玉桃軒酒家 (鱷魚恤中心)

營業中

休息中

每逢第一次光顧一家中式茶館總是特別想試它的片皮鴨，這家店只能叫整隻，所以叫了兩食及加了一碟炒菜心。但建議若果兩人的話，兩食已經很足夠，不用額外加餸。前菜每桌必上前菜，味道不錯。京式片皮鴨整隻上枱，店家會在你面前把整隻鴨片肉。配菜有青瓜及洋蔥，份量不少，足夠你吃完整份肉。面皮偏薄有韌性，包住沾了甜醬鴨肉、青瓜及洋蔥，咬下片皮鴨皮脆肉嫩，味道不錯。豆腐菜苗滾鴨湯豆腐湯奶白上桌，入口香濃鮮甜，大白菜軟熟，整盆其實滿多，喝下解膩。蒜茸炒菜心菜心嫩，咬下清脆爽口，帶蒜香。整體來說，食物質素不錯，環境寬敞舒服，價錢合理。

雖然香港有好多美食，但始終最鐘意都係食中菜。同朋友黎到酒樓食下d小菜。蜜椒薯仔牛柳粒 $138薯仔炒得勁香，頗有咬口，重帶點黑椒既香氣。牛柳粒頗嫩滑一d都唔un，非常惹味。滑蛋炒蝦球 $128我同朋友本身都好鐘意食蝦，所以呢道菜非常合我地口味。蛋十分香滑，配彈牙既蝦球真係冇得輸。而且份量非常多，都幾抵食。蒜茸菠菜 $88去茶樓點都要抄個青菜，於是叫左個蒜茸菠菜。菠菜都幾新鮮，用蒜茸炒香味濃。今日食完好滿足，同朋友約定下一次會再黎。

睇咗comment去試試，但中伏了，食物全部免費送鹽 ，鹹到一個點，係頂點。地方淺窄冇計，但員工服務態度差，個自稱經理嘅男人，簡直係差到不能再差，不知所謂。又係嗰句 冇下次!

一直冇寫開食評，但今次真係要申請個account來同大家講下呢間酒家。屋企有老人家生日，Book左星期六晚吃飯，但^_^入座洗碗筷，舉手示意麻煩侍應倒倒水因為仲有碗筷未洗，結果一位光頭既經理答我地「你等等先啦，我要換左隔離枱啲水，邊有手」，我當下呆一呆，然後佢收左我個盆，本身諗住佢只不過係幫我倒一倒水，點知佢直情收左，要我地再問佢先至比番我地，態度惡劣。位置較逼，枱與枱之間根本上就冇空位，我地呢枱14位坐正中間，同隔離枱完全貼住，每次兩邊有人要起身，都會整到大家，尷尬之餘亦麻煩到對面，搞到大家都唔好意思。而且最後埋單亂收我地膠盒同膠袋錢，一早訂位嘅時候同佢講左我哋有幾部車要泊，佢哋女同事話冇問題，點知最後埋單嘅時候，亂收錢不特止，仲要同我地講話一張枱剩係得一部車可以泊，問藍裇衫經理，點知個經理同我地講話佢地同事講既野唔代表我地公司政策係咁，咁請問同欺騙顧客有咩分別？呢間野我下次真係唔會再來！

今晚同朋友想食中菜 去左依間酒家叫餸食飯環境都幾大幾舒服海蜇拼燻蹄海蜇爽口 切片燻蹄配酸辣汁我同朋友都好鍾意食 推薦上湯大花蝦伊麵芝士味湯汁 清清淡淡蝦頭剪過方便食用 可惜蝦唔夠新鮮 減分上湯花膠浸時蔬我地揀左生菜大大片既花膠係菜上面 充滿膠原西芹腰果牛柳粒牛肉灑上黑椒粒 朋友好鍾意 但我就唔鍾意食西芹既埋單四百幾 2個人好似叫得太多 食到好飽 一大班人黎叫多啲一齊share會好d 但蝦真係要改善 唔夠新鮮 但算係不過不失既一餐啦！

