊麵底$48一早鎖定這目標，即叫即整，需等候一下。上桌熱辣辣，好多汁，好香芝士味，但都要相機食先。見到芝士醬汁有深淺兩種顏色，可能是使用多於一種芝士製作，令芝味更具層次。先吃一口龍蝦肉，雖然是較濃味的製作方法，卻仍選用新鮮優質的龍蝦，真的是吃得出來的，爽彈的口感，帶有些海水味，有著海鮮的鮮甜味，味道確有驚喜，芝士醬也沒掩其鮮味，反而加持了它。不過這隻龍蝦不算大隻，肉有限，兩個人食就剛好，如果多人要叫多點。醬汁濃稠，乖乖的掛在每條伊麵上，每一口都充滿濃郁芝味，又有點奶香，恰到好處，好滋味。一般龍蝦我不愛吃鉗，因為肉質次一等，但這個鉗都好好

行開觀塘APM,這裏附近真係有好多好野食，隔離鱷魚恤大厦，成幢大厦就有好幾層食肆任君選擇。今晚想食酒樓廣東餸菜，就决定這間玉桂軒酒家。時間尚早，只不過下午18:30，座位好多選擇。侍應就比張6人檯我们4人坐，相當鬆動，加上檯與檯之間距離較大，完全沒有擠迫感，坐得特别享受。翻過餐牌看，發現最低都是這個冬瓜盅龍蝦餐，4人份量都是$788元。當中有海皇冬瓜盅、 上湯焗波士頓龍蝦(一隻，伊麵底) 、西蘭花帶子珊瑚蚌 、清蒸沙巴海班仔、濃湯浸時蔬、鼓油皇雞半隻和精美糕點，有湯有菜又有海鮮咁多野食，認真超值！不用多想，我們剛剛4人，就點這套餐。上菜前的小食冬瓜盅龍蝦餐份量足夠每人飲2碗，足料火喉夠，當中的蝦肉更新鮮嫩滑，食落蝦肉有彈性，超爽。而湯沒有多餘味精，味道不鹹不淡， 很清甜。上湯焗波士頓龍蝦更好食，原隻斬件落啖啖龍蝦肉，肉質非常鮮味，肉身食落口感更彈牙,食完咀郁郁，超滿足。而伊麵底我認為更值一讚，麵身超彈牙，加上索哂上湯龍蝦味而不杰身，食落沒有太黏感覺，味道、口感都好滿足。清蒸沙巴海班仔更值一提，蒸魚時間剛剛好，沒有蒸過籠，魚好滑身，加上鮮味鼓油配搭，食到停唔到口。在家裏點蒸都蒸不出這種口

玉桃軒 一 友人於觀塘上班，打算吃中菜，便得此推介，無想太多，照跟也罷。位於鱷魚恤中心，位置便利，人流量極高 (純粹是由開源道周邊工廈下班的打工仔)，對生意應無甚麼幫助。Weekday七時許，有十多檯客人。粉紅色餐牌(紙)包含兩頁重點推介菜式，均是燒味，海鮮及一般中式小炒。原隻片皮鴨由專人在面前即席片出鴨肉，手藝非常純熟，不出一兩分鐘便已完成，真的手起刀落! 片皮鴨($188/壹隻): 簡單數了一次，鴨肉有23塊，另有香脆多汁的鴨皮on side。把鴨肉/ 鴨皮/ 大蔥段/ 甜麵醬等料放在麵皮上包著吃，這傳統的片皮鴨食法是如何的香口惹味，相信也很有picture。鴨味都幾到位，而鴨皮夠曬香口，算系處理得幾好。叉燒王($88/例): 叉燒算是average，蜜汁味濃，肉質鬆軟。也可以包著麵皮吃，另一種食法蠔王花菇鵝掌煲($88): 蠔皇醬汁夠曬香濃入味，味道如我們到中式酒樓宴席中的同樣食品一樣。

