玉子造屋 (已結業)

一間以雞蛋為主的餐廳，第一次光顧，感覺很新鮮。經過開將軍澳，和朋友唔知食咩好嘅時候，見到這間餐廳，於是膽粗粗地走進去。座位舒服而且光猛。希望食物不會令我失望。 打開餐牌，有很多想嘗試的食物。 我和朋友分別點了咖哩吉烈豬扒飯(半熟玉子蓋飯)，奶油三文魚&南瓜蝦(流心蛋)，岩鹽粟米天婦羅和最後加了一個原味班戟 (楓樹糖漿)。 咖哩吉列豬扒是服務員推介，他說這個比較多人點，所以我也跟隨潮流吧！ 潮流之選首先到達枱上。吉列豬扒大大片，加上咖哩汁和滑溜的雞蛋，我看見雞蛋忍不住已經吃下第一口，原來蛋內的不是白米，有一點點硬硬的似"泥"麥飯！有啲口感~~~雞蛋很滑很香。我要大讚這裏的吉列豬扒，因為很好吃，不是全瘦，有少少肥，但適量，令吉列豬扒的口感增加，香味濃郁。咖哩汁不辣，我認為欠缺少少辣味，加多少少辣味就完美了~~呵呵！ 岩鹽粟米天婦羅，這個很有驚喜，粟米很甜，牛油味很出~~ 感覺是手工食物！好正！！兩個人食剛剛好，一個人就偏多！(因為都大舊) 白汁菠菜忌廉汁。 這個有少少膩感，不過味道比我想像中濃郁，三文魚很好吃煎得好好。 南瓜汁配天婦羅蝦簡直是一

與朋友食飯，很多時候會互相遷就，相約到大家工作地區，今次就選擇到朋友的工作地點將軍澳，朋友提議到這間日式餐廳晚餐，餐廳主要提供沙律，小食，咖喱，甜品等叫得做「玉子造屋」顧名思義就是以玉子做主題，當中客人更可以選擇流心蛋、半熟玉子、太陽蛋等玉子造法自由搭配不同的主食先叫左個前菜 蟹籽親子沙律🥗，將清新的青瓜切成絲增加爽脆度，再加上一粒粒蟹籽，同大大條的蟹柳，口感十足，整體沙律份量算多，略厭沙律醬好似撈得不夠均勻，有部份位有點淡主食方面就分別叫了玉子漢堡同咖喱豚肉湯烏冬，玉子漢堡賣相一流，用長木墊盛著，看似平平無奇既漢堡包，但精粹之處在於塊玉子🍳 蛋黃煎得好靚，色澤呈橙黃，蛋漿豐盈緩緩地流出黎，漢堡有少少乾身，可能就是要配番個蛋汁👀 薯條是我最愛的粗薯條🍟新鮮炸起，所以外皮都好脆同好熱！配的不是茄汁而是沙律醬，感覺更特別同埋點少少在漢堡包上更驚喜🍔日式食物當然離不開咖哩，咖喱豚肉湯烏冬的咖哩味好香濃，其實稱不上叫湯，因為都是咖哩汁，十分濃稠，岩哂我呢類重口味人士🤤烏冬口感煙銀，軟硬適中，好好咬😗～宜家潮流好興食班戟，見到甜品有當然不能錯過，試下士多啤梨班戟🥞 班戟賣相吸引，用簡約的白色碟作

將軍澳中心商場翻新工程第一期完成之後, 進駐左好多間好吸引嘅新食店, 今日趁好鍾意食pancake嘅老婆表妹過黎探老婆, 我地一行三人去呢間係商場地下嘅玉子造屋食返餐。😁餐廳裝修走和風路線, 以木色為主, 整體裝修與商場新式裝修設計好搭配。座位以2人及4人枱比較多, 大部分都係卡位, 座位寬敞舒適。😙玉子造屋主題係以蛋為食材, 菜式選擇好多, 以玉子造法煮嘅飯分三款: 太陽蛋, 流心蛋同半熟玉子蓋飯, 當中我地覺得半熟玉子蓋飯最吸引。我地三個人點左一客沙律, 一份小食, 兩個飯同一個pancake share食, 應該好夠食。😁胡麻豆腐野菜沙律 $48老婆同表妹都係無菜不歡, 所以每次食日本料理基本上都會點野菜沙律, 呢款野菜沙律混有微酸胡麻醬, 味道清新之餘亦十分醒胃。👍岩鹽粟米天婦羅 $45老婆雖然唔可以食太多熱氣野, 不過佢好鍾意食粟米, 尤其係日本粟米, 比其他粟米更香甜更軟糯, 呢款粟米天婦羅外層香脆, 中間充滿香甜嘅粟米粒, 少少岩鹽味令粟米嘅甜味更加突出, 唔錯。😙咖哩吉列豬扒半熟玉子蓋飯 $78半熟玉子蓋飯賣相好吸引, 在和風調味嘅飯上面蓋上一層蛋味濃郁嘅半熟玉子, 咖