又一個要比賽的周日，天氣不穩、驟雨驟晴，最後一場賽事更是滂沱大雨倒頭淋，當下只顧盡力往前，最後得到了銀盃冠軍實在是錦上添花。 混身濕透，幸而有體貼的家人來接我晚飯，不走太遠，決定在附近找個地方吃中菜。 椒鹽鮮魷 $128魷魚新鮮炸得酥脆，惟以價錢來說份量偏少。 燒汁牛肋骨 $148連骨上賣相一流，滿心以為是日式燒汁那種口味，怎料吃下更像中式牛腩，沒神沒氣。 京式片皮鴨 $298見大部份客人也點上一隻，我們也不執輸，附上青瓜、京蔥和海鮮醬，還有份量足以包完整碟片皮鴨的兩籠麼麼皮。鴨肉入味不羶，皮脆略油，不過不失。 薑蔥粉絲肉蟹煲 $168怕麻煩沒吃蟹肉，粉絲做得乾身不太油，味道不如想像中鮮甜。 豉汁蝦球帶子蒸豆腐 $118豆腐用上布包豆腐，比盒裝的滑溜度稍遜但豆味更濃，上面的海鮮就是雪藏貨色罷了。 另點上一碟菜和三碗白飯，連茶位埋單近千三元實在嚇了一跳。整體味道一般，稱不上難吃但也對不起這個價錢，相信外頭有更好的選擇。

家庭晚上聚餐今次由我發板, 家人多數都較喜歡中式菜, 上次食過留有好印象, 所以再帶家人過來.一坐落便立即問開乜茶, 及上前菜, 服務週到. 前菜係類似豆角的東西, 炒過有點咸咸地.  一邊食一邊點菜.家姐鐘意美顏嘅, 佢首選"燕窩芙蓉花膠羹"用料好足, 入口順滑."晚飯孖寶"  $318, 包括有: 清蒸海斑仔一條, 大約有12両大小, 蒸魚火侯剛好.醬油金蒜脆皮雞半隻, 皮脆肉滑, 醬汁不會太咸, 沾一點點醬更能提起雞味.馬拉盞通菜煲, 滿滿煲仔, 馬拉盞味道適中, 炒通菜最MATCH.今晚大約19:30 到酒樓, 燒鵝已售罄, 眼見隔離枱有得食, 只好望梅止渴, 要食好嘢下次要早點到. 

今個星期六小女生不用上課，book 場做完運動就去飲下茶，記得上次在玉桃軒食晚飯時小女生見到門口的點心廣告說很想吃，我這位媽媽一值記在心中，就趁今天就帶她去吃吧！星期六十二時前下單，點心也有優惠價呢，真開心！香芋炸鮮奶炸得十分鬆脆，芋頭內有鮮奶，甜度剛剛好，好味！陳皮叉燒酥又是熱辣辣的，焗得酥脆 ，內裏的叉燒餡甜甜的， 就是久違了的叉燒酥嘅味道， 真係必吃呀！鹹水角剛剛做起的，脹卜卜，脆卜卜，煙韌軟糯，餡料鹹味道恰到好處，吃時小心燙口啊！！xo醬櫻花蝦腸粉xo醬加櫻花蝦辛辣惹味，腸粉軟滑，加入甜醬油，整體味道都十分好！！玉桃軒蝦餃皇皮薄之餘，餡料爽脆，size巨型，內有兩隻鮮蝦，果然是蝦餃皇！ 流心奶黃包把包分開兩半後後餡料緩緩地流出來，甜度適中，包皮和餡料比例做得很好，不錯！ 山竹牛肉球大大粒的， 彈牙有牛肉味， 粉葛的爽脆增添了口感， 如果腐皮多一些就更好了！ bb乳鴿炸得剛好，肉質軟滑，又香又惹味！點了兩款甜品，分別是椰汁香芒卷和薑汁糕，兩款都好看也好吃！ 薑汁糕夠曬薑，啱曬我， 新鮮熱辣 ，QQ的口感，軟糯香滑。香芒卷內裏包著的是芒果布甸，甜度適中，小女生邊吃邊叫好味！！整體來

