玉子造屋 (已結業)

[ #蛋控 注意🌪| 旋風蛋包飯🍳]••早幾日朋友既bb一歲生日會🎂Book左觀塘一間party room慶祝🎊都未完，痴身的男朋友已經到左等我，一齊去食晚飯🍴難得去到咁遠，就去左將軍澳一間bookmark左好耐既餐廳🐣⋆ ⋆ ⋆ ⋆ ⋆🔹紅酒汁漢堡飯($75)⭐️6.5/10紅酒汁食落似溝稀左既肉醬咁，有啲肉碎紅蘿蔔粒，蕃茄味多🍅飯粒偏硬，唔知係啲咩米🤔塊漢堡扒較硬又乾，無肉汁，食落好鞋口🙊不過主角—旋風蛋又好得喎👍🏻蛋味濃，亦都好滑，幾好😋▫️蛋可以揀: 醬油流心蛋、半熟玉子蓋飯、和風太陽蛋🍳-🔺呢度都有梳乎厘Pancake($35)🥞蛋味濃郁，有質感，唔係食空氣💨原味配楓糖漿同鮮忌廉係最好既👅反而甜品有驚喜👍🏻-

咖喱豬扒飯就食得多,但配襯嘅滑蛋真係唔可以唔重視。呢到嘅旋風蛋係賣點,係好滑好creamy!至於豬扒方面,係半肥瘦,炸粉較薄,唔係屬於超乳果隻,但豬扒係好食!到鰻魚飯有三食,就咁食/撈埋wasabi紫菜食/茶漬飯咁食。大大件鰻魚,幾厚身,價錢唔貴。最後係女士們最愛嘅sofule pancake ,雪糕唔甜,兩個人食岩岩好,唔洗捱出邊成百幾蚊嘅價錢就食到!最欣賞就係咖喱豬扒飯,真心推介!

將軍澳餐廳選擇有限，呢間應該係少有嘅單頭小店，但老實講，貴得來非常一般。所謂「玉子」，即係蛋，亦即係將現有食譜加蛋，或提供有蛋嘅菜式，毫無特色可言。LUNCH SET最平$58，烏冬加蛋加飲品，仲要加一，比你去丸龜仲要貴。點咗個豬軟骨加雙蛋飯，well，除咗醬汁換成燒汁，呢碗飯同茶記雙蛋午餐肉飯完全冇分別，但就收$77（未計加一）！如果唔係坐低咗一定要order，否則可免則免。要食飯又要平，行過少少去吉野家算數。

山長水遠去了將軍澳吃玉子造屋。自以為住在市區、鬧市中心的我，日日抱怨他住在日出康城。他卻寧願每次搭一小時車出來，又一小時車回家，到底為什麼？自問永遠都不會想通的同時，一星期來了兩次將軍澳找吃的。吃過最出色的玉子蓋飯，是觀塘的在家。只有一碗飯、一碗湯的午餐不便宜，卻非常值得一試，甚至一試再試。見有間新的餐廳以玉子做主題，好奇心驅使我搭足整條觀塘線，再一次證明男朋友不及食物吸引。飯可選配三款蛋，醬油流心蛋、半熟玉子蓋飯或和風太陽蛋。不吃玉子也有鰻魚飯、烏冬等其他選擇。牛蒡醬油漬爽脆，清涼，但汁太多，味亦太重，幾乎蓋過牛蒡本來的味。蕃茄咖喱豬軟骨飯深啡色、帶酸的咖喱幾開胃，內有蕃茄蓉和洋蔥。三大件豬軟骨，肉炆得很腍，件件都有半透明的軟骨，夠爽硬，可以慢慢咀嚼一番。飯很特別，圓潤大粒，加了日式調味粉，有紫菜、芝麻、鰹魚，充滿和風。半熟王子把飯完全蓋著，色澤深黃，濕潤得反光，十分好看。面層入口的確夠濕又滑溜，但蛋味不濃。看上去如此漂亮，吃不到濃郁蛋香那刻，都幾大落差。咖哩吉列豬扒飯暗黃色的日式甜咖喱，甜度適中，比蕃茄咖哩濃稠，伴飯沒那麼濕，內有薯仔粒。吉列豬扒炸得幾鬆脆，豬扒嫩中帶爽，半肥瘦，肉

前2日去將軍澳行完山，就去玉子造屋搵我最愛既蛋包飯～幾個月無梨，服務同食物都比之前好好多～依傢重多左個雙拼蛋包飯～一次過食到2隻唔同既味💓今次我揀左咖哩炸雞x蕃茄牛蛋包飯～我比較鍾意個炸雞，真係超好味～勁嫩滑🤤 櫻花蝦沙律都好好味～味道岩岩好～唔會因爲櫻花蝦而偏咸～粟米波我2次都有食～唔知佢地點整到成個波咁～有d椒鹽同牛油味～值得一試～飲品我揀左蜜桃梳打～味道都好適中，唔會太甜～見到有人食pancake 好似好好食，但果日我太飽喇😭下次要叫小d留返個胃食pancake