同屋企人食飯都系去食中菜比較多，玉桃軒都算方便，就系觀塘地鐵站B出口落去第一棟大廈。片皮鴨就相對吸晴，眼見有唔少客人都點鴨。叫完無幾耐部長就推左隻鴨出黎現場逐塊逐塊片出黎，賣$188蚊，淨系肉都有20+件、仲有其他大大塊既鴨皮、兩籠薄餅，夾住大蔥同甜醬一齊食，皮脆肉香，味道又真系幾正。蒜香牛柳分類為小食，$68蚊，牛肉軟腍，牛味中等，但醬汁就好夠味，連配料之一既雞脾菇都整到幾惹味。咕嚕肉 －普通一味家常小菜，本質黎講，技術含量唔算太高。此菜有2個重點: 1. 醬汁 – 在茄汁、喼汁、糖的比例；2. 豬肉 － 包含豬肉質素同炸粉既掌控。呢度冇話點樣特別，只是個人黎講本身鍾意食咕嚕肉。糯米蒸走地雞 － 估計應該用左半隻雞，用左一層荷葉鋪底黎蒸，所以飯粒充滿荷葉香。醬汁幾濃，估計主要都系用左啲蠔油、豉油調出黎，雞件幾入味。但系飯粒唔夠乾身。

今晚收工後嚟咗觀塘一間酒家－玉桃軒晚餐，上次食過印像幾好，所以就決定再嚟。聽聞呢到出名係叉燒，不過自己又麻麻地叉燒，所以無叫到。呢到都坐得幾舒服，D枱夠大張，叫多幾味送都唔洗驚放唔落。全晚食到飽一飽，如果講最好食，就係呢個胡椒斑頭腩煲，入面放咗好多胡椒，辣辣地幾惹味，而斑頭腩亦軟腍腍，帶少少脆。另外焗響螺估唔到都幾大隻，係釀咗蟹柳、海鮮等，要用匙筆嚟食，幾好味。仲有個雜菜煲清清地，入面有好多款菜，例如生菜、金菇、蝦等，幾好味。

今日同屋企人去左好耐都冇去過既日本人小社區太古城康山行下街，由於好耐都冇去過太古城，所以真係想飲茶都唔知咩地方有，正苦惱緊之際，突然見到係康怡廣場完來有間玉桃軒酒家，於是就上左去試下！酒家地點唔錯係正地鐵站A2出口，而食既野都係一般飲茶會食到既野，但味道唔錯勝在新鮮熱辣，同服務一流👍🏻同屋企人小聚，所以我地都只係點左點心食一路食一路傾下計，享受下家庭樂😆😆😆我地點左既點心包括：細個最鍾意食既炸魷魚蘇、蝦餃、燒賣、鮑汁雞腳、魚滑釀豆腐、炸魚鮫、蜜汁叉燒、炒鮮魷、同紅棗薑汁糕。每一樣野就咁睇好似都冇咩特別，但飲茶就係咁，野唔雖要要特別，只要夠新鮮蒸起夠熱就好食！其中最令我開心係可以食到炸魷魚蘇，因為炸得香脆既魷魚蘇係兒時最愛，而家已經唔多地方有了～但同屋企人一齊係康山飲茶後去行對面既吉之島實在係童年回憶，這些美好回憶就只有去康山飲茶才有，如果同樣是80後的你一定會明白～

與家人吃晚餐一般也會選址中菜，是夜就來到觀塘apm附近的玉桃軒酒家。酒樓寬敞，圓枱勝在夠大，不用擔心太多食物放不到，環境亦舒適。除了主餐牌外，亦有一張小菜點餐紙，個人認為這張紙較扺食。法式焗釀嚮螺/$68隻，賣相一流，每隻也金黃色。嚮螺釀了蟹柳，薯仔，螺肉等材料，味道有點像焗薯，十分惹味。由於怕吃不到的關係，早前先預訂了全隻京式片皮鴨/$188，侍應在旁即場將片皮鴨切片，望見已想急不及待地吃。順帶一提，片皮鴨可選擇二食，另加$72。片皮鴨通常配一籠餅皮，我們家簡稱Momo，哈哈，原因是曾在某酒樓點單上看到這名字，其後就這樣叫。一打開，Momo非常熱，而每張中間也放在紙隔開，令每塊不會黏在一起。另附有配料，分別是青瓜及蒜絲，但以一隻鴨而言，配料份量很小，當吃到一半發現已沒有，要再追加兩碟，而追加每碟要$15，價錢頗貴，醬料追加則不用收費，但沒有配料不好吃呢。先將片皮鴨沾上醬汁，再用上Momo及配料夾在一起，配合起來便是最完美的吃法。片皮鴨新鮮，外皮尚算，而Momo就有點厚切，但勝在微熱，味道相當不錯。瑤柱海皇雜菜煲/$88，味道有驚喜，非常好吃，以多款蔬菜及菌類製成，由其是椰菜及金菇，非