觀塘Apm lunch 太多人了，反而隔離鱷魚恤中心吾太多人，整棟都是酒樓之類，算是多左個選擇！我們多數喜歡到6樓玉桃軒，菜式選舉較多，而且食物質素較高，不太多人等位，服務很好👍午市除了點心款式較多，還有細細碟小菜。我最愛炸乳鴿肉質超嫩滑，是我食過最嫩嫩的，每次必點浸菜也喜歡，清凊地，再加埋一大煱鴨𢇁米，真是抵食這份腸粉特別.....脆，餡料是脆脆加上海鮮，很夾呢口水雞超地道，很夠辣，又麻又香👍流沙包更是美味其實點心亦大大件，質素中上，最緊要靜靜地，地方闊落，價錢合理蝦蛟冒住煙上桌，即叫即蒸，贊

今日老闆出曬去開會，忙裏偷閒，慢慢嘆番一盅兩件！平時有同事生日飲茶都係會黎玉桃軒，係鱷魚恤中心6樓近公司之餘，地方仲好大，唔會背對背！點心、小食，有多款選擇，亦有明爐燒味！入紙後大概十分鐘，點心陸續到齊。先來一個口水雞，雞味濃，好滑，酒樓整既雞係滑d既，配上麻辣醬油，辣得過引！蟹子燒賣王、蝦餃王，用上多隻虾製成，重本之作，貴得有道理北菇棉花雞，雞肉滑，魚肚入曬味排骨好香蒜蓉味流沙包爆漿，小心辣口鳳爪好淋，夠入味點心算係有水準既，亦係即叫即蒸，飲茶除咗水滾茶靚，當然要係坐得舒服啦！

下班後同事建議下到了觀塘鱷魚恤中心的玉桃軒酒家晚飯，一直聽說這幢大廈有不少水準不錯的酒家，今晚正好試一試。　甫出電梯，門外地板皆為玫瑰佈置，明顯很適合作為婚宴場地。大大的水晶燈正正高掛Reception 上面，氣派十足。大廳亦以水晶燈作為主要裝飾，光線充足，酒家來說地方寬敞，非常不錯。點菜期間，服務生送上香片茶及欖菜四季豆作前菜，味道不錯，作開胃小菜份量剛好。Ｍenu分套餐及小菜單點，小菜價錢合理，不過套餐起碼４人用以上，如有２人餐就更好了。一輪討論過後，我們點了薑蔥廣島蠔煲，滑蛋炒蝦球及脆皮原隻豬手。先上的是滑蛋炒蝦球，味道不會太濃，蝦球的份量充足，炒蛋乾身了點，未能做到滑蛋效果。蝦球爽口，對於愛蛋及海鮮之人如我，這道菜份量合格。有薑蔥味，以煲仔菜來說夠香口，蠔亦有十數隻，味道濃郁。個人認為選蠔的種類可能選用美國桶蠔或美國桶蠔更適合，雖然美國蠔的價錢較便宜，不像廣島蠔矜貴，但美國蠔全熟後蠔身偏大隻，不會過份縮水。酒家採用較為貴一點的廣島蠔，基於廣島蠔本身體積較細，效果變成份量好像非常少，且全熟後蠔身偏乾，視覺效果可以更好。然後是脆皮原隻豬手，皮脆香口，溫度夠熱，不油膩。同樣視覺效果上

今天三人行, 全女班, 要吃養顏花膠保一保, 妹妹提議去 觀塘鱷魚恤中心的 玉桃軒酒樓, 那裡裝修靚, 環境光猛.酒樓大廳無柱, 坐得又舒服, 水晶吊燈, 甚有氣派, 內部裝潢亮 麗.本月有極品燒鵝, 而京式片皮鴨有優惠, 大家好想食.   餐牌寫住要提前預訂, 侍應話我們來遲了, 當晚已沽清.    下次再食吧.  小食開胃, 熱普洱茶夠香,  大家先飲一杯, 可舒援一天忙碌的工作.看餐牌, 有套餐, 又可單點小菜, 選擇多, 價錢中等.大家决定先點一鍋, 燕窩芙蓉花膠羹 $288.材料正, 入口細滑, 味道好, 燕窩花膠, 滋陰養顏, 份量足, 女仕愛靚, 每人吃兩碗 , 好滿意.小菜點了, 蜜椒薯仔牛柳粒 $138上檯熱辣辣, 夠鑊氣.  牛柳粒炒得香, 牛味濃.  薯仔經過油炸, 再加蜜糖, 味道微甜, 超好食.  青椒爽口.  如果多些牛柳粒便好了. 晚飯孖宝 $318  清蒸海班仔一條, 配 醬油金蒜脆皮香雞 半隻清蒸海班, 時間蒸得岩岩好.  魚肉嫩滑有彈性.  肉質鮮美, 充滿魚味但又不會腥,  配以豉油熟油綻的蔥花, 更香, 更美味. 醬油金蒜脆皮香雞 半隻皮脆肉