由裝修到新開張，好似看到此店由懷孕至出世般，而且抱著期望、期待的心情！2017年年尾，以為會、在聖誕節前開張，但不是⋯最後終於等到開張，但太多人所以仍未有機會去食！今天終於可以一嚐我最喜歡的玉子美食！洋蔥蘑菇汁雞肉飯：看menu時以為只是細細碟及細細粒的雞肉，但竟然份量十足，雞肉又厚又嫩，配上洋蔥蘑菇汁，促進食欲，而且只是$65，十分抵味噌南瓜汁炸🦐飯：賣相和實物一樣，值得一贊是以南瓜汁配炸🦐，顔色很sharp ,一口可以品嚐玉子、有南瓜汁的飯素，感覺很🈵️足！咖哩吉列豬扒：超級厚肉、薄皮的豬扒配上玉子，真的差點吃不下（男子吃可能剛剛好）黑朱古力班戟：原本以為只需要等30分鐘，但由落單至上單，差不多花了50-60分鐘，我覺得真的要改善一下！一來客人不用呆坐等待，另外等位的人客也可以快些有坐位！雖然好食，但由於要等得太久，扣了不少分數！

好耐冇睇過電影， 近期復仇者大熱所以都專誠去Popcorn 戲院拜會一下。 睇戲前梗係要充飢咗先㗎啦， 而家popcorn廣場開咗好多新食肆 這間"玉子造屋 " 新店好想嘗試，今次有機會試一試, 七點零鐘都差不多坐滿了好彩剛剛有一卡位走, 所以不用等可以直接入座。 話明玉子梗係要食雞蛋啦， 餐牌有晚餐雙拼選擇，可選擇配搭不同煮法的雞蛋。 我哋嗌咗兩份，一份是三文魚拼雞肉配流心蛋飯，另外一款豬軟骨拼炸蝦配半生熟蛋包飯。 再加多一個日式豆腐沙律，真係快靚正落單冇幾耐， 好快就有得食，買相非常吸引，份量亦都唔細，最重要就係味道好好味完全符合快靚正的要求， 不用一小時就K.O.了整個晚餐. 如果不是趕住要去睇戲，就一定要食埋佢哋嘅日式班戟因為班戟需時要半小時，即叫即整今次時間太倉卒, 所以下次一定要食返。

香港人愛吃啖啖肉既追捧，生活在忙碌的節奏裏愛吃美味的一餐可盡消除倦容！雖然不少餐廳也會搞搞新意思亦不時開設新店經營，但要炮製專屬自己而設的口味的日式玉子飯餐廳卻不多，雖然雞蛋千變萬化可與製作主打菜餚或小食皆宜配襯但一向深受大小朋友歡迎日本雞蛋粒粒充滿濃烈蛋香嚴選無菌蛋入饌絕有保證！最近將軍澳商場亦加入戰場，以雅緻的風格概念妝點內部空間環境舒服寬敞，可供選擇餐點亦不小價錢親民由價格$75至$88元等就可以嚐到各式各樣的美味喔務求將完美品質、執著堅持信念、細節要求呈現給每位客人讓客人細味覺醒欣賞每道菜令人更有驚喜點選了肥嫩多汁既三文魚口口都帶著淡淡既菠菜清香，烤煮前消融奶油芳香除了吃起來滑嫩之餘流心蛋既咸香流心之外要數最吸睛的隨即就是醬汁既滋味交融著味蕾特別份量豐富配合一起食的確一流！雖側看似罪惡感誰都難以抵擋不了這份匹配之令一款,原汁原味既成吋厚切絕不馬虎，加上廚師細心加上麵包糠來個脆炸肥美肉質分明豬扒未嚐不可半熟蛋半剛熟透吃來香脆而不油、吃肉而不膩咖哩伴飯醒胃水準之作，再來個65%黑朱古力雪糕班戟空氣感軟綿正呀