第一次黎到玉子造屋食晚飯，發現呢到都有幾多用蛋做主題既主菜。 咖哩炸雞飯X 蕃茄咖哩豬軟骨$88 蕃茄豬軟骨好入味，炸雞味道唔錯，滑蛋好滑溜，炒飯底加左海台，味道不錯。 岩鹽粟米天蝦羅$45 呢個第一次食，十分特別，冇諗過粟米都做到天蝦羅，咸咸地。 醬油尤魚軟骨$38 呢個係冷盤黎，好香濃既醬油味，口感好好，食唔停口。 最後叫左甜品，係70%朱古力pancake，仲有vanilla 雪糕，即叫即整，口感好好，好香濃的牛油味。

第一次食，叫左紅酒汁漢堡扒+半熟玉子樣子都算唔錯玉子唔算好香滑...無用牛油? 不過健康d都好，只係味道就唔太突出蛋下面既飯加左飯素，係多左d鰹魚味，不過同個紅酒肉汁唔太夾紅酒汁味不過不失，蘿蔔西芹洋蔥好淋好入味漢堡扒都幾難食...好似無調味既純免治牛肉...仲要係瘦肉。好硬，有d乾，好重牛原味（腥）...連黑椒都無加，亦都好淡，所以腥味就好出見到隔離個炸豬排都幾厚，感覺唔錯。唔知係唔係我唔好彩揀左佢地唔好食既野加一之後要$82，雖然晚餐黎講唔算貴...但唔太抵。可以畀多次機會，下次可能揀其他試下

同朋友敘舊，去左附近既玉子造屋，叫左蟹子沙律，咖喱豚玉湯烏冬，玉子漢堡，甜品就係士多啤梨班戟～沙律份量好多，抵食，健康～～～Burger 好juicy, 大大塊芝士同蛋❤️ 仲有厚切牛肉咖哩烏冬醬汁好入味，烏冬好滑，一流👍🏽 $75黎講很不錯了～ 豚肉都好吸引，肥得岩岩好，有5，6塊兩個女人又點少得食返個甜品做結尾～ 士多啤梨醬酸酸甜甜，pancake 鬆軟，撈埋cream 食夠晒match如果有埋雪糕就好了～

之前係FB D廣告已經見到呢間野，想食左好耐，覺得佢個蛋應該會超好味。佢一共有6款SET，揀左其中一個之後就可以揀蛋既煮法，有3款味玉醬油流心蛋，半熟玉子蓋飯，和風太陽蛋。黎得一定係試半熟玉子蓋飯!!!!!我地5個都叫左半熟玉子蓋飯!!半熟玉子蓋飯一件足足有3隻雞蛋份量!! 個蛋覆蓋係飯上面，蛋汁均勻包住D飯粒，個蛋係扭紋狀，半熟程度，入口好香滑，我地估佢應該加左牛奶同埋牛油，如果唔係冇可能咁滑。餐廳講明用，日本無菌蛋，特別富蛋香，好岩做唔同既玉子。味噌南瓜汁炸蝦飯 $75炸蝦有4大隻，個皮都算酥，最特別係個南瓜汁，帶小小甜味。紅酒汁漢堡飯 $ 75朋友話個漢堡好麻麻，2個朋友都食剩左一半，唔係好掂。但係個紅酒汁就比較特別，酒香十足，同個半熟玉子都算配搭。咖喱吉列豬扒飯 $78睇黎我叫既呢個咖喱吉列豬扒飯係最好味!! 吉列豬扒勁大舊!! 厚切!! 件件都成吋厚!! 豬扒炸到金黃色，個外皮又香脆，肉身有肉汁，肥瘦夾雜!!WELL DONE!!再講返個半熟玉子蓋飯入面D飯唔係就咁白飯，佢加左啲飯素係入面，令成個飯既味道生色不少，可惜飯有點兒硬身同埋唔夠熱，如果可以改善下一定超好味。