除了大時大節，平時怎少機會食中菜，難得我這位移民多年的朋友回港探親，我們幾位舊同學當然要出來聚一聚啦！試問那個地方比起香港酒樓食晚飯更地道呢！？"燕窩芙蓉花膠羹" 一向喜歡靚湯水的我，這個羹真的好滋味，燕窩花膠好足料，濃度剛好，重點是養顏。"蜜汁薯仔牛柳粒" 薯仔表面甜甜蜜蜜有點脆，雖然我不懂煮，但我喜愛吃，我一個人都吃了半碟薯仔粒；牛柳粒也很嫩，無根唔怕咬不倒。"南瓜鮮菌炒帶子" 多菜少肉是這班朋友的習慣，這款好適合我們的口味，南瓜又有益，帶子又大粒又甜。本來好想食片皮鴨，相信太好賣了，已售罄，望住隔離枱在品嘗，太引誘了，下次要早些來，一定要點，嘻嘻~

星期二今天同阿媽去晚飯， 激到一肚氣， 原因如下:1. 等食物足'45分鐘 ~ 只叫了兩餸，'等了30分鐘, 見勢色不對, 問瘦男侍應追單， 先知道 企在門口嘅肥男侍應落錯單, 加多咗一個餸, 还責備我哋寫得唔好, 我反問他，我冇寫， 有什麼寫得唔好？ 瘦男侍應無言而对. 再過十分鐘，再追， 千等萬等，45分鐘才來第一個餸。2. 食物質素差 ~ 叫了班头腩煲, 140蚊, 點知魚有雪藏味，不熱。 茶餐廳斑腩飯比它還好 ！速埋單，永不再幫襯😤😤😤

午市時間1300左右同同事黎食個lunch，食物又幾多選擇喎！茶錢 $9 一位，可以慢慢食慢慢嘆下茶今日都叫左幾款野食，第一款有佢，(大) XO醬櫻花蝦腸 $28.5，都幾特別，因為主要既味道就係腸粉上面既XO醬櫻花蝦，味道都幾濃郁喎！味道好香濃既XO醬櫻花蝦，配係好簡樸好白滑既蔥花腸粉上，加上少許甜豉油，味道唔錯，係幾特別既腸粉(頂) 蝦籽燒賣皇 $37.5，果然係燒賣皇，屬頂點既佢，入面包括大大粒既鮮蝦，配上香濃既麻油味，加上外層黃色既燒賣皮夠有口感，係值呢個價既(頂) 玉桃蝦餃皇 $37.5，有燒賣，又點可以無蝦餃！以酒樓玉桃命名既佢，可以講係點心中既招牌之一，一共有4大粒！將蝦餃咬開，大大粒既新鮮就係入面啦，口感係爽口彈牙，同樣帶有少少麻油味，外層既蝦餃皮就夠薄身，但薄得黎，夾起佢果陣又唔爛開，呢下真係好野！(優) 蒜香蒸排骨 $25.8，雖然佢唔係完全啖啖肉，不過正正連住骨既佢，就非常好味，有濃厚既蒜香味，比起豉椒排骨更好食！(大) 煎醸虎皮椒 $28.5，一共有4大條既佢，真係比起一般坊間酒樓的大條！鍾意食尖椒既朋友就一定要叫啦！因為堅係抵食 (當然早茶，下午茶果d會重抵啦