勞動節放假同屋企人去左將軍澳睇下有咩食！可能太耐無黎將軍澳站個邊 原來將軍澳中心裝修到咁靚 想當年我去親都係衝上去補習lol 唔講咁多廢話 講返啲野食先 本身都鍾意食蛋 所以見佢有唔同蛋既煮法都算幾吸引 嗌左 豬軟骨烏冬 咖哩吉烈豬扒飯 日式叉燒蛋飯 咖哩炸蝦飯 明太子忌廉麵 蟹親子沙律 一杯柚子梳打 同一件pancake ～ 得個兩個咖哩飯有得揀配點樣既玉子 其他麵係default/無 所以一個揀左玉子蓋 一個揀左流心蛋🥚 食物一上枱感覺好靚 整體質素 味道都ok 吉烈豬扒好嫰口不過豬軟骨唔軟 仲真係有骨lol 流心蛋同玉子蓋都係正常平時會食到個啲咁 明太子辣辣地好正 其餘個啲就不過不失 pancake唔及平時食個啲 平時係好似食空氣咁 呢到似食緊蛋蛋糕 略嫌價錢較貴 平啲既話會性價比再高啲（特別係日式叉燒蛋飯 勁似餐蛋飯）！anyway 將軍澳多左好多野食真好！

將軍澳附近開咗一間食蛋料理嘅地方，因為屋企人都係日式料理嘅忠實擁躉，今日就同屋企人去咗下面是一是新嘅餐廳。卡邦尼意粉配上煎蛋，油量適中香蒜味十足再加上煎蛋中的蛋黃汁，香濃味道十足，意粉的軟硬也調較得不錯，有咬口感！另外一款我十分推薦嘅就係咖喱吉列豬扒飯配炒蛋。咖喱吉列豬扒好厚肉，食落去都仲有少少肉汁，份量都唔少，加上吵得半熟嘅炒蛋，加埋咖喱汁簡直就係一流。而我屋企人叫的吉列炸蝦及忌廉菠菜三文魚飯，可以食到兩款唔同的口味。味道真係好出色，炸蝦新鮮滾熱辣，而且炸粉又唔厚，食落鬆脆可口。忌廉菠菜三文魚食落口感creamy ,送飯一流。Pancake 有四款，原味的Pancake 配奶油，pancake 本身非常鬆軟，蛋香味好强烈，送上桌時是熱烘烘的，加上軟滑奶油入口即溶同時蛋香味在口腔中流動，驚喜之作！依家將軍澳啲食物越嚟越貴，而且都難得搵到一間好食嘅，我會推薦玉子造屋，呢一間餐廳都幾啱我屋企人口味。

究竟香港人有幾鐘意食蛋呢？根據非正式嘅調查統計，蛋應該係冇人唔鐘意嘅！男女老幼都鐘意食吖！所以造就到玉子造屋嘅誕生現代化嘅設計，燈光營造出柔和嘅感覺今日嚟到呢度完全都係因為蛋睇吓個menu 好簡潔，有少少無印風真係所有嘅野食都有蛋次次食開呢啲餐廳都驚份量好少，所以點咗一啲小食，最後食物嚟到呢度又覺得足夠喎！卡邦尼意粉 x 溫泉蛋 意粉除咗多咗啲汁之外，味道真係唔錯，蛋黃滲出嚟，食到蛋鮮味煙肉又係蛋嘅好朋友👭菠菜奶油三文魚 x 半熟玉子蓋飯 $88三文魚我只食熟嘅，菠菜同三文魚有莫名其妙嘅夾，互補不足三文魚大條得嚟一啲都唔韌，菠菜奶油汁唔膩，送飯點魚一流！七味炸雞翼 $36雞翼外脆內軟，金黃香口黑松露牛油焗菇 $52菇味十足，真係食得出黑松露、牛油味淨係食主食未夠perfect，如果加埋甜品就正！呢度嘅甜品全部都係班㦸，不過有好多口味選擇！綠茶忌廉。紅豆醬。班㦸 $38#制作需時，大約要等30分鐘如果決定要點，記得提早落order 啊！以呢個價錢嚟講，真係幾值㗎！班㦸好軟亦暖暖地，配上紅豆醬，甜甜哋綠茶忌廉好特別，外面好少有呢款醬每人你一啖我一啖，傾吓計就好快食曬下次想再嚟試吓其他口味宇