朋友回港，住將軍澳區酒店， 安頓之後已經成2點， 餓都飛起， 幸好繁忙時間已過， 容易搵位，找了這間玉子造屋。 光亮簡潔， 有種陽光感覺。餐牌咁平，唔似係將軍澳區價錢，驚唔夠食，除了套餐，還叫了幾款小食牛蒡醬油漬日本醬油浸泡牛蒡，切成小段，爽口好味，唔會太鹹七味炸雞翼個樣好乾，但入口完全唔覺， 皮脆肉煙靭微辣 tasty黑豚肉腸洋蔥吸收了醬汁味，味道鮮甜， 豚肉腸似中國臘腸+香腸， 帶小許肥， 滑溜滑溜 鰻魚飯 鰻魚燒至焦啡色，加隻流心溫泉蛋，賣相出色， 日本米飯配上鰻魚汁、芝麻、紫菜碎，好好食呀，全部食清光玉子漢堡日式漢堡少食，份量超大，有5-6 寸高， 餡料有半生熟溫泉蛋、 超厚漢堡牛扒、芝士、蕃茄、生菜，明太子醬，抵食又好味，兩個越食越開心士多啤梨班戟顏色鮮豔， 士多啤梨醬微甜帶酸， 班戟即叫即造， 鬆鬆軟軟入口溶化 蜜味班戟班戟塗上蜂蜜，另一種口感，有種滋潤感覺。最後餐茶熱咖啡，芒果凍茶，已經十成飽了

朋友超like食蛋將軍澳新開左間以蛋為主題嘅日式餐廳估唔到有班㦸食甜品雖然係擺到最後先食不過我想介紹左先因為實在太吸引啦最貴都只係＄3865%黑朱古力雪糕班㦸 ＄38空氣感唔算太重好鍾意呢一隻口感唔會一陣風咁無左但又唔會太實剛剛好係我最愛嘅鬆軟程度雪糕好滑鰻魚丼＄95鰻魚油脂豐富咬落又香又滑加埋啲飯相當好食 小食叫咗牛蒡醬油漬＄12同埋日本番薯粒$35 牛蒡相當開胃日本番薯仔炸過食落好香面頭帶微脆熱咖啡☕️胡麻豆腐野菜沙律＄48 沙律菜相當新鮮有秋葵同豆腐感覺相當健康配埋芝麻醬味道一流半熟玉子蓋飯有三文魚同雞肉crossover配左兩隻醬汁一次過可以試曬兩款口味菠菜奶油三文魚d魚煎得好香😋波菜汁好香滑洋蔥蘑菇汁雞肉好入味配一杯是日冰茶（冰茶係菠蘿味）飲落帶微微酸味冰冰地解渴又去膩打開半熟蛋入面個飯好香加左芝麻同紫菜炒過來個飯超好食整體感覺唔錯食物相當有心機整

第一次食呢間我同男人分別叫左流心蛋咖哩豬扒飯同咖哩炸雞併豬軟骨飯流心蛋同咖哩都正常飯好特別，好香甜品也不錯喔pancake 好香，雲呢拿雪糕有雲呢拿籽，好味，估計應該係某大牌子的雪糕，甜品抵食本身諗住下次再嚟食，點知埋單比錢時……好激氣總共連加一係$224, 我地比左$230，等左10分鐘，waiter都冇諗住找錢，講真，做下樣都要扮下找錢比我地呀！ 點知拎都唔拎出嚟，要問至識得找錢，找錢仲要勁悔氣，呢間餐廳值唔值得我比10% service charge 呢，早知一早比咭，一毫子tip都唔比所以嚟呢間食嘢記得比咭，如果唔係人地以為你咁大方，唔洗找錢。

從來都未試過寫食評 但係今次真係真係太難食 叫個吉列炸豬排飯 係呀舊舊豬排都好大份 但係得1/4係肉 其他全部都係肥膏 跟住隔離仲要有烏蠅飛黎飛去 收人$90一碟 呢d野真係試一次夠 真係請我都唔想食 冇下次