將軍澳開左間叫玉子造屋的日式西餐的地方，都幾多人幫襯。同屋企人入左去試下，幾有驚喜。首先上菜的速度好快，而且有卡位，坐得舒服。叫得玉子造屋，蛋的料理當然不少得。有半熟蛋，日式煎蛋和炒蛋選擇。胡麻豆腐沙律唔單止係豆腐同沙律，仲加左左秋葵，幾爽口！食落更加健康。清下腸胃一流。炸雞無乜特別，炸得較乾身，可以唔叫。菠菜奶油三文魚 南瓜汁炸蝦 即叫即炸的大蝦食落脆口，加上調左味的珍珠米，好好食。菠菜奶油好滑，加埋三文魚煎香左，真心讚好。如果唔想食肉咁heavy嘅話，叫呢個就啱啱好啦! d汁唔會太漏！咖喱吉列豬扒飯，如果擔心其他嘢好唔好食嘅話，叫呢個就最穩陣啦。炒蛋好滑身，配上厚身嘅豬扒，每件都啖啖肉，好好食！原味疏乎厘pancake呢個相當有驚喜，估唔到咁好食！原本需時30分鐘嘅疏乎厘pancake ,店員提醒之下所以係叫點菜嘅時候同時叫埋，食晒就啱啱好有得食。疏乎厘pancake雖然只係30幾蚊,但係一啲都唔欺場。因為蛋香味十足，而且加上楓糖漿，甜甜地，空氣感同蛋味平衡得十分之好。整體來講熟食都唔錯，而且好快手！不過最驚喜都係啲甜品。幾乎見到每一台客人食完都叫咗一客pancake ,就可知道呢

係將軍澳住的朋友應該知道，係呢度住係冇可能會餓死，唔講其他，只講將軍澳商場，入面既餐廳，款式已經多到你食唔晒。同親女朋友食飯，總是要我揀餐廳，但係對於我呢d選擇困難症患者，每次都係揸唔定主意，但係今日經過商場地下，發現以蛋為主題既日式餐廳，基於我地對蛋既熱愛，毫不猶豫下就入左去。係內心掙扎下，選擇左玉子漢堡，而女朋友就點左鰻魚飯。玉子漢堡顧名思義以蛋為主調，仲要係流心太陽蛋，加上漢堡不可或缺的大大塊漢堡牛扒，睇見到令人垂涎三尺呀，咬落去蛋漿同漢堡排混合一起，驚喜地咁match呀，食到完全停唔到口呀！鰻魚飯入面好足料，平時出去一舊鰻魚已經好貴，呢個鰻魚飯入面既鰻魚足以滿足你對鰻魚既渴求，抵讚呀！沖繩黑豚腸亦都頗有風味，自家醬料令到腸仔更入味。
原味班戟，咬入去超級鬆軟，感覺到係口入面溶化緊，碟上有忌廉，建議一開始試一口冇加忌廉，再嚟試一口有忌廉的，會有另一番體驗喔！牛蒡醬油漬都好有驚喜，咬落去覺得爽口，醬油好入味，不妨一試！仲叫咗個雞翼小食總括嚟講，以午餐嚟講，好抵食，加上係香港好難搵到間用蛋作主題既餐廳，簡直係抵上加抵呀！

將軍澳中心早年裝修上年開始許多新食肆進駐這次試了玉子造屋店是地舖 一進商場門旁邊就是落地玻璃窗 坐在卡位看出去就是街景 光線很好店裏的餐刀有點可愛 配合裝潢挺文藝範醬油魷魚軟骨（$38）：冷盤小食 雞軟骨吃得多 魷魚軟骨還是第一次 有咬口 不過太鹹 挺適合下酒岩鹽粟米天婦羅（$45）：粟米天婦羅也是新嘗試 外層鹹鹹的 炸得挺脆 裏面的粟米很甜菠菜奶油三文魚X洋蔥蘑菇汁雞肉半熟玉子蓋飯（$88）：雙拼的玉子飯 一次可以試兩款味道 而且蛋的做法也可以選別的（醬油流心蛋或和風太陽蛋）我選的半熟玉子好滑！！！ 蛋味香奶油汁也很配 兩款菜的份量也十分足👍🏻咖喱炸雞飯X蕃茄咖喱豬軟骨玉子蓋飯（$88）：炸雞外脆內嫩 還能保濕水份 不會炸得太硬 豬軟骨很多65%黑朱古力雪糕班㦸（$38）：梳芙里班㦸軟綿綿的 入口即化配上雪糕 一冷一熱 好吃😋黑朱古力因為65%不會太苦 甜度剛好整體來説價錢適中 份量十足味道亦是有質素的入黑前在自然光照射下用餐 很悠閒舒服

同朋友係將軍澳中心商場地下既玉子造屋聚會，menu 有唔少選擇，有蛋為主題既飯，烏冬，小食同甜品等等。炒雜菜$45有洋蔥，紅羅白，菇等等，健康之選。黑松露牛油焗菌$52無論係黑松露定牛油味都十分足，食唔停口呢。菠菜奶油三文魚X 洋蔥蘑菇汁雞肉$88三文魚忌廉好香，加埋洋蔥蘑菇汁既雞肉都幾夾。揀左糖心蛋。抹茶忌廉紅豆Pancake $38抹茶Cream 加紅豆蓉既口感好好，加埋30分鐘即叫即整既pancake，入面蛋白整得好鬆軟。