響將軍澳站B1出口右邊過對面馬路，就已經見到商場入口，但千萬唔好入衣個入口，唔係就唔知兜左去邊，要一直沿住商場邊前行就見到！衣度西式意粉、日式湯烏冬都有，但主打當然係蛋包飯啦有唔同款式既蛋飯我揀左最吸精既半熟玉子蓋飯造法咖喱吉列豬扒飯 $78賣相同圖片一樣咁吸精，最靚係個蛋個捲捲法，是我無知原來d飯係收埋左響蛋裡面！咖哩係日式咖哩，所以唔辣！唔食辣既朋友就唔怕啦！另外要LIKE既厚切豬扒見佢咁巨形已經覺得好足料，咬落去一d都唔靱，跟一般的口感有分別，衣個係我幾驚喜的！推介推介另外家人叫左特盛鰻魚丼三食 $95初頭都覺鰻魚飯都唔平，但見到原來都幾有睇頭，賣相十分之好當然食落都唔錯，另外三食：托盤有壺茶，可裝少量飯倒入茶進食、亦可加入紫菜.蔥花.wasabi混入飯食、再普通d就咁食雖然唔係咩咁特別，不過都可搞搞新意思啦！味玉醬油流心蛋造法的味噌南瓜汁炸蝦飯 $75炸蝦口感不錯，肉質新鮮，唔會’梅梅’的(左) 白桃水果茶 $38, (右) 菠蘿梳打 $28水果茶貌似檸茶，裡含好多生果粒，味道濃郁，都係不錯既選擇衣度既食物圖片吸引，真實賣相更吸引，真係絕對會食得更開心

經過被名字吸引，假日午餐時間也不算多人，唔駛等就可以坐下用餐🍴一番餐牌，有牛雞魚又麵有飯，presentation都幾靚。主題的玉子有三種上法，半熟蛋、溏心蛋和旋風炒蛋，令人十分期待！點了白汁三文魚拼洋蔥汁雞肉。個汁十分美味，主菜也高質，驚喜的是裡面的飯不是白飯，是紫菜炒飯！另外的紅酒汁漢堡扒的肉汁豐富，但肉太實，嚼到牙有點酸白蘿蔔蟹子沙律和蘇打水就麻麻地啦⋯⋯可以encore！下次試下甜品🥞先

跟我妹撐枱腳去吃飯來了這家以雞蛋🥚為主題的餐廳🐣先吃小吃🥚七味炸雞翼 雞翼炸至金黄色香脆肉嫩也不會很油膩🥚黑松露牛油焗菌主菜是 🥚咖哩炸雞X蕃茄咖哩豬軟骨飯X半熟玉子聽說是期間限定的最適合選擇困難症的人有兩款菜可以選, 連要什麼蛋都可以選我們選的是半熟玉子蛋的形狀好像玫瑰花好美, 半熟玉子很香滑咖哩醬很惹味，豬軟骨香軟而且飯裡加了飛木魚和紫菜碎等飲料點了 🍑白桃水果茶 和 🍍菠蘿水果茶不會太甜很清新裡面還有果肉最後甜點點了 🥞原味班戟 和 🍫65%黑朱古力雪糕班戟作為甜點控的我們一人完成了一份班戟軟軟的好好吃又划算一份才$38 (原味的才$35)而且位置很舒服很好坐靠窗的位置有街景可以看🍙玉子造屋 🍙地址：將軍澳唐德街9號將軍澳中心地下B03C號舖（將軍澳站 B1 出口步行5分鐘）

在將軍澳下班的，帶點倦，找了一個角落休息，休息過後則餓了，不太熟識將軍澳，唯有四出走走看。被商場的裝飾吸引而停下，同時也看到這個店子，與商場也頗為配合。看看，原來是日式咖喱，很久也沒吃過了，所以選擇這此晚飯才回去。燈光與座位非常配合，帶出舒適的感覺，職員送上清水，也很別緻。看看餐牌，有多種選擇，除了主食日式咖喱，也有小食及甜品。店員告知，原來還可以同時選擇兩種口味，不只一個口味這樣單調。我選擇了咖喱炸雞飯拼蕃茄咖喱豬軟骨，飯則選了半熟玉子蓋飯，飲品選了白桃水果茶，甜品則要65%黑朱古力‧雪糕班戟。平時我並不多吃蕃茄煮成的食物，既是兩種口味，希望也不會太差。白桃水果茶先送上，比見過的果茶稍為深色，有些果肉在內，感覺新鮮。入口白桃味香，茶味不濃，甜味剛好配合果茶香，粒粒果肉，更覺清爽。不久後，咖喱飯送上，放在枱上已經陣陣日式咖喱香，令人增加食慾。黃黃的半熟玉子在中央，兩旁是兩種不同味道的咖喱。炸雞咖哩香，帶微辣，點提作用，有提神的感覺。蕃茄的甜酸，去除肉鮮味及肥膩感，令肉更香更濃，蕃茄咖哩汁帶甜帶酸，醒胃，令人再增加食慾。蛋香濃郁蛋味，香軟嫩滑，入口有如飲品一般順喉，半熟的風味就是這個口感